قصة عز اللة حبي لك اكبر نقيصة وخبر جديد

الروايه حذفت قبل مده من الم الامارات لطلب من الكاتبه اكيد الخبر مو صحيح ماتوقع بتنزل التكمله بمنتدى ثاني بس بسال انا وبشوف

اهات الشرقيه
الخبر صحيح انا قاريه النهايه من يومين
و الكاتبه منزلتها في منتدي جديد

حبوبتي مرام
ممكن طلب صغير مرة
ارسلي على الخاص اسم المنتدى
اناقريتة بمنتدى ثاني بس مو الكاتبة الي منزلتة ابي منتدهاالاصلي
مع الشكر واسفة للا زعاج
سلام

ياليت ياعمري تنزلينها لنا هنا
فأخواتك محتاجينها

لقيته يالحبايب
والأن انزل منه شوي والباقي تنزله صاحبة الموضوع
خلصت شاور وانا احس جسمي احترق...
نسيت نفسي تحت الموية الحارة مع الذكريات....
حلقت ذقني ورتبت نفسي...
وطلعت لابوي بالشرركة عشان اعطيه كرت دعووة من الكروت الخاصة....
وعدته بعد مايخلص هالمعرض اني راح اترك الرسم على طول....
وراح اشتغل معه واحط ايدي بأيده عشان الشركة تكبر ويرجع اسمها مثل اول وقبل...
خصوصا انها خسرت في الفترة اللي فاتت وصار فيهاا اختلاسات...
جدة
ارض الرخا والشدة
قاموا يركضون على البحر بفرح....اما هي وقفت على بداية الشاطىء ورفعت عبايتها عشان تحس بالماء تبلل ساقهاا ورجولهاا الناعمة رغم قسوة حياتهاا....تنفست براحة وهي تحس بالهوواء يدخل صدرها وينعشها....كان الجوو حلو موو رطوبة مرة...وفيه نسمة هواء...ما عمرهاا وقفت على بحر ولمست الماء برااحة...ابوها جالس بعيد مع حريمه....واخوانهاا يركضون بدون ما يخافون من البحرر....واختها الصغيرة تحبي وتجمع الاصداف الصغيرة وتحطهاا بفمها ببراءة....
"مضاوي"
رحت بسرعة لقمر اللي كانت تحط شوية رمل بفمها...
مسحت فمهاا بسرعة بخرقة صغيرة معي...
: انت وش مسوية بعمرك؟؟؟.."
ضحكت على كلامي وهي موب فااهمته...
رحت اجلس يم ابوي وامي وخالتي شعااع...
جلست وشلت برقعي عن وجهي...
تعودوا هلي على عاداتي وما عااد صاروا يعارضوني....
خصوصا ان شعااع مثلي ماتلبس البرقع ابد...
كليت شوية تمرر وسألت ابوي اللي يطاالعني
: ها ابوي....وش رايك بالمكان الززين..."
هز راسه وقال بصعوبة
:ما.....له حببني.....بهالام....اكن!!"
شعااع وهي تهمز له رجوله
: بالعكس يا ابو صقر....شوف وش زين المكان...
وزين من سعد جابنا لنا هالصبي...عشان يودينا وين مانبي...
الصراحة جدة وش زينهاا صدق انهاا زحمة....بس بعد المكان ازين هناا من اول..."
ميمتي وهي ترمي فصم التمر بعيد
:والله مافيه مثل الربيع والمياه الحلوة.....احس ان المدينة كاتمة على نفسي....
مو مثل اول نمشي مايردناا شيء...هالحين وين تمشين فيه...الدينا كلهاا ناس...
مافيه شي(ن) اسمه خلا...."
رديت شعرر قمر عن وجهها وقمت اطاالع بالبحر....
اخيرا تطلقت...
اخيرا تحررت من قيودي...
احس اني اقدر اشم هوا...
اقدر اتنفس مثل هالبشر...
اقدر انوم تالي الليل واناا مرتاحة....
صحيح ان الطلاق مو سهل....
بس بعد....اهون علي من جرح الكرامة...
و..سعود موو بس جرح كرامتنا....
الا حاول يخلينا ما نسوى شيء قدام البشر...
فضحنا بين الشيووخ وامراء القبيلة....
سود وجه ابوي....بس بعد ما خلعته....
احس اني رديت ما وجيهناا...
وصرت اقدر ارفع راسي لفوق....
محد يقدر يمنعني من اني ارفعه...
نقلناا لجدة من ثالث العيد...
بعد زواج هيلة بيومين....
رحنا لبيت جديد ولدنيا جديدة...
تعذبوا اهلي بالبداية...
بيئة جديدة...ولا نعرف فيها شيء...
ولا نعرف احد....
بس قدرنا بمساعدة سطام واخوه اننا نعيش مثل هالبشر...
طلعووا لنا سجلات....ودخلووا اخواني من اكبرهم لاصغرهم المدارس....
اما انا اشتغلت على نفسي و
استغليت اللي تعلمته زمان وصررت اروح لمدرسة تحفيظ القرآن...
بتسألون وين ذياب عنكم؟؟؟...
ذياب....رحل ولا شفناه....
ماتت مرته بالعشر الاواخر....
واتصل على سطام وقاله....
بس اكيد راح يرجع...
مصيره راجع لأهله حتى لو هرب كثير...
مصيره يتعلم من الدنيا دروس...
ومصيره يفهم ان ماله الا اهله لو لف الدنيا كلها....
الرياض
مستشفى المملكة
حطت يدهاا على خدهاا مو مصدقة وهي تشوف صورة الطفل قدامها...صحيح انهاا موو فاهمة وش اللي تشوفه....بس تحس ان انفاسها بتنقطع...تسمع نبضات قلبه...طالعت بهيثم اللي كان وجهه غامض...هي الآن بنهاية الشهر الرابع....بدت بطنها تبين....بس يا دوب....حياتها تحسنت شوي.... او يمكن اهي تووهم نفسها بالتحسن؟؟؟...
"هيفاء"
التفتت على الدكتورة بفرح
: طيب...وشوو ولد ولا بنوتة!!"
الدكتورة وهي تطالع فيني بابتسامة
: طبعا ما اعرف...."
ناظرتهاا بقهر
: ليه؟؟؟...ابي اعرف بنت ولا ولد...."
الدكتورة وهي تطالع بهيثم اللي يناظر الصورة لسه
: لسه بدرري ...بس تعالي بنهاية السادس وان شااء الله اقولك...
لا تستعجلين ودائما قولي اللي يجي من الله..."
قاطعتهاا بسرعة بأيدي
: عارفة انا راضية باللي يجي....بس كان ودي اعرف...
وانت حبيبي؟؟؟..."
هيثم وهو يشوف الدكتورة تمسح عن بطني السايل
: المهم ان صحته سليمة....
مو مختل او شيء ثاني!!"
طالعت فيه بحقد وهو يقرب مني يساعدني بملابسي...
وقفت وجاب لي العباية البسها...
جلست الدكتورة على مكتبها وكتبت لي بعض الفيتامينات والحديد
:انتبهي لصحتك يا هيفاء....الطفل بيآخذ حاجاته وانتي لازم تمدين نفسك
بهالاشياء..."
خذا هيثم منها الروشتة وطلعنا من مكتبهاا....
ماتكلمنا...ركبنا السيارة...
على طول هيثم فتح شوي من الشبابيك عشان عارف اني احتر بسرعة...
: كذا كويس؟؟؟..."
سألني بحنان....يا ربي غريب هالانسان...
يعذبني بطريقة فضيعه يسوي عمره مو مهتم!!
:بعد كم يوم بيفتتح معرض سعود...اول يوم خاص...
بتحظرينه؟؟؟.."
قلت بتأكيد
: ولو...لازم احظره....اخيرا اخوي سعود التفت لعمره...
وقدر يكمل حياته بعد ماتركته الحقيرة التاف..."
قاطعني هيثم بسرعة
: بس بس....اعوذ بالله....اذا انتي تشوفينهاا حقيرة تافهة....
يمكن اهي تشوف اخوك بنفس الطريقة....هذي حياتهم وهم احرار...
المهم اننا نروح وندعم سعود لأنه رجع مثل اول..."
رديت واناا العب بالشنطة الحمرااء الساتان
: صحيح ان سعود رجع قوي....بس هالمرة كان في وجهه مسحة قسوة...
الصرااحة سعود اول صحيح بارد وماهمه احد بس هاالحين قاسي وهالشيء يخوف..."
مارد علي ولا رديت عليه انا بعد...
حياتي اناا و هيثم تنفع حكاية لقصة غريبة....
كل يوم لناا حال...صحيح اني بطلت حركات الجنان....
لكني في نفس الوقت رفضت اتعالج نفسيا....
مو مجنونة عشان اتعالج....وبعدين اصلا العلاج يآخذ سنوات موب سنة او سنتين...
وانا اللي باقي لي في هالحياة شهور موو اكثر....
هيثم....طالعت بوجهه الجميل....احس انه متوتر رغم انه مايوضح...
زواج رند اللي تأجل مية مرة ومرة...
اولا بسبب سجن نواف بسبب الاهمال وقت مناوبة له....
ثانيا بسبب طلاق ابوي لامي والمعمعة اللي صارت....
ثالثا بسبب العريس نفسه اللي حصلت له ظروف
مدري وش لونها...لكن هالمرة الزواج راح يتم....
خصوصا انهم وزعوا الكروت وراح يكون بعد بكررة...
اكيد راح احظره....
خصوصا اني مجهزة لهاا مفاجأة العمرر....
تنفست براحة....
احب الناس تذكرني فترة طويلة بعد ما اموت!!!
قبضت يدينه بقوة على مفتاح السيارة وهو يوصل القصر....تركه ونزل فتح الباب لزوجته وقبل ماتفتح فمها رجع ركب السيارة وسكر البيبان...شافهاا تطالعه مقهورة وحاولت تفتح الباب...بس ما اهتم وهو يحرك السيارة....شافها بالمراية تركض وراه...صد عنها وكمل طريقه....بيروح لبيت عمه....يبي يبارك لرند اللي هالمررة تأكد زواجها....مايعرف وش يحس فيه بس الاكيد ان قلبه نظيف من ناحيتها رغم كل اللي اكتشفه عنها....صحيح انه اكتشف انها لئيمة ومو طيبة ابد مثل ما كان يتصورها البنت اللي على راسهاا دويرة ملاك! للاسف طلعت ابعد ماتكون عن الملايكة واقرب للشياطين...بس بعد اكيد انها مو بخبث هالمخلووق اللي يجلس وينوم جنبه طول اليوم...
"هيثم"
فتحت درج السيارة وانا اوصل لبيت خالي..
لقيت الانوار تملا القصر من اوله لآخره....
عرفت انهم مجتمعين كلهم...واكيد حتى خوالهاا واهلهم....
شفت اختهاا اللي اصغر منهاا بره تمشي...
ابتسمت اول ما شافتني كانت بس لافة شيلة على راسها....
يعني يمكن هذي اكثر وحده تستحي في بيوت خوالي....
: هلا هيثم....كيفك؟؟؟...تفضل...الرجال جالسين بره في الحديقة الخار..."
قلت لهاا وانا اقاطعهاا بسرعة
: لاء مانيب رايح عند الرجال عندي مشوار بس نادي لي رند اللي يعافيك..."
كانت بتكلم بس سمعنا ثنينا صوت وراها والتفتنا
: هلا هيثم....هذي هي رند..."
ابتسمت واناا اشوفها....بس اهي ما ابتسمت....
كان وجهها جامد....وعيونهاا تلمع....
قلت لهاا واناا اهز راسي
: معليش...جيت بوقت بايخ...بس مالقيت وقت...."
وطلعت الكيس وناولتها اياه
: مالقيت وقت اعطيك هديتي..."
طالعت بالكيس ببرود
: منك ومن.....هيفاء؟؟؟"
قلت واناا اشوف عيونهاا تلمع بكره
: لاء....مني اناا وبس....
اتمنالك التوفيق....
وسامحيني وسامحي هيفاء اذا صدر منا اي غلط بحقك..."
استغربت كلامي ورقت ملامحهاا شوي
: هيثم!!....لا تقول مثل هالحكي....انت عمررك ماغلطت عشان اساامحك...
اماا عن هيفاء...."
هزت كتوفها
: الله يسامحها....اناا بشر ما اقدر انسى خطاياها..."
ماعلقت على حكيها ورجعت للسيارة بس وقفتني
: وين؟؟؟...الكل بيتعشى اليوم عندنا...
خلك...."
رديت لهاا بابتسامة
: موو حلوة بحقك....المعرس موجود صحح؟؟؟"
هزت راسهاا
: ايه بس انت ولد عمتي....
ماعليك منهم كلهم...احظر بكرة....اناا حظرت عرسك..."
ما جادلتهاا حسيت قلبي يخفق بقوة...
ركبت السياارة وتحركت بسررعة
بعد ما اشرت لهاا بيدي....
طالعت في المراية كانت واقفة تنااظرني وهي ضاامة الكيس...
معقول؟؟؟...
لسه تحبني؟؟؟...
استحالة....
يقولون زوجها طاير فيهاا...
ويحبها بشكل الكل مستغربه!!
درت بالشوارع بدون هدف...
كانت الزينة بالشوارع اخف من عيدالفطر...
عيد الاضحى الاهتمام يكون من الناس اكبر...
حسيت بجوالي يهز رفعته لقيت 40 اتصال ضحكت واناا عارف انهاا المجنونة...
رديت عليها بطفش
: نعم؟؟؟.."
شافه وهو يرحل...وشاف اخته واقفة تطالع بالسيارة لحد ما غابت عن بصرها...ما عرف وش يقول...اهو يفهم المشاعر اللي تحس فيهاا اخته...اهو نفسه يحس بنفس المشاعر ويمكن دعاا كثير مع رند بسره ان الله يفرق بين هيثم و هيفاء...لكن زواجهم كل ماله ويزداد متانة....صار فيه طفل يربط بينهم....طفل باحشاء هيفاء من هيثم....رابط عمره ما راح يختفي لين مايموت...ماينكر انه دعاا انهاا تسقط...دعاا انه تحبه...دعاا انها تكره زوجهاا فجأة....لكن كل هالدعوات والاماني ما تحققت!!
"نواف"
: ارجعي لضيوفك احسن...
ميب حلوة بحقك يشوفك زوجك هناا!"
طالعتني بنظرات مافهمتها بعدين قالت بتشفي
: ههه!! موو حلو بحقي؟؟؟...ولا بحقك انت...
اللي نظراتك من بعيد له...وكأنك تنوي تقتله!!"
شافتني واناا اراقبه!!....
اخذت نفس وقلت ببرود
: احسده...او اقتله....ما راح يغير في الوجود شيء...
غير اني بكون انسان سيء...."
وكملت وانا احط ايدي على ايدها
: انتي بتزوجين واحد افضل منه....وبتعيشين حياتك مثل مابغيتي دوم...
وانا بأرتقي بشغلي وبحاول اعوض عن المصيبة اللي طاحت على ظهرري..."
هزت كتوفها وتركتني وراحت وهي شايله العلبة بيدها...
رجعت للضيوف وانا احاول ابعد شبح هيفاء عن عيوني....
السجن نساني ايااهاا فترة بسيطة...
لكن من رجعت اشم الهواء من جديد بحريتي....
رجعت تطلع لي بأحلامي وافكاري....
بس هالمرة مو بنفس المشاعر القديمة....
كانت اخفف بدرجات...
صحيح احبها....لكن عندي أمل....اني اتخلص من حبها...
واطالعها اخت....
صحيح صعب....ويمكن فيه ناس تشوفه مستحيل....
لكني متأكد....اني مع الصبر والعزيمة....راح اقدر اتخلص منهاا للأبد....
للأبد وبدون رجعة....صحيح ان اهلي اصروا علي اتقدم لنوورس....
لكني رفضت....ورغم اني غامرت مرة وكلمتها وكانت النتيجة انهاا قفلت الخط بوجهي....
بس بعدين تأكدت ان هالشيء كان لمصلحتي ومصلحتها....
ما ابي اظلمهاا واخليهاا تعيش بظل هيفاء...
من حقها تعيش مع شخص يبيها لشخصهاا اهي....
لجمالهاا ونعومتهاا وشخصيتها الدافية.....

فردت فستانهاا الابيض الطويل قدام عيونها....بعد بكرة زواجها...مابقت الا ساعات....اهي حلفت انهاا اذا تزوجت هالشخص راح تغير....راح تصير شخص ثاني....راح تنسى الماضي....صحيح رجعة هيثم اشعلت نيران موو قادرة تطفيها....بس بعد....اهي قررت تعيش....الدنيا تعلمهاا دروس....واهي قررت تفهم هالدروس لأن العمرر موو طويل وكل ثانية تروح منه تروح ولا يمكن ترجع ولا راح ترجع!!
"رند"
فتحت العلبة اللي اعطنياها هيثم....
كانت علبة مخملية كحلية....
ابتسمت بنعومة وانا اشوف التعليقة الغريبة اللي قدامي...
كانت مثل الصندوق الصغير مرة ومفتاح صغير معلق فيهاا.......
وكلها الماس واحجار ملونة كريمة...
قريت الكرت الصغير اللي عليه صورة عروسة تضحك من قلبهاا
" افتحي صندوق الحياة الصغير بمفاتيح قلبك...وعيشي سعيدة...فالعمر واحد!!"
حطيت الكرت على قلبي....
هذا اللي ناويته يا هيثم...يمكن كنت لئيمة....
ويمكن غلطت بحق ناس كثير واولهم نفسي قبل الكل...
صحيح اني قسيت ونسيت فطرتي مع الايام...
لكن لا....انا نذرت اني راح اتغير....
عاهدت نفسي اني اصير غير...
اصير احسن...
اصير اجمل...
اصير اطيب....
التفت لفستاني ووقفت قدام المراية وان شايلته....
ابتسمت ابتساامة واسعه من زمان حيل ما ابتسمتها...
علقته جوه الدولاب...
وطلعت اجلس مع البنات والضيوف اناا عروس لآخر مرة !!
اليوم آخر يوم لها بالمستشفى....ثالث يوم بالأصح....ناظرت بالغرفة الفاضية....ما حد جاا يزورهاا....ولدت وحيدة...وكنها ببلاد غربة...لا زوج فكر يسأل....ولا اهل زوج فكروا بحفيدهم...وقفت على حيلهاا...الولادة كانت متعبة...كانت مميتة...شافت الموت....حست ان روحهاا طلعت من جسمها....تعبت كثير...ماتوقعت ان كل ام تحس بنفس هالأحاسيس...المضحك انهاا بعد ماضمت ولدهاا...نست نهائيا كل التعب اللي شافته....حست انهاا ولدت من جديد...ضمت هالحياه الجديدة بين يدينها...معقول؟؟؟؟ طفل كامل صحيح انجبته...الحمدالله يا رب...
"مارية"
دخلت الممرضة ومعاها ولدي....
: no no.."
هزت النيرس راسهاا وهي تشوفني واقفة...
مانعيني اتحرك كثير وطلبت مني ارتاح...
ضميت ولدي...."ناصر"
سميته ناصر....ناصر الحق....
عشان ينصرني بكرة...ويوقف معي ولا يهجررني مثل ابوه....
يبقى معي ويآخذ باله علي...
بست خده الجاف....يبيلي ادهنه بزيت زيتون...
بشرته مقشرة حيل ومحمرة...
كان يشبه ابوه اكثر بشعرره الاسود بس عيونه كانت ملونة مثل عيوني...
حكيت خشمه بخشمي بنعومة...
ياه...
ياربي يحفظه لي....
نسيت كل تعب الولادة بعد ماضميته وهوو يبكي...
لازم اطلع بكره من المستشفى....الحمدالله ان معي فلوس الفساتين اللي خيطتهاا قبل فترة....
جاتني عروض كثيرة بس ماقدرت اشتغل الفترة الاخيرة لأن ظهري صار يألمني
وكنت طوول الوقت متمددة عليه....
من غير نفسيتي اللي كانت زفت...
وتركي بعيد بعيد....لا يجي ولا يسأل موصي الحارس علي وبس...
يجيب لي المقاضي ويشووف اذا ناقصني شيء....
ما اعرف وش قصده من هالجفاا كله.....يمكن انا فعلا اخطيت بحقه في بداية حياتنا....
ولا رحمة رجولته...ولا فكرت فيه كرجل شررقي عربي غيور....
بس ثورته تكفي....ثار بما يكفي علي وعلى اللي ببطني..
لازم يرجع لي او اقله يتركني.....
اهو علمني دروس صعبة....
دروس حفظتها زين...
عرفت ان الدنيا مو على الكيف!!
وان الانسان لازم يرضى بنصيبه!!
عارفين ليه؟؟؟...لأنه ممكن يضيع لحظات ثمينة بحجة انه قادر يغير كل شيء....
كل لحظة من حياتنا انكتبت قبل لا ننخلق....
لازم الواحد يدوس على قلبه...
اذا قلبه دله على الخطأ!!
بست ولدي من جديد ولعبت بشعره الناعم بأصابعي...
سمعت اصوات عالية عند الباب.....
وقفت اطل في الممر واتسعت عيوني لمن انفتح الباب على وسعه...
كان مصدوم لمن عرف فجأة ان مارية ولدت من ثلاث ايام...ثلاثة ايام ودوبه يدرري....ما توقع ان سارة ممكن تكون خبيثة لهالدرجة...لمن الحارس اتصل عليه اهي ردت وقالته حوصل له الكلام....بس لاء....مو سارة اللي ممكن تعملها....طنشت ومسحت المكالمة وتمادت بخبثها....ما تحمل لمن سمعهاا تكلم اختهاا بالتيلفون وطلقها....وطلع من البيت.....راح جري على اهله....وقالهم...توقعهم مايهتمون لكنهم صدموه لمن قامووا يزغرطون بفررح....وامه لمن قامت تدعي مبسوطة....
"تركي"
قلت لخواتي يقصرون اصواتهم...
كانت اختي الكبيرة اهي الوحيده اللي ما جات بس الباقيين كلهم جو ولا اهتموا لمارية...
ع قولتهم هذا ولدك انت قبل لا يكون ولدها...
وقفناا عند الباب كانت معناا حلويات وبالونات وكيك....
فتحناا الباب فجأة ودخلت سامية وهي تصارخ بفررح...
توسعت عيون مارية اللي طالعت فيناا مصدومة...
كانت شايله شيء صغير بأيدها....
وقفت ماعرفت وش اسوي ووقفوا اهلي وراي مترددين...
قالت وهي ترسم ابتسامة مستغربة على وجهها
: حياكم....
حياكم تفضلوا..."
قربت سامية منهاا وهي تنطط
: ابي اشوفه.....خليني اشوفه..."
نزلت مارية مستواها وورتهاا الطف....ولدي...
ايه نعم...ولدي...
قربت من مارية بسرعة ولمست خده المتوهج...
فتح عيوه كانت زرقاء ولونهاا غريب...
مثل لون عيون مارية الغريب...
: شكلي عورته!!..."
قلت بخوف....ضحكت امي وهي تقرب من مارية وتسلم عليهاا وتسمي وتكبر على الطف...ولدي...
: شلونك يا بنتي؟؟؟...عساك بخير...اجلسي...
ريحي ريحي..."
عطتهاا مارية الول....ولدي.....وراحت تمددت على السرير...
سلموا عليهاا خواتي لأول مرة وتعذروا لهاا لأنهم ما زاروها....
هزت راسها وكأنها كانت متوقعة اننا اصلا ما رااح نزورهاا قاصدين...
قربت منهاا بعد ماتجمعوا خواتي على امي وهي شايلة البزر الصغير...
سألت امي بسرعة
: وش بتسميه يا ترركي؟؟؟..."
ردت مارية بثقة وهي تبتسم
: سميته يا خالتي.....سميته ناصر....وان شااء الله يكون على اسمه ناصر..."
طالعوهاا خواتي وبدوا يمدون بوزهم وكنهم موو راضيين....
كملت مارية وهي تبتسم
: يمكن عندكم ولدكم هوو مفروض يسميه....
بس الام ماتحمل تسع شهور عشان ماتسمي ولدهاا....
بس..."
وطالعتني
: اذا ترركي يبي يغيره بكيفه...."
قلت واناا اقرب منهاا اكثر واطالع بأهلي
: ماراح اغيره...انا ابو ناصر...."
وحده من خواتي المراهقات قالت بفررح
: الله ناصر بن ترركي رزه بقوة..."
وقاموا يلعبون فيه ويبوسونه....
: الحمدالله على السلامة..."
وبست جبينها...حمررت خدودهاا بخجل
: الله يسلمك..."
كان شكلهاا مرهق....بس كانت احلى من كل مررة تشوفهاا عيني....
مسكت يدهاا بقوة...
نسيت اهلي...نسيت ولدي...وضلت هي الوحيده اللي بعيوني...
حواسي تلتهمها تتأملهاا تحبها...
مررت شهور احس كنهاا سنين....
: اشتقت لك..."
قلتهاا واناا عاجز عن اي كلمة ثانية...
امتلت عيونهاا بالدموع
: صدق؟؟؟..."
ماقدرت تسألني شيء ثاني....كانت دموعها تنحدر على خدها الابيض بنعومة...
بس....
علا صوت بكاها...طالعووا بهاا اهلي...بس ماوقفت بكي....
قامت تبكي وتشهق بقوة وكنها كانت موقفة بكاهاا من فترة طويلة....
حطت يدينهاا على وجهها ضميتهاا بقوة وتجمعوا حولهاا خواتي....وكلناا كناا نحاول نهديها....
بس ما سكتت...ما سكتت الا بعد وقت طويل...
"امريكا"
خلص اوراقه الكثيرة....ورجع لشقته....كان الجو بارد مثل عادته بهالمنطقة....والثلوج مالية المكان والطرق....طالع في بيت جيرانه....كانوا حاطين شجرة عيدالميلاد قرب الباب...وصورة نورا بره وحولهاا ورد....طالع بالصورة...ورد ابتسامة نورا الواسعه وعيونها الضاحكة...نورا اللي ماتت تختلف عن هذي تماما....نورا مليانة ايمان....مليانة ثقة....مليانة حب لاشيااء كثيرة تختلف عن ماضيهاا...
"ذياب"
دخلت الشقة....
سمعت طيف ضحكة...
من ادخلها اسمع نفس الضحكة...
رغم مرور شهور بس لسه الضحكة تتكرر...
كل ما اجي انسى تذكرني انها موجودة...
رميت المفتاح وقصرت التدفأة المركزية...
لي ثلاث شهور راجع لامريكا...
بعد موت نورا ورحيل بيت عمي...
فضلت ارجع هنا....
صحيح انه بفترة او ممكن بلحظة...
فكرت استقر في السعودية....
بس بعد ما ماتت نورا بين يديني....
حسيت الموضوع صعب...
صحيح اني ما كنت احبهاا حب قيس لليلى...
لكنها كانت زوجتي...نصفي الآخر....مكملتني...
كانت في آخر ايامهاا مثل النسمة الرقيقة....
تعطر الاجواء بدون ماتعكر مزاجي....
كانت تعلم عن الاسلام بفرح....
وهي تلف الحجاب حول راسها وتلبس النقاب...
عيت الا تلبسه...اقتنعت فيه بكيفها رغم اني ما جبرتهاا....
تغيرت مليون مرة عن نورا القديمة....
كانت طول وقتهاا بالحرم...تصلي وتدعي...
حتى لمن جيت لها...ماتركت ولا صلاة في الحرم...كانت تآخذني وننزل سوه....
كانت مبسوطة بوجودهاا بمكة وطلبت مني استقر فيها...
بس ربي ما عطاها العمر اللي يخليهاا تستقر....
مااتت ليلة في العشر الأواخر وبليلة كان مشكووك انهاا ليلة قدر....
ماتت بين يديني....
حطيت لي اكلي بالمايكرويف....
وحطيت الغلاية على النار....
وحاولت اني الهي تفكيري....بس عيت الذكرى الا ترجع....
دورها بين وجيه الناس والزحمة...انتبه لهاا واقفة تشتري مسواك من واحد باسط...ميزهاا على طول....بطرف عبايتهاا اللي فيه لون واضح...مسك ايدهاا وكانت بتصرخ بس اول ما شافته ضحكت بخفة: وين هلأ ؟؟؟.." رد عليهاا وهو يآخذ المساويك ويبعدون عن ساحة الحرم: نتعشى؟؟؟...وين تبين نتعشى؟؟؟....ننزل جدة؟؟؟..." ردت وهي تبتسم: لاء شو جدة...مابدي...." وكملت وهي تفكر ويمشون للابراج اللي ساكنين فيهاا: والله بدي نام...." قال باعترااض: تنامين؟؟؟...no way....بروح اجيب عشا...ياويلك لو الاقيك نايمة....وبعدهاا ننزل جدة تشترين للعيد...اوكي؟؟؟..." ما اعترضت وراحت للشقة تابعهاا ليما دخلت المصعد واخذ سيارة اجرة...وقف عند البيك اللي تحبه نورا...وانتظر وقت طويل بسبب الزحمة...كلمته نورا مرتين خلالهاا...ركب سياارة الاجرة واتصل على نورا كذا مرة ماردت عليه وفي آخر مررة سمع صوتها: آآآآه...دياب..." سمع تأوها....انهبل وهو يطالع الزحمة....: نورا...نورا تكلمي...ردي علي..." بس ما تكلمت....نزل من السيارة ورااح يركض بسرعة يقطع الطرق....ما كانت طبيعية من امس لاحظهاا وهي تصلي بالليل انهاا تتألم بس اليوم كانت افضل بكثير....وصل للابراج وانتظر عند المصعد المزدحم...ما انتبه لبعض الناس ولا اهتم وهو يزاحمهم عشان يدخل....اول ما انفتح المصعد ركض للشقة...دق الباب بقوة....بس ماسمع اي رد...نادى على عماال التنظيف وفتحوا له الباب...دخل وطالع حوله لقى نورا طايحة على الارض....كانت تنازع والدم ينزل من شفاايفها والارض فيهاا بقايا ترجيع مختلطة بدم غزير....انهبل وهو يرفعها عن الارض كانت لسه بملابسها...قالت وهي تمسكه بقوة: راح موت....موت..." وضمته بضعف....اخذهاا بين يدينه بقوة وهو يرفع جواله ويتصل على الاسعاف....بعد شعرهاا عن وجهها: نورا....نورا حبيبي تماسكي...راح يوصل الاسعاف قريب..."هزت راسهاا برفض وقالت وهي تبعد شعره عن وجهه: خا....خايفه..." وبكيت بحرارة مسح دموعهاا موو عارف يفكر....يحس نفسه تايه....: نوراا....حبيبي لا تخافين اناا وياك..." ردت وهي تبكي وفمها تطلع منه قطرات دم: بدي عيش.....خايفه..." مسح دموعها ورجع مسح الدم وماحس بدمووعه وهي تنزل على وجهها قام يبكي كنه طفل صغير: قولي...." وتنهد وهو يحاول يتكلم: اشهد ان لا اله الا الله..." قام يلقنهاا الشهادة وهي ترتعش وتطلع منهاا الكلمات...ظل ماسك يدها بقوة حتى بعد ما هجدت حركتها وصلوا الاسعاف اخيرا....طالع فيهم وهم يقربون منها...باس جبينهاا بقوة وغمض عيونها....
سمعت صوت جرس المايكرويف....
والغلاية تفور بقوة...
تذكرني انه حتى لو ماتت نورا....
الحياه مستمرة بكل بساطة.....
وبما اني قدمت على اجازة اليوم....
يمكن لازم اسافر واشوف عمي اللي ما ادري اذا هو ميت او حي!!

لالالالالالالالالالالالالالالالالالالا
طالبتكم نزلوها كامله
بليز
او اعطوني اسم منتدى كامله فية
الله يخليكم
مااحب اقراء الا كامله

اين انتي يالحن المفارق
عشان تكملين الروايه
انا استطيع اكمالها بس انتي إلي نزلتي الموضوع
واذا اذنتيلي اكملها للبنات

بليز كمليها