فطيرة التفاح سهله وخقق بالصور

السلام على كل الفراشات
كيفكم ان شاء الله تمام
الفراغ يولد الطفش
وبما أني ماعندي ماعند جدتي قلت يابنت قومي سوي فطيرة التفاح والعصر اقضي عليها
طبعا مو حلاء قهوه بس مزاج هندي خ
فطيرة التفاح المفتوحه
المقادير
(1) النواشف
1ك دقيق ابيض
نص م بكنج باورد
رشة فانيليا
واحد ونص فنجال سكر( فنجال القهوه العادي بس يكون حجم كبير شوي )
(2) السوائل
بيضه
ربع زبده او ربع كوب زيت انا حطيت زيت لاني ماابي اسمن
ام ص خل تفاح عشان ريحة البيض
(3) طبقة الجبن
بيضه
4 جبن كيري
رشة فانيليا
1م ص خل تفاح
واحد ونص فنجال سكر
3 تفاحات مقشره ومبشوره
قرفه وسكر مطحونين مع بعض
الطريقه
تحطين النواشف بزبديه وتحركينها مع بعض وبعدين تحطين السوائل فوقها وتعجنينها بتصير شوي مفتته انتي رصيها بالصينيه تبع فطيرة التفاح او اي صنيه تحبيها وواسيها بيدك
نسيت اصورها بس ان شاء الله تكون واضحه
طبقة الجبن
قبل الخلط
بعد الخلط
حطينها فوق العجينه
نحط التفاح المبشور فوق خلطة الجبن
نرش فوقها القرفه المطحونه مع سكر
وهناء من قريب
دخلوها الفرن اول شي من تحت لمدة ثلث ساعه او اقل بسرعه تستوى على حراره 170 ليت تصير الاطراف بني فاتح بعدين طفي من تحت وشغلي من فوق عشر دقايق او اقل لين يصير التفاح ذهبي على خفيف جدا
ماعليكم من الديكور خ عند الشمس ابيها توضح
وبالعافيه على قلوبكم
دعواتكم لي بالوظيفه عاجل غير اجل