قصتي وطلاقي

السلآم عليكم ,,
يعني مابي اطول السالفة
لاني شفت عدد كبير متحسر يبي يتزوج ومنهم من تطلق ومنهم من صارت أرملة
والحياة تستمر
الحمدلله
الله ماختار لبني آدم الا الشيء الصح بس دوم نستعجل وحارقين حالنا ..
والي يقول يمكن مسوا لي عمل ومااحد يتقدم او يفكرون بس مايجون
لا تزرعون فكرة وتسقونها في بالكم
بالعكس الصبر
انا عقدت ..
لشخص متزوج وعنده كم ولد ,,
وطبعاً مااخذته عبث لكن اقسم بحبيبي ونور عيني محمد المصطفى صلى الله عليه وعلى آله اني بتطلف احساس ذبحني
وسألنا عنه وقولوا لنا الناس مايستحق وكلام كثير
بس انا قلت ليش دوم اعطي مجال لناس
نشوف جيرانه
وسألنا قالوا رجل مؤمن ويخدم الناس
ف قبلت فيه ع هالاساس واللهِ اني كنت اوصيه ع عياله وكنت اكلم زوجته ولا كانت بيني وبينها مشاعر غيرة وعادي كنت أعتبرها اخت وفوق الاخت بعد
لكن تصرفاتها كاانت تدلان تبي كل صغيرة وكبيرة وانا كنت أسولف وياها بس مو كل شيء اعطيها اياه
وصار موقف وانقرصت منها
وابتعدت عنها خير شر
لكن فجأة الرجال قلب عليّ
وقال اني واجد ابتسم واضحك واهذر
ولا أهتم بصحي وأنقهر إذا احد جا جلس ويانا بالمجلس
وكلام ربي لك الحمد
بس عافني
وداخل مأكل وشارب في بيتنا
وكان عندي هالشعور اني بتطلق
اقول ليش مع انه راضي عني وكان يحبني
وفجأة طلب الطلاق ويقول ليوم احسن من بكرة
عرفت السالفة داخلة فيها زوجته
ووصلني من ناس قريبين من زوجته انها منهارة تبيه يرجع لها
صحيح تماسكت بالبداية بس بعدها انهرت
لان الطلاق مو مني ولا من تصرفاتي عقدت وضلينا شهرين مخطوبة له وبعدها طلب الطلاق وبس قضية الطلاق استمرت معاي شهر وانفصلنا
حسيت فيه شيء
بعد الحكمة ونظراته انه فيه شي
بس لما شاف ابوي وامي كان بيصيح وان لازالنا اهل
وبعدها ..
المستشفى سكروا ملفي قالوا متزوجة ..
وفجأة أنطردت من الشغل بسبب جياته لعندي ويأخذني من مكان شغلي مع اني متفقة مع راعية شغلي ان خطيبي بيجي لي ..
لكنها كانت " استغفر الله "
وبس ..
ابتديت حياة جديدة .. بأقل الخسائر
ولله الحمد لازلت معززة مكرمة في بيت اهلي ..
وهالضربة عطتني قوة ..
صحيح في داخلي أبي زوج صالح
لكن مو معناتها نهاية العالم
جد مو معناتها نهاية العالم
صديقاتي متزوجات خير ياطير تزوجوا كل وحدة عايشه مشاكلها وربي تتمنى ترجع بس تتكلم عن حياتها وتشيل عنها المشاكل والاحداث الكريهه
كم قصة سمعتها ..
وكم وكم ..
لكني الضربة مو تهدك الضربة اللي تقويك ..
اعتز ببنات الفرآشة لان جد في يدهم شيء يستفدون منه ويشغلون وقت فراغهم
من أعمال يدوية .. من أشياء كثيرة
واحنا هنا نتحسر نبي رجل
مهما وصلت المشاكل ماتوصل إلى قطع الارقاب
والله الشاهد فوق أن الحياة بحلوها وبمرها لما تكون اختك صديقتك اخوك عيلتك امك وابوك جنبك وعايشة ومستورة ..
واحمدوا ربكم انكن عايشين مسلمين ..
لكم مودتي