قصص عظيمه عن الفرج و استجابه الدعاء تعالي واغمري قلبك امل

1. الدعاء حل لجميع الهموم


2. نبدي بسم الله


3. وقتها انا اشفقت عليها و كثر ما تأثرت ما عرفت شنو اكتب لها


4. فجأة يوم جيت اغلق شباك الالرسائل الخاصة تذكرت الاستغفار!


5. الله اكبر


6. و السبب شنو؟؟؟!!!!!!!!!!!!!


7. رب العالمين ما يهمل احد اختي


8. و الحمدلله على كل حال و استغفر الله و اتوب اليه


9. هذه قصتي مع حسن ضني بالله وايقاني بكلامه سبحانه...

السلام عليكم ورحمه الله وبركاته اخواتي هذه قصص رائعه عن استجابه الدعاء والفرج وحسن الظن بالله الكريم جمعتها لكم لتطمئن قلوبكم ولتعلموا سعه ورحمه ربي الكريم سبحانه اسئل الله الكريم ان يفيض علينا رحمه من رحماته ويفيض علينا من عطائه سبحانه هو اكرم من في السموات والارض اليكم الموضوع خواتي الحبيبيات
والله الذي لا اله الا هو مع الاستغفار تغيرت حياتي
اللي اتمناه ما صار بس راحه الكل يتمناها وهذا اللي اتمناه لكم وقصتي وش مضمونها..<<انا انسانه فعمر الزهور باقي صغييره وتعرفون سن المراهقه كيف تكون النفسيه زفت..
يابنات راحه ماكنت اعرفها دايم فهموم ومن اتفهه الاسباب ازعل وابكي ويضيق صدري من اي شي يعني ضحكتي نادره
خرجاتي قليله جلساتي مع اهلي يادوب مو مره مليت من الروتين اليومي من كتابت الاشعار واليوميات من البكى والضيقه من كل يوم اشكي لانسانه وارمي نفسي ع اللي يسوى واللي مايسوى طفشت
فكرت ولقيت شي كلنا غافلين عنه لذه لو عشتيها اليوم ماتتركيها بكره و على طول بتعيشيها صدقوني يابنات لاتشكون لاي مخلوق اشكو للي خلقكم ربي سبحانه مارحمه اللذه اللي تكلمت عنها صلااة الليل والاستغفار هذا اللي جربته والنتيجه تحولت حياتي من هم وكدر من طفش وضيقه الى سعاده مالها مثيل ورااحه بال
يابنات صليت الوتر مره وبعدها مره وبعدين صرت ما اقدر اخليها واذا خليتها احس اني تركت فرض عليه والاستغفار ماخليته
وكل يوم عن يوم يصير لي مفاجاه مع الاستغفار وسعادتي تزيد وبعد ماكنت اشكي همومي للناس صارو الناس يشكولي همومه والحل جدا بسيط لكل من عنده مشكله وللي مهموم واللي خاطره ضايق انسو كل هالدنيا وفكرو باللحظه هذي لحظه الموت لحظه تفارقي احبابك بتروحي لحالك من غير اي احد غير عملك الصالح اجتدي من اللحين عيشي يومك اعشقي بدنيتك الرااحه لاتفكري غير بوناستك وذكر الله وصدقيني حافظي على صلاتك .. وعلى السنن الرواتب واهم سنه الوتر ولاتنسي الاستغفار دايم ردديه ولاتشغلك تفاهت الدنيا وكل ما اتمناه اني افدتكم ويارب تدوم السعاده علي وعليكم جربو ماراح تخسرو شي دعواتكم لي ..دمتم بودي
انا لي تجربة شخصية مع الاستغفار ....
كنت مصابة بسحر لوقف الانجاب ومهددة من الساحرة بنفسها وقالت لي لا تحلمين تحملين ....
ذهبت وسافرت للكثير من المشايخ ....قصتي طويلة جدا معهم ....لدرجة ان زوجي يأس والكل ظن بأنني لن أحمل ابدا ...خاصة بعد استمرت مشكلتي سنين طويلة ...
لكن ثقتي بالله كان فوق كل شي كنت الح بالدعاء كالحاح الطفل على امه ...لا والله اكثر بكثير ...
وودرست اسماء الله الحسنى وصفاته واخذت ادعوه بها صبح ومساء وفي نهاية المطاف قبل الحمل بشهرين او ثلاثة تقريبا ...واظبت على الاستغفار بشكل مكثف من 8 -10 آلاف مرة في اليوم مع الصلاة على النبي ولا حول ولا قوة الا بالله والتسبيح والتهليل والتكبير ...
حتى بشرت بأحلى خبر بأنني حامل ...اللهم لك الحمد كما ينبغي لجلال وجهك وعظيم سلطانك
حبيباتي تخرجت من سنة ونص
واول ماتخرجت كلمت مدرسة اهلية وقفلوا الباب في وجهي=يعني مكتفيين ومايحتاجو
ونسيت الموضوع
واشتغلت فترة بسيطة في مكان تاني وتركت
المهم قبل اكثر من اسبوع
صليت عالرسول صلى الله عليه وسلم 1000مرة
كان هالكلام العصرتقريبا الساعة 8 الليل
تتصل مديرة المدرسة الاهلية
وطنشت مارديت
وعندي احساس انها تبغاني لوظيفة
اتصلت كثير فوق 4 مرات
بس شلت الفكرة من راسي
ومارديت
وقبل امس برضو صليت عالرسول صلى الله عليه وسلم1000مرة
الا امس تتصل علي 3 مرات وانا كالعادة
بس رديت آخر مرة
الا تكلمني بأسلوب حلو ماشاء الله
وتسألني وين ساكنة وتخيرني بين 3مدارس اشتغل في اي وحدة بدي اياها
ماشاءالله لاقوة الابالله
بس برضو قلت لها أفكر وارد لك خبر
الاتقول سامحيني اذا بأتعبك
عن الصلاة على صلى الله عليه وسلم واهميتها ومن اهميتها جعل دعائك كله صلاة على خير البرية بدون ان تدعين ماتريدين لان الله سواء تكلمتي اولم تتكلمي يعلم مافي نفسك
وذكر قصة الصحابي الذي قال للرسول اجعل كل صلاتي صلاة لك فقال له الرسول عليه الصلاة و السلام اذا يفرج همك
وقال الشيخ انه حتى في عصر الجمعة اخر ساعة اجعليها صلاة على خير البرية
طبعا انا سمعته يوم الخميس
ولما جاء يوم الجمعة العصر جعلته صلاة على الرسول طبعا بدون تحديد لان تحديدها بعدد معين بدعة
المهم نجي للي صار انا كنت ادعي الله بامر بعدين قلت مادري يمكن موخيرة لي خلني بس ادعي دعاء عام المهم مادعيت بالدعاء واكتفيت بالصلاة على الرسول الصلاة الابراهيمية
المهم والله الذي لااله الا هو الساعة 12ونص الليل تحقق الشي اللي ابي يارب لك الحمد وصراحة من يوم سمعت المحاضرة استعضت بالصلاة على الرسول بدل الدعاء وتيقنت ان الله يعلم ماعندي ولا يحتاج الى ترجمان وشرح والحمد الله اني مرتاحة

الدعاء حل لجميع الهموم

تخرجت من الكلية ولم ارزق بزوج وكل البنات اللاتي في عمري تزوجن وكانت الكارثة عندما جاءت عمتي تطلب يدا اختي الصغرى للزواج فضاقت الدنيا في وجهي وحزنت وبكيت كثيرا من كلام الناس فتوجهت الى الله والدعاء في الثلث الاخير من الليل واردد امن يجيب المضطر اذا دعاه ويكشف السوء ويجعلكم خلفاء في الارض واكرر دعوة ذالنون لاالة الاانت سبحانك اني كنت من الظالمين؛ و**** ماهي الا اسابيع وجاء ناس يخطبوني رجل ذو خلق ودين وتزوجت قبل اختي فلاتيأسوا من رحمة الله
حبيباتي انا بدش بالموضوع على طول و الله سبحانه و تعالى يشهد ان الكلام اللي بقوله مهو بكلام بكتبه عشان اوعض و بس
لا و رب الكعبة و اقولها مرة ثانية الله يشهد ان اللي بكتبه كله من الواقع و صار معي انا بالذات يعني الكلام حتى مو نقل من منتدى او موقع ثاني لا لا هذي تجربة صارت معي انا! و ابيكم تتفكرون فيها من بدايتها لنهايتها و انا ما ابي من هالشي غير الاجر اللي خير من يعطيه هو رب العالمين جل علاه!

نبدي بسم الله

قبل اقل من سنة تقريبا جتني رسالة من اخت عضوة معي فمنتدى ثاني سلمت علي و قالت لي كلام طيب و كتبت رأيها بخصوص موضوع بالمنتدى و ختمت رسالتها بدعاء لي و بطلب بسيط الا و هو دعاء للانجاب انا طبعا رديت على محتوى الرسالة نقطة نقطة و يوم وصلت لطلب الدعاء قلت لها "اختي ما في دعاء معين للانجاب بس ان شاء الله بدعيلج بظهر الغيب و ان شاء الله دعائي بيستجاب" ردت علي و شكرتني و قالت لي "انا ما طلبت هالشي منج الا لاني يأسانة انا صار لي 5 سنين متزوجة و لا حملت و انا و زوجي الحمدلله ما فينا اي عيب لكن الله ما قدر لنا نصيب بالانجاب و خلاص احنا تقريبا فاقدين الامل"

وقتها انا اشفقت عليها و كثر ما تأثرت ما عرفت شنو اكتب لها

فجأة يوم جيت اغلق شباك الالرسائل الخاصة تذكرت الاستغفار!

قمت كتبت لها رد مفصل عنه مع ذكر آيات و احاديث و جذي و تذكرت قيام الليل و بعد كتبت لها تفاصيله كلها كتبت لها رسالة طويلة فيها كل التفاصيل و قلت لها انتي الحين لازم تشدين حيلج و تستغفرين و تقومين الليل و تخلين زوجج يسوي مثلج بالضبط و لا "تجربي" حظج لأ تيقني ان رب العالمين ما بيردج خايبه لو بعد سنين
اهي بارك الله فيها اخذت الكلام المكتوب كله و قالت خلاص من بكره انا ببدي الاستغفار و القيام قلت لها خير ان شاء الله
و مرت ايام و جت اسابيع و ما سمعت من الاخت شي و انا حتى نسيت السالفه كثر ما انشغلت بذيك الفترة
لكن بيوم من الأيام و بالتحديد 5 شهور بعد آخر رسالة من الاخت جتني رسالة منها
فتحتها و لا اشوف اول سطر فيها

الله اكبر

انا جسمي ارتعش فورا و ارتعش اكثر يوم قريت السطر الثاني اللي الاخت كتبت فيه
"اختي حبيت اقول لج اني حامل 3 اسابيع و لله الحمد من يوم قلتي لي عن الاستغفار و القيام و انا صرت اقوم الليل قد ما اقدر و ما تخليت عن الاستغفار ابد و زوجي بعد سوى مثلي و الحين خلاص تحقق اللي نبيه و الحمدلله"
انا وقتها من شدة تأثري صحت رغم ان اللي صار لشخص ثاني بس كرم رب العالمين يهز الكيان! و ما كتبت شي للاخت الا مبروك مع دعاء صغير لها و لزوجها و لجنينها
و الحين الجنين اللي تبشرت فيه الاخت انولد الحمدلله و اهو بكامل صحته ما شاء الله لا اله الا الله!

و السبب شنو؟؟؟!!!!!!!!!!!!!

ساعة و لا ساعتين قعدت فيهم هالاخت مع زوجها و استغفروا او صلوا فيهم طمعا بكرم ربهم جل و على و شوفو شلون رب العالمين عقب انتظار دام سنين عطاهم اللي يبونه بشهور بس
اهي كانت يأسانة و طايحة بشتى انواع التجارب و تقريبا فاقدة الامل بالانجاب و يا ليت عندها عيب او زوجها عنده عيب يمنع من هالشي تقدر تواسي نفسها فيه لا القهر اشد و اعمق يوم تعرف ان اهي و زوجها سالمين و معافين بس ما يصير معهم شي
انا ابي اوجه كلامي للكل هنا و اسأل
ياللي تأخر زواجج و حاسة نفسج سجينة الهواجس
ياللي زوجج مالي قلبج جمر اما بكذب او خيانة او اهمال لج او كره او سوء تعامل
ياللي عيالج دينهم ضعيف او اخلاقهم ما ترضي لا رب و لا عبد
ياللي دراستج واقفة و ليلج كله سهر و قلق
ياللي رزقج شحيح و ديونج ضيعتي حسابها من كثرها
ياللي مشتهية تشمين ريحة طفل يكون من لحمج و دمج
وينج من ربج؟
وينج من كرم ربج؟
وينج من رحمة ربج؟
وينج من معجزات ربج اللي بين كاف و نون؟
رب العالمين يشتاق لاجل يسمع صوتج و انتي تطلبين منه ليش ما تلبين الاشتياق؟
رب العالمين يفرح يوم تفرشين سجادتج بنية الطلب منه ليش ما تطلبين؟
رب العالمين مسخر رحمته لخلقه يغفر لذا و يعفوا عن ذاك ليش ما تستغفرين؟
اذا انتي مستعدة تذلين نفسج لذا الطبيب و ذا المدير و ذي الخطابة و ذا الاستاذ و ذي الزميلة و و و و و و و و و و و
ليش ما تلمين المذلة هذي و تخليها رهبة و تواضع امام رب ذو عرش مجيد قادر على كل شيء؟

رب العالمين ما يهمل احد اختي

رب العالمين كرمه لعباده فوق ما يتصوره العقل اطمعي بالكرم هذا و انتي مؤمنة قلبا و قالبا و ثقي ان القصص اللي مثل اللي قريتيها الحين و ممكن تقريها او تسمعيها بالمستقبل كثير لكن ليش بس تقرين و تسمعين قصص الغير؟ ليش ما تستغفرين و تصلين و تدعين حتى يكون لج قصة لنفسج تنور قلبج بالايمان و تزيد من حبج لربج؟
شنو منتظرة؟
ربج سميع مجيب اقرب لج من حبل الوريد اركعي و اسجدي و استغفري و سبحي نعم ربج ماهي بعيده و انا اختج و الدليل القصة اللي فوق!!!!

و الحمدلله على كل حال و استغفر الله و اتوب اليه

هذه قصتي مع حسن ضني بالله وايقاني بكلامه سبحانه...

بدات حلاوة حياتي بعد الالتزام بدين الله والتمسك بشرائعه والله يااخواتي اني وجدت حلاوه لايعلمها الا الله ومن سلك طريق الهدايه,وبعد الالتزام وجدت انا مشاعري وعواطفي مشتته احتاج الى من اوجهها له ولزمت هذا الدعاء اللهم اكفيني بحلالك عن حرامك واغنني بفضلك عمن سواك اللهم ارزقني الرجل الصالح الفالح الهين اللين التقي النقي وكنت اكثر منه بقيام الليل
ومرت 3سنوات وانامستمره في الدعاء الى ان وصلت مرحله اليأس(اذا خيم اليأس على الانسان قرب الفرج)
لان بعد اسبوع اهلي بيروحون الى رحله للعلاج وراح يطولون بقيت 3ايام على سفرتهم طرت علي فكره قرأة سوره البقره 3ايام لعده نوايا واساسها الزواج.والشيطان كان يقول مايمديج اهلج بيسافرون ولكن حسن ضني بالله غلبه قرات لمدة يومين والثالث جاني الشيطان يأيسني اهلج بيسافرون باجر ولكن قاومته وقرأتها وجاء الصباح وذهبوا للمطار الاان حكمت الله عطلتهم اجرأتهم ناقصه.لما علمت بالخبر سجدت لله الذي لا يخيب رجاء عبده وقلت جأت نتيجه قرأتي للبقره.وسبحان الله دقوا علينا ناس يسألون عني وانهم ناويين يجونا من اخير الناس في الجماعه ولم يكونو في الحسبان..ولكن كل تأخيره فيها خيره سافرو اهلي وهم ماجونا.تعرفين ضاقت علي بس الامل بالله كبير مر شهرين وجوا اهلي سالمين (تعرفين الناس بعالم وانا بعالم)انطر فارس احلامي ومر 6شهور ولاأحد دق شنو طرا علي (ماء زمزم لما شرب له)وكان الخميس بنروح سعوديه نودي مهر مرت اخوي والله والله ياخواتتي اني شربت زمزم لين طقت ضلوعي وكنت ادعي بقلب صادق اني اكون مملكه قبل عرس اخوي وباقي على عرس اخوي 4شهور ولكنه اذا اراد شئ قال كن فيكون ....
وجاء يوم الخميس وبعدماودينا المهر وجاء العشاء الا اختي داقه علينا تبشرنا ان اخت فلان داقه تخطب والله ياخواتي يم دريت جاني شعور بكرم ربي ورحمته وطيبه على عبده وقعدت استرجع ماء زمزم سوره البقره قيام الليل الصدقه
(فرجت وكنت اضنها لا تفرجوا)
والحمدلله ماجاء عرس اخوي الا وانا ملكه والله اني اعجز عن شكره
كان احد الصحابه يقول والله اني لا احمل هم الاستجابه ولكني احمل هم الدعاء لان الدعاء مستجاب في حالاته الثلاثه
صراحه انا اتعالج من العقم
صار لي فتره ماحملت بعد حملي الاول من سبع سنوات
ولا خليت اي علاج اوعيادها او مستشفى الا وذهبت اليه وسبحان الله كل شي يصير تمام بعد العلاج والمنشطات
ولكن ما يحدث حمل
وبعدها تعبت نفسيآ وجلست تقريبآ السنه ما اخذ اي علاج
بعدها استمريت با الدعاء والاستغفار والصدقه
وبعدها فكرت اني اتصدق لوالداي لانهم الاعز على قلبي وفرحتهم ورضهم من رضى الله سبحانه وتعالى
وسويت لهم هديه وقف في طباعه للمصاحف وتوزيعهاواجره حتى بعد الممات
وبعد ما خرجت دعيت ربي وانا ابكي ان الله يخلف علي بطفل يملى علي حياتي ولايحرمني من هذي الفرحه من دون اي عذاب ولا هم علاجات
ماتتصورون فرحت الوالدين بعد ما اعرفو هذه الصدقه وخاصه اذا كانت من ابنائهم
والله يا بنات في نفس الشهر ولله الحمد (مشاء الله تبارك الله ) تا خرت الدوره وصار الحمل بدون اي علاج او ادويه ..
الله يخليهم ولا يحرمنا من دعائهم
انا من خلال تجربتي بهالحياه...
سمعت كثير....وشفت كثير..
ومافي احلى من التقرب من الله والأتكال عليه... والثقه فيه سبحانه...
هنا سنتعاون من اجل ختم القرآن بنية
الزواج... الطلاق<<تقصد نفسها....الذريه...تيسير الامور...الاستخاره...الرزق...ا و من اجل اي شي يتعلق بالحياه وماذكرته...
انا ماكتبت هالموضوع الا بعد ماجربت هالشي بنفسي...
انا تزوجت من اقرب شخص وكنت اعرف تقريبا كل شي عنه
لكن اكتشفت اني مابعرف الا القشور
ذقت الضيم سبع سنوات ... الحمد لله على كل حال
ولما قررت اني اتطلق منه رفض
وماكان لي طريق الا الخلع
وتخيلو يابنات 3 سنوات وانا رايحه راده ع المحاكم ولا في اي شي تيسر
دايم تتقفل بسبب
المهم .... قبل شهر بس
قابلت وحده من بنات خالي
هي كانت من مدينه بعيد عننا
لدرجة اني ماعاد اعرف اخبارها
المهم... البنت كانت متزوجه من واحد نفس زوجي ومايتخير عنه وكان يضربها الين تدخل بغيبوبه
المهم البنت هربت لاهلها
وطلبت خلع وصار لها نفس قصتي من مماطلة المحاكم والدوائر الحكوميه وغيره
المهم تقول صديقتي ملتزمه قالت لي اختمي القرآن طبعا قراءه مو حفظ...<< للتوضيح
تقول فعلا بديت اقرا كل يوم جزء
واراجع خلال هالشهر
وتقول والله والله والله مع نهاية اخر جزء الا ورقتي جاتني...
بعدها قررت اختمه بنية الزوج الصالح...
وفعلا قرأته وجاها ولد خالتي وخطبها وهي الحين زوجته وببيته ومهنيها
عاد انا مالي اقرى الحين الا 15 جزء
والله يابنات ان اموري اللي كانت مستعصيه تيسرت وبدون جهد بعد
والحمد لله يوم السبت اخر جلسه واخذ الصك ...
لا والحين كثير يتكلمون علي وينتظرون طلاقي...
يابنات انا ابي افيدكم
بس قبل كل شي ثقي بالله.
السلام عليكم ورحمه الله وبركاته
هذي قصه وحده قريبتي والله الشاهد على كلامي وحده تقرب لنا صدقوني وصل عمرها اربعين سنه تزوجوا اخواتها الي اصغر منها
وتعبت نفسيتها البنت البنت تقول لامي لما شفت خواتي تزوجوا ضاقت بي الدنيا وصارت عيشتي دمعتي
ماعاد لي خاطر باي شي
حتى اهلي تقول صرت مااكلمهم تقول بعدين قلت لانفسي الى متى الحزن ماراح ينفع بشي
تدرون وش سوت تقول كنت بقمه الحزن على حالي الكل ينضر لي بنضره شفقه
حريم اخواني وخواتي تقول شارت على وحده حكيمه بالراي متدينه قالت يافلانه روحي للركن الشديد
ترا ماراح يخيب ضنك تقول صارت شهر تروح بي لشيخ يقراء علي
تقول بعدها ارتاحت نفسيتي تقول بعدين صرت كل اسبوع اختم القران استمريت ثلاثه شهور تخيلوا بنات كل اسبوع تختم القران يعني كم ختمه بالثلاث شهور تتوقعون ؟؟؟؟؟
والله يابنات ختم القران كل اسبوع القراءه والتدبر شي عجيب بفك الكربات تقول طول الثلاث شهور
وانا اسبوعياً اختم القران وارجع اقرا واختم من جديد
وتقول صرت اصلي وادعي وادعي بكل وقت تقول الدعاء شي عظيم وصارت تقول اذكارها يوميا مع ورد
والله يابنات بعد ثلاثه شهور جاء واحد تقدم لها احسن من ازواج اخواتها رجل خلق ودين وامورها تيسرت عقب ما الكل فاقد الامل فيها
لكن يابنات الله لايعجزه شي في الارض ولا في السماء سبحانه ملك الملوك
واخذته مو مرتبط زوجته ميته والحين يابنات عايشه مبسوطه وسعيده تقول يحترمني وقبل لا اطلب الشي يجيبه لي
ويراعي لخاطري بكل صغيره وكبيره
مو غريب على (الفتاح ) الله سبحانه وهو القائل ( مايفتح الله من رحمه فلا ممسك لها )
يابنات اسم الله الفتاح معناه الذي باأراده وقدرته يفتح كل مغلق فايشكف الكرب ويزيل الغمه
انا كتبت الموضوع عشان خاطر كل بنت مهمومه عسى تستفيدين من القصه لان الشيطان يبعث بالنفس من الياس والهم
انا قلت قصه من الواقع يابنات اللي سوته البنت مو شي صعب توكلوا على الحي القيوم ماراح يخيب ضنكم
وقبل اختم يابنات شوفوا الي يختم القران كل اسبوع سبحان الله اعرف ناس كثير يختمون القران وسبحان
الله يصير لهم اشياء فتوحات من رب العالمين وصدقوني مااشك لانه سبحانه كلام الله شفاء وبركه ورحمه
بنات اللي طالبته منكم انكم تلمسون بانفسكم البركه ابي كل بنت تختم القران كل اسبوع ان شاء الله راح الله يفرج هم كل انسان مهموم
وفي الاخير اسال الله العلي القدير ان يرزق ويفرج هم كل بنت ترفع موضوعي احنا بحاجه للتذكير
الذكرى تنفع المؤومنين
أصبت بمرض لزمت فيه البيت وذات ليلة اشتد بي الألم ولم أنم حتى آخر
الليل وأخذت جميع الأدوية وجميع ما عندي من مسكنات ومن أعشاب
شعبية وسهر معي من عندي ... واشتد أمري حتى ظهرت بارقة أمل بالله
ففررت إليه وتذكرت صالح الأعمال ... وطافت بي آلامي مع آمالي
فتذكرت أنني أحب الإحسان للخلق والسفر من أجل ذلك في الداخل
والخارج ...
فرفعت يدي لله عز وجل وأسبلت دمعة من شدة الألم والرغبة بما عند الله
فقلت : ( اللهم إني أحب الإحسان لخلقك فأحسن إلي هذه الساعة ) فوالله ما
أتممتها إلا وسري عني فنمت ... وبعدها أحبتي ندمت فقلت ليتني تحملت
الألم وجعلت الدعوة ( اللهم إني أحب الإحسان لخلقك فأحسن إلي
يوم القيامة ) ولا زلت أكررها ووالله لم يعلم بهذا أحد ولكن لحبي في تعميم
النفع وإعجابي بفكرة المشاركة ساهمت بهذا منقول كما كتبته صاحبته ...
دعواتكم بأن الله يفرج همي وينصرني نصر عزيز مقتدر على من ظلمتني