قروب عيدنا برشاقتنا مع قطرة ندى صباحية أحلى

1. و اللي تبي تخفف تخفف...


2. وراح يكون نظامنا في قروبنا كالتالي....

يا بنات فتحت هالتجمع عشان بإذن الله ما يجي العيد إلا و احنا رشيقات
مو بس رشيقات و نعومات و ملفتات
طبعاً في التجمع هذا ما راح يكون في نظام رجيم محدد لا كل وحدة على هواها في نظامها

و اللي تبي تخفف تخفف...

وراح يكون نظامنا في قروبنا كالتالي....

كل يوم نخصص ساعة للاهتمام بجسمنا ...يعني يوم نهتم بالشعر و يوم نهتم بالأظافر و يوم ترطيب بشرة و يوم ساونا بالبيت و هكذا يعني كل وحدة تحورف بنفسها شكل.....و أي خلطة و اي كريم يفيدها و تشوفه حلو تجي تجدعه عندنا هنا...
و الشي الثاني لازم نخصص ساعة كاملة للرياضة ... عاد تبونها كلها مشي ولا كلها رياضة ولا نصها مشي و نصها رياضة اللي تبون... ترى بعد الرقص ينحت الخصر يعني ادمجوه مع الرياضة...
و الشي الثالث نخصص وقت للاهتمام بأبو الشباب يعني مثل ما لجسمك عليك حق بعد ابو الشباب له عليك حق ما تقولين رجيم و مالي خلق بالعكس كل وحدة تبدع بحركة لأبو الشباب وتجي تسدحها لنا هنا في القروب...
و الشي الرابع طبعاً الالتزام بالواجبات الدينية و نحرص على اذكار الصباح و المساء و ان شاء الله كل يوم راح نستغفر ألف مرة..عاد اللي تبيها مرة وحدة و لا تقسمونها على اوقات مختلفه المهم اننا كل يوم نكمل الاستغفار ألف مرة و فضل الاستغفار عظيم قال تعالى: (( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ))
بما اننا في شهر شعبان و يستحب فيه الاكثار من الصيام ان شاء الله كل اثنين و خميس راح نخليها صيام للي تبغى ...
الشي الخامس ضروري شرب لتر او لتر و نص من الموية يومياً ......
و العصير الحارق روعة كيوي و اناناس و جريب فروت... اذا شربيته كوجبة عشاء يحرق الشحوم لك و انتي نايمة .....
وهذي عصيرات للتخسيس تحرق الدهون في الجسم
عصير الجريب فروت
يقشر الجريب فروت ويقطع إلى أجزاء صغيره ثم يضرب في الخلاط ويتم حفظه
بالثلاجه ويتم تناول من كوبين إلى ثلاثه يومياً .
من الممكن إضافة بدائل السكر مثل السويت دايت والسكرول للعصير .
عصير الاناناس و الكيوي
عصير اناناس كيديدي مع حبه كيوي و نص ليمونه تضرب في الخلاط و تشرب كوجبه عشاء
مشهور جداً بقدرته على اذابه الدهون و التخسيس
منوقع الكمون و الليمون
تضع في كأس ملعقة كمون معه حبة ليمون مقطعة حلقات نحيفة يصب عليها ماء مغلي و يغطى و يترك حتى الصباح و يشرب على الريق...
يللا من ودها تشترك في القروب تجي هنا و تسدح بطاقتها الشخصية
الاسم:
الوزن:
الطول:
الهدف الأول خلال شهر شعبان:
الهدف الثاني خلال شهر رمضان:
قياس محيط البطن ( اختياري ):
و كل يوم نجي نقول يومياتنا عشان كل وحدة تحمس الثانية ....
و اليوميات راح تكون نهاية اليوم كل وحدة تسجل التالي:
الفطور:
الغداء :
العشاء :
الرياضة :
اذكار الصباح و المساء :
الاستغفار:
العناية بالبشرة و الجسم:
العناية بالزوج ( خاص للمتزوجات ) :
كمية الماء المشروبة :
بنات رجاء اللي عندها حماس تشترك و اللي ماعندها حماس معليش تشاركنا بالقراءة فقط...
يوم الخيس ان شاء الله راح يكون الميزان للجميع
وهذا راح يكون شعار القروب حقنا
يللا يا بنات مين ودها تعيد و هي رشيقة تجي هنا بسرعة
>> حياكم الله <<