فين تروحو في شهر العسل

صباح الخير دندونه
يشرفني اكون اول وحده ارد على موضوع دندونتي العسل..
انا يا قلبي لحد الان مافتح معاي موضوع شهر العسل وانا ما ابغاء اسأله ابغاها تجي منه
يعني لحد الان لااعلم .......
ادعي انه يفتح معاي موضوع شهر العسل واجي اخبركم يا بنات.......
يسلمو ع الموضوع يا قمر .......

دندونه الدلوعه
الله يتمملك على خير حبيبت وان شااءلله يكون شهر هالعسل احلى شهر مر عليك يارب الله يسعدك
شوفي الشرقيه احلى شي الخبر الكورنيش الاسواق المطاعم والمقاهي يعني احلى شي بالشرقيه الخبر راح تعجبك
جده طبعاا كلهاا اسواق وكل اسواقهاا حلوه وملاهي الشلال راح يعجبك خوذيلك لفه هنااك
وكمان ابحر فيها منتزهاات حلوه وفي جده مقاهي ومطاعم متميزه بكل شي
اما الباقي ماعندي خلفيه عنهاا
اناا احتمال كبير شهر العسل يكون بمكه على اساس اخذ عمره وبعدها اطلع لجده اقضي شهر عسل هنااك بحكم ان ظروف زوجي حاليا ماتسمح نسافر برى وانا شايفه احسن شي اني اكون بالسعوديه لاني افضل السفر خارج السعوديه بعد ماتكيف مع زوجي واتجرى معه عشان اخذ راحتي بالسفرات اللي برى ولايفوتني شي واكون ماخذه راحتي معه

جنة الغرام
صباح النور ياقمر
يسعدني انك تكوني اول وحده ردت عليا
جنجونه انتي الين دحين مستنيه يفتح معاكي الموضوع؟؟
شكلك حتستني كتيير خ
ترى ما ينفع معاهم كده
زي ماقلتلك في التجمع حقنا لمحيلو
ويارب يفتح الموضوع معاكي وترتاحي تعرفي راسك من رجلك في الشغله دي
تسلمي ياعسلووله

حزن واهات
امين يارب وانتي كمان
صح سمعت انو الخبر احلى شي بس كنت اتمنى اماكن غير الاسواق والمطاعم لانو خطيبي يعشق الاسواق <<<<<مسكينه تواسي نفسها (طبعا العكس صحيح) خ
وهوا من سكان جده ويعرفلها وفي فتره الملكه رجنا الشلال وانبسطنا فيها ونبغى اماكن تانيه
طبعا المطااعم مفروغ منها اكيد الواحد يرحلها وبكتره في شهر العسل
وفكرتك حلوه انو تاجلو السفر لبرى الين ما تاخدي عليه

انا ان شاء الله ناوين ماليزيا

واحنا ان شاء الله مسافرين بعد الفرح بيومين لماليزيا
وماني عارفة ايش هو البرنامج اللي محدده وايش هيا الجزر
فأناشد اللي راح لماليزيا او مجهز البرنامج نتمنى انو يفيدنا بالمنتجعات والاماكن الترفيهية
مشان نساعد بعولنا شوية لانخلي كل شي عليهم
بالنسبة لدندونة
لل خبر عندك منتجع هوليدي ان رائع ... غير الكورنيش والواجهة البحرية للخبر والدمام .. والهاف مون في الخبر حلوة انكم تشوو فيه وكسباحة له وانت يعني تتمشي على البحر معاه يفضل تروحوه من فترة الصباح
فيه مطعم عائم //مطعم ليالينا// يكون فترة غداء عشان تستمتعو بمنظر البحر وانتو ع السفينه
واذا قدرتو جهزتو جوازاتكم وخشو ا لبحرين وادخلو السينما ومطاعمهم يمدحونها زي تشيلز وملحقاتهم سمعت انهم اطيب من مطاعمنا
عندك المولات في الشرقية اللي دخلتهم وعجبوني /// الراشد مول والظهران مول ومارينا
الرياض عندك الثمامة واذا حبيتو تاخذوها تخييم وركوب دبابات.. وفيه بحيرة السلام مدري حديقة السلام المهم مرة حلوة ..غير مولات الرياض المملكة والفيصليه ولاننسي تطلعي البرج انتي وياه ولا احلى
وعاد جدة انتي اخبر فيها
والله يجعل حياتكم كلها عسل مو شهر واحد بس

اختي سافري احسن لك نفس المبلغ اللي راح تصرفيه في السعودية (لانها غالية) راح يكفيك الى احسن الدول الاسيوية

انا متزوجه من اربع سنوات ورحت ماليزيا بعدين رجعت وخذت عمره بصراحه ماليزيا روعه قليله عليها طبيعه وجو واماكن سياحيه اكثر من رائعه وسيدا اللي تسال عن ماليزيا انصحك بمنطقه اسمها سن وي لاقون مرم مره حلوه وخذي لك فله تسكننين فيها افضل من الفندق بصراحه بتشعيشين ملكه وام روحي جزيره بيننغ بصراحه روعه واركبي التلفريك وبعد جزيره لنكاوي واكيد كوالالمبور للتسوق وبس اتمنى اني افدتك لان من زما رايحه لها فا نسيت الاماكن مو ذاكرتها كثير والله يسعدك ويوفقك يارب انتي والمعاريس الموجودين

انا متزوجه ليه سنه ونص
ورحت شهر العسل لماليزيا
وانصحك لاتفوتي سن واي لاقوون بالمره روعه
ووجنتيتنغ مالاهيها والتلفريك
وببنج حدايقها روعه
ولانكاوي برضه جزيره صغيره بس حلووه
وطبعا كولاللمبور اغلبها مراكز
وان شاءالله اكون افدتك