قروب دلع النوري باذن الله 15 كيلو على مدى 3 اسابيع الجزء الاول

مرحبا فيكم بنات .. كيف حالكم ان شاء الله بخير ..
مثل ماتعرفون فترة العيد قربت ولازم نخسر كم كيلوا في هالكم يوم اللي
بقوا معنا ( تقريبا 3 اسابيع ) ..
كل اسبوع من هالثلاثه راح نعمل على نظام جديد حتى مايتعود الجسم
على نوع معين من الدايت ومايتقبل الجسم فقدان الوزن ..
طبعا تقسيم الاسابيع بيكون كالتالي ..
الاسبوع الاول : ريجيم التمر واللبن = 5 كيلوا (19_11)
الاسبوع الثاني : ريجيم الزبادي = 5 كيلوا (26_11)
الاسبوع الثالث : ريجيم الشوربه = 5 كيلوا (3_12)
بنات اذا تلاحظون ترتيب الاسابيع بتشوفون اني بديت معك بالتدريج يعني عشان ماتحسون بالجوع مره ههه وتتعودون على كذا عموما هو المجهود بيكون
في الايام الاولى وبعدين بيصير عادي جدا ..
راح نسوي جدول بسيط حق المتابعه اليوميه مثل ماتشوفون بالصوره موجود اليوم
والتاريخ يوم بيومه اذا مشيتي اوكي حطي علامة صح ان هاليوم عدى على خير من باب التشجيع لك .. (اللي تقدر تصغر الصوره ياليت ومشكوره مقدما )
اللي حابه تبدأ معي وبتكون جاده في كلامها حياها الله بس على شرط نكون ملتزمين يابنات مابي وحده تدخل وتخرب على باقي القروب وتحد من عزيمتهم ونبدأ على بركة الله وانا اولكم .. وزني : 70 طولي 163 >> حابه اوصل الى 60 كفايه علي
لاني ماشاء الله طويله ومو حلو علي العصقله الزايده ههه