الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
الملاك البريء
الام:ريم..ووجع ان شاء الله, يلا الاكل جاهز له اكثر من ساعة وانتي قاعدة قدام هالبلوى اللي تسمونه انترنت..خلاص قومي والله ان عيونك بتنعمي من كثر ما تطالعين بهالشاشة وملزقة وجهك فيها..انا بس ابي افهم وش تطقطقون عليه وش الشي اللي يخليك تقعدين عليه طول هالمدة..اقول قومي يله اخلصي وترى والله لو ما قمتي اني لا احرمك منه بالليل ( اليوم اربعاء يعني حرمان الانترنت كانها بتقفل عليهابغرفة بدون اكل او شرب)..
هذي حالة ام ريم مع بنتها كل يوم مطاق وهواش بسبة الانترنت وما صبر الام على بنتها الا انه البنت باقي فيها خير لامها واخواتها..يعني ما تترك صلاة ولو انه بعض الاحيان تأخر صلواتها..ودراستها ماشية تمام يعني علاماتها كويسة..بالنسبة لوحدة مرابطة قدام هالشاشة !!
وصلنا لريم..ريم بنت مملوحة,عمرها 17 سنة,في ثاني ثانوي !! والكل عارف وش ثاني ثانوي انواع التطنيش والوناسة,شعارها في الحياة ( طنش تعش تنتعش ) هي نست مقطع اللي هو وفي النهاية تبتلش,
مرجوجة الى ابعد الحدود,تحاول باي طريقة انها تصير عربجية على بالها يعني حركة لكن في الواقع ((ماعندها ما عند جدتي)) يعني تخاف من ظلها بس ساعات القوة تجيب معها نتيجة,والاغرب من هذا كله انها علمي ؟!؟! ((woooooow))
الحين نشوف ريم وش قاعدة تسوي على الانترنت...<<الله من اللقافة
ريم: اهلين شباب وبنات..كيفكم؟؟ هاه انا متاكدة انكم اشتقتو لي عشان كذا جيت..طبعا هي من اول ما تدخل وهي حايسة العالم راجة الناس كلهم ما تترك احد الا تضاربه وما يسلم احد من لسانها بس فوق هذا هي تلتزم بحدودها يعني كل الكلام اللي تقوله ما يتعدى المزح والاستهبال..طبعا بعد ما تعبت من كثر ما طقطقت على الكي بورد قررت انها تطلع طبعا مو لله بس لان وراها طلعة من البيت بس قبل ما تطلع كان فيه واحد بنفس الشات يتفرج ويراقب كلام الناس ما لفت انتباهه من كل هالعالم الا ريم..ليه ؟؟ وش الميزة ؟؟ هو نفسه ما يدري الى الحين ايش الشي اللي لفته بهالبنت حاول يكلمها بس طبعا ما عنده الجرأة انه يكلمها مع هالناس والعالم,لانه كان متاكد انها ما راح ترد عليه واذا ردت عليه بتهزئه وبتكرهه بالساعة اللي تكلم فيها..فكر وقال انه بيكلمها برايفيت(خاص)
حاول كم مرة يكلمها وهي كل مرة تسكر قبل حتى لو تشوف الاسم..بس لاول مرة ترد عليه..
قال:السلام عليكم..قالت:وعليكم السلام..قالت:معليش اسفة والله لازم اطلع تاخرت والا بيروحون ويخلوني اشوفك بعدين بالليل بالليل
هو ما يدري وش السالفة !!!!!!!! بس يكفي انه سمع منها كلمة يعني قالت له بالليل!! يعني عطته فرصة حتى لو كانت تصرفه بس هو يبي يستغل اي فرصة.....طلعت ريم وهي ما تدري اصلا مين هاللي كلمها بس هي ما تنسى اي اسم يمر عليها كان الاسم (يوسف) !! مين هالشخص ؟
يوسف..ولد عمره 23 سنة تقريبا,متخرج وموظف ببنك,وهالانسان ما عنده اي طموح او هدف بحياته,عايش على الروتين,الدوام من الصبح الى العصر يرجع للبيت ياكل وينام الى المغرب,يقوم يقعد مع اهله واخوانه(ما عنده اخوات)..وبعد المغرب على الانترنت يقلب بالمواقع,والشات وينام وهذي حياته..(ما الومه اذا طفش من عمره).
اذا اعجبتكم قولولي اكملها لكم *.....وللأمانة منقول
06-10-2022 - 06:54 am
الام:ريم..ووجع ان شاء الله, يلا الاكل جاهز له اكثر من ساعة وانتي قاعدة قدام هالبلوى اللي تسمونه انترنت..خلاص قومي والله ان عيونك بتنعمي من كثر ما تطالعين بهالشاشة وملزقة وجهك فيها..انا بس ابي افهم وش تطقطقون عليه وش الشي اللي يخليك تقعدين عليه طول هالمدة..اقول قومي يله اخلصي وترى والله لو ما قمتي اني لا احرمك منه بالليل ( اليوم اربعاء يعني حرمان الانترنت كانها بتقفل عليهابغرفة بدون اكل او شرب)..
هذي حالة ام ريم مع بنتها كل يوم مطاق وهواش بسبة الانترنت وما صبر الام على بنتها الا انه البنت باقي فيها خير لامها واخواتها..يعني ما تترك صلاة ولو انه بعض الاحيان تأخر صلواتها..ودراستها ماشية تمام يعني علاماتها كويسة..بالنسبة لوحدة مرابطة قدام هالشاشة !!
وصلنا لريم..ريم بنت مملوحة,عمرها 17 سنة,في ثاني ثانوي !! والكل عارف وش ثاني ثانوي انواع التطنيش والوناسة,شعارها في الحياة ( طنش تعش تنتعش ) هي نست مقطع اللي هو وفي النهاية تبتلش,
مرجوجة الى ابعد الحدود,تحاول باي طريقة انها تصير عربجية على بالها يعني حركة لكن في الواقع ((ماعندها ما عند جدتي)) يعني تخاف من ظلها بس ساعات القوة تجيب معها نتيجة,والاغرب من هذا كله انها علمي ؟!؟! ((woooooow))
الحين نشوف ريم وش قاعدة تسوي على الانترنت...<<الله من اللقافة
طبعا اول شي تفتحه ريم اوول ما تشبك هو الشات وتبدا مغامراتها
وطوالة اللسان شغالة,اول ما تدخل تبدا مطاق مع فلان وتريقة على فلان وقالبة هالروم فوق تحت والبنات ما تقرب عندهم على بالها مسوية اخلاق وذوق انها ما تأذي بنات جنسها (ايه هين)ريم: اهلين شباب وبنات..كيفكم؟؟ هاه انا متاكدة انكم اشتقتو لي عشان كذا جيت..طبعا هي من اول ما تدخل وهي حايسة العالم راجة الناس كلهم ما تترك احد الا تضاربه وما يسلم احد من لسانها بس فوق هذا هي تلتزم بحدودها يعني كل الكلام اللي تقوله ما يتعدى المزح والاستهبال..طبعا بعد ما تعبت من كثر ما طقطقت على الكي بورد قررت انها تطلع طبعا مو لله بس لان وراها طلعة من البيت بس قبل ما تطلع كان فيه واحد بنفس الشات يتفرج ويراقب كلام الناس ما لفت انتباهه من كل هالعالم الا ريم..ليه ؟؟ وش الميزة ؟؟ هو نفسه ما يدري الى الحين ايش الشي اللي لفته بهالبنت حاول يكلمها بس طبعا ما عنده الجرأة انه يكلمها مع هالناس والعالم,لانه كان متاكد انها ما راح ترد عليه واذا ردت عليه بتهزئه وبتكرهه بالساعة اللي تكلم فيها..فكر وقال انه بيكلمها برايفيت(خاص)
حاول كم مرة يكلمها وهي كل مرة تسكر قبل حتى لو تشوف الاسم..بس لاول مرة ترد عليه..
قال:السلام عليكم..قالت:وعليكم السلام..قالت:معليش اسفة والله لازم اطلع تاخرت والا بيروحون ويخلوني اشوفك بعدين بالليل بالليل
هو ما يدري وش السالفة !!!!!!!! بس يكفي انه سمع منها كلمة يعني قالت له بالليل!! يعني عطته فرصة حتى لو كانت تصرفه بس هو يبي يستغل اي فرصة.....طلعت ريم وهي ما تدري اصلا مين هاللي كلمها بس هي ما تنسى اي اسم يمر عليها كان الاسم (يوسف) !! مين هالشخص ؟
يوسف..ولد عمره 23 سنة تقريبا,متخرج وموظف ببنك,وهالانسان ما عنده اي طموح او هدف بحياته,عايش على الروتين,الدوام من الصبح الى العصر يرجع للبيت ياكل وينام الى المغرب,يقوم يقعد مع اهله واخوانه(ما عنده اخوات)..وبعد المغرب على الانترنت يقلب بالمواقع,والشات وينام وهذي حياته..(ما الومه اذا طفش من عمره).
اذا اعجبتكم قولولي اكملها لكم *.....وللأمانة منقول
التعليقات (9)
جنان ابصراحه القصه شكلها ضحكه ,,
تكفين كمليها في أقرب وقت ,,,أنتظرك ,,
لاطولين ,,؟؟؟؟؟؟؟
تكفين كمليها في أقرب وقت ,,,أنتظرك ,,
لاطولين ,,؟؟؟؟؟؟؟
فين الردود لكن عشان خاطر اللي عبرني راح أنزل جزئين اليوم إنشاءالله مشكورين يالجود وبنت الفخر سعودية وهذه عشان خاطركم
الجزء الثاني ::
اليوم: الاربعاء..الساعة:12 بالليل..المكان:بيت ريم..
ريم: اف اخيرا..رجعت البيت..وهالبزران نامو اعوذ بالله ما ينامون الا بالمطاق..
(طبعا الحين ريم بعد ما تأكدت من ان كل اللي في البيت نايمين وخاصة امها..توجهت للكمبيوتر كعادتها وأنتم عارفين وش راح تسوي كالعادة..يلا نشوف)
ريم: اهلين شباب وبنات كيفكم ؟! طبعا مثل ما وعدتكم العصر يعني ما شاء الله علي انا عند وعدي..(وكالعادة نفس المواضيع ونفس الكلام ونفس الحالة)..بس في هالوقت كان يوسف ينتظر على احر من الجمر انه ريم تدخل..شافها..قرا اسمها..مرة انبسط وراح يكلمها..بس تردد !! خاف ما تذكره..خاف ما ترد عليه..بس بالاخير تشجع وتوكل على ربه وكلمها..
يوسف: السلام عليكم
ريم: اهلين وعليكم السلام
ريم: اها عرفتك انت اللي اليوم كلمتني وانا كنت بطلع معليش اعذرني..
(يوسف مرة انبسط انها تذكرته)
يوسف: ايه انا..لا عادي عاذرك بدون ما تقولين..بس ما كنت متوقع تتذكريني
ريم: افا..وش دعوة تراني ريم..لول
يوسف: والنعم والله بريم..لا يكون ازعجتك او عطلتك عن الشات والناس؟!
ريم: لالا عادي لاحقة على المضارب..اصلا الشات اليوم طفش ما عندهم ما عند جدتي ( طول اليوم بالشات وتقول ما عندهم ما عند جدتي)
يوسف: لا من جد انا ما ابي اسولف معاك وانتي ودك تسولفين معاهم خذي راحتك وانا انتظرك متى ما خلصتي انا موجود..
ريم: ياخي قلت لك مابي اسولف معهم غصب هو لول
(ريم ما تبي تسولف معاه لله بس فيه واحد بالشات تتهرب منه ولا تبيه ينتبه لها مع العالم )..
ريم: لا يكون انت ما تبي تسولف معاي بس ودك تلزقها فيني..ترى عادي اعترف..
يوسف: ههه انا ؟؟ لا والله حرام عليك انا ما ودي اسولف معاك ؟؟ والله ما صدقت بس اتجرأ واكلمك لا والاحلى من هذا انك رديتي علي
ريم: اف لهالدرجة انا اخوف..اثري اخوف وانا مدري لول
يوسف:لا والله ما امزح كنت متردد كثير قبل لا اكلمك..وحاس انك بتهزئيني
ريم:لا وش دعوة ترى انا ملسونة..بس كله مزح ولعب مو اكثر من كذا..
يوسف: ايه مو القصد كذا بس انتي لك هيبة يعني شخصيتك قوية..
ريم: لول انا شخصيتي قوية ايه هين...بس بس ترى اخذ بنفسي مقلب ويكبر راسي..
يوسف: يحق لك اذا انتي ما شفتي نفسك اجل مين يشوف نفسه ؟!
(ريم ما قدرت تهزئه زي باقي الناس اللي اول ما يقولون كلمة او حتى يلمحون بمدحة لريم قلبت الدنيا على روسهم فسكتت ولا تكلمت)
يوسف قطع السكوت..
يوسف: ريم
ريم :هلا
يوسف :اقولك شي ولا تستغربين ؟؟
ريم:قول
يوسف: انا صار لي تقريبا اسبوعين وانا اراقب كلامك..ما اقصد الكلمة بمعناها بس اللي اقصده اني اتفرج على كل كلمة تقولينها..وكل تصرف تسوينه..وعرفت انك غير البنات اللي هنا..
ريم: !!!!!!!!!!!!
يوسف: لا تستغربين انا اكلمك جد..يعني انتي الوحيدة اللي ما تتكلمين بالطريقة اللي يتكلمون فيها باقي البنات..حتى اول كم يوم ما صدقت انك بنت كنت متاكد انك ولد..بس الحين تأكدت انك بنت..مهما حاولتي تخفين
انك بنت يبان بين الكلام اللي تقولينه..
ريم: الحين قاعد تتكلم عني انا !!
يوسف: ايه...مو انتي ريم ؟؟ ههه
ريم: الا هذا اللي خابرته لول
يوسف: اجل انتي..
ريم: طيب يوسف ممكن سؤال ؟!
يوسف: تفضلي
ريم: الحين انت على قولتك شايف كلامي لك اكثر من اسبوعين..ليه انا ولا مرة وحدة شفتك تتكلم مع الناس يعني انا اصلا ما دريت انك موجود الا اليوم؟؟
يوسف:ما عندي الجرأة اني اتكلم بالطريقة اللي تتكلمون فيها..مو لسبب معين ولا لاني اكره المزح بالعكس..انا احب اقرا الكلام واضحك على اشياء معينة..بعدين على فكرة انا ما ادخل بس الشات..ادخل مواقع تفيدني..
منتديات تسليني..يعني اشغل وقتي باكثر من شي..بس انتي مررة لفتي انتباهي وخليتيني اركز على كلامك واتجرأ اكلمك..
ريم تقول بنفسها ( والله اللي موب انا ووجهي)
ريم: اها ما شاء الله اجل موب مثلي اللي ما اصبر اسكت وانا بالشات لازم احوس العالم..لول
يوسف:ههه
(ريم مستغربة من هالولد..يعني مو معقولة يكون كلامه صادق ؟؟
قاعدة تفكر وتقول..هالولد يا انه صادق..او انه شاطر في اللعب بعقول البنات..والحين جا دوري يلعب علي..ايه نشوف.. يلعب بعقول الناس كلهم الا عقلي انا..انا محد يلعب علي)
يوسف: ريم
ريم: هلا
يوسف:انا عندي اسئلة كثيرة بس ما ودي اسئلها كلها مرة وحدة كاننا بامتحان..ان شاء الله من سواليفنا الااقي الاجابات..
ريم: يوه لا تذكرني بالامتحانات..ايه عادي اسئل اللي تبي لكن بحدود..ومثل ما لك الحرية انك تسال لي الحرية اني اجاوب اوكي ؟
يوسف:ايه وش دعوة..بس انا ابي اقولك شي انتي بعد يحق لك تسأليني اللي تبين وبدون حدود..
ريم:اوكي..
(سكوت ولا احد يتكلم كل واحد ينتظر الثاني يبدا)
ريم:ايه وكيفك بعد ؟؟
يوسف:تمام..هااه ما ودك تسولفين مع الناس ولا حتى تشقرين عليهم؟
ريم:لول لا خلاص مدري وش فيني اليوم ما لي خلقهم..اكيد حسدوني
بس على ايش يا حسرة..لول
يوسف:ريم..لاحظت شي..
ريم: وشو ؟؟
يوسف:بالبرايفيت(الخاص) انتي مرة غير اذا تكلمتي مع الناس..
ريم: غير!! كيف غير
ريم: يوه اذن لازم اطلع معليش لازم اروح اقوم امي وابوي للصلاة والا صفقوني..
يوسف: ريم لحظة
ريم:لالا اسفة معليش لازم اطلع اشوفك بعدين لازم تقولي وش هالشي اللي غير!! مع اني عارفة ان اللقافة بتاكلني من هنا لبكرة
لول..
يوسف:ههه لا بسم الله عليك..
ريم: يله تصبح على خير..ولا تنسى الصلاة
يوسف: وانتي من اهله..ان شاء الله
ريم :باي
يوسف: فمان الله
الملاك البريء
الجزء الثاني ::
اليوم: الاربعاء..الساعة:12 بالليل..المكان:بيت ريم..
ريم: اف اخيرا..رجعت البيت..وهالبزران نامو اعوذ بالله ما ينامون الا بالمطاق..
(طبعا الحين ريم بعد ما تأكدت من ان كل اللي في البيت نايمين وخاصة امها..توجهت للكمبيوتر كعادتها وأنتم عارفين وش راح تسوي كالعادة..يلا نشوف)
ريم: اهلين شباب وبنات كيفكم ؟! طبعا مثل ما وعدتكم العصر يعني ما شاء الله علي انا عند وعدي..(وكالعادة نفس المواضيع ونفس الكلام ونفس الحالة)..بس في هالوقت كان يوسف ينتظر على احر من الجمر انه ريم تدخل..شافها..قرا اسمها..مرة انبسط وراح يكلمها..بس تردد !! خاف ما تذكره..خاف ما ترد عليه..بس بالاخير تشجع وتوكل على ربه وكلمها..
يوسف: السلام عليكم
ريم: اهلين وعليكم السلام
ريم: اها عرفتك انت اللي اليوم كلمتني وانا كنت بطلع معليش اعذرني..
(يوسف مرة انبسط انها تذكرته)
يوسف: ايه انا..لا عادي عاذرك بدون ما تقولين..بس ما كنت متوقع تتذكريني
ريم: افا..وش دعوة تراني ريم..لول
يوسف: والنعم والله بريم..لا يكون ازعجتك او عطلتك عن الشات والناس؟!
ريم: لالا عادي لاحقة على المضارب..اصلا الشات اليوم طفش ما عندهم ما عند جدتي ( طول اليوم بالشات وتقول ما عندهم ما عند جدتي)
يوسف: لا من جد انا ما ابي اسولف معاك وانتي ودك تسولفين معاهم خذي راحتك وانا انتظرك متى ما خلصتي انا موجود..
ريم: ياخي قلت لك مابي اسولف معهم غصب هو لول
(ريم ما تبي تسولف معاه لله بس فيه واحد بالشات تتهرب منه ولا تبيه ينتبه لها مع العالم )..
ريم: لا يكون انت ما تبي تسولف معاي بس ودك تلزقها فيني..ترى عادي اعترف..
يوسف: ههه انا ؟؟ لا والله حرام عليك انا ما ودي اسولف معاك ؟؟ والله ما صدقت بس اتجرأ واكلمك لا والاحلى من هذا انك رديتي علي
ريم: اف لهالدرجة انا اخوف..اثري اخوف وانا مدري لول
يوسف:لا والله ما امزح كنت متردد كثير قبل لا اكلمك..وحاس انك بتهزئيني
ريم:لا وش دعوة ترى انا ملسونة..بس كله مزح ولعب مو اكثر من كذا..
يوسف: ايه مو القصد كذا بس انتي لك هيبة يعني شخصيتك قوية..
ريم: لول انا شخصيتي قوية ايه هين...بس بس ترى اخذ بنفسي مقلب ويكبر راسي..
يوسف: يحق لك اذا انتي ما شفتي نفسك اجل مين يشوف نفسه ؟!
(ريم ما قدرت تهزئه زي باقي الناس اللي اول ما يقولون كلمة او حتى يلمحون بمدحة لريم قلبت الدنيا على روسهم فسكتت ولا تكلمت)
يوسف قطع السكوت..
يوسف: ريم
ريم :هلا
يوسف :اقولك شي ولا تستغربين ؟؟
ريم:قول
يوسف: انا صار لي تقريبا اسبوعين وانا اراقب كلامك..ما اقصد الكلمة بمعناها بس اللي اقصده اني اتفرج على كل كلمة تقولينها..وكل تصرف تسوينه..وعرفت انك غير البنات اللي هنا..
ريم: !!!!!!!!!!!!
يوسف: لا تستغربين انا اكلمك جد..يعني انتي الوحيدة اللي ما تتكلمين بالطريقة اللي يتكلمون فيها باقي البنات..حتى اول كم يوم ما صدقت انك بنت كنت متاكد انك ولد..بس الحين تأكدت انك بنت..مهما حاولتي تخفين
انك بنت يبان بين الكلام اللي تقولينه..
ريم: الحين قاعد تتكلم عني انا !!
يوسف: ايه...مو انتي ريم ؟؟ ههه
ريم: الا هذا اللي خابرته لول
يوسف: اجل انتي..
ريم: طيب يوسف ممكن سؤال ؟!
يوسف: تفضلي
ريم: الحين انت على قولتك شايف كلامي لك اكثر من اسبوعين..ليه انا ولا مرة وحدة شفتك تتكلم مع الناس يعني انا اصلا ما دريت انك موجود الا اليوم؟؟
يوسف:ما عندي الجرأة اني اتكلم بالطريقة اللي تتكلمون فيها..مو لسبب معين ولا لاني اكره المزح بالعكس..انا احب اقرا الكلام واضحك على اشياء معينة..بعدين على فكرة انا ما ادخل بس الشات..ادخل مواقع تفيدني..
منتديات تسليني..يعني اشغل وقتي باكثر من شي..بس انتي مررة لفتي انتباهي وخليتيني اركز على كلامك واتجرأ اكلمك..
ريم تقول بنفسها ( والله اللي موب انا ووجهي)
ريم: اها ما شاء الله اجل موب مثلي اللي ما اصبر اسكت وانا بالشات لازم احوس العالم..لول
يوسف:ههه
(ريم مستغربة من هالولد..يعني مو معقولة يكون كلامه صادق ؟؟
قاعدة تفكر وتقول..هالولد يا انه صادق..او انه شاطر في اللعب بعقول البنات..والحين جا دوري يلعب علي..ايه نشوف.. يلعب بعقول الناس كلهم الا عقلي انا..انا محد يلعب علي)
يوسف: ريم
ريم: هلا
يوسف:انا عندي اسئلة كثيرة بس ما ودي اسئلها كلها مرة وحدة كاننا بامتحان..ان شاء الله من سواليفنا الااقي الاجابات..
ريم: يوه لا تذكرني بالامتحانات..ايه عادي اسئل اللي تبي لكن بحدود..ومثل ما لك الحرية انك تسال لي الحرية اني اجاوب اوكي ؟
يوسف:ايه وش دعوة..بس انا ابي اقولك شي انتي بعد يحق لك تسأليني اللي تبين وبدون حدود..
ريم:اوكي..
(سكوت ولا احد يتكلم كل واحد ينتظر الثاني يبدا)
ريم:ايه وكيفك بعد ؟؟
يوسف:تمام..هااه ما ودك تسولفين مع الناس ولا حتى تشقرين عليهم؟
ريم:لول لا خلاص مدري وش فيني اليوم ما لي خلقهم..اكيد حسدوني
بس على ايش يا حسرة..لول
يوسف:ريم..لاحظت شي..
ريم: وشو ؟؟
يوسف:بالبرايفيت(الخاص) انتي مرة غير اذا تكلمتي مع الناس..
ريم: غير!! كيف غير
ريم: يوه اذن لازم اطلع معليش لازم اروح اقوم امي وابوي للصلاة والا صفقوني..
يوسف: ريم لحظة
ريم:لالا اسفة معليش لازم اطلع اشوفك بعدين لازم تقولي وش هالشي اللي غير!! مع اني عارفة ان اللقافة بتاكلني من هنا لبكرة
لول..
يوسف:ههه لا بسم الله عليك..
ريم: يله تصبح على خير..ولا تنسى الصلاة
يوسف: وانتي من اهله..ان شاء الله
ريم :باي
يوسف: فمان الله
الملاك البريء
الجزء الثالث ::
اليوم: الخميس..الساعة: 10بالليل..المكان:الفيصلية !!
(طبعا اليوم الخميس يعني اكيد ريم وين بتكون غير بالسوق تدور وتتفرج على هالعالم وخصوصا الفيصلية سوقها المفضل,وما غير تدور مترت الفيصلية رايحة جاية)
ريم:يمه..خلاص طفشت يله نرجع للبيت
ام ريم: لا والله طفشتي..انا توني ما خلصت باقي اشتري ملابس لاخواتك
انتي وش عندك مستعجلة تونا ما صارت الساعة 10.
ريم:هاه..لا بس خلاص مليت
(ريم زيادة على الطفش كانت متضايقة من تحرش الاولاد فيها والكلام السخيف والحركات التافهه<<<بعذرهم لانها ما تتغطى !! )
ام ريم:يله ريم تبين شي والا نرجع
ريم:لا مابي شي يله نرجع
(دخلو البيت وريم على طول رمت العباية والجزمة وعلى الكمبيوتر)
ام ريم: ما شاء الله بدينا..يابنتي ما امداك تدخلين مع الباب طيب على الاقل قومي غسلي غيري لبسك..مو على طول على الكمبيوتر..
(ريم ما تدري امها وش قاعدة تقول متنحة بالشاشة)
ام ريم:انا اكلم جدار ؟!.. وجع ردي
ريم:نعم يمه..
ام ريم:شوفي ترى من الحين اقولك ما فيه قعدة للفجر زي امس والا والله لا اقول لابوك يشيل الانترنت بكبره..فاهمة والا لا ؟؟
ريم:طيب طيب فاهمة ( خافت لا امها تقطع الانترنت من جد)
(راحت ام ريم وتركتها وريم قاعدة كالعادة نفس المواقع نفس الصفحات ما فيه شي جديد وتوها تفتح الماسنجر)
ريم: يوه مين هاللي مسوي لي اد ؟! اف الله يعيني بس احلى شي اني لقيت احد احط حرتي فيه واتضارب يعني انواع الوناسة<<شرانية..
(ريم كانت فاتحة الشات بس ناسيته ومستلمة هاللي مسوي لها اد بالاسئلة والتهزيء)
ريم:اقول اخلص علينا يابن الناس وقلي من وين جايب ايميلي ؟؟
(يعني ياريم من وين بيكون جايبه الا من هالمليون قروب اللي انتي مشتركة فيها اكيد من الفوروورد,والولد عاجبه الوضع يعاند ولا يبي يقول لها من وين جاب الايميل)
ريم:اقول جعل عمرك ما قلت من وين جايب الايميل يله حط لي بلوك وانا بصكك بلوك بعد..
(واستمرت هالمضاربة بينها وبين الولد..وبهالوقت يوسف دخل الشات ولا كان يدري عن ريم لانه ما يشوفها تتكلم مع العالم كعادتها)
يوسف:وينها ريم ما اشوفها !! ابشوف ايميلي والمنتدى ويمكن بعد شوي تدخل..
(مر الوقت)
يوسف: مو معقولة الى الحين ما دخلت !! يمكن القى اسمها موجود بس هي مشغولة..هذي هي موجودة ! بحاول اكلمها واشوف وش قصتها
يوسف:اهلين ريم..
ريم:اهلين
يوسف: وينك !!!!!!!!!
ريم: يوه نسيت اني فاتحة الشات قاعدة احوس ونسيت
يوسف: ههه ليه وش قاعدة تحوسين فيه؟؟
ريم: لا ابد بس واحد ناشب بحلقي..قاعدة اتضارب معاه وهو ما يبي يعلمني من وين جايب ايميلي..
يوسف: يعني من وين بيجيب ايميلك اكيد من الايميلات الثانية او من المجموعات اللي مشتركة فيها هذا المكان اللي يجيبون منه الايميلات
ريم: ايه عارفة بس ولو انا ابي اعرف ياخي كيفي لول
يوسف: اوكي بكيفك شوي شوي لا تاكلينا
ريم: لول والله اني اخوف احم
يوسف: ههه..طيب وش صار مع اللي ضايفك ؟؟ علمك من وين ايميلك؟
ريم: لا هالقلق ما علمني.
يوسف: طيب وش بتسوين ؟؟
ريم: طبعا بحط له بلوك والا بعد..ما بقى الا هالاشكال بماسنجري
يوسف: ههه طيب حطي له
ريم:لا اول شي بخليه هو يحط لي
يوسف:وايش الفرق ؟!
ريم: ما فيه فرق بس عناد لول
يوسف : الله يعينه عليك
ريم: امين الله يعينه محد قاله يضيفني لول
ريم:برب بتفاهم مع هالغثيث
يوسف: تيت
(راحت تهزئه بكم كلمة ورجعت )
ريم:باك وريتك فيه
يوسف: هلا ولكم
ريم: خليته يندم يوم سوى لي اد
يوسف: ههه طيب حطي له بلوك وارتاحي
ريم : طيب طيب بحط
يوسف: احسن لك والله
ريم: برب هذا مدري وش يبي بالضبط
يوسف : تيت (يوسف عصب يبي ريم تركز معاه)
ريم:حطيت له بلوك اخيرا
يوسف: ايه والله اخيرا
يوسف:خلاص فكينا من شره وتعالي هنا كلميني
ريم: (تعالي هنا كلميني !! والله يمون)
ريم:هلا ما قلت لي وش اخبارك هالولد خلاني انسى اسئلك
يوسف: انا بخيير نسال عنك..
ريم:احم الحين وش المفروض اقول ترى ما اعرف لهالكلام
يوسف: هو عادة الناس يقولون تسأل عنك العافية..بس انتي بكيفك
ريم: ( ما اعجبتني الكلمة وش تسأل عنه العافية ما بقى الا هي اقوله هالكلمة..بس والله استحي اطنشه..يله بقولها)
ريم:تسأل عنك العافية..
يوسف:تسلمين والله
يوسف:وبشريني عن دراستك انا ولا مرة سئلتك انتي بالجامعة؟
ريم:لول اي جامعة الله يهديك انا توني افحط بالثانوي
يوسف:ههه تفحطين بالله انتي من وين تجيبين هالكلام..يله اجل الله يعينك على التفحيط بالثانوي
ريم: لوول امين
يوسف: طيب وكيف الثانوي لازم تشدين حيلك
ريم:ايه ان شاء الله بس انا مخليه الشدة على ثالث توني الحين فترة راحة
يوسف: ليه انتي بثاني ؟؟
ريم:يس
يوسف: علمي والا ادبي @@ ؟
ريم:يخسى الادبي انا احم احم..علمي
يوسف: ههه مو باين على كل هالرجة
ريم:والله اني علمي عاد تبي تصدق صدق ما تبي عادي
يوسف:لالا روقي والله مصدق بس امزح معاك
ريم: ايه اشوا لول
(ريم تذكرت ان المرة اللي فاتت يوسف قال انها غير بس كيف غير ما عرفت منه والحين بتموت وتعرف وش كان يقصد)
ريم:ايه صح نسيت
يوسف: وش نسيتي
ريم:المرة اللي فاتت قلت لي اني انا غير كيف غير ؟؟
يوسف: ههه منيب قايل لك
ريم:الا بتقول يعني بتقول
يوسف:طيب بقول ولا يهمك بس لا تدفين
ريم:لول طيب يله منيب دافة
يوسف: اللي كنت اقصده يا ريم انه انتي بالبرايفيت(الخاص) غير
ريم:يعني زي جدة غير <<<تستخف دمها لوول
يوسف: ههه
يوسف :لا مو زي جدة غير..اللي اقصده انه انتي لو تكلمتي مع الناس تتكلمين باستهبال وبمزح وبدون ما تتكلمين بمواضيع جدية ولا حتى تتكلمين بالحب زي باقي البنات..لكن بالخاص تصيرين رايقة..يعني هادية كانك على طبيعتك..طبعا ما اقصد انك صرتي زي باقي البنات..بس اشوفك تتغيرين
ريم: !؟!؟!؟!؟
يوسف: يعني تصيرين احسن من اللي كنت متوقع واللي يشوفك هنا ما يصدق انها نفسها اللي تستهبل مع العالم..
ريم: لول هذي انا
يوسف: ايه انتي..يعني مين غيرك
ريم: شكرا..
يوسف:العفو وش دعوة ما قلت شي غير الحقيقة
(ومرت لحظة صمت قطعها يوسف بسؤاله)
يوسف:ريم
ريم: هلا ؟
يوسف: ممكن اسئلك سؤال؟
ريم: ايه تفضل
يوسف: ريم اللي فهمته من كلامك انك ما تضيفين اولاد صح ؟!
ريم:ايه صح ما شاء الله عليك تفهمها وهي طايرة لول
يوسف:طيب مو هنا السؤال..
ريم:اوكي تفضل اسأل
يوسف:طيب ممكن اعرف السبب ؟ يعني ايش الفرق بين هنا والماسنجر
ريم: ام انت لو مركز شوي كان عرفت من نفسك الفرق..انت بلسانك يا يوسف قلت لي اني انا بالخاص غير لما اتكلم مع الناس نفس الشي بالماسنجر اكون غير وانا مابي هالشي يصير ما عندي استعداد لمشاكل
انا مو قدها..
يوسف:اها يعني قصدك انك ما تبين الناس يعرفون مين ريم ؟!
ريم: يعني تقريبا..
يوسف: ما شاء الله عليك
ريم: على ايش ؟!
يوسف: اللي يشوفك مع العالم يقول انك صغيرة يعني يعرف كم عمرك بس اللي يسولف معاك جد لا يمكن يقول ان عمرك اقل من العشرين..عقلك اكبر من عمرك
ريم:لول تعال لو سمحت قل لامي هالكلام دايم تقولي عقلك صغير وعقلك صغير..
يوسف: ههه لا والله ما شاء الله عليك عاقلة وفاهمة
ريم:ايه كثر منها..
ريم:يوسف ملاحظ انك انت بس اللي تسأل وانا ما اسألك شي ؟
يوسف: ههه طيب احد ماسكك اسألي اللي تبين
ريم:ام طيب انت تدرس والا تشتغل ؟؟
يوسف: لا اشتغل موظف ببنك
ريم:احلى يالكبير
يوسف: ههه لا حرام عليك توني السنة اللي راحت متخرج وين كبير
ريم:مالي دخل يالشاايب يالشاايب
يوسف:ههه يلا عاد وش شايب تراني شباب اكثر منك
يوسف: برب شوي وراجع
ريم: تيت
(ريم قعدت تحوس بايميلها وتنتظر يوسف..)
يوسف:باك
ريم: ولكم..
يوسف: ريم تعرفين قصة (المسافر) اغنية راشد الماجد؟؟توني قاريها بايميل
ريم:المسافر؟؟ لها قصة ؟؟ لا ما اعرفها
يوسف:ايه لها قصة مرة تحزن روعة بس مدري اذا حقيقة او لا
ريم:ياي ابي اقراها
(ريم زل لسانها وقالت هالجملة..مادرت انه فيها سالفة ايميل وما ايميل
وطبعا توهقت..)
يوسف: ولا يهمك عطيني ايميلك ارسلك اياها لانها من جد تستاهل
ريم: ام
يوسف: ريم لا تخافين ما راح اضيفك..ولو فكرت بهالشي ما راح اسويه الا باذنك..صدقيني وعدتك
ريم: ( ريم استحت مرة لانها هي اللي حطت نفسها بهالموقف..فكرت وقالت يلا عاد هو وعدني وبعدين لو فكر يضيفني..فيه اختراع اسمه بلوك)ريم:اوكي اتفقنا
ريم: يلههه بسرعة وين القصة ودي اقراها
يوسف: ههه لا والله وانا وش دراني ايش ايميلك
ريم: لول ايه والله نسيت مع الحماس
ريم:............<< يعنني هنا ايميلها منيب فاضية اخترع ايميل ويطلع صدقي
يوسف: اوكي ثواني بس
ريم: اوكي
يوسف: يله ارسلته
يوسف: وصل؟؟
ريم: ايه هذا هو وصل يله برب بس اقرا القصة وارجع
يوسف: طيب اسمعي هذا لينك الاغنية عشان من جد ما يطلع للقصة طعم الا مع الاغنية..
يوسف:
ريم: شكرا والله معليش غثيتك صرت غثيثة اكثر من اللي ضافني لول
يوسف:ريم وش دعوة وش هالكلام..ماسويت شي يستاهل
(ريم راحت تقرا القصة وبعد ما خلصتها رجعت)
ريم:واع واع <<<قاعدة اصيح
يوسف: ليه سلامتك؟؟ ليه تصيحين ؟؟
ريم: القصة مرة حلوة من جد حلوة مسكين الرجال يا عمري
لا والبنت بعد مريضة ياحياتي
يوسف: ريم تصدقين اول مرة اسمعك تقولين يا عمري
ريم: !!!!!!!!!!
يوسف: ايه والله جد اول مرة
ريم:واخر مرة ان شاء الله لول
يوسف: ههه
ريم: يله تأخر الوقت انا لازم اطلع
يوسف: وين تطلعين تونا بدري تونا ما اذن الفجر عشان تطلعين
ريم:ايه عارفة بس اليوم امي انواع التهديد تقولي لازم اطلع بدري والا بتقطع الانترنت كله
يوسف:لا مدام الوالدة اللي قالت لك كذا اجل ما اقدر اقول شي
ريم: يوه امي تخوفك انت بعد لول
يوسف: الله يخليك لها ويخليها لك
ريم: امين
ريم:يله يله الحين لو بدت سالفة والله ما تخلص ابد خلني اطلع احسن لي يوسف: ههه يله بسكت ولا يهمك
ريم: يله يوسف اشوفك على خير ..وتصبح على خير
يوسف: على خير نوم العافية ريم..انتبهى لنفسك
ريم:ان شاء الله..باي
ومر على هالحالة أسبوعين..ريم ويوسف تقريبا يوميا سواليف واستهبال مع بعض لكن كل سواليفهم كانت سطحية..يعني لا ريم تعرف عن يوسف شي ولا يوسف يعرف عن ريم شي..اهم شي انهم كانوا مبسوطين..وكان كل كلامهم ضمن الادب والاحترام محد يتعدى حدوده بالكلام)
وفي الشات...
يوسف: وين ريم؟! غريبة!! انا لي اكثر من اسبوع ويمكن صارت اسبوعين وانا الى الحين ما شفتها..وش صار لها..لا يكون صاير شي وانا ما اعرف عنه..ما قالت لي بتغيب كل هالمدة..مو معقولة تترك الشات فجأة بدون سبب؟!
ومين انا اصلا عشان تقولي انها بتترك الشات...
(كل هالتساؤلات براس يوسف..ما يدري وش صار بريم..وش سالفتها بالضبط ليش هالغيبة فجأة..)
وفي المدرسة..
الجوهرة:ريم..يلا اخلصي علينا كل هذا تراجعين يله بسرعة بيبدا الاختبار ولا يدخلونا القاعات..
(هذي الجوهرة صديقة ريم بالمدرسة وعلى قولتهم صديقة العمر..من ايام الابتدائي..وكل وحدة تعرف الثانية زي ما تعرف نفسها)
الجوهرة: شوفي والله لو ما تركتي الكتاب لا اطلع واخليك لحالك..والا ترى باخذ الكتاب ارميه..يعني مرة مقطعة المذاكرة مالت عليك
ريم: يوه اصبري انتي خلاص خلصت اعوذ بالله واصلا مين قالك بيبدون الاختبار وانا ما جيت اصلا ما يقدرون..
الجوهرة: ايه هين ومين انتي عاد
ريم : انا ريم..
الجوهرة:اقول لا تتفلسفين علي يله امشي لا بكف
ريم: اف وصلت للكفوف يله يله مشينا
الجوهرة: <<تبتسم ابتسامة النصر<<موب الهلال <<هاهاهاي
وبعد الامتحان نزلو ريم والجوهرة للساحة..
ريم: هاه الجوهرة وش سويتي ؟؟
الجوهرة :والله الحمد الله ماشي الحال يعني ما تركت ولا سؤال فاضي
ريم:مالت عليك يعني هذا اهم شي ولا سؤال فاضي..قولي ولا سؤال غلط
الجوهرة: تكفين ياللي الحين انتي مية بالمية صح
ريم: ههه ايه افا عليك
ريم:اف الجوهرة تخيلي من اول الامتحانات ما دخلت الشات.. والله متى تخلص عشان ادخل من جد من زمان عن المطاقات
الجوهرة: المطاقات هاه ؟! علينا ريمو علينا..والا اكيد مشتاقة للحبايب..هاه اعترفي اعترفي..(الجوهرة عارفة كل السالفة)
ريم:اي حبايب؟؟ حبك برص..حبايب مين اقول ضفي انتي واياه
الجوهرة:ههه امزح يختي حرام امزح..والله انتي مع الامتحانات ما ينمزح معاك اعوذ بالله
ريم:ههه ناس ما تجي الا بالعين الحمرا..
الجوهرة: اقول ضفي بس
الجوهرة: الا ريم انتي ما تدخلين الانترنت ابد ؟؟ شلون تقولين واصلك ايميل مدري وشو
ريم: الا ادخل بس الايميل اشيك عليه عشان ما يسكر واطلع
الجوهرة: طيب يعني ليه ما تدخلين الشات بالوقت اللي تشكين علىالايميل
ريم:صاحية انتي..انا اشيك الايميل بخمس دقايق لو فتحت الشات قعدت ساعتين ونسيت الدنيا يعني ودك امي تشيل الكمبيوتر بكبره..
الجوهرة: يوه امك تروع.. اجل لالا خليك كذا بس ما بقى شي وتخلص الامتحانات اصبري اصبري وبعدين تدخلين على كيف كيفك..
ريم: ايه والله هانت انتي بس اصبري تخلص الامتحانات وانا بطلع حرتي
الجوهرة:عاد تخيلي بعد كل هالصبر امك تشيل الكمبيوتر..عشان نتيجك اللي كانها وجهك ههه
ريم: ههه لالا الله لا يقوله..عاد من ناحية انه النتيجة اذا بتطلع زي وجهي فهي تهبل
اما المصيبة اذا كانت زي وجهك انتي..
الجوهرة: اقول يلا عاد ترى انتي ما تنعطين وجه يله فتحو البوابة..قومي بنرجع بيوتنا يله
وانتهت الامتحانات على خير..وريم ما صدقت على الله انها تخلص..وافتكت من المذاكرة والقلق..ورجعت للبيت اخر يوم وهي مبسوطة..)
ريم: ماما... يمه واخيرا خلصت.. اعوذ بالله ما بغيت اخلص..
ام ريم: ههه المفروض تقولين الحمد الله موب اعوذ بالله..يله يا بنتي الف مبروك ان شاء الله عاد النتيجة تبيض الوجه..
ريم: ايه افا عليك اكيد تبيض الوجه.. انا بنتك ما تعرفيني
ام ريم: ايه المشكلة اني عارفتك وخايفة ان نتيجتك مثل ما اعرفك..
ريم: افا لا وانا بنت ام ريم ههه
ام ريم: ان شاء الله عاد يصير كلامك صح واشوف نتيجة حلوة..والله انك هالترم شادة حيلك احسن من الترم الاول..يله الشدة كلها السنة الجاية
ريم: يوه يمه انا ما صدقت اخلص ثاني ثانوي الحين وانتي تجيبين طاري ثالث تراني مبسوطة عاد لا تخربين علي
ام ريم: ههه طيب طيب خلاص
ريم: يله عاد يمه استأذنك بروح ارابط عند الانترنت
ام ريم: ايوه بدينا توني اقول يا حبيلها قاعدة تسولف معاي ونست الانترنت
ريم:عاد يمه وشو..يعني حرام عليك كم لي الحين ما دخلت الانترنت..(ريم قامت تسوي حركات عشان امها ترحمها)
ام ريم: طيب طيب خلاص روحي الله يعيني عليك
ريم: ياحبيلك يا شيخة
ام ريم: لا والله اصغر عيالك انا ؟؟ تقولين يا شيخة
ريم: ههه لا قصدي يا شيخة الزين كله
( تركت ريم امها وراحت على غرفتها ودخلت الانترنت..ما صدقت نفسها من الوناسة..
نفس الاشياء اللي كانت قبل الامتحانات ما تغير شي الشات والماسنجر وطبعا الشات اهم شي الحين..)
ريم: يوه من هاللي مسوي لي اد عاد مالي خلق مثل كل مرة اتضارب..بروح الشات واطنشه..
ريم: السلام عليكم بنات وشباب من زمان عنكم
( وبدت ريم مغامراتها...وبعد عشر دقايق تقريبا كان اللي مسوي لها اد اون لاين بس ما تجرأ يكلمها وهي نست سالفته ولا درت عنه حتى ايميله ما انتبهت وشو..ارسل لها ايميل)
ريم:وش هالايميل من مين ؟!
الايميل>> اغنية لراشد الماجد.
ريم:الله من الميانة..مين هذا اللي مرسل لي الاغنية لا ويعرف يختار اغاني
ههه
ريم: بسم الله بدينا مطاقة جديدة..اهلين..اقول انت ياالاخ..يعني مسوي لي اد ومدري من وين طلعت لي ومن زود الميانة مرسل لي اغنية لا واللي زاد الطين بله اغنية (وحشتيني) ليه شايفني حبيبتك اللي ضاعت والا اللي نسيتها عند باب المسجد
وحشتيني وجيت اسال: بسم الله
وحشتيني وجيت اسال:وعليكم السلام
ريم:لول ايه نسيت السلام عليكم + المقدمة اللي فوق
وحشتيني وجيت اسال: كيفك ؟؟
ريم: وش كيفك بعد تسالني عن كيفي والله مالي كيف لول واغني بعد
وحشتيني وجيت اسال: ههه
وحشتيني وجيت اسال: انتي وينك غايبة كل هالمدة ؟؟
ريم: انا ويني ؟؟ اقول من متى المعرفة
وحشتيني وجيت اسال: انتي ريم..المعرفة ام من زمان
ريم: اقول لا يكثر مين معاي ؟؟
ريم: الو؟؟ وينك انت
وحشتيني وجيت اسال: اقول ريم انا بطلع اصلي اشوفك بعد الصلاة
ريم: وش اللي اشوفك بعد الصلاة لا اشوفك ابد بس قولي مين انت
وحشتيني وجيت اسال: انا يوسف..باي لازم اطلع
ريم: يوسف !!!!!!!!!!!!!!!!!!! وش يوسف
وحشتيني وجيت اسال ( اوف لاين)
ريم: يوه هذا طلع وش اللي يوسف!! لا يكون هذاك ما غيره
الملاك البريء
اليوم: الخميس..الساعة: 10بالليل..المكان:الفيصلية !!
(طبعا اليوم الخميس يعني اكيد ريم وين بتكون غير بالسوق تدور وتتفرج على هالعالم وخصوصا الفيصلية سوقها المفضل,وما غير تدور مترت الفيصلية رايحة جاية)
ريم:يمه..خلاص طفشت يله نرجع للبيت
ام ريم: لا والله طفشتي..انا توني ما خلصت باقي اشتري ملابس لاخواتك
انتي وش عندك مستعجلة تونا ما صارت الساعة 10.
ريم:هاه..لا بس خلاص مليت
(ريم زيادة على الطفش كانت متضايقة من تحرش الاولاد فيها والكلام السخيف والحركات التافهه<<<بعذرهم لانها ما تتغطى !! )
ام ريم:يله ريم تبين شي والا نرجع
ريم:لا مابي شي يله نرجع
(دخلو البيت وريم على طول رمت العباية والجزمة وعلى الكمبيوتر)
ام ريم: ما شاء الله بدينا..يابنتي ما امداك تدخلين مع الباب طيب على الاقل قومي غسلي غيري لبسك..مو على طول على الكمبيوتر..
(ريم ما تدري امها وش قاعدة تقول متنحة بالشاشة)
ام ريم:انا اكلم جدار ؟!.. وجع ردي
ريم:نعم يمه..
ام ريم:شوفي ترى من الحين اقولك ما فيه قعدة للفجر زي امس والا والله لا اقول لابوك يشيل الانترنت بكبره..فاهمة والا لا ؟؟
ريم:طيب طيب فاهمة ( خافت لا امها تقطع الانترنت من جد)
(راحت ام ريم وتركتها وريم قاعدة كالعادة نفس المواقع نفس الصفحات ما فيه شي جديد وتوها تفتح الماسنجر)
ريم: يوه مين هاللي مسوي لي اد ؟! اف الله يعيني بس احلى شي اني لقيت احد احط حرتي فيه واتضارب يعني انواع الوناسة<<شرانية..
(ريم كانت فاتحة الشات بس ناسيته ومستلمة هاللي مسوي لها اد بالاسئلة والتهزيء)
ريم:اقول اخلص علينا يابن الناس وقلي من وين جايب ايميلي ؟؟
(يعني ياريم من وين بيكون جايبه الا من هالمليون قروب اللي انتي مشتركة فيها اكيد من الفوروورد,والولد عاجبه الوضع يعاند ولا يبي يقول لها من وين جاب الايميل)
ريم:اقول جعل عمرك ما قلت من وين جايب الايميل يله حط لي بلوك وانا بصكك بلوك بعد..
(واستمرت هالمضاربة بينها وبين الولد..وبهالوقت يوسف دخل الشات ولا كان يدري عن ريم لانه ما يشوفها تتكلم مع العالم كعادتها)
يوسف:وينها ريم ما اشوفها !! ابشوف ايميلي والمنتدى ويمكن بعد شوي تدخل..
(مر الوقت)
يوسف: مو معقولة الى الحين ما دخلت !! يمكن القى اسمها موجود بس هي مشغولة..هذي هي موجودة ! بحاول اكلمها واشوف وش قصتها
يوسف:اهلين ريم..
ريم:اهلين
يوسف: وينك !!!!!!!!!
ريم: يوه نسيت اني فاتحة الشات قاعدة احوس ونسيت
يوسف: ههه ليه وش قاعدة تحوسين فيه؟؟
ريم: لا ابد بس واحد ناشب بحلقي..قاعدة اتضارب معاه وهو ما يبي يعلمني من وين جايب ايميلي..
يوسف: يعني من وين بيجيب ايميلك اكيد من الايميلات الثانية او من المجموعات اللي مشتركة فيها هذا المكان اللي يجيبون منه الايميلات
ريم: ايه عارفة بس ولو انا ابي اعرف ياخي كيفي لول
يوسف: اوكي بكيفك شوي شوي لا تاكلينا
ريم: لول والله اني اخوف احم
يوسف: ههه..طيب وش صار مع اللي ضايفك ؟؟ علمك من وين ايميلك؟
ريم: لا هالقلق ما علمني.
يوسف: طيب وش بتسوين ؟؟
ريم: طبعا بحط له بلوك والا بعد..ما بقى الا هالاشكال بماسنجري
يوسف: ههه طيب حطي له
ريم:لا اول شي بخليه هو يحط لي
يوسف:وايش الفرق ؟!
ريم: ما فيه فرق بس عناد لول
يوسف : الله يعينه عليك
ريم: امين الله يعينه محد قاله يضيفني لول
ريم:برب بتفاهم مع هالغثيث
يوسف: تيت
(راحت تهزئه بكم كلمة ورجعت )
ريم:باك وريتك فيه
يوسف: هلا ولكم
ريم: خليته يندم يوم سوى لي اد
يوسف: ههه طيب حطي له بلوك وارتاحي
ريم : طيب طيب بحط
يوسف: احسن لك والله
ريم: برب هذا مدري وش يبي بالضبط
يوسف : تيت (يوسف عصب يبي ريم تركز معاه)
ريم:حطيت له بلوك اخيرا
يوسف: ايه والله اخيرا
يوسف:خلاص فكينا من شره وتعالي هنا كلميني
ريم: (تعالي هنا كلميني !! والله يمون)
ريم:هلا ما قلت لي وش اخبارك هالولد خلاني انسى اسئلك
يوسف: انا بخيير نسال عنك..
ريم:احم الحين وش المفروض اقول ترى ما اعرف لهالكلام
يوسف: هو عادة الناس يقولون تسأل عنك العافية..بس انتي بكيفك
ريم: ( ما اعجبتني الكلمة وش تسأل عنه العافية ما بقى الا هي اقوله هالكلمة..بس والله استحي اطنشه..يله بقولها)
ريم:تسأل عنك العافية..
يوسف:تسلمين والله
يوسف:وبشريني عن دراستك انا ولا مرة سئلتك انتي بالجامعة؟
ريم:لول اي جامعة الله يهديك انا توني افحط بالثانوي
يوسف:ههه تفحطين بالله انتي من وين تجيبين هالكلام..يله اجل الله يعينك على التفحيط بالثانوي
ريم: لوول امين
يوسف: طيب وكيف الثانوي لازم تشدين حيلك
ريم:ايه ان شاء الله بس انا مخليه الشدة على ثالث توني الحين فترة راحة
يوسف: ليه انتي بثاني ؟؟
ريم:يس
يوسف: علمي والا ادبي @@ ؟
ريم:يخسى الادبي انا احم احم..علمي
يوسف: ههه مو باين على كل هالرجة
ريم:والله اني علمي عاد تبي تصدق صدق ما تبي عادي
يوسف:لالا روقي والله مصدق بس امزح معاك
ريم: ايه اشوا لول
(ريم تذكرت ان المرة اللي فاتت يوسف قال انها غير بس كيف غير ما عرفت منه والحين بتموت وتعرف وش كان يقصد)
ريم:ايه صح نسيت
يوسف: وش نسيتي
ريم:المرة اللي فاتت قلت لي اني انا غير كيف غير ؟؟
يوسف: ههه منيب قايل لك
ريم:الا بتقول يعني بتقول
يوسف:طيب بقول ولا يهمك بس لا تدفين
ريم:لول طيب يله منيب دافة
يوسف: اللي كنت اقصده يا ريم انه انتي بالبرايفيت(الخاص) غير
ريم:يعني زي جدة غير <<<تستخف دمها لوول
يوسف: ههه
يوسف :لا مو زي جدة غير..اللي اقصده انه انتي لو تكلمتي مع الناس تتكلمين باستهبال وبمزح وبدون ما تتكلمين بمواضيع جدية ولا حتى تتكلمين بالحب زي باقي البنات..لكن بالخاص تصيرين رايقة..يعني هادية كانك على طبيعتك..طبعا ما اقصد انك صرتي زي باقي البنات..بس اشوفك تتغيرين
ريم: !؟!؟!؟!؟
يوسف: يعني تصيرين احسن من اللي كنت متوقع واللي يشوفك هنا ما يصدق انها نفسها اللي تستهبل مع العالم..
ريم: لول هذي انا
يوسف: ايه انتي..يعني مين غيرك
ريم: شكرا..
يوسف:العفو وش دعوة ما قلت شي غير الحقيقة
(ومرت لحظة صمت قطعها يوسف بسؤاله)
يوسف:ريم
ريم: هلا ؟
يوسف: ممكن اسئلك سؤال؟
ريم: ايه تفضل
يوسف: ريم اللي فهمته من كلامك انك ما تضيفين اولاد صح ؟!
ريم:ايه صح ما شاء الله عليك تفهمها وهي طايرة لول
يوسف:طيب مو هنا السؤال..
ريم:اوكي تفضل اسأل
يوسف:طيب ممكن اعرف السبب ؟ يعني ايش الفرق بين هنا والماسنجر
ريم: ام انت لو مركز شوي كان عرفت من نفسك الفرق..انت بلسانك يا يوسف قلت لي اني انا بالخاص غير لما اتكلم مع الناس نفس الشي بالماسنجر اكون غير وانا مابي هالشي يصير ما عندي استعداد لمشاكل
انا مو قدها..
يوسف:اها يعني قصدك انك ما تبين الناس يعرفون مين ريم ؟!
ريم: يعني تقريبا..
يوسف: ما شاء الله عليك
ريم: على ايش ؟!
يوسف: اللي يشوفك مع العالم يقول انك صغيرة يعني يعرف كم عمرك بس اللي يسولف معاك جد لا يمكن يقول ان عمرك اقل من العشرين..عقلك اكبر من عمرك
ريم:لول تعال لو سمحت قل لامي هالكلام دايم تقولي عقلك صغير وعقلك صغير..
يوسف: ههه لا والله ما شاء الله عليك عاقلة وفاهمة
ريم:ايه كثر منها..
ريم:يوسف ملاحظ انك انت بس اللي تسأل وانا ما اسألك شي ؟
يوسف: ههه طيب احد ماسكك اسألي اللي تبين
ريم:ام طيب انت تدرس والا تشتغل ؟؟
يوسف: لا اشتغل موظف ببنك
ريم:احلى يالكبير
يوسف: ههه لا حرام عليك توني السنة اللي راحت متخرج وين كبير
ريم:مالي دخل يالشاايب يالشاايب
يوسف:ههه يلا عاد وش شايب تراني شباب اكثر منك
يوسف: برب شوي وراجع
ريم: تيت
(ريم قعدت تحوس بايميلها وتنتظر يوسف..)
يوسف:باك
ريم: ولكم..
يوسف: ريم تعرفين قصة (المسافر) اغنية راشد الماجد؟؟توني قاريها بايميل
ريم:المسافر؟؟ لها قصة ؟؟ لا ما اعرفها
يوسف:ايه لها قصة مرة تحزن روعة بس مدري اذا حقيقة او لا
ريم:ياي ابي اقراها
(ريم زل لسانها وقالت هالجملة..مادرت انه فيها سالفة ايميل وما ايميل
وطبعا توهقت..)
يوسف: ولا يهمك عطيني ايميلك ارسلك اياها لانها من جد تستاهل
ريم: ام
يوسف: ريم لا تخافين ما راح اضيفك..ولو فكرت بهالشي ما راح اسويه الا باذنك..صدقيني وعدتك
ريم: ( ريم استحت مرة لانها هي اللي حطت نفسها بهالموقف..فكرت وقالت يلا عاد هو وعدني وبعدين لو فكر يضيفني..فيه اختراع اسمه بلوك)ريم:اوكي اتفقنا
ريم: يلههه بسرعة وين القصة ودي اقراها
يوسف: ههه لا والله وانا وش دراني ايش ايميلك
ريم: لول ايه والله نسيت مع الحماس
ريم:............<< يعنني هنا ايميلها منيب فاضية اخترع ايميل ويطلع صدقي
يوسف: اوكي ثواني بس
ريم: اوكي
يوسف: يله ارسلته
يوسف: وصل؟؟
ريم: ايه هذا هو وصل يله برب بس اقرا القصة وارجع
يوسف: طيب اسمعي هذا لينك الاغنية عشان من جد ما يطلع للقصة طعم الا مع الاغنية..
يوسف:
ريم: شكرا والله معليش غثيتك صرت غثيثة اكثر من اللي ضافني لول
يوسف:ريم وش دعوة وش هالكلام..ماسويت شي يستاهل
(ريم راحت تقرا القصة وبعد ما خلصتها رجعت)
ريم:واع واع <<<قاعدة اصيح
يوسف: ليه سلامتك؟؟ ليه تصيحين ؟؟
ريم: القصة مرة حلوة من جد حلوة مسكين الرجال يا عمري
لا والبنت بعد مريضة ياحياتي
يوسف: ريم تصدقين اول مرة اسمعك تقولين يا عمري
ريم: !!!!!!!!!!
يوسف: ايه والله جد اول مرة
ريم:واخر مرة ان شاء الله لول
يوسف: ههه
ريم: يله تأخر الوقت انا لازم اطلع
يوسف: وين تطلعين تونا بدري تونا ما اذن الفجر عشان تطلعين
ريم:ايه عارفة بس اليوم امي انواع التهديد تقولي لازم اطلع بدري والا بتقطع الانترنت كله
يوسف:لا مدام الوالدة اللي قالت لك كذا اجل ما اقدر اقول شي
ريم: يوه امي تخوفك انت بعد لول
يوسف: الله يخليك لها ويخليها لك
ريم: امين
ريم:يله يله الحين لو بدت سالفة والله ما تخلص ابد خلني اطلع احسن لي يوسف: ههه يله بسكت ولا يهمك
ريم: يله يوسف اشوفك على خير ..وتصبح على خير
يوسف: على خير نوم العافية ريم..انتبهى لنفسك
ريم:ان شاء الله..باي
ومر على هالحالة أسبوعين..ريم ويوسف تقريبا يوميا سواليف واستهبال مع بعض لكن كل سواليفهم كانت سطحية..يعني لا ريم تعرف عن يوسف شي ولا يوسف يعرف عن ريم شي..اهم شي انهم كانوا مبسوطين..وكان كل كلامهم ضمن الادب والاحترام محد يتعدى حدوده بالكلام)
وفي الشات...
يوسف: وين ريم؟! غريبة!! انا لي اكثر من اسبوع ويمكن صارت اسبوعين وانا الى الحين ما شفتها..وش صار لها..لا يكون صاير شي وانا ما اعرف عنه..ما قالت لي بتغيب كل هالمدة..مو معقولة تترك الشات فجأة بدون سبب؟!
ومين انا اصلا عشان تقولي انها بتترك الشات...
(كل هالتساؤلات براس يوسف..ما يدري وش صار بريم..وش سالفتها بالضبط ليش هالغيبة فجأة..)
وفي المدرسة..
الجوهرة:ريم..يلا اخلصي علينا كل هذا تراجعين يله بسرعة بيبدا الاختبار ولا يدخلونا القاعات..
(هذي الجوهرة صديقة ريم بالمدرسة وعلى قولتهم صديقة العمر..من ايام الابتدائي..وكل وحدة تعرف الثانية زي ما تعرف نفسها)
الجوهرة: شوفي والله لو ما تركتي الكتاب لا اطلع واخليك لحالك..والا ترى باخذ الكتاب ارميه..يعني مرة مقطعة المذاكرة مالت عليك
ريم: يوه اصبري انتي خلاص خلصت اعوذ بالله واصلا مين قالك بيبدون الاختبار وانا ما جيت اصلا ما يقدرون..
الجوهرة: ايه هين ومين انتي عاد
ريم : انا ريم..
الجوهرة:اقول لا تتفلسفين علي يله امشي لا بكف
ريم: اف وصلت للكفوف يله يله مشينا
الجوهرة: <<تبتسم ابتسامة النصر<<موب الهلال <<هاهاهاي
وبعد الامتحان نزلو ريم والجوهرة للساحة..
ريم: هاه الجوهرة وش سويتي ؟؟
الجوهرة :والله الحمد الله ماشي الحال يعني ما تركت ولا سؤال فاضي
ريم:مالت عليك يعني هذا اهم شي ولا سؤال فاضي..قولي ولا سؤال غلط
الجوهرة: تكفين ياللي الحين انتي مية بالمية صح
ريم: ههه ايه افا عليك
ريم:اف الجوهرة تخيلي من اول الامتحانات ما دخلت الشات.. والله متى تخلص عشان ادخل من جد من زمان عن المطاقات
الجوهرة: المطاقات هاه ؟! علينا ريمو علينا..والا اكيد مشتاقة للحبايب..هاه اعترفي اعترفي..(الجوهرة عارفة كل السالفة)
ريم:اي حبايب؟؟ حبك برص..حبايب مين اقول ضفي انتي واياه
الجوهرة:ههه امزح يختي حرام امزح..والله انتي مع الامتحانات ما ينمزح معاك اعوذ بالله
ريم:ههه ناس ما تجي الا بالعين الحمرا..
الجوهرة: اقول ضفي بس
الجوهرة: الا ريم انتي ما تدخلين الانترنت ابد ؟؟ شلون تقولين واصلك ايميل مدري وشو
ريم: الا ادخل بس الايميل اشيك عليه عشان ما يسكر واطلع
الجوهرة: طيب يعني ليه ما تدخلين الشات بالوقت اللي تشكين علىالايميل
ريم:صاحية انتي..انا اشيك الايميل بخمس دقايق لو فتحت الشات قعدت ساعتين ونسيت الدنيا يعني ودك امي تشيل الكمبيوتر بكبره..
الجوهرة: يوه امك تروع.. اجل لالا خليك كذا بس ما بقى شي وتخلص الامتحانات اصبري اصبري وبعدين تدخلين على كيف كيفك..
ريم: ايه والله هانت انتي بس اصبري تخلص الامتحانات وانا بطلع حرتي
الجوهرة:عاد تخيلي بعد كل هالصبر امك تشيل الكمبيوتر..عشان نتيجك اللي كانها وجهك ههه
ريم: ههه لالا الله لا يقوله..عاد من ناحية انه النتيجة اذا بتطلع زي وجهي فهي تهبل
اما المصيبة اذا كانت زي وجهك انتي..
الجوهرة: اقول يلا عاد ترى انتي ما تنعطين وجه يله فتحو البوابة..قومي بنرجع بيوتنا يله
وانتهت الامتحانات على خير..وريم ما صدقت على الله انها تخلص..وافتكت من المذاكرة والقلق..ورجعت للبيت اخر يوم وهي مبسوطة..)
ريم: ماما... يمه واخيرا خلصت.. اعوذ بالله ما بغيت اخلص..
ام ريم: ههه المفروض تقولين الحمد الله موب اعوذ بالله..يله يا بنتي الف مبروك ان شاء الله عاد النتيجة تبيض الوجه..
ريم: ايه افا عليك اكيد تبيض الوجه.. انا بنتك ما تعرفيني
ام ريم: ايه المشكلة اني عارفتك وخايفة ان نتيجتك مثل ما اعرفك..
ريم: افا لا وانا بنت ام ريم ههه
ام ريم: ان شاء الله عاد يصير كلامك صح واشوف نتيجة حلوة..والله انك هالترم شادة حيلك احسن من الترم الاول..يله الشدة كلها السنة الجاية
ريم: يوه يمه انا ما صدقت اخلص ثاني ثانوي الحين وانتي تجيبين طاري ثالث تراني مبسوطة عاد لا تخربين علي
ام ريم: ههه طيب طيب خلاص
ريم: يله عاد يمه استأذنك بروح ارابط عند الانترنت
ام ريم: ايوه بدينا توني اقول يا حبيلها قاعدة تسولف معاي ونست الانترنت
ريم:عاد يمه وشو..يعني حرام عليك كم لي الحين ما دخلت الانترنت..(ريم قامت تسوي حركات عشان امها ترحمها)
ام ريم: طيب طيب خلاص روحي الله يعيني عليك
ريم: ياحبيلك يا شيخة
ام ريم: لا والله اصغر عيالك انا ؟؟ تقولين يا شيخة
ريم: ههه لا قصدي يا شيخة الزين كله
( تركت ريم امها وراحت على غرفتها ودخلت الانترنت..ما صدقت نفسها من الوناسة..
نفس الاشياء اللي كانت قبل الامتحانات ما تغير شي الشات والماسنجر وطبعا الشات اهم شي الحين..)
ريم: يوه من هاللي مسوي لي اد عاد مالي خلق مثل كل مرة اتضارب..بروح الشات واطنشه..
ريم: السلام عليكم بنات وشباب من زمان عنكم
( وبدت ريم مغامراتها...وبعد عشر دقايق تقريبا كان اللي مسوي لها اد اون لاين بس ما تجرأ يكلمها وهي نست سالفته ولا درت عنه حتى ايميله ما انتبهت وشو..ارسل لها ايميل)
ريم:وش هالايميل من مين ؟!
الايميل>> اغنية لراشد الماجد.
ريم:الله من الميانة..مين هذا اللي مرسل لي الاغنية لا ويعرف يختار اغاني
ههه
ريم: بسم الله بدينا مطاقة جديدة..اهلين..اقول انت ياالاخ..يعني مسوي لي اد ومدري من وين طلعت لي ومن زود الميانة مرسل لي اغنية لا واللي زاد الطين بله اغنية (وحشتيني) ليه شايفني حبيبتك اللي ضاعت والا اللي نسيتها عند باب المسجد
وحشتيني وجيت اسال: بسم الله
وحشتيني وجيت اسال:وعليكم السلام
ريم:لول ايه نسيت السلام عليكم + المقدمة اللي فوق
وحشتيني وجيت اسال: كيفك ؟؟
ريم: وش كيفك بعد تسالني عن كيفي والله مالي كيف لول واغني بعد
وحشتيني وجيت اسال: ههه
وحشتيني وجيت اسال: انتي وينك غايبة كل هالمدة ؟؟
ريم: انا ويني ؟؟ اقول من متى المعرفة
وحشتيني وجيت اسال: انتي ريم..المعرفة ام من زمان
ريم: اقول لا يكثر مين معاي ؟؟
ريم: الو؟؟ وينك انت
وحشتيني وجيت اسال: اقول ريم انا بطلع اصلي اشوفك بعد الصلاة
ريم: وش اللي اشوفك بعد الصلاة لا اشوفك ابد بس قولي مين انت
وحشتيني وجيت اسال: انا يوسف..باي لازم اطلع
ريم: يوسف !!!!!!!!!!!!!!!!!!! وش يوسف
وحشتيني وجيت اسال ( اوف لاين)
ريم: يوه هذا طلع وش اللي يوسف!! لا يكون هذاك ما غيره
الملاك البريء
انا قريتها قبل كذا
بس بعد عسب الملاك البرئ بقرأها مره ثانيه
وترى مره رهيبه القصة
وكله من ذوقك
وبليز لاتطولين علينا
بس بعد عسب الملاك البرئ بقرأها مره ثانيه
وترى مره رهيبه القصة
وكله من ذوقك
وبليز لاتطولين علينا
انا قريتها قبل كذا
بس بعد عسب الملاك البرئ بقرأها مره ثانيه
وترى مره رهيبه القصة
وكله من ذوقك
وبليز لاتطولين علينا
******************
تسلمي ياقلبي ياعنيدة وذوقك الأحلى وهذه شهادة الصراحة اعتز فيها
لكن بصراحة اتوقعت ادخل الاقي ردود كثيرة وخصوصاً من اللي دايماً متواجدين في كل قصة تقريباً لكن ماأبغى استعجل في الحكم عليهم وراح انزل جزء واشوف الردود وعلى حسب الردود ياأكمل يا لا
ومشكورين
الملاك البريء
بس بعد عسب الملاك البرئ بقرأها مره ثانيه
وترى مره رهيبه القصة
وكله من ذوقك
وبليز لاتطولين علينا
******************
تسلمي ياقلبي ياعنيدة وذوقك الأحلى وهذه شهادة الصراحة اعتز فيها
لكن بصراحة اتوقعت ادخل الاقي ردود كثيرة وخصوصاً من اللي دايماً متواجدين في كل قصة تقريباً لكن ماأبغى استعجل في الحكم عليهم وراح انزل جزء واشوف الردود وعلى حسب الردود ياأكمل يا لا
ومشكورين
الملاك البريء
:: الجزء الرابع::
((بعد ما طلع ((يوسف)) وترك ريم غارقة في الاسئلة))..
ريم: مين هذا ؟؟ وش يبي مني؟؟ لا يكون يوسف ما غيره اللي بالشات..لالا ما اتوقع هو عارف وجهة نظري بهالموضوع..ام بس مين بيكون غيره !!
ايه الجوهرة تعرف السالفة لا يكون هي ورا كل هاللعبة..اكلمها واشوف..
الجوهرة: الو..(الجوهرة صوتها نايمة)
ريم: هلا جوجو..
الجوهرة: يوه هذا انتي وش تبين ؟!
ريم: ووجع ان شاء الله قولي هلا..
الجوهرة: هلا وش تبين اخلصي..تقوميني من النوم وش عندك..
ريم:اها نايمة ؟؟ طيب اقول تعرفين ايميل ......... ؟؟
الجوهرة:ريم انتي من جدك مقومتني من عز النوم وتساليني عن ايميل..بعدين تعالي تعالي وش عندك تساليني بالعادة اربعة وعشرين ساعة يسوون لك العالم آد ولا تساليني..هالمرة وش عندك؟؟؟
ريم: لا بس هالواحد يقول ان اسمه يوسف ولا اعرف احد اسمه يوسف الا هذاك ولا احد يعرف بالسالفة الا انتي..وانا ما اظن هو يسوي لي اد..
الجوهرة: وليه ما تظنين؟! يعني وش اللي يمنعه؟
ريم: انا امنعه..هو عارف اني ما ابي احد يضيفني بعدين اصبري اصلا وش دراه عن ايملي
الجوهرة: تستهبلين صح ؟! انتي اللي معطيته ايميلك نسيتي قصة المسافر اللي صجيتي اهلي فيها وصياح ودموع وحالة..هههاي
ريم: ههه يا نصابة بس قلت لك تحزن وبس..بعدين ايه والله هالسالفة راحت عن بالي
الجوهرة: طيب المهم صكيه بلوك وارتاحي..
ريم:لالا بشوف وش قصته بعدين احط له بلوك
الجوهرة:اها ايه هين..يمديك تشوفينه بالشات وتعرفين القصة..بس ما ودك قولي عادي..
ريم: اقول لا يكثر يله روحي نامي مع السلامة بروح اصلي وانام..
الجوهرة:ايه والله ما صليت يله مع السلامة
ريم: مع السلامة..
(كانت ريم مرة تعبانة من الاختبارات وحوستها وكأنها ما نامت من سنين..وعلى صوت آذان المغرب قامت..صلت..قعدت مع اهلها تسولف معهم من زمان ما قعدت معهم..والساعة 12 الليل)
ريم: يا حلو هالوقت والله من زمان عن هالجلسة
(وكالعادة ما تغير شي ترانا تعبنا وحنا نعيد نفس الكلام..شات+ ماسنجر...)
ريم:وين هاللي يقول انه يوسف ؟! ام بدخل الشات الى ما يدخل واشوف له صرفة..
(وبعد مدة >>>وحشتيني وجيت اسأل has just signed in....وتترك ريم الشات وتنتظره يكلمها..واخيرا كلمها..)
وحشتيني وجيت اسأل: اهلين..ريم
ريم: هلا والله..مين انت ؟!
وحشتيني وجيت اسأل: أنا يوسف..افا لا يكون نسيتيني
ريم: ايه قلت لي انك يوسف ..بس مين يوسف؟؟
يوسف: ههه اجل تعرفين ناس كثير اسماءهم يوسف
يوسف:خلاص خلاص منيب مزودها..شكلك عصبتي..انا يوسف ما غيري اللي من الشات والا لا يكون فيه اكثر من يوسف بالشات!!
ريم: لا ما اعرف الا واحد اسمه يوسف اللي هو بالشات
يوسف: ايوه هذا انا
ريم: بس اللي اعرفه..ان يوسف عارف اني ما ابي اضيف احد..صح والا لا ؟!
يوسف : ايه صح..بس انا والله خفت قلت وش هالغيبة اللي غبتيها يعني مو من عوايدك ابد تغيبين كل هالمدة يعني حول اسبوعين او اكثر ما شفتك..قلت اكيد صاير شي فحبيت اسال عنك..
ريم:مهما كان انت عارفني وعارف رايي بالموضوع..
(يسكت يوسف شوي ولا يرد على كلام ريم..وكأنه يقول اقري وش اللي كتبتيه..حست ريم بطريقة كلامها اللي مالها داعي..)
ريم تقول بنفسها: انا وش قاعدة اقول الحين يقول الشرهة على اللي يسال عنك..اقول اكبر همي خله يقول اللي يبي..انا ما سويت شي غلط..بس هو حب يسال عني..انا وش فيني طبيت بحلقه..
ريم: يوسف
يوسف: هلا..
ريم: اسفة على طريقتي..
يوسف: لالا عادي خذي راحتك..معاك حق المفروض ما اسوي لك اد الا بعد أذنك بس انا والله خفت عليك من جد.
ريم:شكرا على سؤالك..واهتمامك
(ريم ما تدري وش تقول..ويجي يوسف ويقطع لحظة الصمت اللي صارت بينهم)
يوسف: الا ما قلتي لي..كيفك؟؟ وكيف الدراسة ؟؟ وعسى ما شر وش هالغيبة؟؟
ريم:لول يعني ما تدرون ليه انا غايبة ؟؟
يوسف: ليه انتي قايلة لاحد شي..
ريم : لالا بس نسيتو اني ادرس وانه وقت امتحانات نهاية السنة..لول مو معقولة محد خطر بباله هالشي..
يوسف: ههه..ايه والله ليش راحت عن بالي سالفة الامتحانات..والله اني مضيع
ريم:مضيع..والا اصلا ما تدري عن الامتحانات
يوسف: تبين الصرااحة؟؟
يوسف: والله مدري عنها ومتى تبدا بالضبط..
ريم: ليش ما عندك اخوات يدرسون..او حتى اخوان ؟!
يوسف: اصلا ماعندي اخوات وكل اللي حولي اكبر مني يعني محد يدرس..
الملاك البريء
((بعد ما طلع ((يوسف)) وترك ريم غارقة في الاسئلة))..
ريم: مين هذا ؟؟ وش يبي مني؟؟ لا يكون يوسف ما غيره اللي بالشات..لالا ما اتوقع هو عارف وجهة نظري بهالموضوع..ام بس مين بيكون غيره !!
ايه الجوهرة تعرف السالفة لا يكون هي ورا كل هاللعبة..اكلمها واشوف..
الجوهرة: الو..(الجوهرة صوتها نايمة)
ريم: هلا جوجو..
الجوهرة: يوه هذا انتي وش تبين ؟!
ريم: ووجع ان شاء الله قولي هلا..
الجوهرة: هلا وش تبين اخلصي..تقوميني من النوم وش عندك..
ريم:اها نايمة ؟؟ طيب اقول تعرفين ايميل ......... ؟؟
الجوهرة:ريم انتي من جدك مقومتني من عز النوم وتساليني عن ايميل..بعدين تعالي تعالي وش عندك تساليني بالعادة اربعة وعشرين ساعة يسوون لك العالم آد ولا تساليني..هالمرة وش عندك؟؟؟
ريم: لا بس هالواحد يقول ان اسمه يوسف ولا اعرف احد اسمه يوسف الا هذاك ولا احد يعرف بالسالفة الا انتي..وانا ما اظن هو يسوي لي اد..
الجوهرة: وليه ما تظنين؟! يعني وش اللي يمنعه؟
ريم: انا امنعه..هو عارف اني ما ابي احد يضيفني بعدين اصبري اصلا وش دراه عن ايملي
الجوهرة: تستهبلين صح ؟! انتي اللي معطيته ايميلك نسيتي قصة المسافر اللي صجيتي اهلي فيها وصياح ودموع وحالة..هههاي
ريم: ههه يا نصابة بس قلت لك تحزن وبس..بعدين ايه والله هالسالفة راحت عن بالي
الجوهرة: طيب المهم صكيه بلوك وارتاحي..
ريم:لالا بشوف وش قصته بعدين احط له بلوك
الجوهرة:اها ايه هين..يمديك تشوفينه بالشات وتعرفين القصة..بس ما ودك قولي عادي..
ريم: اقول لا يكثر يله روحي نامي مع السلامة بروح اصلي وانام..
الجوهرة:ايه والله ما صليت يله مع السلامة
ريم: مع السلامة..
(كانت ريم مرة تعبانة من الاختبارات وحوستها وكأنها ما نامت من سنين..وعلى صوت آذان المغرب قامت..صلت..قعدت مع اهلها تسولف معهم من زمان ما قعدت معهم..والساعة 12 الليل)
ريم: يا حلو هالوقت والله من زمان عن هالجلسة
(وكالعادة ما تغير شي ترانا تعبنا وحنا نعيد نفس الكلام..شات+ ماسنجر...)
ريم:وين هاللي يقول انه يوسف ؟! ام بدخل الشات الى ما يدخل واشوف له صرفة..
(وبعد مدة >>>وحشتيني وجيت اسأل has just signed in....وتترك ريم الشات وتنتظره يكلمها..واخيرا كلمها..)
وحشتيني وجيت اسأل: اهلين..ريم
ريم: هلا والله..مين انت ؟!
وحشتيني وجيت اسأل: أنا يوسف..افا لا يكون نسيتيني
ريم: ايه قلت لي انك يوسف ..بس مين يوسف؟؟
يوسف: ههه اجل تعرفين ناس كثير اسماءهم يوسف
يوسف:خلاص خلاص منيب مزودها..شكلك عصبتي..انا يوسف ما غيري اللي من الشات والا لا يكون فيه اكثر من يوسف بالشات!!
ريم: لا ما اعرف الا واحد اسمه يوسف اللي هو بالشات
يوسف: ايوه هذا انا
ريم: بس اللي اعرفه..ان يوسف عارف اني ما ابي اضيف احد..صح والا لا ؟!
يوسف : ايه صح..بس انا والله خفت قلت وش هالغيبة اللي غبتيها يعني مو من عوايدك ابد تغيبين كل هالمدة يعني حول اسبوعين او اكثر ما شفتك..قلت اكيد صاير شي فحبيت اسال عنك..
ريم:مهما كان انت عارفني وعارف رايي بالموضوع..
(يسكت يوسف شوي ولا يرد على كلام ريم..وكأنه يقول اقري وش اللي كتبتيه..حست ريم بطريقة كلامها اللي مالها داعي..)
ريم تقول بنفسها: انا وش قاعدة اقول الحين يقول الشرهة على اللي يسال عنك..اقول اكبر همي خله يقول اللي يبي..انا ما سويت شي غلط..بس هو حب يسال عني..انا وش فيني طبيت بحلقه..
ريم: يوسف
يوسف: هلا..
ريم: اسفة على طريقتي..
يوسف: لالا عادي خذي راحتك..معاك حق المفروض ما اسوي لك اد الا بعد أذنك بس انا والله خفت عليك من جد.
ريم:شكرا على سؤالك..واهتمامك
(ريم ما تدري وش تقول..ويجي يوسف ويقطع لحظة الصمت اللي صارت بينهم)
يوسف: الا ما قلتي لي..كيفك؟؟ وكيف الدراسة ؟؟ وعسى ما شر وش هالغيبة؟؟
ريم:لول يعني ما تدرون ليه انا غايبة ؟؟
يوسف: ليه انتي قايلة لاحد شي..
ريم : لالا بس نسيتو اني ادرس وانه وقت امتحانات نهاية السنة..لول مو معقولة محد خطر بباله هالشي..
يوسف: ههه..ايه والله ليش راحت عن بالي سالفة الامتحانات..والله اني مضيع
ريم:مضيع..والا اصلا ما تدري عن الامتحانات
يوسف: تبين الصرااحة؟؟
يوسف: والله مدري عنها ومتى تبدا بالضبط..
ريم: ليش ما عندك اخوات يدرسون..او حتى اخوان ؟!
يوسف: اصلا ماعندي اخوات وكل اللي حولي اكبر مني يعني محد يدرس..
الملاك البريء
يوه تسلمين على هالبارت من جد روعه ؟؟ يعني مافي حزن ,, الله يخليك لاطولين,,
ابصراحه رهيبه تعجبني حركاتها؟؟؟؟؟؟؟؟
نتظرك يالغاليه,,
,,يعطيك العافيه,,
ابصراحه رهيبه تعجبني حركاتها؟؟؟؟؟؟؟؟
نتظرك يالغاليه,,
,,يعطيك العافيه,,
مشكورة على القصة من جد روعة
يله بليز لاتطولين علينا
مع تحيات أختك : نوني القمر2008
يله بليز لاتطولين علينا
مع تحيات أختك : نوني القمر2008
قصه توبه فتاه متبرجه→