قصة رومانسية ولا أروع تهبل موت

اول شئ السلام ..
احب الفت نظركم الى ان هذي القصة حقيقية و هي مو خرابيط من راسي يعني
واقعية تابعوا احداثها لا تفوتكم تراها خطيرة ....
وبليز لاتفوتون ولا سطر لأن القصه اكثر من روعة...........
فقط ابيكم تقرونها ........
ذاك اليوم عند باب المدرسه وبعد هموم الدراسه والامتحانات و استلام
الشهادات كانو البنات طالعين من المدرسة و هم طايرين من الفرحة على
اساس انها اخر سنة لهم و بعدها الجامعة ...... والا بذاك الصوت اللي
يلعلع ..
الهنوف: واو و الله اناسة و اخيرا خلصنا من المدرسة ..
تحيا الحريه ..... ( على فكره البنت وايد مبلتعه )
دلال: و انتي الصاجة بس ورانا جامعه والله بستر منها .......
الهنوف: أي جامعة و أي بطييخ .. حبيبة قلبي في الجامعة ماكو دراسة كله لعب
في لعب و بس .. (فاهمين قصدها)
دلال: أي ادري فيج انتي ما همج الا الصياعة و المياعة ......
الهنوف: لا شدعوه دلول ؟!؟!؟! هذي وانا صديقتج تقولين عني جذيه افا عليج
دلول!!!
وفجأه ........
الا بذاك التفحط >>>> ماكو غيره طلول اخو الهنوف ..
الهنوف: اوكي حبيبتي الظاهر هذا اخوي طلول ماكو غيره مفشلنا جدام الله وخلقه
دلال: ههه لا عادي الشباب كلهم جيه .. مايصدقون على الله يمرون جدام
مدرسه بنات الا ويطلعون كل مواهبهم !!!!!
الهنوف: عاد مو أي بنات ......
دلال: يالله بلا كلام زايد ..روحي لا تحصلين زفة على الطاير ... اوكي يالله باي ( و
هي مأشرة بيدها )
و الغبي طلال في السيارة رد على التحية و سوى لدلال باي <<< ضايع في
الطوشة مسكين .. مفكر الباي له
و دخلت الهنوف السيارة و هي معصبة و صفقت الباب بقوة و هي تقول:
الهنوف: شتبي انت ؟؟؟ و على أي اساس تسلم على البنت؟؟ حبيبي صديقتي ما
عندها هالسوالف فاهم ؟؟؟؟؟
طلال: بسم الله .. داخلة سيارتي و شوي و تكفخيني لا سلام و لا كلام شعوده يبه
الهنوف: السلام .. بس مو عيب عليك ؟؟
طلال: شنو اللي عيب ؟؟ البنت سلمت علي تبين اطنشها ؟؟
الهنوف: و منو قالك انها كانت تسلم عليك ؟!؟!؟!؟! اهي اصلا كانت تسلم علي ...
طلال: ما تفرق عليج و الا علي .. مو احنا اخوان؟؟
الهنوف: هههااي خفيف دم و الله .. اقول امش و انت ساكت ...
و وصلو البيت ..
الهنوف: السلام عليكم .. هلا يمه شخبارج انشا الله بخير و العال العال و شخبار
ابوي و و يدي و يدتي و خالاتي و عماتي و عمامي و اولادهم و بناتهم و شخبار
العيال كلهم الكبار و الصغار انشا الله كلهم بصحة و سلامة و ما يشكون من شئ ؟؟
ام طلال: وه وه وه شفيج يا بنيتي كليتيني بقشوري شوي شوي الركادة زينة ..
طلال: يمه ماعليج منها ...... يمه حبيبتي اذا ماعلج امر نجبيلي الغدا لاني وايد
يوعان و بطني صار له ساعة يغروج....(يطلع صوت)
و قعدت الهنوف تشوفه بنظرات استهزاء ....
ام طلال: و لا يهمك يا وليدي .. دقيقة على ما تغيرون هدومكم و تلقون كل شئ
جاهز....
طلال: تسلمين لي و الله يا ام طلال
و عقب الغدا ................
ترن ترن
ام طلال: الو
دلال: الو السلام عليكم
ام طلال: و عليكم السلام هلا دلال
دلال: هلا خالتي شخبارج انشا الله بخير؟
ام طلال: الله يسلمج حبيبتي.. شخبار الوالدة ؟؟
دلال: الحمدلله..تسلم عليج دوم........ اقول خالتي الهنوف موجودة
ام طلال: أي لحظة اناديها لج ... (و هي تسد السماعة بس صوتها يخترق اذن دلال
) الهنوف الهنوف تعالي يمه دلال تبيج على
التلفون.......
الهنوف: انشا الله يمه .... بجي الحيين ..
و وصلت الهنوف و رفعت السماعة....
الهنوف: الو
دلال: اهلين .....
الهنوف : هلا و الله وغلا شخبارج دلول ؟
دلال : تمامز شخبارج انتي ؟؟
الهنوف: والله بخير ....
وفي هالحظه كان طلال يناظر الهنوف بنظرات غريبه ... >>>الهنوف : ( وهي مرتبكة ) اقول دلول حبيبتي باروح ارفع السماعه من فوق ....
لاتسكرين .. لحظه شوي ..
واضطرت انها تخلي السماعه مفتوحه علشان ماينقطع الخط في وجه البنت ...
و ما مداها ركبت فوق الا طلال ير فع السماعة و يقول:
طلال: الو مسا الخير
دلال:...................
طلال: شدعوه عاد
و في هاللحظة ترفع الهنوف السماعة ..
الهنوف: اقول سكر و بلا قلة ادب
طلال: حاضرين<<<<<<<<<<العن ابو الادب
الهنوف: سوري
دلال: لا عادي .. بس الله يهديج ليش تخلينه يرفع السماعة؟؟
الهنوف: و الله مدري فيه ان ملقوف ..
دلال: اقول ترا باجر ابيج تجين بيتنا اوكي ؟؟
الهنوف: اوكي .. المهم فاتج اليوم شصار
دلال: شصار قوولي
الهنوف: المسكين طلول توهم انج كنتي تسلمين عليه يوم كنتي تسوين لي باي
في الهدة
دلال: هههاي و الله حاله معاهم هالشباب كل ما سلمنا على
ربعنا على بالهم نسوي لهم حركات .. سمحي لي الظاهر اخوج هذا احول يشوف
ايديني ثنتين وحدة لج و وحدة له لول
الهنوف: هههاي
و فجأة يسمعون ذيك الصفقة القوية اللي فقعت اذانيهم........
دلال: بسم الله منو هذا اللي رافع السماعة؟؟؟؟
الهنوف: بيه اكيد هذا طلول يتجسس علينا ........ ماكو غيره لان امي طلعت
قبل شوي ....
دلال: ويلي ويلاه و الله فشلة ....
الهنوف: خليني اشوف شغلي معاه <<<<< فاكرة روحها رامبو
دلال: اوكي اوكي روحي بسرعة و اعتذري له مني و الله اسفة ما كان قصدي..
الهنوف: يا عيني على الاهتمام.. اوكي اشوفج على خير .. باي
دلال: باي<<<<ميتة من الفشييلة
و تنزل الهنوف كأنها سوبرمان و على طول تروح لطلال..
الهنوف: طلال انت شلون تتجسس علي و انا اكلم صديقتي؟!؟!؟!؟!
طلال ساكت و معصب و واصل حده ..
الهنوف: ليش العصبية؟؟ روق يا اخي .. محد غريب غلط الحبايب هم اللي غلطوا
طلال: أي حبايب و أي بطيخ<<<<<<< يبي يضيع السالفة و هو من داخل محترق
بنار الحب...
الهنوف: مو علينا .. ترى البنت تعزك و انت ما سمعت بقية المكالمة عشان
تحكم..
طلال: ليش ؟؟ غلطت اكثر مما غلطت ؟؟ و الله طاحت من عيني
الهنوف: و ممن متى هي معلقة ؟
طلال:.......................
الهنوف: يا حبيبي صبر زين.. الصبر مفتاح الفرج.. ترى البنت انحرجت و طلبت مني
ان اعتذر منك .. شتبي اكثر من جيه ؟؟
و في هالوقت الله لا يراويكم شكل طلول .. كان ميت من الوناسة و قلبه يدق بقوة
حتى الهنوف سمعتهم<<<<<<< العن ابو الشلخ
اصلا الولد يا ناس كان يحبها بس مو راضي يعترف و بعدين كان خايف ان الحب
يكون من طرف واحد خصوصا لما انصعق بالمكالمة.....
و تم مبقق عيونه مثل الابله و فجأة ياه ذاك الكف اللي عمره ما شاف مثله و صحاه
من احلامه الوردية<<<رومانسي الاخ
طلال: آآآآآآآآآآآآي ويعه شفيج انتي؟؟؟
الهنوف: انت اللي شفيك وين رحت بأحلامك؟؟ الله يعقل عليك بس ... روح روح
شوف شغلك .....
و طلعت الهنوف للصالة و مرة وحدة يرن جوالها و ترد بصوت كله رقة و دلع..
الهنوف: الو
المتصل: الو .. مرحبا
الهنوف: مراحب
المتصل: غريبة!!! هذا مو جوال خالد الفهد؟؟؟
الهنوف: لا و الله يالحبيب هذا جوال خالد الاسد هههااي
المتصل: لول و الله انج خفيفة دم.. على العموم سوري على الازعاج..
الهنوف: لا عادي حياك الله ....... طراخ<<<<<<<يا عيني على الذرابة..
في الصالة..
طلال: منو هذا ؟؟
الهنوف: لا تخاف مو حبيبة القلب
طلال: لالا انا مو قصدي
الهنوف: لالا انت قصدك
طلال : لاحول !!!!!
الهنوف: اقول طلول .....؟
طلال : هلا ؟
الهنوف : ابيك باجر توديني بيت دلال بعد صلاة العشا .. انت فاضي؟؟؟
و ترتسم على شفايفه ابتسامة عريضة
طلال: حاضرين اكيد فاضي انتي تامرين امر ...
الهنوف (في قلبها) : شعنده الولد منجرف في تيار الرومانسية و قالت له: حاضرين
لي و الا للحبايب؟؟؟
طلال: حاضرين و بسس.. و الا الحين اهون<<<<< يهدد ويا ويهه
الهنوف: لالا خلاص. بس لا تنسى بعد صلاة العشا..اوكي؟؟؟؟
طلال: اوكي
و في اليوم الثاني بعد صلاة العشا .........
بيب بيب
طلال: وينها هذي تأخرت و الا لو مو بيت دلال ما كنت وديتها ...
و بعد دقيقتين تدخل الهنوف السيارة..و الاخ مشغل شريط حمود ناصر و حاط
اغنية ياللي رايح لحبيبي سلمي عليه
الهنوف (في قلبها) : و الله درينا انك تموت فيها ..
و عقب فترة سكوت..........
طلال: اقول يا الهنوف ممكن تفاتحينها بالموضوع ؟؟؟؟
الهنوف: أي موضوع؟؟؟؟
طلال: لا تسوين روحج مو عارفة....
الهنوف: عن شنو تتكلم ؟؟؟
طلال: اقصد ......... د .... د .... دلال
الهنوف: اها قولها من البداية .. افا عليك انت تامر امر حاضرين ...
و يوم وصلو لبيت دلال نزلت الهنوف و هي تتمخطر في مشيتها و طلال يقول لنفسه
ياليتني كنت مكانج
في داخل بيت دلال.......
الهنوف: هلا دلال شلونج؟؟
دلال: الحمدلله انتي شخبارج؟؟
الهنوف: تماامز و الله ... وين الوالدة ؟
دلال: يمه تعالي الهنوف تبي تسلم عليج ....
ام دلال: هلا الهنوف شلونج يمه و شلون الوالدة و الوالد و شخبار طلال اخوج انشا
الله كلهم بخير ...
الهنوف: بخير الله يسلمج خالتي ..
دلال (و هي مرتبكة) : يالله عن اذنج يمه.....
و ركبو فوق لغرفة دلال .........و قعدو يسولفون لين قالو بس..........
و بعد فترة راحت دلال و جابت القدوع ( عصير و حلويات ) .....
و الا يرن جوال الهنوف ..............
الهنوف: الو
المتكلم: الو.. هلا و غلا من معاي ؟؟؟
الهنوف: يعني بالله عليك انت اللي متصل و الا انا ؟؟
المتكلم: اوه مو كأنه هذا جوال خالد الاسد ؟؟
الهنوف : مو قلنا لك النمرة غلط يالله باي<<< مسويه روحها ما تعطي وجه
دلال: منو هذا ؟؟
الهنوف: واحد ملقوف الله يستر عليه اتصل امس ..
دلال: وش يبي؟؟
الهنوف: اقول خلينا من هالسالفة ..
دلال: ها وش عندج؟؟
الهنوف: ابي اقولج شئ..
دلال: قولي
الهنوف: طلول اخوي
دلال: شفيه؟؟؟
الهنوف: ما فيه شئ بس سأل عنج و سلم عليج
دلال: و اعتذرتي له ؟؟<<<<<< ويهها كأنه طماطه حمره
الهنوف: أي أي بس..........
دلال: بس شنو ؟؟ ما قبل اعتذاري ؟؟؟؟؟؟؟؟؟
الهنوف: لا افا عليج .. قبل و نص
دلال: عيل شنو ؟؟؟؟؟؟
الهنوف: سمعيني دلال.. طلال يبي يخطبج
دلال: ها يخطبني ؟؟<<<متفشلة
الهنوف: أي يخطبج .. دلول طلال يحبج و يموت فيج ... و اعتقد ان الشعور
متبادل بينكم
دلال:..................صراحة احرجتيني
الهنوف: يعني انتي تحبينه ؟؟؟ قوولي عادي لانه يبي يعرف رايج قبل ما
يخلي امي تكلم امج.....
دلال: بس دراستي ؟؟ انتي نسيتي ان عندي بعثة لامريكا ؟ و انا ما ابي افوتها
علي ......
الهنوف: و منو قالج انج بتفوتينها ؟؟ اصلا طلال يدري و هو مستعد يسافر معاج حتى
تمكلين دراستج .... ها شقلتي ؟؟؟؟؟
دلال:..................................
الهنوف: يقولون السكوت علامة الرضا
دلال: تقدرين تقولين <<<<<منحرجة
الهنوف: واي مبروك حبيبتي الف الف
مبروك (و خذتها و لمتها و قعدت تحببها) ...
دلال: بس ما صار شئ لحد الحين
الهنوف: انشا الله باجر بيصير و اذا تبين اليوم بعد ....
دلال: لالا خليها باجر احسن ........
الهنوف: اوكي على راحتج....
و الا طلال متصل بالهنوف ..
الهنوف: الو
طلال: هلا.. بشري كلمتيها ؟؟؟؟
الهنوف: مو الحين وقته انتظر لما نرجع البيت و اقولك
طلال: بس قولي أي او لا بليز
الهنوف: أي
طلال: واو تسلمين لي يا احلى و اغلى اخت بهالدنيا .. يالله انا انتظرج
بره اوكي ؟؟
الهنوف: اوكيك بااي
دلال: منو هذا ؟؟
الهنوف: يعني تسوين روحج ما تدرين !! هذا حبيب القلب ...
دلال:اها<<<<<<<<خدودها حمره
الهنوف: اوكي حبيبتي هو بره الحين يالله سي يو توموروو .. كشخي عاد ..
دلال : افا عليج .. حاضرين.. يالله امشي اوصلج
الهنوف: يالله
و يوم وصلو عند الباب.....و الا الاخ ياي يرن الجرس لان طلعت روحه و هو ينتظر اخته<<<<<< ما عليكم منه يبيها من الله و يشوف دلال...
و اول ما فتحت دلال الباب الا طلال في وجهها !!!!!!!!
و هي استحت و على طوول راحت وارا الباب لانها كانت لابسة تنورة قصيرة و هو
شافها.. و طلال من شافها انهبل و ذاب .. كانت طويلة و حلوة احلى من
القمر و رقيقة ارق من نسمة الهوا و على ويها بسمة كانت حنونة و صارت خجولة ..
و يوم طلعت اخته قامت تضحك عليه و قالت له :
الهنوف: وراك ما تسلم ؟؟ مستحيي ؟!؟!؟!
طلال: أ ....... أ........ اهلا دلال شلونج..
دلال (برقة و صوت وااطي و بكل معنى الانوثة ) : تمام شخبارك انت ..
طلال: بخير دامك بخير
و تدخل الهنوف عرض و بصراخ تقول:
الهنوف: لول يحليلكم و الله .. نحن هنا
طلال: اوكي . نشوفج على خير مع السلامة ..
دلال: الله يسلمك
الهنوف: باي
دلال: باي
و يوصلون البيت و تقوله كل اللي صار و يروح يكلم امه حتى تخطبها له باجر و
توافق الام و هي مستانسة لانها ما راح تحصل لطلال وحدة احسن من دلال ....
في اليوم الثاني و من الساعة 10 الصبح طلول يحن :
طلال: يمه يالله بسرعة روحي اخطبيها قبل ما تروح من ايدي..
ام طلال: يا عيوني ما بتروح من ايدك ولا شئ<<<< مسكينة ما تدري انهم طابخين
الطبخة و خالصين و انها اخر من يعلم
طلال: يمه متى بتروحين ؟؟
ام طلال: اليوم عقب صلاة المغرب بنروح
طلال: ها و انا شيصبرني الى عقب صلاة المغرب ؟؟؟؟
ام طلال: طلول يووز عني و الا الحين اهون و ما اخطب لك البنت
طلال: خلالالالاص العذر و السموحة ..
و راح الاخ من الحين جهز نفسه .. راح الحلاق و حلق و سنع روحه و بعدي راح و
شرى له عطر جديد .. و بعدين راح البيت و تجهز و تعدل الين ما صارت الساعة 5.30
و الا غرشة العطر مخلصة<<<<<اللي يشوفه يقول بيخطبونه مو كأنه هو اللي
بيخطب...الحمدلله و الشكر
و يروحون بيت دلال ..
و بعد ما قعدوا و شربو القهوة و الولد منسدة نفسه عن الاكل من الفرحة .....
دار بينهم هذا الحوار...
ابو طلال: شوف و الله يا اخوي يا ابو دلال .. انا بدخل في الموضوع على طول ..
الحقيقة ان احنا ودنا نخطب بنتك دلال لطلال ولدي ..
ابو دلال: و الله هذي الساعة المباركة .. و احنا ما راح نلقى احسن من طلال.. ماشا
الله عليه خوش ولد .. رجال و كفو .. و كفاية انه ولدك يا ابو طلال..
ابو طلال: و الله تسلم يا اخوي .. بس هم لازم تشاورون البنت..
ابو دلال: اكيد ... يا ام دلال روحي نادي دلال ....
و تنقز الهنوف كعادتها في اللقافة..
الهنوف: عنج خالتي انا اروح اناديها ..
و بدون ما تسمع الرد على طول نقزت و راحت تناديها .. و يوم كانو راجعين
المجلس رن جوال الهنوف و بدون ما تشوف الرقم سوت كانسل لان مو وقته..
و دخلت دلال و هي مستحية و تطالع الارض و كانت مزيونة في نظر طلال ...
و سلمت عليهم و قدمت العصير و عيون طلال تلاحفها وين ما راحت ... و قعدت جنب
ام طلال ..
ابو دلال: سمعيني يا بنيتي .. اهل طلال يبونج لولدهم .. طبعا انا ما عندي أي مانع
بس الراي الاول و الاخير بيكون لج ...
دلال (منزلة راسها) :.......................... يبه كيفك
ابو دلال: يعني شلون ؟؟
ام دلال: لا تحرج البنت .. خلاص البنت من عيونها موافقة ....
ام دلال و ام طلال مع بعض :
الف الصللالالالالااة و السللالالالالالالاام عليك يا حبيب اله محمد
كل
لوش
و على طول تقوم دلال و تطلع من المجلس <<<< يا عيني على الخجل
و يقعدون يباركون حق بعض و يتفقون على المهر و الملجة و كل شئ (انتو اخبر)
و في يوم من الايام عقب ما ملجو (يعني كانو بس مخطوبين) اتصل طلال على
دلال ....
دلال: الو
طلال: هلا حبيبتي
دلال: هلا عيوني شلونك ؟؟
طلال: دام اني اسمع صوتج اكيد بخير .. انتي شخبارج حبي ؟؟
دلال: تماام الحمدلله ..
طلال: ها نمتي زين امس و الا تفكرين فيني ؟؟ <<<<<< ثقة زايدة
دلال: يا سلالام وايد مصدق روحك
طلال: لا حياتي هذي الحركات مو علينا .. اصلا انا ادري بكل شئ
دلال: شنو اللي تدري فيه ؟؟
طلال: ان زواجنا بعد يومين
دلال: و بعد
طلال: و ان الهني مون راح يكون في امريكا و بعدها راح ندرس هناك اربع سنوات
دلال: الله يعينني على فراق الهنوف
طلال: أي و الله الا قولي الا يعينها على فراقج لا و انا معاج بعد
دلال: اوكي حبيبي ما اطول عليك
طلال: تبين تفتكين مني
دلال: لا بس الوالدة تبيني
طلال: اوكي حبي اهتمي بنفسك
دلال: و انت بعد ... يالله باي
طلال: باي
و صار يوم العرس و استانسو فيه كلهم و صيحوا بعد...... خصوصا ان اليوم اللي
عقبه مباشرة كانت الهنوف راح تفارق الثنين و طبعا دموعها ما وقفت لا هي و
دلال...
و في المطار ......
تعلن الخطوط الجوية الامريكية عن اقلاع طائرتها المتوجهة الى نيويورك فعلى
المسافرين التوجه الى مكان الاقلاع و شكرا ........
الهنوف: لالالالا مستحيل راح افتقد حبيبين .. سنة كاملة ما راح اشوفكم
فيها ما يصير <<<<< مسكينة ما وقفت بجي الله يصبرها
دلال: بس يالهنوف تكفين حياتي دموعج ما وقفت من يوم وصلنا المطار تراها
غالية علي وايد .. حبيبتي خلالالالالالالاص<< قعدت تصيح معاها و الله حاله
تبي تكحلها عمتها
طلال : بس عاد لا تصيحوني معاكم كل وحدة تصيح علي من صوب <<<< اسمع
ابو المشاعر
و راحت الهنوف و لمت دلال و قعدو يصيحون مع بعض و جت ام طلال و ام دلال يبون
يفرقونهم عن بعض بس ماكو فايدة<<<<<مساكين و الله من جد كسرو خاطري
الهنوف : اوكي حبيبتي اشوفج على خيير ان شاء الله .............والله بتوحشينني
وهم انت بعد ياطلال ياعمري راح تكون لك وحشه كبيره ....
دلال : يلا بعد عمري الهنوف ..... مع السلامه وادعي لنا بالتوفيق .....(و اهي تمسح
دموعها )
طلال: يالله يمه في امان الله انشا الله اول ما نوصل نتصل فيكم......
ام طلال: تروحون و ترجعون بالسلامة يا وليدي
ام دلال: عاد يا طلال ماوصيك على دلال
طلال: افا عليج خالتي .. دلال بعيوني
و كل واحد منهم راح في طريقه..............
في اليوم الثاني تقعد الهنوف بروحها في البيت متمللة ما عندها شغلة و لا مشغلة
و فجأة تذكرت الاتصال يوم خطبة دلال و قالت خل اعرف من كان متصل و ادق على
الرقم اللي مسجل في الجوال <<<<<<< اللقافة تلعب دور
6-............. و يرن التلفون
المتكلم: الو
الهنوف: الو السلام عليكم <<<< يا عيني على الذوق
المتكلم (عرف صوتها) : و عليكم السلام هلا و الله
الهنوف: اخوي ممكن اعرف جوال من هذا ؟
المتكلم : هذا جوال نواف
الهنوف: مدري بس رقمك مسجل عندي من فترة
نواف: هذا جوال بيت الاسد
الهنوف: بسم الله انت نفسه ؟!؟!؟!
نواف: أي نعم
الهنوف: و شتبي مني ؟؟
نواف : انتي اللي داقة مو انا
الهنوف: اوكي اسفة باي
نواف: براحتك باي
التكلمة
و مرت فترة و نست الهنوف السالفة و في يوم رن الجوال و كانت صديقتها دانة ..
الهنوف: الو
دانة : الو .. قوة .. هلا بالقاطعة شدعوه عاد لا اتصال و لا ايميل شفيج انتي و الله
انج صديقة مو وفية ..
الهنوف: بسم الله شفيج انتي ؟؟ تعالي ذكرتيني بالايميل .. بس انتي متى كان
عندج ايميل؟؟؟( اللي يقول انا كلش اموت فيها فاكرة روحها ماي بست فرند )
دانة: من فترة سويته .. تبينه ؟؟
الهنوف: أي
دانة:daan_959@hotmail ها كتبتيه ؟؟؟
الهنوف: أي اوكي خلاص حفظته انا الحين بدخل على النت
دانة: اوكي سي يو باي
تشتششتشتشتش <<<<<< النت قاعد يشبك
و على طول الهنوف تفتح المسنجر و تسوي اد حق دانة..
الهنوف: اشوه انها اوون لاين على الاقل القى احد اكلمه
و دخلت عليها .........بنكها (دلوعة البنات)<<<< ما اتحمل وايد مصدقة روحها
دلوعة البنات: هاي دانو زين انج اوون لاين
اسير حبج: هلا
دلوعة البنات: شالنك اللي حاطته كأنج ولد
اسير حبج: الحين بغيره لحظة ..لان اخوي كان يستخدمه
دلوعة البنات: اوكيك
دانوه: ها شرايج في هالنك
دلوعة البنات: أي هذا اوكي زين مو ذاك
دانوه: يعني ليش حاطة دلوعة البنات ليش ما تحطين اسمج ؟؟
دلوعة البنات: يعني احط الهنوف؟؟؟؟؟؟ لا مدري شلون اخاف يدخل علي ولد و
يعرف اسمي ..
دانوه: يا اخت الهنوف ممكن اسوي معاج انترفيو ؟؟(يعني مقابلة)
دلوعة البنات: اوكي .. دام ما عندنا سوالف
دانوه: اسمج الكامل
دلوعة البنات: الهنوف بنت ........ بن(العايلة الكريمة)
دانوه: و جم عمرج؟
دلوعة البنات: 18 و الحمدلله خلصت الثانوي و بدخل الجامعة
دانوه: لا !! تعلميني عنج .. شفيج وايد صدقتي نفسج انج في انترفيو يالله خلاص
بلا دلع .....
دلوعة البنات: عدال يالقبسة يالله ذلفي عن وجهي بطرش ايميل حق دلول
حبيبتي و طلالو اخوي
دانوه: أي دلول و أي طلالو
دلوعة البنات: الحين بصطرج عاد .. تراني ما اتحمل ثقالتج يالله باي
دانوه: اوكي باي
و فتحت ايميلها الا واصلها ايميل من دلال فاستانست وايد و قعدت تقراه ..
هلالالا الهنوف حبيبتي.. شخبارج عيوني ؟؟ سامحينا ما كلمناكم بس متنا و حنا
نحاول نتصل فيكم و ما علق الخط .. فقلت الميل اسرع.... على العموم احنا تونا
واصلين و الساعة عندنا 3 الفجر .. يالله عمري بروح انام الحين .. طلال يسلم عليج
وايد و سلامي للكل.........
و راحت على طول تبشر الوالدة..
الهنوف: يمه دلول دزت لي ايميل
ام طلال: شنو ؟؟ شنو هذا اللي قلتيه ؟؟
الهنوف: يمه ايميل .. يعني رسالة من النت عن طريق الكمبيوتر ..
ام طلال: و الله ماني فاهمة أي شئ من اللي تقولينه
الهنوف: اوكي مو لاز