فزعتكم يا خبيرات المكياج وكل الي تمر تدخل هنا ابغى اشتري مكياج ومحتارة

أنا استخدم مكياج سوفت كلر تحصلينه بالزمزمي00من كريم اساسه الى كل شي تبينه00يهبل روعه ماراح تندمي
وفي الشدوهات انا انوّع 00يعني كل شي حلو آخذه00واثر شي عجبني شدوهات كرستيان ديور روعه وثابته00
وارواجه اللي بقلوسات تهبل بعد
واذا عالكحل يالغلا استخدم كحل وجوه يهبل سواء من ناحية السواد او من ناحية الثبات 0اتمنى اكون افدتك00
دعواتك

انا يعجبني الشدو من شانيل ومن ديور

بالنسبة للشدوو
جربي نوبا وماك وميك اب فوور ايفرر هذولي الماركات توب بالظل والشدو
بالنسبة للكحل جربي ريفلوون فيه منه القلم والسايل حلو مررة
وبالنسبة للجلوسات والارواج فيه شانيل وميك اب فور ايفر وماك ذولي بعد تووب في الارواج
وفيه لمعات للظل تلقينها عند ميك اب فور ايفر تجنن زي حب السكرر تجيك ذهبي وفضي
وبالتوفيق

الف الف الف شكر..
الله يسعدكم دائماً.......
سارة

هلا حبيبتي انا كتبت لوحده من البنات كل شئ بالتفصيل باسوي لك نسخه منع لاني تعبت من الكتابه
(هلا والله وغلا باساعدك باللي اعرفه كل شئ مجربته بنفسي او امي مجربته
اول شئ البيس قبل الاساس فيه كريم ابيض او وردي عند ايف سالوران علبته مربعه تحطينه بعد ما تغسلين وجهك يخلي الاساس متساوي على الوجه ويثبت فتره اطول.
الاساس فيه عند ديور اساس مخملي روعه على البشره باكتب لك كل اللي مكتوب مدري اي اسم بيفيدك
(fond de teint
longue tenue
fini mat naturel
long-lasting
natural matte makeup
oil-free/non gras)
طبعا الاويل فري للبشره الدهنيه
بعدين نجي للبودره المضغوطه جربت كلينك مش بطاله او من كلارنس حلوه بعد للبشره الحساسه
او السائبه كلاسيك اللي موجوده عند وول ورث او ماركس سبنسر بس
انا وامي الحين نستخدم ماركه فرنسيه نشتريها من عند خبيرة تجميل مو موجوده بالسوق اسمها ماريا جلاند ابحثي عنها بالنت لو لقيتيها
لانها جدا رائعه الاساس و البودره اهي غاليه و علبها صغيره يعني ما تكفي فترات طويله و بالذات انتي عروس فتستهلكين كثير عشان كذا انصحك بديور.
الكونسيلر من لانكوم يجي 3 درجات تحطيم منه عند الذقن وعلى جانبين الانف
او من كلارنس يجي طرف اخضر وطرف بيج حلو مره
نجي للعيون
اساس للعيون من سان لوران مثل القلم حلو يخفي سواد العيون مثل الكونسيلر
الشدو انا ما اعرف العلب الكبيره اللي فيها الوان كثيره الا حقت مكياجي اللي تجي دوائر و بعدين كل دائره فيها 3 الوان هذي حلوه وتثبت فتره مش بطاله
اما بتشترين الوان متفرقه خذي من نونبوا اللي عند مكياجي خذي من عندهم الاحمر روعه يسير على العيون
و خذي الابيض اللماع استخدميه مثل البودره المضيئه ترى مره حلو ينحط على عظم الخد
وعند شوسيدو و ديور وجفينشي فيه مجموعات حلوة
الحواجب لا تاخذين قلم خذي من عند شوسيدوا مثل البودرة معها فرشه تحددين فيها الحواجب تطلع طبيعيه اكثر من القلم واسهل في الاستخدام تتحكمين بالكميات اكثر من القلم
او اذا تبين ارخص خذي اللي عند بودي شوب نفس الشئ علبه يجي فيها درجتين (بني فاتح و بني غامق )او(بني غامق واسود)اختاري على حسب لون شعرك
كحل داخل العين من مكياجي او من ماركس سبنسراو ميك اب فور ايفر افضل ماركس سبنسر
الايلينر السائل طبعا لانكوم بدون منافس واذا مثلي ما تعرفين ترسمين الايلينر خذي الارت لاينر من لانكوم بعد ريشته اقسى فالتحكم بها اسهل
كحل ملون للعين تحطينه اسرع و اسهل ببيتك والا طلعه خفيفه والا تدمجينه بالشدو لازم تاخذين لك كم لون من عند مكياجي و بودي شوب
الماسكارا هلينا حلوه امي تستخدمها وكل خبراء التجميل ينصحون فيها بس انا تعجبني لوريال تكثف و تطول بشكل رهيب
نجي للحمره انا ما نفع معاي الا حمرة نونبوا للاورانج و ريد ايرث للوردي
طفشتي داريه بس قربنا نخلص
الشفايف الداهيه احلى شئ عندي
المحددات من مكياجي مره حلوه ومن البودي شوب ولا تشترين روج بدون المحدد معه علطول والا تتوهقين وتعجبني والارواج من مكياجي اللي لون علبتها فضي حلوه وفيها لمعه تجنن
وقلوسات برجوا خياليه تخلي الشفايف روعه و ريد ايرث حلوة ارواجه بعد و قلوسات بودي شوب ولب بلام من بودي شوب بعد حلو وطبعا الماركات العالميه معروف بتاخذين منها اكيد
(البني و البيج و الاحمر و الوردي)طبعا كل شئ له درجات
ذكرت البيج خذي من شوسيدو حلو مره
وبعد يمدحون نيفيا بس ترى ما جربته
اللمسه الاخيره للماكياج
البودره اللماعه من بودي شوب اللي تجي مثل القلم تحت البودره وفوقها الريشه تضغطين وتطلع البودره
و فيه شئ من كلارنس مثل الكريم امي تستخدمه بس انا احوس مكياجي لو احطه
يالله تعبت من الكتابه قولو الله يعطيك العافيه
اذا ذكرت شئ بعد كتبته (قولي خير وش باقي بعد)
بس ابي منك تدعين لي الله يفرج همي ويسير اموري ويسخر لي منهو اقوى مني يارب واي دعوه حلوه منك
(انا مخطوبه ادعيلي )
مبروك والله يوفقك ان شاء الله دنيا واخره
ويارب اكون افدتك)
ان شاء الله تستفيدين منه
وتدعين لي
واي شئ انا بالخدمه

الف الف الف الف شكر يا حبوبة ولا تقصري والله يجزاكي الخير والعافية يارب...
لاهنتي والله ............
الحمدلله اشتريت وخلصت ,,,
والحمدلله...
سارة