فضفضه

الله يسعدك
كل زميلاتي مثلك يقلولي يا بختك تنامين على كيفك و تأكلين و تشربين و تخرجين على كيفك و تلبسين
بعضهم كرهوني في الزواج
و البعض والله العكس تقلي مره حلو و استقرار
يعني الناس تختلف
اختي كل شيء فيه الزين و الشين
و انتي خذي منه الوجه الزين الحسن
اطفال مسئوليه زوج حنون حموله وهل زوج يحبونك و اخوات زوجك مثل اخواتك
وبيت انتي فيه الملكه
وشغاله طول اليوم طاخ طيخ معها ههه
سنة الحياة حلوه خاصه لو سخرنها في طاعة الرحمن

اختي بسالج سؤال
شو احسن بالنسبه لج تتسترين حتى لو كان ريلج يسوي مشاكل محد كامل
ولا انتي كامله الكمال لله
تتزوجين ولا تمين طول حياتج بلا زوج وتفكرين عقب تتجهين لطريق المكالمات والحرام
شو رايج تتزوجين وتجيبين عيال يقولولج يما امي ماما
ولا تقعدين اتشوفين خواتج وعيالهم وتقولين ياليت اسمع هالكلمه بس مو قادره
حياتي هاي سنة الحياه والحرمه داخلها فطره من الله انها تبي الحلال تبي اطفال
والرجال كذالك في رجال يتعذبون انهم مو قادرين يعرسون عسب جي يتجهون للحرام
ربج قال في كتابه العزيز المال والبنون زينة الحياة الدنيا
البنون
الذريه الاطفال ربج كاتبها علينا بالحلال نقوم نحن نحرم اعمارنا منها وما نتمناها ان الله يوفرها لنا
بالعكس
فديتج
عالاقل يوم يكون لج عيال يشلون اسمج بعد ماتموتين يتصدقون عنج يدعولج وانتي بقبرج هذا احلى شي بالدنيا
وصدقيني اي وحده تشتكي لج من الزواج بينها وبين نفسها تحمد ربها انها تزوجت
بس يوم تجي قدام وحده عزابيه تقول اوف ياريتني ماتزوجت حمدي ربج
بس من داخلها مرتاحه وحامده ربها وما تبي تبين
اختي هاي نعمه من الله ونحن نتمنى هالنعمه نبا انذوف لذتها نبا انشوف عيال من لحمنا ودمنا وكل هذا بالحلال اللي شرعه ربج
وهذا ابدا ماكان عيب ولا حرام
العيب انتم عارفينه عدل
بس هالشي محد ابد يقدر يلومنا عليه لنا نبي الحلال وبالعكس هالشي قربنا من الله سبحانه اكثر وهذا اهم اهم شي
ولله الحمد
الله ان شاء الله يقر عيون كل وحده في هذا القسم بالزوج الصالح والذريه الصالحه
وترى صدقوني ياخوات الرجال نفس الشي يتمنون الحلال صدقوني بس لهم اساليب ثانيه يفظفظون فيها
وسمحولي طولت عليكم

بالعكس الزواج يحصنك
الله يوفقك

شدي حيلك واول عريسس يتقدم لك طيرري معه
الزوواج مع انه مسؤليه بسس حيااتك خااصه ماال احد فيك شغل انتي ام وراعية البييت

وكلي أمل برحمت ربي
مشاعر مكتومة
أرونه وكلي حنونه
مشكورين هي فكرة دايما في بالي
أقصد منها هل نحن إذا لم نتزوج محروميين
هل فاتنا شيء جميل
الله يكتب لنا الخير ويرضينا به
وهج بوظبي
شوي شوي علي .الله يكتب لي ولك الزوج الصالح
وان شاء أتزوج قبلكم وأقولكم الزواج حلو ولا لا

مدري الجواز فيه شي حلو وشي مو حلو تماما زي العزوبية ،، كل وحدة لها مميزاتها ولها عيوبها
بس بالنسبة للأنثى الجواز شر لابد منه ههه يعني مافي مفر منو
والله يرزق الجمع بالانسان الصالح اللي يخاف الله فيها

سوري عالكلجة تراني مصدعة <<< مشو حالكم

كل شي فيه حلو ومر والدنيا مو كلها وناسة
بس هذي سنة الحياة
واكمال نصف الدين اتوقع ضروري
اللي تقولك الزواج تعب ومسؤلية صادقة
واللي تقولك مرتاحة ومبسوطة بعد صادقة
بس بالاخير مانقول غير اللهم اني اسألك من خير ماتعلم واعو بك من شر ماتعلم
والخيرة فيما اختار الله
مووفقه ياقلبي ^_*

والله المتزوحات يسبون بالزواج مدري هويسلكون علينالعدم جرح مشاعرناولاخوف من العين
المهم ان اغلبهم نصابات تسب بالزواج وتعالي بالصيف ماشالله مافي دوله الايوديها
وربي انهم متهنيات بالعكس الي زوجهاشين تسترعليه