قروب هدف حماس من 60 ل 70 وبس

هاي يا فرشات (ان شاء الله )ههه
السلام عليكم ورحمة الله وبركاته
ياحلوين بصراحه انا بأسس دا القروب لانو انا انسانه فعاله اولا ولاني حسيت انو ظلمت نفسي وانا محاميه امثل العداله والانصاف (تناقض صح ) والله اني ظلمت نفسي
قولي لي كيف ؟؟ انا اقولكم ورح اكون شجاعه في كلامي ربما يكون دافع قوي لكم وليا يقوي ايرادتنا
1- طول عمري محافظه على جسمي بس قاطعت الميزان +الطبخ+ المنتديات +النادي وأنهمكت في الشغل في السنه الاخيره زدت 10 كيلو
2- من ظلم الانسان لنفسو انو ما يحرص على صحتو وانا فرطت في صحتي بصراحه واهتميت بالنجاح العملي ونسيت انو لو صحتي تعبت مارح اقدر انتج ولا شي
3- بالعقل ربي قالنا كلو واشربو ولا تسرفو وايات كتير ليش ناكل اكلنا واكل غيرنا (ههه) والله ساعات مافيني جوع طفاسه وبس ،،،وحرام حراام حرام في غيرنا مو لاقيين ياكلو
4- من حق نفسي عليا اني اكون معاها زي ما كنت طول عمري مو فجأه اتغير عليها ههه ومقاساتي تتغير والله سببت ربكه وصدمه لنفسي الى الان مني مستوعبه اني زدت 10 كيلو في اقل من سنه وربما والله 6 شهور كمان
اوكي ياحلوين ي مقدمه ومن شروط الانضمام للقروب التالي
1- توبيخ النفس علنا امام الجميع توبيخ وليس تحطيم لاني ضد التحطيم او ما يسمى بجلد الذات
2- وضع الطول والوزن والهدق الاول والتاني والاخير
انا وزني 70 وطولي 157
الهدف
الاول
(65)
التاني (60)
الاخير (57)
يارب يا قدير تنحفني بصحه انا وانتو
3- كتابة اليوميات كل يوم
4- كل اسبوع يكون في وحده تفوز بلقب رشيقة الاسبوع في القروب ولو تسمح الاداره تعطيها نك تحت اسمها او تسوي لها حركه
5- تكتب الخطه الي بتعملها خلال الاسبوع او الشهر او اقل زي ما تحب ومعاها التواريخ
وانا حأتبع الخطه دي
بسوي
الرجيم الهولندي مره حلو
الفطور:
قهوه او شاي مع سكر الدايت+توسته واحده محمصه ومدهونه بالفول السوداني
الغداء:
قهوه او شاي مع سكر الدايت+توسته واحده محمصه +100 غرام تونه معلبه بالماء
العشاء:
قهوه او شاي مع سكر الدايت+100 غرام لحم بقر بدون دهن مشوي او مسلوق او صدر دجاج ايضا 100 غرام+200 غرام فاصوليا خضراء مسلوقه +200 غرام جزر+ايس كريم بالفانيلا عدد واحد+ تفاحه
من تاريخ 18نوفمبر الي تاريخ 20 نوفمبر 2010
بسوي رياضه خفيفه في البيت واحط الحزام الهزاز 40 دقيقه
وبجرب الفرك بالقهوه التركي في هذه 3 ايام بعا الشاي الاخضر وشاي جامو
يلا مين تبغى تجي معايا ترفع يدهاِ ِ