قبر يلمني ولابنت أتذلني

الجزء الثاني
سيارة منصور
8:56
منصور:يرمس مطر في التلفون :
هي توني منزلنها....... لا شو أنزل فايج أنته ..............أستح عويهك يا الخام ...ها ها ها... مرة ثانية بييبك معاي .... وين ياريال العيوز طول الوقت راقدة .....اشو ...لا لا لا ماظن ....أنت رمسته .
هو جي قال ..خلا يولي عنك ......أرمسك بعدين عيل..... يلا مع السلامة
.................................................. .................................................. ..............................
في العين مول
9:00
هزاع كان يالس مع الشباب بس هو يرمس بالمبايل بصوت خفيف والشباب ماكانوا منتبهين عليه
هزاع : هلا والله
:أهلين
هزاع:ساعة لين ما تردين وين كنتي
:لا بس كنت مشغولة
هزاع : انزين شحالج
: بخير أنت شحالج
هزاع :شو حد عندج
:هي بنت عموتي يالسة وياي بس تريي الحين بقوم
راشد: يلا هزاع قوم الفلم أحين بيبدأ
: أوي هذا راشد أخوية
هزاع : بلاج هي هو
: تدري لو عرف أني أرمسك بيجتلني
هزاع : يخسي يمس شعرة من راسج محد يروم يقولج شي وأنا حي فاهمة
: فديت قلبك
راشد : ترمس منو أنت يلا ا
هزاع:انزين يابوي ياي ذليتوني
هزاع :أقول حبيبي اليازية أنا برمسج بعدين أوكي فمان الله
اليازية : مع السلامة
.................................................. .................................................. ......................................
سيارة علي
9:24
علي : خلك يا ريال وين ساير بوصل ميثو وبنرد نطلع
خليفة : ياخي علوه تعبان برقد باجر علي دوام بعد
علي :أنزين بنظهر وبنرد شوية بس
خليفة : مصدع ما فيه
علي :أنزين عيل أشوفك باجر في الكلية
خليفة :أوكي
علي :أزقر في طريقك ميثوه
خليفة:أوكي
خليفة نزل ودخل البيت شاف ميرة وشمة يالسين : شمو ميثة وين
شمة : ياية الحين فوق تلبس عباتها
خليفة : انزين قوليلها
وشوي نزلت ميثة
خليفة :ميثوه أظهري علي يترياج برع
ميثوه :أنزين يلا باي
ميرة : شوفي اذا دريولنا واقف
ميثة:أوكي يلا مع السلامة
ركبت سيارة علي
ظهرت مبايلها بس ما في جارج
ميثة : وقف بنزل بقول حق ميرة شي
علي :انزين اتصليلها
ميثة :تلفوني ما في جارج
علي في خاطره (يت من الله) خذي أتصلي من تلفوني
ميثة :أخاف تعصب
علي : ليش تعصب عيل تروحين وتردين وتلفوني موجود
ميثة : لا عادي بنزل ...ولا أقولك أيب المبايل ما فيه أنزل
.................................................. ......................
ميرة راحت تشرب ماي لما مبايلها رن
شمة:ميروو ميروو تلفونج يرن
يت ميرة وردت بدون ما تشوف الرقم
ميثة:ألومرحبا
ميرة : هلا ميثو شو وصل
ميرة: دريولكم ما وصل
علي سحب المبايل من أيدها :أظهري أنا بوصلج
.................................................. .................................................. ....................................
الشارقة
بيت بو سيف
اليدة:زين بعد نزلتي جان تميتي فوق أحسن
الريم: هلا والله متى ييتي ماماتي
اليدة :جي أنتي تدرين بالدنيا
الريم : جان زقرتيني انزين
اليدة : تدرين أنا ماروم أروح فوق عشان ريلي
الريم :المهم الحمد الله على السلامة
اليدة : الله يسلمج أبوج وأخوج وين
الريم : أبوية كالعادة محد وأخوي يتسبح تو ياي من الملعب
اليدة :وعمتج هند ما يتكم
الريم : لا يتنى أمس وراحت من وقت ولدها زايد مريض
هند عمة الريم عمرها
سنة دكتورة متزوجة وعندها ثلاث أولاد عبدالله 18وسالم 15 وزايد 5 سنوات 39
هي وايد مهتمة بالريم وهي أكثر من صديقتها وهي دايماَ تظهر يالريم اليدة ماتحبها وايد تقول عندها قوية لأنها كانت تعرف ريلها قبل الزواج وهي وايد تعتني بنفسها
.................................................. .................................................. .........
ميرة : مشكور علي مافي داعي الدريول اللحين بيي
علي : بنو بخليج تركبين يالدريول روحج فليل يلا انا برع وسكر التلفون
ميرة :أوي شو أسوي الحين
شمة: بلاج
ميرة قالت حق شمة السالفة وشوي وسمعت هرنات
شمة : أظهري ميرو يترياج
ميرة استحي
شوي ولا ينفتح الباب : ميرو كم بترياج يلا
ميرة : علي ما في داعي الدريول الحين بي
علي : ماشي ردة يالدريول روحج في الليل يلا جدامي
ميرة بصوت واطي : ياربي استر
مشت وراه فتحلها الباب الي وراه وابتسم: تفضلي
دخلت ميرة وركب هو وحطا المنظرة بحيث يروم يطالعها وهي تتمنا الأرض تنشق وتبلعها
وحطا أغنية تدري أني موت أحبك وقام يغمزلها ويسويلها حركات وميرة نزلت راسها حتى ما قامت أطالع الشارع
.................................................. .................................................. ......................................
.................................................. .................................................. ....................................
الريم: اشو تعيدين في العين ليش
اليدة :أنا كل عيد أسير هناك
الريم : انزين اتسيرين ثاني يوم ثالث يوم مب تعيدين من أول يوم هناك
اليدة : يمكن تستحون على ويهكم وتون تسلمون على خوالكم
الريم : أحنى نكلمهم كل عيد
اليدة: تكلمونهم شو من مذهب فيكم متى آخر مرة سرتي العين تسلمين على خوالج
الريم: سرت مب العيد الي طاف الي قبله وشفتهم كلهم
اليدة: شفتي عيالهم
الريم : لا كانوا في المزرعة بس كانت هناك شمة و ميثة الي جني ماكلة حلالها أطالعني بطرف عينها السبالة
اليدة: هاي بنت خالج لا تسبينها
الريم : انزين بنت خالي ما قلنا شي
سيف نازل من على الدري : ريمو تعالي شوفوا التصميم الي صممته
اليدة: سير ذاكرلك كلمتين أحسلك
سيف : ريمو تعالي شوفي والله عجيب
.
الريم كانت وايد مدلعة وفري زيادة على اللزوم وميثة مادانيها عشان دلوعة وايد حتى في الرمسة
وكانت تظهر بفول ميك أب
وميثة أصلاَ نفسيتها خايسة ماكانت اترابع في المدرسة الى الخسفات عشان تكون أحلى منهم وما تتمنى الخير حق حد حتى أخوانها
وقفت السيارة ياية ميرة تفتح الباب عشان تنزل تفاجئت البيت مب بيتهم هذا..........................................
.................................................. .................................................. ....................
سعيد : روضة بلاج أنتي من يومين مصفرة وكلة سرحانة (الحبيب قام يشك)
روضة :ها ولا شي مريضة شوي
سعيد : قومي أوديج المستشفى
روضة : لا عادي أنا دوم أمرض ما أسير مستشفى
سعيد رن مبايله في هالوقت لمح اسم الحب نسى روضة وظهر بدون ما يرمس وروضة عرفت وتمت تصيح
سعيد لما كان في أول العشرينات حب وحدة هي ما كانت تحبة بس عشان تتخجج جدام البنات انها تعرف واحد حلو بس هو المسكين حبها ولما قال حق أمه رفضت لأن أبوها مسجون وهي سمعتها مب زينة وغصبته على روضة وتزوجها وماكان يسويلها سالفة دايما َ يرمسها من طرف خشمة حتى يوم خبرته أنها حامل سوى عمره مب فرحان مع أنه ميت من الفرح ويوم كانت تولد كان ميت من الخوف عليها بس سوى عمره عادي وهو ليلة عرسا قالها أنا ماحبج ولا أبيج وأحب وحدة ثانية وبتزوجها ومر على زواجهم ثلاث سنوات وما تزوج بس كان يرمسها وكل ما تفتح معاه موضوع الزواج يتهرب ما يعرف ليش حتى أحياناَ يحس أنه يحب روضة ويحاول يتقرب لاكن هي تجافيه و تحسسه أنه جرحها ولا يمكن تسامحه وتكون معاه بنفس كل زوجة وهو ينقهرمنها ويعاملها بقسوة أكثر بس هو ما يعرف أنها تموت عليه وممكن تسامحة بكلمة وحدة...... و هي ما كانت تعرف أنه كان يحاول يتقرب منها
.................................................. .................................................. ......................................
أم سلطان :أقول ولدي سلطان مب ناوي تتزوج
سلطان: شو
أم سلطان:شو بعد شو تتزوج مثل كل الرياييل
سلطان : أماية أنا بعدني صغير
أم سلطان :لا صغير ولا شي شو رايك أدورك وحدة مزيونة وأزوجك إياها
سلطان :مادري
أم سلطان :أنا عندي لك وحدة يوم بتشوفها بتتخبل من جمالها شو رايك
سلطان : كيفج بس أخاف على عمري أتخبل ههه
أم سلطان: سلطان أصطلب قول شو رايك
سلطان : كيفج
أم سلطان: يعني أخطبلك اياها
سلطان: شو اسمها
أم سلطان: حصة
سلطان: حصةأسمعا جديم بس ما علي كم عمرها
أم سلطان :19 شو رايك اتوكل واخطبلك يا ها
.................................................. .................................................. ......................
ميرةLوهي ترتجف) هذا......................................
علي : ميثة يلا انزلي بوصل ميرة البيت
ميرة :وين تنزل علي اتخبلت أنا ما برد البيت روحي معاك
علي :لا تخافين ما أكل................. ميثو أنزلي ولا كف على ويهج
ميثة : أنزين
ومشى علي بالسيارة وميرة فيها صيحة بس ماسكة عمرها ما تدري ليش وايد خايفة
علي :بلاج ميرة
ميرة :ماشي ممكن توصلني البيت بسرعة لأن سلطون اذا شافني بيذبحني
علي : يخسي لا سلطون ولا عشرة مثلة أنت خطيبتي وبتستوين مرتي جريب
ميرة : أوف وصلني الحين
علي :انزين أنا عندي كلام أبغي أقوله شو رايج تين تركبين جدام
ميرة لا قول الحين
علي : أنزين أي أنا ورا شو رايج
ميرة : لا علي الله يخليك وصلني وفكني
علي : آسف
ميرة علبالها يتأسفلها علي الي صار لكن هويعتذر أنه ما يجدر يسكت
وقف في واحد من الباركنات
وشوي ولا تشوفه عندها جان تصيح
علي ما عرف شو يسوي أو بالأحرى شو سوى
.................................................. ................................................
سيف : كشخة التصميم لا
ريم :زين
سيف: شو زين قولي وايد حلو
الريم سيفو أذيتني وايد حلو ارتحت
سيف : بلاج معصبة
الريم :هاي ماماتي تعصب الواحد أونه بتعيد هناك ونحن مع منو نتم عمتي بتروح مع ريلها صوب أهله في مسافي
وأبوي وجوده وعدمه واحد ويدوه صوب خوالي
سيف: ها ها
:الريم what.s so funny
سيف : أنا متعود على هذا الوضع ................الريم ليش أبوي ما ييلس في البيت
الريم : عشان ماماتي ليش أنت ما تدري ليش ماماتي ما أداني أبوي وخوالنا ما يدانونه
سيف: بلى تدرين أحس أبوي خلانا نكرهم وحنا صغار وهو مايدري
الريم: هم يحبونا بس مب وايد
سيف : خاطري أتعرف على عيالهم
الريم : أنا ما أبغي بصراحة أنت ما تلاحظ كل ما تي يدوه من عندهم تكون تبغي تتظارب ويا واحد فينا أكيد يشيشونها علينا
سيف : يمكن
السالفة أن نورة الله يرحمها كانت تحب سالم لأنها كانت دوم أتشوفه في بيت خالتها في الشارجة لأن كان ربيع ولدهم وهو شافها مرة و أعجب فيها وخطبها لكن أهلها رفضوا لأنهم يبونها لولد عمتها بس أبوها لما خيرها بين الأثنين أختارت سالم فأبوها ما حب يجبرها على الزواج فخلاها تتزوج سالم لكن أخونها ما كانوا راضين ولا الأم فبعد الزواج كانت تروح تزور أبوها وأمها وبعد وفاة أبوها ما قامت أتروح عندهم حتى أخوانها ما كانوا يعرفون عنها شئ بس لو سألوا عنها كانوا عرفوا لكنها ما كانت تهمهم ولما وصلهم خبر وفاتها ندموا وايد وأمها وايد تأثرت فراحت الشارجة تعيش مع عيالها أعتبرتهم عيالها وهم أعتبروها أمهم لكن بعد كانت دوم تنغز أبوهم بالرمسة عسب تضارب وياه..........هو أول أيام كان وايد ينزعج ودوم يظهر من البيت بس بعدين لما تعودعلى أنه يكون برع البيت... فما كان يحتك فيها وايد
.................................................. .................
سعيد : حبيبي اليوم ما أقدر تعبان
سارة : أنا أبغي أشوفك
سعيد :ماروم
سارة : متى بنتزوج ونفتك من الحال الي نحن فيها
سعيد : انشالله
سارة : يالس مع العقربة
سعيد : نورة ما يخصج فيها فاهمة
سارة : ما بطلقها بعد زواجنا
سعيد : وليش أطلقها انشالله ومنو بيربي عيالي
سارة : أنا بربيهم
سعيد في خاطره أنت ما دانينهم : أقول سارة لا تفتحين معاي هذا الموضوع ولا ترى بصك التلفون
سارة : خلاص انزين
سعيد : انزين حبيبتي سارة أنا أرمسج باجر
سارة : يلا تصبح على خير
سعيد صكر تلفونة ودخل البيت لقى ولده فيصل يالس على الأرض ويصيح سار بسرعة عنده
سعيد :شفيك بابا ليش تصيح
فيصل :ريلي تأورني
سعيد : بس حبيبي بس وين تعورك
فيصل وعيونه مليانة دموع يأشر على الركبة :هني
سعيد راح باس مكان الطيحة :الحين بتستوي زينة حبيبي .
ولم ولده لحضنه
فيصل :بابا أبي ماما
سعيد: صدق ما تستحي الحين أنا يالس وياك من الصبح وأنت تبى ماما
فيصل تم يضحك معنه مب فاهم شي بس كان شكل سعيد يضحك وهو يقول هالرمسة
روضة يت : شفيك حبيبي
فيصل هد أبوه وسار عندها: ريلي تأورني
روضة: الحين تعورك
فيصل :لا
روضة : عيل يلا نسير ناكل مم أوكي
فيصل :أوكي
وطول الوقت سعيد كان يشوف روضة ويفكر فيها شوفيها عيونها ذابلة وويها مصفر ليكون بس عندها فقر دم بس بعد حلوة روضة وايد حلوة الحمل والولادة ما أثر على جمالها بس قلبي ملك لغيرها لو بحكم على روضة كزوجة مب مجصرة معاي مول شالة البيت شل ومهتمة بعيالي ومريحتني لبعد الحدود ومبدية راحتي على راحتها أنا فعلاَ احترمها اذا ما أحبها ....................لا شو أحبها أنا أحب سارة الفرق بين سارة وروضة أن سارة ما يخصها في شغل البيت وأنا أظن اذا مب متأكد اذا تزوجنا ويبنا عيال ما بتهتم بهم شرات روضة لكن شو أقول القلب وما يهوى أنا أموت في سارة لكن بعد موب مستعد أخسر روضة ياربي أنا بعدني أفكر روضة أكلت فيصل وخلصت خل أسير أيلس وياهم )
.................................................. ..............................................
علي شو يبا من ميرة ؟ ووين بيوديها ؟
وسلطان بيوافق أمه تخطبله ؟
وراشد اذا أكتشف أن ربيعه يخونه في عرضه شو بيكون موقفه ؟
سعيد حيرنا يحب روضة ولا سارة ؟
والريم شو بيكون دورها في القصة ؟
خويتكم أم ناهد
وهالله هاله في الردود عاد

مبين عليها قصه خطيره
كمليها ياقلبي
بانتظارج
تقبلي مروري
اختج
فتونه

تسلمين أختي أم ناهد
الله يعطيج العافية مبين عليها قصة حلوة وايد
كمليها بليز
ننتظرج
تقبلي مروري
أختك الخلوقة

وأنا من يوم ما غابت
مطيت بحزني ظهر الخيل
ابرحل وابتعد وانسى
مكان فيه طاريها
أسابق صفحة الماضي
فوعرات الخلا فليل
مهاجر بالحزن والغم
أحاول أنسى ماضيها
يخاويني في سماء أرضي
مضويني نجم سهيل
ينور في الفضاء خطي
عن العثرة بلياليها
علي ميرو حبيبي ليس تصيحين شي يعورج
ميرة : وصلني البيت علي الله يخليك لا تسوي فيني شي
على نقع من الضحك حليلها خايفة مني
ميرة أطالعته معصبة :شو الي وايد يضحك
علي :ماشي وراح جدام وقالها : يكون في علمج أنا مب نذل عشان أأذي بنت عمي
وكمل طريجه وهو ساكت
.................................................. .................................................. ..
سلطان : مادري
أم سلطان شو الحين
سلطان : أتوكلي
أم سلطان فديت ولدي الغالي أنا من باجر بخطبلك اياها
سلطان (في خاطره ) أخاف تطلع عوفة وبتلش فيها أمي كل حد عندها حلو
.................................................. .................................................. ............
في بو سلطان
9:55
ميرة : أوي سلطان في الحوي أخاف
علي : أنزلي بشوف شو بيقول
ميرة : أي .أنت مينون ولا شو
نزل علي ولا عبرها
وسلطان لما شافها نازله من سيارة علي طلعن ينونه
سلطان : ما شاء الله وايد ما خذين راحتهم الاخوان
علي :بلاك سلطان
سلطان : ليش رادة معاه مب مع الدريول
على :لا والله عيل تركب ويا الغريب ووياي لا وأنا ولد عمها
سلطان :مسودة الوية سيري داخل أنا بعدين بتفاهم وياج
علي : هي ما يخصها أنا ركبتها وياي
سلطان : لا والله روحكم
علي : لاويانا ميثو ما شفت أختك نازله من ورى
سلطان : هي صح .... بس .....ليش ما ردت مع الدريول
علي :أنا ما خليتها ترد مع الدريول روحها في الليل
سلطان :مب روحها البشكارة معاها
علي : لا والله البشكارة معاها حتى لو……. الحين مب الصبح ولا الظهر عسب تأمن عليها .......... هي صح يوم أنت في البيت ليش ما يبتها
سلطان : علو خلاص فكني مرة ثانية أنا بيبها ارتحت
علي : هي .........بعد شي لا تواجعها
سلطان:مسويلي فيها روميو.............. أنشالله بعد أوامر ثانية
علي : لا سلامة راسك فمان الله
سلطان: فمان الله
علي ركب سيارته وحمد ربه أن سلطان ما لاحظ أن ميثة محد
وسلطان سار علطول عند ميرة وقالها مرة ثانية يوم يكون ليل تتصل فيه وهو بيبها
.................................................. .................................................. .....................
أما علي فتم يحاتيها
علي: ( ياربي ليكون واجعها بسببي ...أنا أدريبه سلطون وايد شديد يمكن جدامي يكون عادي ويسير من وراي يكفخها أنا لازم أطمن عليها بخلي ميثوه تتصل فيها ......وليش ميثوه تتصل أنا بتصل بس عقب شوي يمكن سلطان بعده عندها)
.................................................. .................................................. ...................................
بيت مطر
1:00
مطر: أهي صوت شو هذا .................... منو المتفيج الي يتصل الحين:ألو
:ألو
مطر : ها منو
: شو بعد منو أنا منصور حد يتصلبك غيري
مطر: ههه هلا منصور غريبة متصل الحين.......... الا الساعة كم الحين
منصور : وحدة
مطر: أقول حد يتصل في حد الساعة وحدة أسميك متفيج
منصور : هي الشباب..... ما دريت أني مرابع دياية ترقد الساعة سبع
مطر : أولاَ أنا مب دياية أنا ديج ثانيا لمعلوماتك أنا أرقد عشر مب سبع
منصور: ههه عشر علي أنا
مطر : خلاص تبت ياريال
منصور :الله يهديك ............... أنزين ليكون أزعجتك
مطر : لا حبيبي آمر
منصور : لا كنت أبا أشوف شو تسوي على العموم أشوفك باجر يالديج
مطر:ههه أوكي see you tomorrow
منصور : يلا في حفظ الرحمن
مطر : مع السلامة بعد ما سكر مطر عن منصور سمع صوت باب ينفتح فطلع يشوف منو
مطر:نهيان
ناصر:لا أنا ناصر
مطر : حضرتك من وين ياي الحين الساعة وحدة.... وأنت باجر ما عليك مدرسة
ناصر : لا علي مدرسة بس كنت يا ربعي
مطر: لا والله احلف أنت بس بعدين تعال شو هالريحة
ناصر : ها ........لا ولا شي بس كنا ياسين في الكوفي وفي شباب يدوخون...... فالريحة يت في ثيابي
مطر : شباب يدوخون ها............. هالمرة بعديها المرة الياية ماشي فاهم
ناصر : انشالله
مطر: سرت عند امي
ناصر : هي أول ما وصلت سرت عندها
وقام ناصر بيسير غرفته
مطر: ناصر متى امتحاناتكم مال آخر السنة
ناصر صد عليه :عقب ثلاث أسابيع
مطر : نبغي درجات ترفع الراس فاهم
ناصر : انشالله وراح ناصر بس وقف نص الطريج وصد على مطر :. أبغي أقولك شي دوم أسأل عمري
مطر :قول
ناصر :الحين أنت وصقر أتمون برع البيت لين ساعة ثنتين وثلاث شمعنى أنا
مطر :لأن نحن ما ورانا شي أنت وراك مدرسة
ناصر عيل صقر لين الحين ما يى وهو وراه جامعة
مطر : صقر ريال وأنت بعدك صغير
ناصر أنزين تصبح على خير
مطر : وأنت من أهله
ناصرولد متهور وايد ومطر كان وايد يخاف عليه لان أبوه مات وهو صغير عسب جي كان وايد شاد عليه
.................................................. .................................................. ........
: يا ربي أتصل ولا ما أتصل أف بتصل وبتوكل على الله دق الرقم الي سيفة بعد ما طلع من بيت عمه باسم القلب
تو تو وتو وتوو وتو
علي هاي ترمس منو الحين الساعة وحدة
رد اتصل مرة ثانية محد رد عليه في المرة الثالثة وصله صوت ناعم
ميرة :ألو
علي : مرحبا ملايين في ذمتيه ولا يسدن
ميرة :علي
علي :عيون علي أنتي
ميرة والتوتر باين على صوتها : ليش متصل خير في شي
علي : اشتقتلج قلت أتصل في حبيبتي فيها شي
ميرة : علي لا تمشكلني أنا مب ناقصة مشاكل
علي : لا مشاكل ولا شي أنت في الحجرة
ميرة :هي
علي : خلاص عيل سيري أقفلي الباب ومحد بيسمعج
ميرة : علي أنت شو تتحراني
علي: أقفلي الباب أول بعدين أنا متصل أقولج شي وأصكر
ميرة :علي أخاف سلطان يدخل عليه
علي :بقولج سالفة وبصكر والله
ميرة : لحظة وراحت تقفل الباب
ميرة : يلا قول بسرعة
علي :بلاج فديتج محد بيسمعج
ميرة : علي
علي: أولا شحالج
ميرة :بخير يلا قول
علي :قبل ما أقول أنا ماحب أرمس حد ما يسويلي سالفة رمسيني عدل ولا بزعل وبصكر
ميرة : خلاص قول
علي :كنت خايف عليج قلت أتصل أطمن شو قالج سلطان
ميرة : هزبني وقالي آخر مرة أركب وياك
علي : الهيس قالي ما بصرخ عليها.............. ميرة سوري والله
ميرة : عادي علي لا تفكر
علي :متلوم فيج
ميرة : لا تفكر قتلك
علي : أكيد
ميرة : أكيد الحين ............هاي السالفة
علي :هاي السالفة الأولى أما السالفة الثانية
ميرة: شو
علي : أسمعيني ولا تصكين التلفون
ميرة : يلا قول
علي : أحبج
ميرة ذابت وعلي استغل هالفرصة: أموت فيج أنا بدونج ما أروم أعيش أشفقي بحالي حرام عليج
ميرة: علي خلاص
علي: ليش فديتج خليني أعبر على الي في قلبي
ميرة : تبغي تتهرب: علي شوالسالفة الثالثة
علي: انزين بطوفلج اياها ............ الثالثة اقتراح شو رايج كل يوم لما الكل يرقد تكلميني
ميرة : علو صدق ما تستحي تبا تخربني
علي :ههه فديتج عادي والله ما بقول حق حد
ميرة : مستحيل
علي : أنزين مسجات
ميرة :لا
علي :انزين خلاص (ومد بوزة )
ميرة : علي فديتك أفهمني
علي : ما بقول شي بشكي همي لله...................... هي صح ترمسين منو كنتي
ميرة : ودوم
علي : ترمنسينا ساعة وحدة شو عندج
ميرة : تسألني عن سؤال
علي : هي
ميرة ابتسمت : يلا عيل تصبح على خير
علي : وأنت من أهله
صكرت ميثة التلفون وهي ميتة من الضحك :والله أحبه أحبه
.................................................. .................................................. ......................................
بيت مطر
7:00
ثاني يوم الصبح
مطر : صباح الخير
ناصر : هلا مطر صباح النور
مطر : شصبحت فديتك
ناصر مستغرب: بخير يعلك الخير
مطر : تريجت
ناصر: لا ما أتريج
مطر : قوم أتريج وياي
ناصر : لا ما شتهي وبعدين متأخر على المدرسة مرة ثانية
مطر : انزين أنت بتروح الحين
ناصر:هي بغيت شي
مطر : لا بس أباك تشد حيلك
ناصر :انشالله
مطر: ناصر اذا جد قسيت عليك فها لمصلحتك أنت تدري بمعزتك عندي أنا أعتبرك ولدي
نهيان :وأنا بعد أعتبرك ابوي فديتك والله يا أصيع أبو في العالم
مطر : يا الهيس أنا أبوك أنت يا الشحط أنا ناصر ويلا يلا تطلعلي أنت بعد
نهيان :ههه ناصر شوتبا في ويع الراس والمدرسة سير أرقد أحسلك
مطر: لا أبويه يكفي ثنين فاشلين أنا ناصر أبا يكون أحسن مني ومنك
نهيان : ها وما شالله شو تبا يطلع دكتور
مطر : والله عاد كيفه الجامعة بخليه على كيفه يختار أنا أهم شي عندي ييب نسبة و يدخل تخصص زين
ناصر : انشالله بدخل التخصص الي تباه بس أستأذن منكم بروح وايد تأخرت مع السلامة
مطر ونهيان : مع السلامة
أم مطر: شو راح ناصر
نهيان : هي راح ولدج حبيبج
ام مطر: وأنت شو مب ولدي
نهيان : بلا بس من ولد لين ولد يفرق مطر العزيز الغالي وناصر الدلوع وانا وحليلي ضايع في الطوشة
ام مطر: اسميك أنت بعد..................مطر الى شحال منصور
مطر: بخير
ام مطر : ما شاء الله عليه ولد زين ولد ناس محترمين وحليلها أمه ما تقصر تتصل دوم فيه
مطر: هي
أم مطر: الى اخته أنخطبت ولا لاء
مطر (بعصبية ): وأنا شعرفني
أم مطر : والله بنت طيبة تستاهل كل خير (وكانت تنغز مطر بالرمسة )
مطر قام بعصبية مالها داعي : أنا رايح
أم مطر : ويدي بلاه هذا
نهيان : تراج انتي الله يهداج أمي الولد ما يبغي يعرس وانت كل يوم تمدحيله في بنت
ام مطر : والله الحق ينقال وهذا مطور انا وايد مسوتله سالفة لو وحدة غيري جان غصبته ولا سوتله سالفة لكن قلبي طيب شو أسوي
نهيان ضحك على أمه لانه يدري لو أنها تروم تغصبه جان غصبته لكنها تعرف أن مطر مستحيل حد يغصبه على شي ما يباه
ام مطر : وانت بدل هالابتسامات الي مالها داعي استوي أحسن من أخوك وعرس انت بعد مب صغير
نهيان : والله يا أماية ياريت بس اخاف اجرح مشاعر البنات الي يموتون عليه ههه
أم مطر: فقدتك انت والبنات الي تعرفهم ما عندهم سالفة يعرفون واحد مثلك
نهيان : ضحك على أمه وقام باس راسها :يلا تأخرت أنا
أم مطر: فحفظ الرحمن
.................................................. .................................................. ................................
بيت سعيد
7:30
سعيد يطالع المنبه :الساعة سبع ونص يعني خلاص روضة لبست أحمد والدريول وداه ....غريبة ليش ما رجعت الحجرة خلا أسير أشوفها أخاف فيها شي وبتلش ....صدق ما استحي أبتلش أونه بس صدق قمت أخاف ما أسمع صوت لو هي برع جان عالأقل سمعت صوت حركة أوف انا بسير أشوفها ....... ولا أقول خلا أتلبس اول وبعدين وأنا طالع بشوفها عسب ما تظن أني مستهم عليها.
.................................................. .................................................. ...............................
:اوف منو المتفيج الي متصل الحين
: ألو
: صباح الخير حبيبي
: منو حبيبج بعد
.................................................. .................................................. ................................
طلع من الحمام وتلبس و لبس غترة وعقاله ولبس ساعته بعين شاف ساعته ثمان الا ربع هاي وين ليكون عند فيصل تعطر وشل بوكه ومفاتيحة والمبايل وطلع من الغرفة راح غرفة فيصل فتح الباب شوي شوي لقا المكان ثلج دخل داخل عدله لحافه وباس راسة وظهر يا ربي هاي وين ليكون راحت مع الدريول تودي أحمد بس ما شفتها تلبس عباتها يمكن يوم دخلت الحمام .......... حتى ولو شقى تروح بدون ما تقولي .............
لو طلعت رايحة وياه لأدبها عدل...... عيل تروح بدون شوري ...... نزل تحت يمكن تكون تحت لقاها يالسة بنص الدري وحاطة راسها بين ريلها تقرب منها لين ما وصل عندها نزل لين مستوى راسها
سعيد : روضة
روضة : وهي على حالها :هلا بغيت شي
سعيد : لا شفيج
روضة : ما شي فيني رقاد
سعيد : انزين سيري أرقدي داخل
روضة وهي على حالها : انزين رايحة الحين
سعيد :روضة أرفعي راسج
روضة : سعيد والله ما فيني شي روح الدوام عشان ما تتأخر
سعيد :قتلج أرفعي راسج لا تخليني أعصب عليج
رفعت راسها
فتح عيونه متفاجأ : تصيحين ليش
روضة: ما شي شوي تعبانه
سعيد: قومي أوديج المستشفى
روضة : لا مافي داعي شوي بستوي زينة
سعيد:أنزين على الأقل روحي أرتاحي في الغرفة
روضة : انشالله الحين بقوم
سعيد تابعها بعيونه لين ما دخلت الغرفة وبعدين ظهر ما يدري ليش حس بنغزة
روضة أول ما دخلت الغرفة رن مبايله راحت أترد علية :ألو مرحبا ....هلا والله بروحي ....ههه............. .فديتك والله محد يسواك ...............أحلف أنت بس .....ههه......هي ظهر قبل شوي........... .تعال يلا أترياك..........في وداعة الله
.................................................. ...........................................
مريم : ما عرفت صوتي زعلانة أنا حد ينسا حبيبته مريومة
علي : فديتج والله راقد ما أنتبهت على هالصوت الحلو
مريم : بغيت أقومك حق الجامعة أتلبس واتصل فيني
علي : من عيوني يا عيوني أنتي
بعد ما سكر علي ابتسم باستهزاء وراح يتلبس
(علي صح كان يحب ميرة ويموت عليها بس كان مثل كل الشباب يرمس بنات وخليفة ياما نصحه يودرهم ويقوله أنه بيندم بس هو يقول أنهم تسليه لاغير)
.................................................. .................................................. ...................
سلطان طالع من البيت ورايح الدوام نزل استار مارت ياخذله شي يشربة لأن طلع من البيت متأخر فما كل شي
عقب ما خذله الي يباه وخذ حق هزاع بعد حاسب وظهر وهو ظاهر حدرت بنت متحجبة بس حاطة فول ميك أب
سلطان في خاطرة : بسم الله وين رايحة هذي الصبح ولا بعد متحجبة...... أونها عاد ) ابتسم في ويها جان تخزه خزة ضحك بصوت عالي وظهر (ياله على المحترمه ).
.................................................. .................................................. ..........................
فتح الباب ودخل ما حصل حد : توها تقول أنا أترياك خريطة تم يزاعج :روضة رواضي رواضي
روضة :هلا هلا هلا والله
سالم : هلا أونه أنا زعلان من متى ما يتي العين جنة ما عندج اهل هذا سعود منسنج حتى أخوج التوم
روضةفي خاطرها (ليتكم تعرفون كيف حياتي يا سالم )
سالم : حو الأخت وين سرحتي حتى ما سلمت عليه
روضة : موجودة تعال سولف وياي من زمان ما سولفنا...... الى شحال مريومة
سالم : ههه مريوم روحها فلم حاشرة البيت بالأغاني وتيول قامت تيول أحسن مني
روضة :ههه سوالف والله هالبنت
وتموا يسولفون مع بعض
سالم هذا أخو روضة التوم وهي عندها أخو أكبرمنه أسمة خالد ومريم هذي بنته الوحيدة عمرها ست سنوات بتروح صف ثالث وهي دوم مع عيال خالتها الشباب عسب جي كله تيول وتحب سوالف الشباب ,وأخت أصغر منها أسمها وديمة وهي ربيعة ميرة الروح بالروح
.................................................. ........
في مدرسة سيف
11:00
سيف في المدرسة عندهم الحصة الخامسة
سيف : ميود قوم نظهر الأستاذ غايب ثاني ثنوي بنات برا يالسات
مايد : يلا يمكن تشوف العاشقة الولهانة سهيلة
سيف: الله يلوع بجبدك مثل ما لوعت جبدي خا طري أعرف أنا هاي حلجها ما ينطر من كثر الابتسامات
مايد :ههه
ونزلو وقفوا تحت مبنى البنات بعد مبنى البنات في دجة يالسين عليها البنات
سيف :أف هاي أهني قم أنروح هكو علو صوب الحديقة
مايد : يلا
سيف : ما قلتلك كتبت رقمي على يدار الصالة الرياضة
مايد : يوم أقول مينون الحين بتتصل فيك
سيف : خسي والله اذا أتصلت بتشوف شي ما شافته في حياتها
مايد : عيل ليش حاط الرقم
سيف : عسب البنات لكن هي لا
.................................................. ............................
في الجامعة الامريكية
ريم : حمدو بلاج مويمة اليوم
حمدة : صقر زعلان
الريم : بلاه بعد هالدلوع
حمدو : حرام عليج معاه حق
الريم : أسمحيلي حمدو ولد عمج وايد يتشرط ما قلتيلي ليش زعلان
حمدو: عشان سالفة العرس
الريم : يوم أن معاه حق عيل وافقي ليش مأجلة هالجد
حمدة : أحس عمري بعدني صغيرة
الريم : حليلج يالياهل بعدج ترضعين
حمدة : ههه ريمو عاد
.................................................. .................................................. ..............
في حصة العربي سيف يالس مع ميود وداقين سوالف والمس بعدها ما يت
مرة وحدة دخلت وحدة معصبة وتصكر الباب بالقو
مس : السلام عليكم
الصف : وعليكم السلام
مصطفى (مصري): مس حتوزعي الأوراق
المس : اسكت ( هالأبلة هفات )
الشباب : نقعوا من الضحك
مس: ولك أنتوا ما بتستحوا مافي واحد فيكم فيه ذرة حياء وفي وجه بريق كراما ولك شو هالعلامات وما بتستحوا تسألوا عن الامتحان كمان
الشباب كل واحد ميود ضكته وسيف يضحك ويطالع مايد : عشان المس ما تشوفه
مايد حليله متورط يقوله صك حلجك أضحكني زيادة جي ( هو ما كان يروم يضحك لأنه مجابل المس
سالم : مس
المس : اش لما الكبار بيتكلموا الصغار يخرسوا فاهم
هني مايد ما أستحمل ونقع من الضحك في ويه المس
جان تخزه هايج الخزة
.................................................. ..
سلطان كان ظاهر من الدوام شوي ولما رجع الدوام شاف البنت الي شافها في ستار مارت يالسة تدفع الفاتورة
وهي طالعة يته فكرة الأخ سوا عمره مركز في المبايل ويمشي..... ليش ما يقوم يدعمها هيج الدعمة
البنت : أي أنت ما تشوف عمي
سلطان : بلاج
البنت : عنبو ذا الويه الي لك....ما تستحي ولا تخيل ترد بعد غلطان وزعلان صدق الي قال طرطور ويتشرط
سلطان فاتح ثمه الله وكبر مقواها والله لو مب بنية لهفيتها كف السبالة
ولما سار مكتبه يته ضحكة جان يضحك (صدق قوية أبوي هاي ما ينخاف عليها عن عشر رياليل بس دلاعة السبالة والله لو مرتي جان ظويت الخيزرانة على ظهرها الخامة)
.................................................. ........
الساعة 2:00
بيت سعيد
سالم : يلا عيل بستأذن أنا
روضة : تم تغدى ويانا
سالم : مرة ثانية انشالله
اشوي ودخل عليهم سعيد : السلام عليكم
سالم: هلا والله .الله حية النسيب
سعيد:أهلين علومك
سالم : طيبة والله العلوم من صوبك
\سعيد : الحمدالله
سالم :اترخص أنا وايد تأخرت
سعيد :وين وين ما شي تيلس أهني على الغدا
سالم والله متأخر ومواعد ريال قلت أمر على رواضي بالمرة مدام هيه ما تي ولا تسأل
سعيد : ما يخصها هي أنا الي مشغول بس وعد بني هذا الأسبو ع
سالم : انشالله برخصتكم عيل
وسلم على سعيد وروضة تم لاوي عليها ساعة
سعيد حس بإحساس غريب يمكن الغيرة ما يعرف ( بلاني انا هالأيام شكلي بديت أحبها لا شو أنا من أول أعزها وأحترمها لكن حب لا )
.................................................. .................................................. ..............
على الغدا بيت أبو سلطان
أم سلطان : سلطون أنا كلمت العرب اليوم وقالوا بيشاورون البنية
سلطان : ليش يشاورون البنية بعد
أم سلطان : يالله بالستر وليش ما يشاورونها هي بتعرس ولا هم...... بعدين أسمع هاي وحيدة اهلها وأبوها وايد يحبها ويدلها ليكون تزعلها وتفشلني جدام العرب
سلطان : وليش من أول ما قلتيلي أنها وحيدة
سلطان : ليش بلاها الوحيدة :انشالله
سلطان : بزية وأنا ما أقهر أتعامل مع وحدة ياهل
أم سلطان : ودي سلطون أصطلب أحسلك ناوي تفشلني جدام الناس ولا اشو
سلطان : حاس بوزة وسكت
.................................................. .................................................. ...............
الساعة 3:00
بيت نورة (الله يرحمها )
اليدة: ميري ميري ويع
ميرة : نعم ماما
اليدة : نعامة ترفسج قولي آمين يلا حطي غدا
ميري : راحت وهي تتحرطم على اليدة
سيف يالس في حجرته يطالع التلفون الي يرن يحاول يتذكر الرقم بس مب عارف رقم منو هذا
سيف : حليله نقع الريال
سيف : الو
: ألو مرحبا
سيف من سمع الصوت عفس ويهه
.................................................. .................................................. ........................
بيت بو خالد (الي هو بو روضة )
الظهر والناس كلهم راقدين ومريوم حاشرة البيت بالأغاني وتيول الحبيبة تراها يويلة ما تشوفونها بنت الصراحة أنا أنصدمت منها يوم شفتها تتحدا الشباب ولا كل يوم عندها ربيع طايفة الأجانب الأخت )
وديمة:أف مريوم حشرتينا خفي الصوت
مريم:انزين العصربتفتكين مني بروح بيت خالو مريم
وديمة:أحسن بعد............... الى شخبار عبود
مريوم : وع خلاص ما حبه الحين انا ربيعي حمد
وديمة : منو حمد العامري
مريم : لا هذا مغني انا ربيعي حمد الأصلي كله ايلس عنده في الباص
وديمة : وحليله عبدالله خلاص ودرتي
مريم : هي وحليله بيلسه عندي بعد
وديمة : ههه وعبيد مسكين
مريم :هي وحليله بيلسه بعد عندي
وديمة : وعبدالرحمن
مريم : وع عاد هذا ما دانيه
وديمة :ههه
وظهرت فوق
(هذيل الشباب كانوا في باص مريوم وهم مب صغار كلهم صف أول وثاني عدادي وهم من نفس الفريج وهي عاد ربيعتهم ودوم تيلس معاهم في الباص وهم عاد أونه يحمونها.........................)
.................................................. .................................................. ......................................
نهيان ظاهر من الجامعة مع ربيعه راشد
راشد :وين رايح
نهيان :رايح البيت
راشد: تعال وياي تغدى في بيتنا
نهيان : لا وين ياريال ما روم
راشد :يلا العيوز زعلانة عليك تقول ما تنشد عنها مول
نهيان : اذا جي عيل بنروح
(راشد هذا هو ربيع نهيان وايد وهو عايش مع امه بروحهم لان أبوه متوفي عسب جي نهيان ما يستحي يروح بيتهم لان ماعندهم بنات وهو كان وايد مع أم راشد وكان يعتبرها مثل امه ويزقرها اماية ودوم يروح ييلس معاها و أحياناَ يظهرون ثلاثتم مع بعض واذا حد سال ام راشد كم ولد عندج تقول اثنين مب واحد )
.................................................. .................................................. ......................................وصلوا بيت أم راشد ونزلوا الشباب ودخلوا البيت
راشد : أماية أماية تعالي
أم راشد : ها بوية وشافت نهيان
نهيان تقرب منها وباس راسها : مرحبا ملايين في ذمتية ولا يسدن
ام راشد :دزته بعيد : لا تسلم عليه زعلانة عليك لا تسال ولا تنشد عني مسود الويه
نهيان :ههه مشغول والله أماية وبعدين أستحي كل يوم اي
أم راشد : وابويي من كثر البنات الي في البيت تستحي
نهيان : لا بس بعد كل يوم داق ويهي وياي
أم راشد : عيل خلاص أنا بعد ما بخلي نهيان يحدر بيتكم تراه هو بعد يستحي كل يوم يدق ويهه
راشد : هي والله أماية وايد أستحي ههه
نهيان : هي ما علي اتفقتي انت ورشود عليه ها
راشد : هي هي خلاص ما نباك اظهر
ام راشد : رشود ويع اصطلب استخفيت انت ولا شو
راشد :ههه اتمصخر أماية
ام راشد : مصخرتك مثل ويهك كله ولا نهيان
نهيان :هي أماية قوليله
ام راشد :هي هذا العزيز الغالي
راشد :ههه انزين بطوفها انا هالمرة أماية وين الغدا يوعانين نحن
ام راشد :دقايق وبخلي البشكارة تحطه يلا استريحوا
(راشد كان وايد يحب أمه لأنه ماله غيرها وكان ما يردلها طلب وكان بين فترة وفترة يظهرها من البيت عسب ما تمل وأحياناَ نهيان يكون معاهم
راشد شخصية غريبة تخلي الواحد يحبه غصباَ عنه كان حنون لدرجة فضيعة ووايد يحب نهيان وما يردله طلب حتى لو طلب عيونة كان دايماَ يجدم الكل على عمره وكان فيه هيبة غير عن نهيان الخريش يجذب الواحد له وكان غير عن كل الشباب ما يهمه البنات وهل السوالف مع أن ربعه كلهم يرمسون بنات بس هو غير )
كان راقد ومتهني في رقاده فجأة سمع صوت صريخ تحرى أن يتهيأله بعدين حس الص

بنا ات يعني ماعجبتكم القصة ليه مافي ردود

انا بكملها بسرعة عشانكم يالفاتنه الصغيره والخلوقة

تسلمين يالغاليه
بانتظارج
لاتطولين علينا

________________________________________
الجزء الخامس
حسافه تصغر بعيني وكنت بعيني الغالي
حسافه ينتهي حبك من افكاري ومن بالي
ميرة يالسة في غرفتها تذاكر
وفجأة أنفتح الباب
ودخل سلطان تم يتحاوط في الغرفة بعدين طلع
ميرة أستغرفت
رد فتح الباب بالقو وقفله وميرة ميتة زيغة ميرة وايد تخاف من سلطان
سلطان :ميروو في وحدة تتصل بج تسألج عني
ميرة : ها .ه ه هي هي
سلطان : شو قالتلج :
ميرة : ما شي تسولف
سلطان: من متى تتصل
ميرة : من يومين (وهي تتصل من أربع ، خمس أيام )
سلطان : خبرتي حد
ميرة : لا
سلطان : ابتسم شاطرة تعرفين ياميرو اذا خبرتي أمي شو بسويبج
ميرة بسرعة : لا لا تخاف ما بخبر حد أحسن
سلطان:هي تدرين اخوج بيعرس وحرام تخربين عليه
ميرة:طبعا
وفتح الباب وطله
ميرة:تنهدت : اوف
رد انفتح الباب وميرة بحلقت عينها وبلعت ريجها :اذا اتصلت مرة ثانية لا تردين فاهمة
ميرة : ها
سلطان وهو يصرخ : فاهمة ولا لا
ميرة : فاهمة فاهمة
سلطان :صكر الباب
ميرة : اوف
.................................................. .......................................
مطر طلع من البيت مسرع ما يعرف وين يروح وقف السيارة وبند عينه :آه فتح عينه وصد شاف بيت ربيعة منصور فتح باب السيارة ونزل راح الميلس واتصل في منصور:
منصور: هلا والله بحبيب القلب
مطر : أهلين وينك
منصور : بلاك مطوور
مطر : ماشي وين أنت
منصور: في الطريج رايح البيت تامرني بشي
مطر : تعال أترياك في ميلسكم
منصور : دقايق وانا عندك
حس بحرقة في حلجة يحس أنه عطشان راح المطبخ يشرب ماي ماحس الا وحدة تقتحم المطبخ : خلوف حظرتك هني وانا أدورك في البيت كله
مطر شرق بالماي وكان معطي شمة ظهره فما عرفته
شما : يالرقيق .عاد مول ما تستحمل ........ وين لا بتوبي وين حا طنه......... عندك لابتوب لازم اتشل مالي
مطرابتسم L بلاها هالخبلة )
شما : خلوف بلاك أرمس .....شمة بدت تخاف: خليفة بلاك
جربت منه
مطر في خاطرة لاء لا تجربين
ياه..كل هذا الموت فيك وانت حي؟
ليه ساكت؟ياخي قل لي اي شي
قبل تتقفل في صوتك كل ابواب الكلام
وينفتح جرح في قلبك يستفزك للسلام
السلام اللي يودي ومايجيب
غير نفس كل مااشرق همها..عيا يغيب
شمة وقفت جدامه : فتحت عينها)( لا مطر مستحيل بس شفيك ليش شكلك زعلان ومهموم ما حيدك جي أحس أنه فيك شي.......... ما يخصني أنا خلاص مطر انتهى من حياتي أنا المفروض ما افكر فيه خاصة عقب الي سواه فيني )
ماحست بالوقت الي مر وهي تستعيد ذكرياتها مع حبيبها بس فجأة حست على عمرها أنها بعدها واقفة جدامه
مطر حب يقطع جو التوتر
مطر : أحم......... .شحالج شمة
شمة : (بحزن) بخير أنت شحالك
مطر : بخير
مطر كان بيطلع من المطبخ عيب علي هاي اخت ربيعي وهو طالع لمح لمعة في عيونها تهدد بنهمال الدموع
فظهر
شمة : مطر
مطر صد بدون حاسية : لبيه
شمة : والدمعة فضحتها : بعدني أحبك
مطر صكر عيونة بصعوبة وبلع ريجة وطلع من المطبخ طلع من البيت كلهَ ركب سيارتة وتم يمشي بها والدوع تارسة ويهه لين حس نفسه خلاص ما يروم وقف السيارة ودفن راسة في السكان وهلك عمره بالصياح دموعه تنزل وقلبه يتقطع المشهد هذا يذوب قلب الكافر عليه
مطر ما يعرف يصيح على أخوه ولا على نفسه ولا على شمة الي ضيعها من أيده بس هي أعترفتله أنها مستعدة تسامحة على الي سواه فيها مطر يتذكر ذاك اليوم الي قسا على قلبة في سبيل صداقته
ليتني ما عرفتج يا شمة ليتني ما شفتج اليوم............ ليتني مت قبل لا أشوفج آه بس آه
مطر : تم يتحرك بالسيارة ومب حاسس بشي بس بعدين حس على رنة المبايل الي أول ما شل التلفون أنقطعت
وشاف مكالمات لم يرد عليها :10 مكالمات
سته من منصور
وثلاثة من أمه
ووحدة من نهيان
وقبل ما يتصل بحد رن مبايله باسم منصور
مطر رد عليه
منصور: مطر وينك شفيك انت بخير وليش ما ترد على المبايل وليش ما أتريتني لين ما أي
مطر: شوي اشوي عليه ....... ما فيني شي بعدين كنت تعبان وفيني رقاد قلت اروح انام أحسلي
منصور : يعني أنت في البيت
مطر: هي كنت راقد عسب جي ما رديت عليك
منصور أطمن شوي :أنزين ليش كنت مضايج يوم ييت
مطر: ماشي مثل العادة الوالدة تعيد سالفة الزواج وانت أدرى شقى أضايج من هالسالفة
منصور :هي عندي الي عندك عالعموم ما با أعطلك على نومتك تصبح على خير
مطر:وانت من أهله
ما أدري ليش جذبت عليه الصراحة ............ بس الي أدريه أني ما أبغي منصور يعرف أني طولت في بيتهم
حتى لا يشك مجرد شك أني ممكن شفت حد من أهله وما بغيت اقوله على ناصر لان أدري بمنصور بتم يسأل مية سؤال وأنا مصدع وأبغي أرقد
حرك مطر السيارة وراح البيت كانت الساعة توها ثنتين دخل الصالة شاف أمه تترياه
مطر:أماية شو تسوين يالسة ألحين
أم مطر :أترياك شفتك تأخرت وما ترد على المبايل
مطر: الله يهديج يا أماية مب ياهل أنا
أم مطر: لو بتكبر بتم بعيني ياهل اخاف عليك
مطر ابتسم حق أمه وراح باسها على راسها :يلا أماية روحي ارقدي الحين وانا بعد بسير أرقد
أم مطر : بس بغيت أرمسك بسالفة ناصر
مطر: أماية أنا تعبان وابغي ارقد وناصر باجر برمسه أنا يلا أماية قومي الحين
أم مطر :بس لا تضايجه وأسمعه
مطر (وشو الي خربه غير دلعج يا أماية ): انشالله اماية تصبحين على خير
أم مطر :وانت من اهله
أما شمة بعد ما طلع ركضت غرفتها وصكرت الباب واساندت عليه وتمت تصيح وتتذكر الي صار والي خلاها
من اسعد بنت الا اتعس بنت صح أنها تضحك وتسولف لكنها من داخل أنسانة ميتة
(ليش ليش يا مطر ليش ترجع بعد ما نسيتك ليش تفتح جروح مسكره من زمان ليش تنزف جرحي
من اول وايديد ليش تتلذذ بتعذيبي آه
يوم الأربعاء
الساعة 6:00 الصبح
بيت أم راشد
أم راشد داخلة الميلس
أم لراشد:راشد رشود قوم روح الكلية يلا قوم
راشد : ها أماية شو شو تبين
أم راشد :قوم يلا قوم
راشد :أنزين أنزين وانجلب الصوب الثاني
ام راشد :رشود وصمخ قوم أقولك
راشد : اوف أنزين قمت ها
راشد :نهيان نهيان قوم يلا
أم راشد : مسود الويه حد يوعي حد جي
راشد: لا عيل أنت توعيني بصريخ عادي
أم راشد :احين أنا أوعيك بصريخ متى هالكلام
نهيان قام وهو يبتسم :صباح الخير اماية
أم راشد :صباح النور والسرور هالولد مب أنت
نهيان :ههه
راشد :انزين ماعلي المهم جسوم ودوه داخل ينام لا تخلونه هني
أم راشد :الحين أنتوا قوموا ويصير خير بعدين
راشد ونهيان قاموا وتغسلوا ونهيان لبس من عند راشد وظهوا مع بعض راحوا الكلية
.................................................. .................................................. ....................
اما في بيت مطر
مطر كان راقد وامه توعيه وهو لا حياة لم تنادي
:أم مطر :اوف أنا تعبت منك الصراحة
ام مطر يابت غرشةالماي الي تعود مطر انه يوعيه وجبته على ويه
مطر:أماية
أم مطر :يلا قوم
وظهرت
مطر :اوف
وراح تلبس ونزل تحت
شاف ناصر يستعد عسب يروح المدرسة
ناصر: صباح الخير
مطر ما رد عليه وشل سويجه وراح الدوام
ناصر :نزل راسه
.................................................. .................................................. .......
كان راقد وحليله ومتهني فجأة أنفتح الباب بالقو وهو ما تحرك
من مكانه لانه خلاص تعود على هالوضع
مريم يت ويلست على ظهره
:عمي عمي قوم
سالم :اوف أنا ما أدري متى بفتك منج الناس يتصبحون على ويه حلو وانا أتصبح على كشتج
مريم :عمي بزعل ترى
سالم :قام وأنا أروم أن الريم شيخة الحريم تزعل علي
مريم :ههه عمي ابغي اسير الألعاب ابوي ما يبغي يوديني
سالم :ليش ما يبغي يوديج
مريم :ما ادري يقول أنه مشغول وامي تعبانة ما تروم تروح
سالم : صدقه أمج ما تروم وانت الله يهديج بس ما علي اليوم العصر انا بوديج
مريم :اليوم لا بنسير بيت يدوه
سالم : هي اليوم بتروحون عند العيوز
مريم :منو العيوز
سالم :خالتج منو بعد في غيرها عيوز
مريم :ههه بفتن عليك
سالم :ههه ما بقى الا عنودوه تزيغني قومي أنتي روحي الحين وراج مدرسة وانا العصر
بوديج وبعدين بردج عند يدوه
مريم :أوكي
.................................................. .................................................. ...........
روضة دخلت الغرفة بعد ما روح أحمد
سعيد:روضة بتروحين اليوم ولا باجر
روضة :لا اليوم
سعيد : أنزين عيل لا تنسين تجهزين أغراضج وأغراص العيا ل وهي ولا تنسيني
روضة : انشالله (متى نسيتك عسب انساك الحين أنت بس الي ناسيني)
.................................................. .................................................. ...........
معقول ما حسيت
مثلي ولا عانيت معقول
ما فكرت لجلك أنا شسويت
أرخصت لك دمعي أضويت لك شمعي
وإنت ولا حسيت
نسيت أصحابي وأبعدت عن أحبابي
حزني عليك أكبر من همي وعتابي
خليتني بدربك حاير مع حبك
حلفتك بربك ما إشتقت لي وحنيت؟؟
الساعة 10:00 صباحاَ
في دوام هزاع وسلطان
سلطان : وهي لين الحين ما اتصلت
هزاع:لاء
سلطان :أنت بعد عندج لين يوم الجمعة جان قلت لين يوم الاربعاء
هزاع :انت متفيج شكلك
سلطان :ههه اشوفك ما تشوف شكلت ترى
هزاع : ما أظن في شي يضحك
سلطان :انشالله وكتم ضحكته وتم يطالعة
هزاع : هزرك ليش ما أتصلت
سلطان : ما أدري الصراحة علمي علمك
هزاع : اخاف أنها خلاص ما تبغيني
سلطان :أصلاَ لو تحبك صدق كانت قالت من أول ما قلتلها
هزاع :اوف ما أبغي افكر في الموضوع راشد داوم
سلطان:لاء أنا ساير عنده وبي
هزاع :أحسن بعد
.................................................. .................................................. ..............
منصور : بلاك أنت اليوم
مطر : ماشي ما فيني شي
منصور :انزين ليش ويهك مصفر
مطر: مب راقد عدل مريض
منصور: قوم بنظهر دافن روحك في هالمكتب
مطر: ما أروم اظهر شغل على راسي
منصور:أوف
منصور : منو هاي
مطر:أي وحدة
منصور:الي لابسة تنورة قصيرة
مطر: وحدة مقدمة عندنا
منصور: وافقتوا عليها
مطر:لاء
منصور: أحسن يا ريال هاي مب ياية تشتغل
مطر: منصور اذا فكرت فيوم وخطبت وحدة أهلها بيقبلون فيني
منصور:ليش ناوي تخطب
مطر:أسالك في شي بيخليهم يرفضون
منصور:لاء طبعاَ مية وحدة تتمناك وما في شي يعيبك
مطر:في خاطره بس الي أتمناها ما أروم اوصلها آآآآآآآآآآآه)
منصور: مطر بلاك فيك شي
مطر:لاء سؤال مر على بالي قلت اسئله
منصور أطالعة باستغراب بس بعدين صك السالفة
.................................................. ..................................................
هيام :علي أبغي اشوفك احسن عمري متضايجة
علي :من شو متضايجة ياعمري
هيام :البنات كله يعيبون عليه في الجامعة أنا ماألروم اتحمل اكثر من جي الصراحة
علي :شو الي يخليهم يعيبون عليج
هيا:أمي أمي تدري اني ما أدانيها أوف لو تموت تفكني
علي (يوم تقول عن أمها جي شو من خير فيها بعد): أنزين حبيبتي أهدي أنتي وانا اليوم بشوفج
علي:انزين مع السلامة
علي :مع السلامة
عيي:أوف أذتني بنت المصرية هاي
خليفة :حرام عليك
علي :سير لاه حرام عليك اوناه ياخي هاي صايعة بشكل
خليفة: بلاها هي الحين
علي :تقول ان البنات يعبون عليها عسب أمها
خليفة :هي شو يخصها ليش هي تختار امها
علي :اقول يالحنون أنتا أنا واحد يوعان قوم ناكل شي احسن من هالسوالف الفاضية
خليفة :الله يهديك يارب
.................................................. .................................................. ..............
ميرة :أتصدقين ودوم بعد ما رمسني مول ما اتصلت معنا تتصل كل يوم الصبح
وديمة : يمكن رمسها
ميرة :بس كيف عرف أنها تتصل فيه هي قالت أنها ما ترمسه
وديمة :يمكن شاف رقمها من الكاشف
ميرة :يمكن ما شفتي شكله ودوم يوم دخل بغيت اموت
وديمة :أدريبج خوافة
ميرة:ههه بس صدق اقولج قمت أتنافض يوم ظهر شكيت انه عرف عن علي
وديمة :جان زين لو عرف عسب يأدبج مسودة الويه
ميرة :ههه حرام عليج هو الي اتصل مرة وحدة بس كان يبا يطمن
وديمة: أدافعين عنه ها
ميرة :فديته تدرين أحبه
وديمة : لاء ما ادري .
ميرة :ودوم عاد
وديمة :انزين ذاكرتي الفيزياء كلها
ميرة :هي ليش
وديمة :أيبي الكتاب بسالج شي
ميرة :أنزين لحظة
وكملوا سوالف عن الدراسة بعدين
.................................................. .................................................. ...................
الساعة 2:00 الظهر
بيت الريم
الريم كانت توها داخلة البيت رادة من الجامعة
اليدة :جان ما يتي مسودة الويه انحنا مب بنسير اليوم ولا سويتي عمرج ما تدرين
الريم :تو الناس جي بنسير الحين
اليدة : هي الحين
الريم : الحين ماماتي انا برقد ويوم بقوم بنسير
اليدة :لا والله
الريم :ماماتي انا رايحة أنام واذا مستعيلة روحي أنتي
اليدة : قصورج بعد اتمين هني يلا روحي يبي اغراضج
الريم :أوف أنزين أنا بتغدى ويوم بخلص بتسبح وبتلبس وبنسير
اليدة :يلا أترياج أنا
.................................................. .................................................. ..............
بيت بو هزاع
الساعة 00
ميثة :هزاع أماية تقولك غدا
هزاع :ما أبغي قوليلها
ميثة : كيفك
هزاع :أوف هاي متى بتتصل انا بديت أوسوس الصراحة فاللحظة رن تلفونة
وجان يفز من مكانه راح يشوف منو
ويوم شاف أن سلطان اتحطم
هزاع:ألو
سلطان :مرحب
هزاع:اوف شو تبا ياخي متصل الحين
سلطان :زين مني متصل اسال عنك وأقولك خبر عن حبيبة القلب بس ما علي مع السلامة
هزاع :سلطان شو مع السلامة ارمس شو ارمس
سلطان :ترى انا ما استحي حد يتصل في حد الحين
هزاع:أوف سلطون ارمس لاايلك لين البيت الحين
سلطان : راشد رايح مع أهله العمرة
هزاع : شو متى وكيف وليش ما قلتلي
سلطان :متى امس وكيف بالطيارة وليش ما قالتلك اسالها بس على ما أظن خلاص البنية تابت ههه
هزاع :وقت مسخرتك الحين
سلطان :انت ترى متخبل اخطبها وفكنا ياخي
هزاع :خلا تي واشوف ردها الاول عيل ما تدري متى بيون
سلطان :ما ادري انا يوم سألت عن راشد في الدوام قالولي محد بعدين وانا طالع محمد قالي
هزاع تنهد:هي انت شخبارك
سلطان :بخير
هزاع : حددوا متى العرس
سلطان :في الصيف
هزاع :زين زين وقلت حق البنية أن يمكن ينقلونك دبي
سلطان :لاء بخليها تحت الأمر الواقع ههه
هزاع :شو
سلطان :أنا مب متأكد من النقل أصلاَ سيف قالي مجرد كلام لين الحين
هزاع: يلا الله يوفقك
سلطان :هي انشالله عالعموم أخليك الحين أنا
هزاع :أنزين يلا فمان الله
سلطان :فمان الله
.................................................. .................................................. ............................
على الغدا الكل ياكل ويطالعه بس هو هادي ولا معبر حد منهم
مطر كان حاسس بعيونهم عليه بس هو كان بارد لدرجة محد يتصورها
وناصر ما كان يا كل
أم مطر : ناصر ليش ما تاكل
ناصر :أكل أماية أكل
ناصر : مطر بغيتك عقب الغدا بكلمة راس
نهيان رفع راسه وشاف ناصر بمعنى أنت صدق مينون
مطر : شوف أول مواعيدك يمكن مواعد الربع ولاشي وراكم سهرة
نهيان:هههوبعدين حس الكل يخزه جان ينزل راسه ويكتم ضحكته
ناصر نزل راسه :مطر أنا آسف ووعدك ما أسوي هالشي مرة ثانية
مطر :آسف هاي ما تفيدني
ناصر :قولي شو ممكن اسوي عسب تسامحي
مطر :تنهد :وقام من كرسيه وظهر فوق غرفته وناصر عيونه أنملت دموع وطالع نهيان (نهيان على الرغم من كل شي بس وايد طيب ما أستحمل منظر أخوه)
نهيان :يوم بقوم العصر روح رمسه واذا ما طاع خله كم يوم لين يهدى
ناصر :بس أنا خلاص تبت والله تبت ليش ما يسامحني
نهيان :تنهد :بيسامحك انشالله بس أنت أهدى الحين وكمل أكلك
ناصر :بسني أنا بروح أشوفه
وقام راح دق الباب على أخوه
مطر كان يالس على الكمبيوتر يخلص شغله يوم رفع راسه أنصدم بناصر
ناصر :ممكن أرمسك
مطر:مشغول انا الحين شو تبغي
ناصر: بس ابغي ارمس فموضوع مهم
مطر:نزل راسه وتم ساكت وبعدين رفع راسه وتم يطالع ناصر قام من مكان وشل سويجة وبوكه ولبس كابه
مطر :يلا تعال
ناصر :وين
مطر: مب تبا ترمس ما أظن هني مكان مناسب وانا ما ابغي الوالدة تتعب علينا عسبك قوم بنظهر بنرمس برع البيت
ناصر: انزين بلبس كندورتي وبي
مطر :يلا اترياك في السيارة
.................................................. .................................................. .....................
في سيارة سعيد
سعيد :بتروحين اليوم بيتكم
روضة :ليش ما بنسير بيت عمتي
سعيد :بلا بس المغرب يعني
روضة : خلاص بقول حق سالم يوديني المغرب
سعيد :وليش سالم أنا موجود
روضة :بس جي تعب عليك
سعيد:لاء عادي
ورن مبايله
سعيد شاف الرقم وطنش لأن روضة هني وعياله بعد
أحمد :بابا تلفونك
سعيد :أنزين بابا
سعيد :ألو
سارة : هلا حبيبي ليش ما ترد
سعيد :لاء ما سمعته
سارة :وين انت اسمع حشرة
سعيد :رايح العين
سارة :أوف يعني ما بشوفك
سعيد :لاء
سارة :وينها عيل أم العيال
سعيد : أف برمسكم عقب انا لاني مب فاضي الصراحة
وصكر التلفون بدون ما يسلم حتى
وصد على روضة تطالعه والف سؤال في عيونها طنشها وطالع جدام وكانه مب مسوي شي
مطر :ابغي ارمس أبغي ارمس ما أشوفك ترمس عيل
ناصر : مطر أنت مسامحني
مطر :لاء
ناصر : نزل راسه ما يعرف شو يقول صح انه كان يبغي يرمسه بس ما توقع أن كل الشجاعة الي فيه راحت
مطر : أوف أنزين من متى وانت تدوخ
ناصر : من شهرين
مطر :ارفع راسك مب المدرس الي في مدرستكم أنا.............. انا أبغيك ترفع راسك وترمس شرات الرياييل قولي انك غلطت وانك ما راح تعيدها قولي ليش سويت جي قول
ناصر بكل شجاعة رفع راسه والدموع مالية عيونه : تدري ليش سويت جي تباني اقولك ليش أنا بقولك أنا كنت أنسان فاضي ما في حد يهتم فيه صح اماية مب مقصرة لكن لو شو هي حرمة ما راح تفهمني و أنت مشغول يا أما يا ربعك او في الشغل ونهيان طول الوقت مع راشد جنه راشد أخوه مب أنا شو تباني أسوي برايك شفت كل شي متوفر ابغي فلوس امي تعطيني بدون حتى ما تسأل اظهر وأرجع وقت ما أبى هي لا تستغرب أنت تظن أني أستأذنك قبل كل ظهرة فانت غلطان لأنك ما تعرف شي وتدري منو خلاني أسوي جي أماية هي أماية اماية كل ما أبغي اظهر والوقت متأخر تقولي روح بس أرجع قبل مايي مطر واذا أنت ييت تتصل بيه تقولي أرجع مطر رجع هي الي كانت تحرضني على الطلعة لاني ادري لو قتلك ما بترضى أظهر قبل ما تعرف مع منو امشي و لو عرفت ما بتخليني اظهر
مطر :تدري أني ما بخليك معنى هذا أنك تدري أن الي تسويه غلط بس مستمر فيه ورديت كل الموضوع على أمك .........أمك الي كانت تبى سعاتك ما كانت تدري أنك بتسوي جي
ناصر :بس أنا ندمان والله ندمان بس سامحني صدقني اول وآخر مرة
مطر :ندمان ندمان على شو على الي سويته ولا على الي كنت تسويه
ناصر ودموعه على خده :لو ابوي كان عايش وكان هو هني بدالك كان سامحني لأن ما أظن في أبو يزعل على عياله
الكلام هذا كان مثل الالم الي يعيد الجروح والأوجاع
مطر ودموعه على خده مب قادر يسيطر على عمره خلاص من كل صوب هالايام تجرحه وتعذبه ليش أنا بالذات ليش ليش كل الي احبهم بعاد عني أبويه وشمه والحين ناصر الي اعتبرته ولدي يشكك بحبي له يشكك في ابووتي له يظن اني مب مسامحنه والله انا مسامحنه لكن بغيته يتعلم شوي لكن بعد هالرمسة ما أظن اني انفع استوي أبو لاني ابو فاشل الحمدالله يوم هديت شمة ............شمة انسانة طيبة وقلبها صافي ما تستاهلني انا والظاهر أني نسيت أنهم بيرفضوني حتى ولو خطبتها لاني...................
ما وعى الا بناصر ماسك ايده ويبوسها
ناصر:مطر ابوس ايديك ابوس ايديك سامحني ما كان قصدي الي قلته والله ما كان قصدي
مطر:وهو يسحب ايده ويحطها على جتفه :ليش أسامحك كل الي قلته صح المفروض أنت تسامحني مب أنا
ناصر :لاء انت سامحني أنت ابوي وأخوي العود
مطر :ناصر انا ما أبغي أرمس فهالسالفة المهم الحين بنبدا صفحة يديدة انا ما بكون أبوك بس بكون ربيعك بس بشرط تقولي كل شي أي شي فاهم
ناصر وهو يبتسم :انشالله انشالله
مطر: والدخان هذا تودره
ناصر : ولا بي صوبه بعد لا تحاتي
مطر :لا مب بس جي دراستك أباك تنتبهلها ولا تنسى ان الامتحانات على الابواب
ناصر :انشالله بس انت
مطر ابتسم :انا برد مثل اول واحسن بعد بس ها اذا
ناصر :لا توصي
مطر :ابتسم وكمل طريجة راد البيت
.................................................. .................................................. ..................
الساعة 4:00 العصر
الشارجة
الريم كانت مخلصة من زمان بس يالسة في غرفتها على النت تتصفح المواقع كانت تبا تمرر الوقت
عسب ما تسير مع يدتها من وقت وهي مب عارفة من متى هالمحبة الي نزلت عليهم يعني لازم يعزموني أوف
طالعت الساعة الساعة توها اربع نزلت تحت لقت يدتها راقدة
الريم :يت منها أحسن
وشوي ولا اليدة فتحت عينها ريمو مسودة الوية تو الناس جان ما نزلتي
الريم :ها ماماتي تو الناس
اليدة :وايد تو الناس أوف يلا قومي تاخرنا على الناس
الريم في خاطرها( وايد تاخرنا )
ركبوا السيارة ومشوا فيها شوي ولا اليدة راقدة
الريم :أوف ماماتي رقدت أنا شو اسوي
الريم : ماماتي
اليدة :ها
الريم :بكونون كلهم هناك
اليدة : والله ما أدري بس ما أظن بس لا تخافين باجر بتشوفينهم كلهم
الريم : بيت منو بنروح
اليدة :بيت بو منصور
الريم :شمعنى
اليدة :بس جي أنا أبغي أروح
الريم :أنزبن كم بنت عندهم
اليدة :عندهم شمة بس مرت سعيد بتي بعد يعني وايد متستانسين
الريم (هي وايد الصراحة ) هاي الي حامل
اليدة :هي وبعد عندهم خليفة و منصور
الريم :هم
سكتت الريم واليدة ردت تنام
الريم :أوف خلا أشوف سيفو وين واصل
أتصلت به بس محد يرد
........