فزعتكم يالذويقات ومحبات التصاميم

بسم الله
السلام عليكم يا احلى فراشات
انا ان شاء الله بنتقل لبيت
ومحتاجه مشورتكم في عدة امور
اولها ناويه اظرب بويه لكن محتاره بالالوان لغرفتي وش رايكم ؟
خصوصا اني ناويه اشتري غرفه غامقه نفسي بلون غامق
اما اسود او بني محروق او ليلكي غامق اذا مره مره داخل فضي
ومجلس الحريم مشتهيه يكون اورنج بس وش اضرب لون بويه
والصاله على المقلط مفتوح على بعض ناويه الوانها موف على رصاصي فاتح وش رايكم ؟
غرفة عيالي ناويه تكون تفاحي بليموني ومحتاره
والمطبخ اه يالمطبخ قال لنا المحل الموديل الحين يكون لونين وشفت صور بالنت اعجبني مره اسود بفضي
وفيه عند المحل شفت رصاصي باصفر لكن حسيت اني راح امل منه بسرعه
وش رايكم اللون بيكون حلو على الطبيعه ولا الصور معطيه غير
ولو صار اسود برصاصي رايكم يمشي
ووش افضل محل مطابخ يزبط لي حركات وافكار واسعاره معقوله
انا مره متذبذبه اشيرو علي باي شي يطري على بالكم
اي تذكرت فيه محلات حلوه تنصحوني فيها غرف نوم ابيها تكون راايقه ومو من الكبار الثقيله
اي وبعد بسألكم انا باب الغرفه يطلع على موزع صغير يعني مترين يمكن
المهم وش احط فيه هذا مابيه يكون فاضي
وهو مدخل على الغرفه وجمبه مدخل على دورة المياه وانتم بكرامه
ونفس الشي مدخل دورة المياه فيه مسافه بعدين الدوره
المكانين هذول
مفكره اللي عند دورة المياه الله يعزكم اخليه للملابس الوسخات بس مدرري تزبط ولا لا
اما اللي بالمدخل على طول
مادري وش اسوي فيه ابي فكره حلوه ولا عليكم امر
ادري طولن عليكم وكثرت الاسئله ما انعطى وجه
بس وش اسوي ذوقكم يعجبني
يالله فمان الله وحفظه بس لاتتاخرون علي مره مستعجله << طراره وتتشرط