قسم بالله تحقق لي ما اريد 00 شوفوا وش عمل

هذا موضوع نقلته عشان نتفائل اكثر واكثر ونستمر عالدعاء والاستغفار لين ربي يفرج همنا
لاني خايفه ان الشيطان يوسوس لنا ويحطمنا لين نبطل ندعي ونستغفر
من هنا دعوه للاستمرا
وشوفوا هالموضوع
بسم الله الرحمن الرحيم
الاخوان الكرام
السلام عليكم ورحمة الله وبركاته
انا دخلت هنا وسجلت لاني شايف كثير من الاخوان والاخوات عندهم وآمال وطموحات وامنيات نفسهم تتحقق لكن تحققيقها يمكن يكون ضرب من الخيال وواحد من المستحيلات
فالاول يبحث عن وظيفه والثاني امنيته الزواج والثالثة امنيتها في الولد و و و و الخ ومثل ماقلت لكم الجميع حاط تصور لمشكلته انها مستحيلة الحل
مع ان الحل بيد كل واحد لكن للاسف غافلين عنه
يمكن البعض يقول ان ماعندي سالفة ويمكن البعض ابتسم ابتسامه ساخرة لكن ما على الله شي بعيد
بأعطيكم قصتي بإختصار والقصة مالها يومين من صارت ( قبل نهائي كأس العالم بيومين بدأت بالعلاج ) والحمد لله اعطاني ربي ما اتمنى والجاي افضل ان شاء الله
وعشان البعض لا يقول اني ابالغ
اقسم بالله الواحد الاحد الفرد الصمد الذي رفع السماء بلا عمد اني اقول قصتي بدون اي مبالغة او زيادة والله على ما اقول شهيد
يمكن القصة طويله شويه لكن ان شاء الله فيها العلاج لجميع المشاكل
طبعاً انا شاب مثل اي شاب عندي امال وطموحات واهداف وكنت اتوقع انها صعب تتحقق ومن ضمنها الزواج ( حلم اتمنى تحقيقه ) لكن المشكلة العين بصيرة واليد قصيرة
لا وظيفة ولا مصدر دخل ( احيان احصل خمسة ريال حقت الفطور ) واحيان ما احصلها مع ان عمري تعدى 28 سنه
ماخليت مكان ماقدمت عليه من ست سنوات وانا اقدم لكن للأسف الجواب نفس الجواب ( شهادتك ماتناسبنا ) مع اني خريج جامعة وتخصص نادر بمعدل جيد لكن ما احد يبي شهادتي
يئست وفقدت الامل واسودت الدنيا بعيني لدرجة اني في الايام الاخيرة اعتزلت الناس وبدأت افكر بإنهاء حياتي
بعد ما اسودت الدنيا بوجهي دخلت على منتدى ونزلت مشكلتي وكنت منتهي ومتحطم ويأئس من كل شي الا من رحمة الله
الخلاصة ( ردت وحده من الاخوات وقالت اكثر من الاستغفار )
يوم شفت هذي هي حلولهم جاني اكتئاب وفقد الامل لكن قلت ليش ما استغفر ربي
فكنت استغفر يوم وانشغل
وارجع استغفر 100 مره وثلاث ايام اتكاسل وارجع استغفر يوم واسبوعين ما استغفر ماكانت عندي الهمه
وجلست على الحال هذا 3 شهور تقريباً وماحسيت بأي تغيير في اي حاجه
الخلاصة قبل يومين عاهدت ربي اني استغفر 70 الف مره خلال الشهر هذا
وبدأت بهمه عاليه وفي اول يوم استغفرت 14 الف مره
وفي اليوم الثاني انشغلت لكن استغفرت يمكن 3 الاف مره
والله والله والله والله والله
جاني اتصال من واحد من الاقارب وقال بالحرف الواحد كلمت لك واحد يشوف لك وظيفه والرجال قال خليه يجيب ملفه
مع اني لا كلمته ولا قلت له كلم لي احد
من الله جات الوظيفه والراتب تقريباً 8000 ريال ولله الحمد
والوظيفه اختارها لي الله سبحانه اساهم في بناء بيته ( المسجد الحرام )
يعني ان شاء الله اجري ما ينقطع الا ان تقوم الساعه
بالفعل ايقنت ان عندي رب عظيم رب رحيم رب كريم رب يفي بوعده اذا وعد
وابشركم ان شاء الله بعد اشهر من الان بأبدأ ابحث عن بنت الحلال
وراح اكثر من الاستغفار حتى ربي يرزقني الذرية الصالحه النافعه اللي تدلني على الخير وتعينني عليه
هذي قصتي بإختصار ويعلم الله اني ما بالغت في اي كلمة قلتها
بعد ماشفت فضل الاسشتغفار بعيني حبيت ان الجميع ينال من خير الاستغفار
اللهم اني اشهدك بإني كتبت القصة حب الخير في اخواني ولكي اشكر نعمتك علي
اللهم فإعطي كل واحد منهم مسألته واجمعني بهم في فردوسك الاعلى مع النبيين والشهداء والصالحين اخوه على سرر متقابلين
بصراحه القصه طازه
نقلتها من احدى منتديات الشباب اللي يبحثوون ع وظايف كتبها بتاريخ 14 _7 _2010
وهاذا كمان من ردودد احد الاعضاء يحكي قصته بنفس الموضوع
السلام عليكم ورحمة الله وبركاته
اللهم لك الحمد حتى ترضى ولك الحمد بعد الرضى
شخباركم يا شباب .. عسآكم على القوه
اليوم بحكيلكم قصتي معا الوظائف ومعا الاستغفار وهي مشابهه لقصه
اقسم بمن رفعها سبع سموات بلا عمد اني لم ازيد شي عن الحاصل
بسم الله
كانت الوالده كل يوم تقولي الاستغفار الكثير سبب في سعادتك
وكنت اتجاهل هذا الكلام
يعني تقولي بدل ما تشغل اغاني بالسياره .. طف الاغاني واقعد استغفر ربك
ولا انتا جالس وتنتظر استغفر ربك ..
المهم وبصراحه من قبل فتره كنت افكر في كلامها واقول استغفر الله استغفر الله
واوقات اطف المسجل واستغفر الله
المهم هنا تبدا القصه ..
جا التقديم في امن المنشات وكنت مرا فاسخ يدي منها لان كنت اشوف تقاديم
وبالدبلوم وكنت اتجاهل لكن امن المنشات قلت يلا نقدم ونشوف نهايتها
اول يوم الطول والوزن وانا جالس انتظر استغفر الله حوالي 3000 مره وكنت مرعوب ما يقبلوني
يوم جيت على الميزان حسيت براحه لا توصف وكنت متاكد اني بالنقبل وبالفعل عدينا الطول والوزن
ووهنا الكشف الطبي .. مرا كنت فاسخ يدي لان عندي مشكلتين ( افضل عدم ذكره )
وقتها استغفرت ربي حوالي 6 ساعات ..
واللهم لك الحمد عديت .. كيف ما ادري ..؟
وبعدها جات الروحه للرياض عشان المقابله الشخصيه .. وانا انتظر اشوف الشباب يسولفون ويضحكون وجالسين مهمومين .. وانا استغفرت ربي حوالي 2000 مرا ..
وسبحان الله دخلت المقابله وانا مرتاح نفسيا وما يقولي شي الضابط الا اعطيه غطاه
وعدينا فيها ولله الحمد والمنه
وخلال الانتظار عشان القبول النهائي اللي جلسنا فيها 4 شهور ..
جا تقديم على التشغيل الذاتي بمستشفى الملك فهد بجده وانا معا دبلوم تمريض
فكرت وفكرت قلت ياخي قدم وشوف ***** الله خير ومعا العلم كنت فاصخ يدي منها
توكلت على الله وقدمت .. قبلوني قبول مبدئي .. سرت افكر وافكر اقول لا يكون امن المنشات
بيسحبون عليه وا وا وا
قال المستشفى نسويلك اختبار انقليزي قلت اوكيه .. اقسم بالله اختبار دكآتر و استشاريين مرا صعب
لغتي كويسه لكن حسيت اني مرا ما جاوبت .. خلصت في ساعه ونص من ساعتين
قلت نص ساعه باستغفر ربي .. استغفرت الله لين قالو سلم الورقه معا العلم اني مخلص من اول
خرجت قلت يالله انك تكتب امن المنشات من نصيبي
وفعلا اللهم لك الحمد حتى ترضى
امس خلاص اموري في امن المنشات وانقبلت قبولي نهائي
واليوم انقبلت في مستشفى الملك فهد بجده وطلع اسمي من بين 10000 شخص
فا سويت مقارنه وسويت مسابقه عليها الثنتين وفازت فيها امن المنشات
فا يا شباب الاستغفار نعمه ..
فآستغفرو الله كثيرا لعلكم تتقون
طبعا الاستغفار مايحتاج اثبات بس هالقصتين طازه للتشجيع والتحفيز ان شاء الله فيها نفع
بنات مايحتاج نجيب قصص عشان نصدق لان هالشيء مذكور بالقران بس انا نقلتها لكم عشان تتحمسون وتستغفرون كل يوم وما تتهاونون حتى لو طولت السالفه وطول النصيب ماجانا00
بس ان شا الله كل وحده تتمنى تتزوج وتغني نفسها بالحلال عن الحرام ربي يوفقها ويحقق امنيتها واولهم انا
مشتاقه لبيتي وعيالي وابو عيال<<<<< ههه ادري ما استحي بس هذا الصدق