فضفضة

ادعي ربك وصدقيني خيره
وامك قلقانه عليك وصدقيني نفس امي
ومانقول غير الله يسترنا بستره

حبييبتي ما حدا ياخد غير نصييبه الله يجيبلك الي فية الخير

ياعمري والله أنا أكبر منك بواجد وما تزوجت ومافيه أحد بعايلتنا كبري إلا متزوجه
لا حتى اللي أصغر مني بواجد متزوجين , هذا ياعمري قسمه ونصيب .
وإذا على كلام الأهل ياما سمعنا وحزنا بعدين مشيناها .

عادي ياقلبي كلنا اكبر منك ووحيده امي وامنيتها تشووفني عروس وكل بناات خالاتي بسني واصغر واعرسو
والحمدلله اكيد خيرة لي اكي
ربي مايبي لي الخير ولاتفكررين واستغفري ربك كثير وادعي ربي يووفقك ويسعدك ياارب

سبحان الله.. حالتي نفس حالتك..
وخصوصا من ناحية كلام الام.. توها امي قاطه علي كلام يجرح بسبة
الزواج.. وان محد يبيني.. يالله الله كريم ويهدي لنا امهاتنا.. ونتزوج عن قريب..
اللهم امين..

أولا حلو واحد يفضفض علشان يرتاح وبعدين أنا أكبر منك بكثير وماتزوجت وش باليد حيله موبيدنا وش نسوي
ثانيا ماتدرين نصيبك وين وفين والخيره
وربي بيكتبه بيصير وربي ماينسى عبده
عليك بكثرة الصدقه والأستغفار وقراءة سورة بقره وكثري الدعاء
ربي يرزقنا جميعا بزوج الصالح عاجل غير أجل وفرحنا وأسعدنا

السلام عليكم ورحمه الله وبركاته
انتي شرات مأساتي...
انا عمري 22
ادري اني صغيرة وممكن وايد يقولون ليش مستعيله...
بس العمر يركض ولو دعينا ربنا عشان هالموضوع مش عيب وما راح نخسر شي ,,, ترى يمكن ننخطب لاي واحد والسلام بس لما تدعي ربك بالزوج الصالح رح يرزقك بالصالح باذنه في فرق صح...........
وانا والله العظيم اني جميلة لدرجه ملفته والناس تتكلم عني بالشغل وفي كل مكان امشي فيه والله اني ما ابالغ ...يت فترة كنت حديث الموسم هيهيهيهي ... انا بطبعي هاديه وكنت في حالي فلما اشتغلت وطلعت للناس عرفوني وتفاجؤؤ بي لدرجه انهم ايوون بيتنا ويقولون لامي وابوي من وين لك هالبنت اول مرة نعرف ان عندك بنت جذي!!! اخلاق شو هدوء شو حياء شو جمال شو...انا قلت اكيد رح انخطب بعد ماشفت انبهار الناس بي حيث اني كنت معزولة ماططلع ولا احد يجوفني وبقيه الاقارب بعيدين عننا وعيلتي الوحيده اللي عايشة بهالمدينه ...والله من اول ماشتغلت 3 تقدمولي ...........1 ريال جامعي متزوج وعنده بنات قدي عن طريق الدوام والله اني انحبطت لما خطبني.......2.الثاني ابن جيرانا اللي اعتبره مثل اخويه اللي عمري ماتخيلته زوجي يصغرني بشهوربصراحة مب متقبله موضوع وايد اهلي ماوافقو وانا ماكنت متحمسه وايد وللحين يبييني....3 اخو ربيعتي خطبني ومثل ماعرفت اعجب فيني من اول نظره على قولتهم بس عرفت ان امه مب موافقه علي والسبب لان طليقها اللي اهوا ابوه يباني لولده واهيا عناد في طليقها بسب المشاكل اللي بينهم ماتباني وهذا اهو السبب اللي قهرني قهر واللي قهرني قهر ان بدا الخبر الناس تعرف فيه برا....صليت استخارة مع اني كرهت الموضوع لان كرامتي مب سامحتلي اوافق بس قلت يمكن الولد زين وصليت وفجأة لقيت عمري مب موافقه ورديت عليهم وانا ماكنت بصراحه مقتنعه وايد بالولد بس اللي خلاني اتقبل الموضوع قبل اعرف رده فعل امه انه شاريني....
والله يا بنات احيانا احس بعدم ثقه اقول ياربي انا يمدحوني من جميع النواحي بس ليش مانخطبت لواحد عدل للحينه...
معقوله كومه هالناس اللي تعاملت وياهم ماحبوني ,مادخلت خاطرهم ...احيانا اقول نظرتهم للي تشتغل تكون غير يعني مايتقبلون البنت اللي تشتغل بعدين ارجع ارد على نفسي اقول بس في بنات وايد تزوجو عن طريق الشغل واولهم زوجه اخوي
اعرف ان نصيب وكله مكتوب بس الواحد ييأس احيانا بس انا رح اتغلب على الياس وراح اخذ احسن واحد في الامارات اصلحهم واجملهم واشيكهم ههه قولو امين كله بالدعاء والتقرب الى الله بجميع الوسائل
ويارب يابنت ابوي الله يرزقج بالزوج الصالح يارب
جفتي مب انتي لوحدج تعانين الكل وانا اول مثال لج
يعني لو بقولج ان الجمال الخارجي مب كل شي ممكن صح بس اذا تملكين الاثنين(الخارجي+الداخلي) شو اللي يمنع انج تنخطبين!!!! هاللي يحير والله ...الله يفرج همنا ويرزقنا يارب
والله لا يجيب ياس ولا احباط يارب ويخلينا متفائلين شرات الرسول عليه الصلاة السلام

والله انا اعاني من نفس المشكله
لكن نمشي حياتنا زي مالناس عايشه
شووفي لك شي تشغلين نفسك فيه وتنبسطين فيه
والله يرزقني ويرزقك يارب

الله يرزق بالزوج الصالح و يكتبلك الخير و كل بنات المسلمين
يا قلبي انا عمري 33 ولا احد فكر مجرد تفكير يخطبني وسمعت كثير من الكلام الجارح و كانت نفسيتي مره تعبانه خاصة ان اختي اصغر مني بتتزوج بس يا قلبي ارتاحت نفسيتي بعد القرب من الله تعالى و الصلاة آخر الليل و الدعاء وصار الأمر عندي عادي لو لي خير في الزوج الصالح في هذه الدنيا راح اخذه كل شيء مقدر و مكتوب
عليك بالدعاء و كثرة الأستغفار و قراة سورة البقرة و الله والله والله راح ترتاح نفسيتك حتتى امك راح ترتاح ادعي لنفسك ولكل البنات وراح تشعرين بسعاده غريبه سبحان الله ولا تنسين الرقية الشرعية ارقي نفسك كل يوم و حافظي على الوضوء و الطهارة في كل وقت و الصدقة لو بريال