فكرت وفكرت وفكرت وعرفت اني غلطانه

1. وربي ماافي هم ولا شي حنا نوهم هم ونطلع هم ..........


2. واذا انتي همك الناس وشايله همك علشانك مطلقه ولا عانس وربي مادرو عنك

سلام عليكم ............... اخباركم ان شالله بخير
احم احم ............. بدخل لكم بسالفتي على طول .........
المهم ............ انا الشهر الي راح رحت لزواج خال طليقي ........ عاد انا من طبعي احب افرفر بالقاعه مااحب اقعد اروح اشوف الناس واسلم ............
المهم بعد الفرفره شفت عند الدرج ثلاث بنات جالسات كانهم منخشات عن الناس ......... وربي يوم شفتهم اكسرو خاطري .......... بنات ولد عمي ......
تدرون ليش منخشات هم افشل بنات بالقاعه بالكشخه مو كشخات فستينهم قد شفتها على بنات ثانيات مثل ماتقولون ملابسهم من الصدقات ............ مالومهم البنات الي كبرهم كل وحده تقول فستاني انا الحلا والتسريحات والمكياج وهم ولا شي وربي احسبهم قبل شغالات ....... مسكت عمتهم وقلت ليش لبس بنات اخوك كذا مااعندهم شي قالت لا اخوي يجمع فلوس علشان يبي يتزوج قلت منهي الي حظها طايح تزوج اخوك قالت لي انتي قلت انا لو يموت مااتزوجه ......موحرام علي المهم راحت اخته ........ وانا صديت
المهم عمتي تزوجت ثلاث مرات واخر زواج مات عنها زوجها وجابت ولد وماتزوجت من بعدها قالت بربي ولدي الحين ولدها مدرس ......... شرت له بيت مو بيت كانه قصر وسيارتين المهم خلته عايش بعز ومحلات ومدري ايش من الي خافي ماندري عنه........... المهم يوم كبر وصار بسنه زواج زوجته بنت عمي يعني بنت اخوها ............. وربي من تزوج وهو ساحب على امه كل شي يجيب لزوجته وتارك امه هاذا جزاتها ربتك وخلتك تغتني عن الناس ولا تحتاج احد واخر شي تصد عن امك .......... حتى في زوجات ومناسبات تعرفون عجوز ماتقدر تزاحم الحريم وقت العشاء وربي كل زواج ومناسبه ماايعشي عمتي غير اختي ولا زوجت اخوي نجيبها نجلسها عندنا وقت الرقص والعشاء نعشيها واذا رحنا خليناها تروح بعد .........
المهم في وحده من جامعتنا تزوجت اول ماتزوجت عمرها 18 وربي من تزوجت وهي تشتكي ومحد سامعها تقول الناس تنام وانا عيني ماتشوف النوم تقول يضربني .......... تقول مافي علبة عطر الا كسرها على راسي ........... وقطع شعري اشتكت على امه وقات امه انتي كذابه ولدي ماايسوي شي .......... وقالت لي ابوه وكذبها ....... تقولون وين اهلها اهلها مو بالرياض بالشمال لو اهلها هنا كان راحت لهم ولا اشتكت لناس ............ اخر شي صورته يوم يضربها وجابت الجوال لي ابوه وامه قالت شوفو ولدكم يوم يضربني ابيكم تصدقون تدرون وش سوي ............ اكسرو الجوال .......ليش علشان ماتفضحين ولدنا ............ اخر شي هجت من البيت ودخلت على عمتها الين ابوها جاء واخذها ........... وماطلقها الين تجيب المهر ولا يشوف وحده توافق عليه ولا اذا مالقى وحده توافق عليه ترجع له.........
وغير وغير وربي ...........
بسالكم هاذا مو هم ابوك يبخل عليك وماايعطيك مثل باقي البنات علشان يجمع فلوس علشان يتزوج
ولدك الوحيد الي ربيتيه وتعبت عليه يتزوج ويصد عنك
تزوجين واحد يظلمك هو واهله وانتي تصيحين وعندك احد يسمع ويسوي نفسه ماايسمعك
هاذا مو هم .......... الا هم
وحنا همنا الزواج متى نتزوج ولا همنا الطلاق وليش تطلقنا
وربي جلست لحالي مره وقعدة افكر اقول وين الهم الي اهم فيه ........... عن جرح الناس الناس كلها تجرح بعضها صار الجرح عادي .......
طلاق احمدي ربي اني تطلقة لو انا عنده الحين كان صارلي وصارلي وصارلي صح ولا موصح
لو استعجلت بالزواج وهمي كله بالزواج اول واحد يدق الباب بوافق عليه علشان الناس ماتقولي مطلقه ولا عانس طيب تزوجت وجبت عيال وطلعو عاقين الوالدين وهاذا نتيجة لهفي على الزواج ....... صح ولا موصح
قالت حمدالله وربي ماافي هم ولاشي .......... ماكله شاربه بصحه كامله والحمدالله
البس مااعمري انخشيت عن الناس علشان لبس اذا بغيت اطلع طلعت منتزهات ملاهي ومناسبات وغيره
حمدالله اهلى واخواني عندي مافقدت منهم احد ............ وين الهم الي دايم اقول همي وهمي

وربي ماافي هم ولا شي حنا نوهم هم ونطلع هم ..........

وربي والي خلقني انا الوحيده من بنات جماعتنا مطلقه ولا تزوجت من بعدها الي تطلقو تزوجو من بعد طلاقهم حتى في الزوجات انا الوحيده مطلقه .......... واذا وقفت بالمنصبه معاهم كلهم بنات ولا متزوجات وانا الي بينهم مطلقه.............مت صار فيني شي حتى لو مت علشان طلاق الناس تبكي علي يوم او يومين ثم بعدها تنساني واصير ذكرى عندهم...........
انا حمدالله ماافيني هم كل همومي اهمها اتخيل ان عندي هم عايشه حياتي ومرتاحه ........... احلى صفه فيني مااشوف الناس احسن منى انا اشوف اني احسن الناس علشان مااهتم فيهم ولا بكلامهم ولا اتعب نفسي معاهم ...........اذا جلست مع الحريم وشفتهم بدوا الحش بالناس قمت وخليتهم....... مااحب احش بخلق الله ولا احب اتكلم عن الناس الي ماايرضى على نفسه لا يرضاها على الناس ........... اول مااتطلقت انواع الحش حريمهم ورجالهم ........ سكت ولا حركت ساكنا ولا علي منهم لااني دايم اشوف اني احسن الناس مو كبر لا بس علشان مااتعب نفسي
يوم شافوني ماتكلمت ولاقلت شي وربي الحين اعرفوني صدق الي كانت تسبني عند الناس الحين تمدحني وانا سمعتها بنفسي كانت تمدح فيني ومادرت عني .......

واذا انتي همك الناس وشايله همك علشانك مطلقه ولا عانس وربي مادرو عنك

زوجت ابوي الله يشفيها تاجره يوم كانت متعافيه كلن يدورها وكلن يسال عنها علشان كانت تعطي فلوس وكان بيتنا فندق كانوا يجونا ناس من برا الرياض ناس رايجين وناس طالعين يوم طاحت وربي محد يسال عنها الحين بالفراش كانها جنازه ماايتحرك فيها غير اعيونها الله يشفيها ويحسن خاتمتها ولد اخوها والوحيد يجي بالرياض ويجي جماعتنا كلهم الا هي ماايجي يزورها ويسال عنها حتى اختها تروح وتجي لا تجي تسلم على اختها الطايحه ........... الحين تسال عنهم وانا الي اعطيها اخبارهم والله اني اشوف دمعة عينها واني امسحها لها ........
الناس ماادرو عنكم ولا سالوا عنكم ...........وحنا همنا زواج ولا نشيل كلمة مطلقه علشان الناس
عيشي حياتك وشوفي مستقبلك المستقبل مااهو عند الرجال والله المستقبل نشوفه وينتظرنا نجيه بس حنا همنا الزواج ............. انا بالنسبه لي لو ادري ان ابوي بعيش لي طول عمري وربي مااتزوج ولا افكر ربع بالزواج حتى حمدالله ماني مهمته اذا جاء مااني قايله لا واذا مو جاء احسن بعد
الحين افكر رضا الله سبحانه علي وعلى عباده وادعي ان الله يحسن خاتمتي بس ويجمعني مع الصالحين بالجنه
ادري اني غثيتكم بس عندي كم سالفه بقوله لكم بعدين
تحياتي