فلانه شينه تزوجت فلانه صايعه تزوجت فلانه رفله وتزوجت

مساء الخير
انا هذا الموضوع ودي اكتبه من زمان بس حصلت لي الفرصه اليوم
وهذا الموضوع موجه لي بالدرجه الاولى يعني لاتزعلوا من كلامي
كلكم متضايقين
من تآخر الزواج
ندعي ونستغفر
ونقول ليه الله ما استجاب
الاحظ في مجتمعي ظاهره ماراح اكتب عنها لاني شفتها على وحده ولا ثنتين لا انا شفتها على كثير
ويمكن انا من ظمنهم
امثله
واو سبحانه الله فلانه شينه او وحشه وتزوجت
فلانه صايعه وكانت لها علاقات قبل الزواج والله رزقها وانا لا
فلانه زوجها احلى منها بمليون مره مدري وش عجبه فيها
فلانه فوق الثلاثين وتزوجت واحد اصغر منها
فلانه عاصيه وماتصلي وماتذكر ربها وربي عطاها زوج لؤطه على قولهم
هذي العبارات والجمل سآلتكم بالله كم ترددت على مسامعكم يمكن انتم قايلينها
اعرفوا ان محد ياخذ رزق احد
علمت ان رزقي لن ياخذه غيري فآطمئن قلبي
يعني ماراح تاخذي زوج الوحشه ولا زوج الكبيره ولا زوج العاصيه رزقك راح حيجيك
انتي بكذا ماراح تستفيدي ولا شي بالكلام الي تقوليه الا السخط من الله
يعني كآنك تقولي انت يا الله ماتعرف تقسم الارزاق
استغفر الله تعالى الله عن ذلك
بس ارضي بنصيبك وماعليك من احد الله يوزع الرزق على من يشاء من عباده اكثري استغفار ودعاء والله ماراح يخيبك باذن الله هذي ارزاقهم من يوم ماهم في بطون امهاتهم
يعني لو الزواج بالدين ماكانوا الكفار والمسيحيين والممثلات والفنانات تزوجوا وانجبوا اطفال هذا مكتوب من يوم ما انولدوا
يعني لاتقعدي تحسدي الناس وتقولي ليه فلانه وليه فلانه انا احلى انا استحق مكانها ترى محد ياخذ مكان احد ولا احد ياخذ نصيب احد والله الخير راح يبعد عنك اكثر واكثر
اعرف قصه وحده بنت كانت تقول كل ماشفت وحده مو كويسه ومتزوجه اقول ليه انا وانا مو مثلها ويبدء يدخل الشيطان وانتم عارفين مداخله واتعب نفسيا والله ما استفدت ولا شي
غير اني دمرت نفسي بالمقارنات والحسد ولمن تركت هالعاده الشينه تزوجت باحسن الشباب والحمد الله
بنات لا انكر ان فيني انا هالصفه بس تركتها والحمد الله كل ما وسوس لك الشيطان قومي تعوذي من ابليس وادعي للبنت الي ذكرتيها بالتوفيق والله يرزقك مثلها واحسن
احسنوا الظن بالله ماراح يخيبنا
سآلتكن بالله لو اعجبكم موضوعي
ادعولي الله يرزقني الزوج الصالح الحنون الي فيه كل الصفات الي اتمناها والذريه الصالحه
اختكم ساره