فزعتكم ياأهل النشامة

السلام عليكم ورحمة الله وبركاته
كيف حالكم خواتي ان شاء الله بخير
الشهر الجاي (صفر)بتاريخ 20 حفل زواج خالي (آخر العنقود)
وأنا وعدته ان في زواجه لازم أصير أجمل واحلى وحدة في الحفل طبعا بعد العروس
بس لحد هلا ماشريت لي الفستان ولا القماش ومادري شنو اللون اللي اشتري او الموديل كيف يكون
وانا نفسي أطلع بستايل جديد غير عن المعتادة عليه لأن دائما فساتيني ناعمة كلها من دون اكمام(كت) وحركة بسيطة..هالمرة ودي اطلع بشئ مختلف بالمرة
صديقاتي وهلي يقولون لي الان دارج الزي الغجري يعني يكون الفستان والمكياج والتسريحة كله على بعضه غجري.. ولحد الان ماقتنعت بالفكرة
انتوا شنو رايكم؟؟؟
واذا عندكم صور وأشياء تفيدني الله يخليكم لاتبخلون بها علي
للمعلومية: أنا عمري 17 ونص يعني اذا عندكم خبرة ياليت تكون مناسبة لسني
ومشكورين مقدماً
تحياتي للجميع