قسم العلوم الإداريه

شذا الورود

29-08-2022 - 12:27 pm

السلام عليكم ....
كيفكم بنوتات واخباركم
كيفكم مع النظام التراكمي ياثاني والله انه غثا يوميا اختبارات والله مايرحمونا
بنات انا ابسالكم كم سؤال وان شاء الله القى منكم الاجابه وهذا مو غريب على حبايبي الفراشات
كم وصلت نسبة القبول الان بكليه العلوم الاداريه اللي بجامعة الملك سعود ...!!
شرايكم بكلية العلوم الإداريه ... من حيث الدراسه وصعوبتها .... والإمتحانات... !!!
إن شاء الله بعد التخرج وين يشتغلون خريجين هذه الكليه .....!!!
وبس هذي اسألتي
ان شاء الله ماكون ثقلت عليكم
باي

التعليقات (4)

ويبقى للصمت كلمات ..

29-08-2022 - 03:15 pm

اله يوفقك يارب وتنجحين بتفوق
أنا ادارة أعمال مستوى أول
بصراحه اذا انتي حابه القسم وراغبته بتمشين
بس أنصحك
قبل لا تدخلين اي قسم في العلوم الاداريه
شوفي كل الخطط الدراسيه حقت هذا القسم
واختاري أي مجال تحسين أنك راغبته
مجالات التوظيف تقريبا واسعه
على حسب أي قسم
مثلا الادارة العامه (في القطاع الحكومي)
ادارة الاعمال (في القطاع الخاص)
وتقدرين تشتغلين في بنوك
او ادارة مستشفيات ...... الخ
أمأما عن سهله أو صعبه
عن نفسي أحس اني مستصعبته يمكن لأني أدبي وأحس ادارة الاعمال
مفروض يدخلونها علمي لان الكمي(الاحصاء) فيها كثير والاقتصاد بعد
ويمكن مستصعبته لاني أحس انه غير عن المدرسه وجو جديد علي
وانا أساسا داخلته وهو مو ميولي بس قدر الله علي ودخلته
بس بصراحه
اكتشفت
ان كل شي يعتمد على الدكاتره
اذا صارت الدكتورة حبيبه بتخلي الماده سهله حتى لو انها صعبه
واذا صارت الدكتورة شريره بتخلي الماده صعبه حتى لو انها تافهه
بس أنصحك تدخلين علوم اداريه على الاقل تكدين في شي فيه وظايف
اما النسبه
بصراحه ماادري بالضبط
بس قسمي على 97 تقريبا سكر
والباقي أعتقد على 95 والله ماني متأكده بالضبط
بس اللي أعرفه انه سكر على نسب عاليه
بس شدي حيلك
لانه كل سنه يتسكر على نسب أعلى
بالتوفيق
اله يوفقكم ويسهل عليكم وييسر لكم
يارب
والله اني حاسه فيكم
اله يوفقكم يارب وتجيبون أعلى النسب
طولت عليك بكلامي
سوري
وأتمنى اني افدتك لو بشي بسيط

شذا الورود

29-08-2022 - 04:16 pm

يسلمو أختي
(ويبقى للصمت كلمات .. )
والله افدتيني كثير الله يجزاك الف خير

وينكم يافراشات يعني بس رد واحد :(
ترا ابزعل منكم ماتعودت منكم كذ
راجعتلكم
وان شاء الله اشوف الردود

شذا الورود

29-08-2022 - 05:17 pm

طيب بنات اللحين في شهادة الثانويه العامه
اذا كنت ابي ادخل هالقسم يشوفون كم جبت بالمواد العلميه والا اهم شي النسبه

شذا الورود

29-08-2022 - 06:18 pm

وينكم بنات

ضروري بليز←
لوسمحت يا معلمات ساعدوني→