في يوم من الأيام وسالف العصر والأوان

1. قلت وانا اهز راسي يمين وشمال : مايفهم ذالدلخ وش يفهم الان


2. يو هاف نو سالفه


3. قال : هل تهقين انني لن اقدر على بناء هذه المدينه .

يلا استمتعوا بالقصه الحلوه.....
في يوم من الايام الخوالي ويومها كان جيبي فاضي
قررت اخذ جوله وانا مع لحالي تهاوشنا وقرر كل منا يمشي بصوب ثاني
المهم وانا امشي واذ بي اشوف من مسافه بيت شكله فاضي مسكون مدري وش فيه
المهم واقرب منه واقرع الباب <<< خاشه جو افلام كرتون هع
الا ماحد يرد علي واناظر اسفل مني واشوف صرصور بني اللون وله جنحان وده يطير بس جرحوه ربعه وكسروا مجاديفه وماعاد يقدر يطير <<< ابوك يالوصف
مر من جنب صبعي الكبير وهو مار حس بضيقة صدر <<< امووت واعرف كيف عرفتي انه حاس بضيقه هع
حاولت اخفف عنه لكن نظرا لاني ما اداني الصراصير تعلقت بالعمود جنب البوابه وراح الصرصور لا تدققون بسالفة الصرصور لان ماله دخل بالسالفه هع
المهم والاقي الباب فتح على مصراعيه واجيكم بكل قوة قلب وارفس البوابه اليمين برجل اليمين <<< اخص يالشرسه
وادخل الا الاقي البيت كول ابوه مظلم الا ركن من غرفه مسكر بابها ومسدود تحتها ولا منفذ منها كان هذا الركن منور << الحين يا صاحبة العين الثاقبه كيف شفتي دام ماهنا منافذ هع
الا اقرب من الباب واتسمع قبل لا اتهور واخوض ما خاضه اسلافنا من معارك ضاريه ودماء تسيل للركب هع
وماسمعت اي حس بالغرفه وارجع اتسمع كود يطلع معي شيء الان وبرضه نثنق ( نثنق يعني يصير خير للناطقين بغير العربيه هع )
قلت بيني وبين حالي <<< ترى حالي ندم ورجع تصالح معي الا شكله خاف لحاله وجا عندي هع
قلت شكل ماهنا احد مافي الا اني اشتغل على الباب مثل ما اشتغلت على اللى قبله والا ارفع رجلي مجهزه الرفسه الا اسمع صوت كحه وتتسمر رجلي مكانها وتقرر انها ترجع لصوابها وترد للارض من غير رفس شرس للباب اللطيف العالق في جدار في ركن من البيت المهيب
واقرر ان افتح الباب وافتحه وبشويش وشويش واناظر بالغرفه الا اشوف واحد جالس على كرسي جنب المدفاه وموطي راسه <<< شكلك تو شايفه سالي
وادخل الغرفه وانا اتكلم مع نفسي <<< هذا نفسي ملقوفه خشت بيني وبين لحالي علشان تبي تسوي شخصيه
وانا اقول يابنت الناس قربي تاكدي كود ميت كود يبي مستشفى تسعفينه , وانا في غمرة التفكير وانا امشي ارتطمت رجلي بزوليه على الارض كانت في منظر غير لائق أي بشكل غير مرتب لا حد يدقق بالشكل الغير لائق المهم وانني قد تعثرت بسببها واطيح على الارض وانا اقول بكل عصبيه : سحقا لكي ايتها الزوليه اللعينه اما كان عليكي ان تشوفي لك شغله اصرف لك من الترصد للمار والرايح والتدريج لهم مسويه خفيفة ظل
واواصل المسير الى ان وصلت للشيبه اللى جالس على الكرسي وانا ادق على كتفه واقول بكل روح رياضيه هارد لك خير يابو الشباب وش فيك جالس لحالك تبي مساعده وطول الوقت وانا في بالي <<< لا لا انتي بالبيت مو ببالك >>> اها طيب نرجع
كل حركاتي هذي خوف من اني انصدم بالرجال ميت قلت يلا ابرد على حالي من اول وادقه على كتفه من جديد الا يرفع راسه ناحيتي ساعتها زبنت في مكاني ولاحظت ان هذا الرجال واحد شيبه بس مو مره المهم شيبه ووبس الا يقول لي : من انتي وكيف استطعتي الدخول الى بيتي ؟!!
رديت عليه وانا تقل قاطه الميانه : مالك علي عزيمه ماره من البيت قلت اجي اسلم عليك <<< مسويه تعرفه
قال : حسنا ومن انتي ؟؟!!
ساعتها طقتني خيبت الامل على وجهي كف مو صاحي وانا اصيح باعلى صوتي : معقول ماتعرفني <<< انديراغاندي على غفله
قلت وانا على جبهتي تنرسم دوائر حمر واكسات من خيبة الامل : انا بوليسية
قام نقز من كرسيه وهو يقول : لا لا لا اصدق ماذا قلتي الان لا اصدق اذناي <<< اها الحين ادركت اني انديراغاندي
قلت وانا مبسوطه هالمره وماره علي الوناسه وماخذه الشارع العام من عند جبهتي : الا صدقها انا بوليسية اعز الله مقدارك ايها الشيبه الموقر .
قال : انا ليس اسمي الشيبه الموقر ,,
وانا اقول بنفسي : طلع دلخ ذا الشايب اكيدنه ماعرفني للان<<< للحين صامله على انك بنت غاندي هع
قلت : هااه اجل وش اسمك
قال : انا الفيلسوف افلاطون
قلت : والكوبه ماغيرك ذاك اللى ناشب لنا بالمدرسه ورازين اسمك بالكتب على قل سنع تبي شيء مايصير الا بضروسك ياملعون الجفد يالخسيس <<< شكلها متعقده من نظريته
قال : ومتى صرت لكم نشبه لم يبلغني احد بذلك !!
قلت : شيء طبيعي ماراح يقولون لك علشان ماندري انك عايش للان ونجي نطالبك بالغاء نظريتك ولم تلغيها بعدين يضطرون يلغون المناهج بعدين يحتاسوون وش يدرسونا
قال : انا لم امت !!
قلت : قول قصم !! ( وانا ساعتها الدهشه بدأت تنطلق مني لم صارت الاشاره خضرا من عند عيني اليمنى ) <<< اجل من قاعده تكلمين ياللوحه
قال : أي نعم لم امت لم علامات الدهشه باديه على محياك يا صبيه
قلت وانا الحيا ماسك خط على خدي الايسر من تحت الوجنه مباشره : صبيه اويلاه احرجتني حسستني اني بنت
قال وهو يضحك بكل ثقل : ماذا دهاكي
قلت وانا مسويه تبي تصرف الخجل : هماك هماك اللى يقول انا ارغب بمدينه خاليه من الشرور والمشاكل يملؤها الحب والسلام <<< احلى دافووره
قال : نعم انه انا من طالب بوجود هذه المدينه واسميتها المدينه الفاضله
قلت انا : روح يا شيخ أي مدينه فاضله واي هدوء واستقرار ترى على فكره ماعندك سالفه وماعندك ما عند جدتي
انصدم الرجال ساعتها قال : لماذا هل هناك من هو فيلسوف اكثر مني ومن هي جدتك هذه التي ليس لدي مالديها

قلت وانا اهز راسي يمين وشمال : مايفهم ذالدلخ وش يفهم الان

قلت له بكل ثقه : يابيي ماهنا ناس تعيش بمكان به هدوء واستقرار ياللى ياللى افراد البيت الواحد اللى مكون من ام واب وعيالهم ياكثر المشاكل بينهم ويا تشوف فيه يوم هدوء ويا يجيك يوم كله غربله والله المستعان تبي انت بارده مبرده مدينه كامله بها خمس وميه وستين وثلاث ميه وعشر طعش وخمسين الف وتسع وتسعين مليون الا اثنين يعيشون بامان وهدوء وراحة بال اها قم بس قم <<< اوخص يا راعية المساحه هع

يو هاف نو سالفه

قال : لم تستنكرين هذا الشيء بلا قد توجد هذه المدينه اذا نحن كل منا اصلح من نفسه ومن حاله ومن حال من حوله اصبحت المدينه فاضله وصالحه لان الكل صالح .
قلت له : يمديك على المدينه يا بعدي ,, كثر لي منها بس اها لا يكثر , تراك تجيب كلام مال امه داعي ولا ولن وابدن كولش ماراح يصير ابد ابد ابد لو اصلحت يالفالح واحد ماتقدر تصلح عشره الا اذا الله اراد لا تقعد تتفلسف .

قال : هل تهقين انني لن اقدر على بناء هذه المدينه .

قلت بنفسي ساعتها يوم سمعته يقول تهقين : شكلي بديت اعديه قام يتكلم مثلي هع لو اصبر عليه شوي راح يتنازل عن نظريته هع
قلت : ايه انني اهقى ذلك وبكل اقتناع واليك هذا الطلب الصعنون , شووف يا افلاطون باشا روح حوس هذي الاقطار من كل حدب وصوب دور وحوس وجمع لك ناس وسو لهم ما راح اكلف عليك اقول مدينه صعبه شوي سو صندقه وخل فيها الصرصور خوينا اللى تكلمنا عليها من البدايه واخوياه وقول لهم عيشوا بسلام وهدوء وخلوا الصندقه خاليه من الشرور وبعد اسبوع بس تعال قول لي هل هذولا اللى جمعتهم سوا لك صندقه فاضله ولا لا هع
رميت هذي الكلمات في وجهه وانا اعطي لجسمي التفاف متوجه الى الباب المسكين العالق بالجدار والذي بوده ان يتخلى عنه الجدار لو ثوان يشم بعض الهواء ثم يعود لمصيره الحتمي , واثناء هذه الالتفاته لاحظت ان افلاطون مصاب بخيبة امل من تحديي له وشكله قرر ان يبطل هذه المدينه
غادرت المنزل بكل ثقه اني صرت فيلسوفه احسن من افلاطون لكن الفرق ان هو رازين نظريته بالكتب وانا ماحد معطيني لو الفهرس ولا الحواشي بس اي شيء اي شيء تهىء تهىء
واذ بي انقز من على الكورسي وانا اسمع المعلمه تصيح بصوتها المدينة الفاضله !!
القصه مو من جيبي<<<<<<<<<<<<<<<أفهموها..