فزعتكم يا بنات السعوديه

حبيبتي يوجد في قسم المشروبات عدة انواع اختاري يلي يعجبك

غاليتي..كل منطقه عندنا لها قهوه تشتهر فيها
انا راح اقولك قهوة اهل نجد
..................
تقريبا كاسين ماء مغلي مع فنجال من القهوة العربيه (الحمسه وسط لا بيضاء نيه ولا غامقه)
وبعدين خليها تغلي 7دقايق تقريبا...وبعدين قصري عليها شوي لمدة 10 دقايق الى ربع ساعه
وبعدين ضيفي لها كاسين ماء مغليه ثانيه وخليها تقلب مره وحده بس
وبعدين حطي ملعقه صغيره هيل مطحون وشوي زعفران وعويدي(مسمار)<<وهاذي كلها على حسب الرغبه
في الدله وصبي عليها القهوه..
وفيه ناس يحطون شوي حليب سايل علشان يفتحها....او مستكه
وبالعافيه.....

هلابك والله حبيبتي
قهوتنا إحنا مثل ماقالت لك الأخت القصيميه
اللهم إحنا نختلف عنها أنا مانحط الكاسين حقت المويه الأخيره
وبعض الأحيان نحط في الدله زنجبيل مطحون وبعض الناس يحطون النونخه
والزعفران إحنا نحطه يطبخ مع القهوه

فعلا حبيبتي قهوتنا العربيه غير............خصوصا في رمضان ماتحلى القعده بعد الفطور الابالقهوه والحلى
طريقة قهوتي
ما تختلف كثير عن الاخوات تحطي تقريبا 3 كاسات مويه مغلي وتقريبا 4او5ملاعق بن نص حمسه انا استعمل ((هرري))افضل الانواع0
تتركيها تغلى تقريبا ربع ساعه ............تضيفي القرفه 3 اعواد .........زنجبيل يفضل الطازج واذا مطحون يؤدي الغرض.............. يمكن تضيفي 3او4اعواد زر ((عويدي )).تتركيها تغلي تقريبا من 5 الى10 دقايق....................تحطي في دلة التقديم هيل مجروش مو مطحون وزعفران وتصبي القهوه تتركيه لمدة 10 دقايق عشان لون الزعفران وطعمه يبين .وتقدميها
.........................جربيها ترى والله كثير يسالوني عن طريقة قهوتي لانها بصراحه تكيف..................صحتيين مقدما وقولي لي ايش صار معاك......................تحياتي لكل اهل البحرين

اختى القهوه السعوديه من شروطهاانها تغلى بمده لاتقل عن ثلث ساعه
بالنسبه لطريقتي والكل يسالني عنها احط الهيل المطحون في الدله ملعقه هيل وزعفران
وبعد ماتغلى ثلث ساعه اصبها في الدله واضيف لها حليب بوني السائل ملعقه صغيره جربيها
وان شاء الله تعجبك

انشالله باقي البنات يفيدونك

انا طريقتي زي طريقة حلا الدنيا بالضبط
بس احيا احط كوفي ميت بدال الحليب السائل
ولا تكثرين ملعقة شاي صغيره
والله تطلع تهبل ماتصدقين روعه