فزعتكم يالفراشات

والله مادري اختي وان شا الله البنات مابيقصرون معاج
بس انا اقولج شي ينب الشعر جربته وانتي برايج ،،
تحطين زيت النخاع وتخلطينه ويا شوية حنه (( شوي موب وايد )) عسب مايعطي لون
وتحطينه بالليل عفروة راسج بس مب الشعركله انا قلت الفروة !!
وعقبها اليوم الثاني تغسلينه يوم تقومين من رقادج واتمين على هالخلطة الين تحسين شعرج بدا يرد
انا استخدمته اسبوع كامل يوم ورا لثاني وحسيت انه في فرق والحين رديت اسويه بس مب كل يوم
وان شا الله اكون افدتج اختي ..

تسلمين الغلا على ردج وعلى الفكره بس مشكلتي اني صابغه شعري من فتره بعدني ماكملت سنه فما اقدر احط حنه اخاف بصراحه <<< باقي شهرين وبكمل سنه ^________^

لا ياعمري مابيأثر ان شا الله لانج تحطين عالفروة مب على الشعر نفسه وصدقيني ان حطيتيه ويا زيت النخاع مابيعطي لون الحنا أبد عن تجربة شخصية ،،، أمي سوته واهيا صابغة بالمرة ماأثر عالصبغة
وانا قلت لج انتي برايج اللي يريحج سويه ..
وان ماعيبتج ليش ماتشترين زيت الحشيش يقولون ينبت الشعر وايد ،، وانا طلبت منه الصراحه
والسموحه اختي ..

تسلمين الغاليه مره ثانيه وان شاء الله بنجربها وبنشوف يمكن تطلع نتيجه ترضيني وتريحني ويا رب

الله يوفقج يارب ويسهل عليج