قسم بالله أنتي سويها وراح زوجك هو يركض وراك

بسم الله الرحمن الرحيم
هلا وغلا بحبيباتي
طبعا كل وحدة تحاول تكسب زوجها بشتى الطرق
مره حفله رومنسيه ومره هديه وبتغيير الغرفه وبطبخه غريبه
وتصريف الاطفال ونومه بفندق او شاليه ولبس غريب واشكال مكياج
وغيره كثير ولا يرضون وإذا رضي يوم أو يومين
بس جب لكم الحل السهل والمضمون عشان يرضى وزود هو ألي يركض وراك
الزبده لااطول عليكم ابنقل لكم قصه وحده سمعتها من الشيخ عبالمحسن الاحمد الله يحفظه
يقول جت لمي وحده من محارمي تقول والله عجزت اكسب زوجي دائما زعلان ولايرضيه شئ
بالرغم إني حريصه على كسبه ودائما نظيفه وأولادي مرتبين والبيت نظيف وطبخ وغيره لكن
عجزت هل عندك حل لي قال لها الشيخ أبي ساعه من وقتك كل يوم قالت معليش لوتبي ساعات
بس تنحل مشكلتي قال قومي في الثلث الاخير من الليل وادعي بهذه الدعوه <<< اللهم إني أسألك رضاك >>>
قالت هو مضمون قل أبد أنتي جربي ومنتي خسرانه
وبعد شهر شوفي النتيجه
يقول راحت ونسيت السالفه لكثرة مشاغلي
وبعد شهر يقول جت وحبت راسي قلت وش السالفه قالت
تذكر وصيتك لي يوم جيت اشتكي من زوجي قال أيه قالت
والله صرت أسوي له 20% من ألي كنت أسويه له بالسابق وصار هو الي يدور رضاي ألان
يعني أكسبي رضى ربك يرضى زوجك
أتوقع طريقه سهله و ما يبيلها جهد
الله يسخر لي زوجي ويجعلني ورده بعينه وخواتي وكل مسلمه