قصه الم الوداع

1. كانت اخر سنه له بس ماقدر يكمل دراسته

{{قصه الم الوداع}}
اتمنى انكم تقرون القصه لنهايتها حتى تعيشون الي صار بأمل
بدايه اول شئ راح اقولكم عن ابطال هذي القصه
عائله محمد والزوجه فاطمه
خالد 23 سنه رابع سنه هندسه
ماجد 21 سنه عسكري
فاتن 19 سنه اختصاص احياء وكانت مريضه بالسكر
عائله صالح والزوجه منيره
وليد 24 سنه اخر سنه هندسه
امل 19 سنه اختصاص كيمياء
نهى 17 سنه اول ثانوي
في احد احياء الرياض الساعه 7
عائله محمد
الام :يالله امل قومي صارت الساعه 7 وانتي باقي ماصليتي وطبعا هذا حال الام كل صباح
امل :صباح الورد والفل والياسمين لاحلى اب بالدنيا
الاب :هلا والله بنيتي صباح النور
الاب :وليد تعال وين كل لك لقمتين
وليد :مستعجل
عائله محمد
طبعا فاتن اول وحده تقعد كالعاده حتى يمديهاتلبس و.....الخ سالفتها سالفه كل صبح طبعا البنت مره تكره شئ اسمها زواج يعني مستحيل تفكر فيه
المهم دقت على امل
فاتن:صباحك حلا
امل :هلا قلبي صباح النور
فاتن :انا اليوم مو حاضره اول محاضره يعني لاتنتظريني
امل:خير ان شاء الله وش عندك
فاتن:ماادري بس اليوم مره مزاجي متعكر
امل :تكفين قومي بس وتعالي وربي مشتقتلك
المهم اقتنعت فاتن وداومت
امل:فاتن اسمعي اذا قدرتي تمريني لان وليد طلع مستعجل واذا ماقدرتي عادي قولي لاتستحين
فاتن :اقول عاد لاتسوين فيها اخلاق يالله تجهزي شوي وجايتك
فاتن:خالد تكفى اخوي تقدر تنزلني معك الجامعه
خالد :اوكي دقايق البس واجي
فاتن:اسمع بس بنت بو صالح تبي تروح معي
خالد :طيب ان شاء الله
ركبت فاتن وخالد السياره واخذت امل معها طبعا امل اول مره تشوف خالد
وصلهم خالد الجامعه وامل طبعا البنت مسرحه تفكر بالملاك الي شافته وفاتن تكلمها صار لها ساعه والبنت عقلها مو معها
فاتن:امل >>>>>>بصراخ طبعا لانه مافاد معها
امل:خير انتي وش عندك فجرتني اذاني
فاتن:وش فيك صار لي ساعه اكلمك
امل :اه بس اعذريني عقلي مو معي
فاتن:له له له اكيد عندك سالفه لا ماقلتي لي داومي واول مره تشتاقين لي قولي بسرعه
امل :اي شوق واي خرابيط فاتن هذا خالد
فاتن :لالا وش فيك انتي اي خالد واي خرابيط
امل :اقول ياخبله قصدي خالد هو الي .....
فاتن :ايوه ليش فيه شئ
امل :لا سلامتك بس حبيت اسأل
فاتن طبعا شكت بالموضوع بس سكتت
فاتن :امل اليوم بيسافر خالد عند واحد من ربعه يقول مره تعبان ولازم يروح
امل بقلبها لالالالالا مستحيل حياتي بيسافر اه الله يرده بالسلامه لا لازم اروح مع فاتن اليوم بشوفه قبل مايسافر >>طبعا كل هالكلام بقلبها
اخر الداوم طلعت فاتن وامل وطبعا البنت ماخذ عقلها وانواع النظرات وخالد بعالم ثاني يفكر فيه خويه لانه اعز واحد فيهم
رجعت امل للبيت وقلبها مع خالد
سافر خالد عشان يشوف {{احمد }}صديقه مره تعبان بالعنايه قعد عنده تقريبا 3 ايام جاء رابع يوم يشوف صراخ عرف ان احمد صار فيه شئ شاف اهله عند العنايه
خالد:لامستحيل اكيد مو احمد مو مصدق
خالد :دكتور احمد فيه شئ تكفى لاتقولي انه ...
دكتور:احمد عطالك عمره
طبعا ظلمت الدنيا بوجه خالد ولأول مره خالد يبكي في حياته لا مستحيل احمد الله يرحمك
بيت خالد
فاتن :الو
امل :هلا والله
فاتن:امل وش رايك تجين عندي اليوم وربك اني متنكده
امل: بقول لامي وبجيك نص ساعه بس
بيت بووليد
امل:يمه يمه
الام:هلا امل وش عندك
امل:بروح عند فاتن مراح اطول ساعتين وراجعه
الام:الله معك سلمي على ام خالد
امل :سمعت خالد ظلت مفهيه شوي
الام:امل يمه وش فيك
امل :لالا سلامتك مافيه شئ باي
الام:مع السلامه
بيت بو خالد
فاتن هلا والله
امل:هلا فيك
فاتن:تفضلي
طبعا قعدت هي وامل وانواع الحش والسوالف
حتى صارت الساعه 12 وباقي ماخلصوا قالت فاتن تكفين ياامل قولي لامك تنامين عندي اليوم ماجد اخوي مستلم اليوم وخالد مسافر ومهند عادي
امل :مدري والله بس بقول لامي
فاتن:لالا انا اكلمها اقولها
فاتن :الو
ام وليد:هلا
فاتن :اخبارك خالتي ؟؟
ام وليد:هلا ريم
فاتن:>>>>>>>>>>انواع التحطيم ريم مره وحده .لا خاله انا فاتن
ام وليد: هلا والله بنيتي
فاتن :خاله تكفين خلي امل تنام عندي اليوم
ام وليد :والله ع راحتها خليها تنام
فاتن :مشكوره خالتي ربي مايحرمني منك مع السلامه
ام وليد: الله معك
فاتن:امل خلاص وافقت
امل :والله زين
المهم رجعوا وكملو سوالفهم لصبح
فاتن عطشت تحس انه ارتفع معها السكر وامل بس ماتبي تخليها تقوم فاتن خلاص انا بروح المطبخ ماتوقعت انها تشوف حياته لا مستحيل اكيد انه حلم وخالد طالع فيها وطبعا امل يعني لو اقولكم عنها
مدري وش اقول لانها مره جميله شافها خالد ونسى حتى سالفة خويه وهي نست سالفه فاتن طبعا ظلوا يطالعون بعض وطلعت امل للغرفه ماهي مصدقه الي شافته
وخالد صار يفكر فيها المهم خالد ماسأل فاتن من هي البنت ابد ماجاء في باله انها امل لانها اول مره تنام عندهم و
كان دايم يسمع انها نهى هي الي تنام فيها طبعا صار يفكر فيها
ومرت الأيام امل تفكر بخالد وخالد يفكر بأمل على باله انها نهى
بيت بوخالد
الاب:اخبارك خالد وش مسوي بدراستك؟؟
خالد:لا الحمدلله تمام مايحتاج..الا وين ماجد صار يومين مو شايفه
الاب:والله تعرف دوامه هالفتره هذي
خالد:الله يعين
امل :نهى تكفين دقي على فاتن قوليها تجي عندي اليوم لان صديقاتي بيجون
نهى: اوكي
وياليتها ماقالت لها
دق التلفون
نهى :السلام
خالد:هلا والله وعليكم السلام
نهى:فاتن موجوده
خالد:ايوه من اقولها
نهى
خالد:مين مو مصدق طيب طيب بعد استيعاب طويل
نهى استغربت
فاتن:هلا والله
نهى :هلا فيك..فاتن تعالي عندنا اليوم لان صديقات امل بيجون
فاتن:خير ان شاء الله بعد صلاه المغرب بكون عندكم
نهى:ان شاء الله يالله مع السلامه
فاتن :هلا الله معك
طبعا خالد طول وقته يسمع فاتن ونهى مسكين على باله انها هو الي شافها
ومرت الايام
بيت بو خالد
الام والاب وش رايك يابو خالد نخطب امل بنت بو صالح لولدنا خالد مارح نلقى مثلها اخلاق وجمال
بو خالد:خير ان شاء الله انتي اسألي خالد بلاول
خالد:صباح الخير
الام والاب:هلا والله صبااح النور
فاتن :صباح الخير
هلا صباح النور
الام والاب وش رايك خالد يمه اليوم نخطب لك امل بنت بو صالح
خالد:لالا يمه خليها بعدين ان شاء الله مايدري انها امل هي حياته الي طول وقته يفكر فيها
فاتن:ليش خالد امل جمال واخلاق والله ماتلقلى مثلها
خالد:خلاص انتم وش فيكم قلت لكم مابي الحين
وخالد طول وقته يفكر بالسالفه وخايف ان نهى تروح عليه
رجع خالد من الجامعه ونادى امه
الام:هلا وليدي
خالد:يمه انا ابي اتزوج
الام: طيب هذا الكلام الزين وبعدين زين اقتعت بامل والله مافيه مثلها
خالد :لا يمه انا ابي نهى
الام:مصدومه نهى ليش يمه وامل شلون نأخذ اخته قبلها
خالد:بس قلت لك يايمه ماراح اخذ غيرها
الام:طيب يمه البنت صغيره
خالد:اهم شئ اني قلت لك
الام :خير ان شاء الله الله يكتب الي فيه الخير
وطبعا الام قالت لفاتن السالفه
وفاتن :يمه اهم شئ رايه صدق ان امل عندي احسن من نهى اكبر منها وماشاء الله عليها بس خلاص هذي حياته .
بيت بو وليد
دق التلفون
ام خالد:الو السلام عليكم
ام وليد:هلا والله وعليكم السلام
ام خالد:اخباركم واخبار البنات؟
ام وليد :والله الحمد لله
ام خالد:اذا فاضيين بكره ان شاء الله نبي نجي بموضوع خاص
ام وليد :طبعا راح فكرها بامل ومره فرحت خير ان شاء الله الله محيكم
راحت ام وليد لامل
الام:امل يمه تعالي
امل :دقايق يمه
الام :بسرعه بقولك موضوع مهم
امل :هلا يمه وش فيه
الام:اهل بو خالد يبون يجون بكره عشانك
امل:طبعا ماوسعتها الدنيا من الفرحه
خالد يفكر بكره شلون يشوف حياته
جاء ثاني يوم وامل تتجهز وتلبس احسن لبس
امل:نهى وش رايك وش البس
نهى :مدري والله كيفك >>>>مشغوله بالنت
المهم تكشخت امل اخر كشخه ونهى عادي لانها ابدا مافكرت انه هي
وصلو اهل خالد
ام وليد :هلا والله الله حيهم زارتنا البركه
ام خالد :هلا فيك والله
طلعت امل ومستحيه على بالها انها هي
وفاتن حست فيها بس وش تسوي
اخوها وعناده
ام خالد:والله حنا جايين نخطب يد نهى بنتكم لولدنا خالد
امل :ماقدرت تستوعب ركضت المطبخ تصيح بس طبعا مالاحظوا عليها
نهى:امل وش فيك
امل :مافيني شئ بس روحي امي تبغاك
امل:لا مستحيل خالد بياخذ اختي شلون
نهى :هلا يمه
الام:نهى يمه تعالي عندي اهل بو خالد جايين يخطبونك لولدهم خالد
نهى:يمه طيب شلون اتزوج قبل امل
الام:لا امل ماراح تقول شئ لان الولد بيسافر بعد زواجكم مستعجل
نهى:والله الراي رايك انتي وابوي
الام :يعني موافقه لان الولد بكره بيشوفك
نهى :طلعت لغرفتها
بس امل تحطم حلم حياتها شلوون الولد الي تحبه وتمووت فيه وماتخيلت نفسها الا معه بيأخذ اختي يالله خالد الله يوفقك ان شاء الله ويسعدك انت ونهى
طبعا امل مانامت
ونهى :مانامت بس عكس امل من الفرحه
طبعا امل كانت كل يوم تكتب وش يصير معها كل شئ كل شئ تقوله اول تفكر فيه تكتبه بدفتر ذكريات بس ماتخلي اي احد يشوفه
وتكتب اشعار اخر شعر كتبته عن حالتهم هي وخالد
حاول وحاول ...يصير أفراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك .. ماينفع عنادي
لاصار ربي حرمنا .. من بيعطينا
فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام ... عشته سنينا
ياوحشه الليل .. في بعدك بلا رقادي
ويا طوله اليوم ماشفتك ولو حينا
جاء اليوم وخالد فرحان على باله انه بشوف القمر الي شافه واخذت عقله
دخل خالد وراحت بو وليد نهى يبه تعال
دخلت نهى
انصدم خالد لا مستحيل وين حياتي وعمري الي فكرت فيها وماتكلم ولا كلمه من الصدمه
وين ليكون الي شفتها كانت امل لالالالالالالالالا مستحيل امل
صارت نهى خطيبه خالد وطلعو اهل خالد امل كانت تطالع على الدريشه تطالع حبيبها لاخر وكانها حاسه انه اخره مره بحياتها
بس المصيبه ان خالد شاف امل وليته ماشافها ماقدر خالد يستوعب شلون صار وانه شاف حياته بعد
ثاني يوم كان لامل موعد عند دكتور الاسنان طلعت امل مع السايق وصلت امها لخالتها ووداها السايق بس شاء القدر انه يكون اخر يوم لامل
امل خلالالالالالالاص ماتت
الكل مااستوعب الي صار بالذات خالد

كانت اخر سنه له بس ماقدر يكمل دراسته

بس المصيبه الكبرى لما فاتن راحت لغرفت امل وقرت دفترها عرفت انها تحب خالد ماقدرت تستحمل تذكرتها وقعدت تبكي وظلت ايام تعبانه حتى السكر مانتظم معها لانها فقدت صديقة عمرها وشلون بتعيش من دونها
وشاف خالد الدفتر ماقدر يستحمل يعيش من دونها انفلصوا هو ونهى وطلع يكمل بالخارج لانه ماقدر يتحمل وفاتن ضلت ماتكلم خالد حست انه هو الذنب بموت امل وطبعا خالد مارضى يتزوج بعد وفاتها الله يرحمها ويغمد روحها الجنه
ادعو لامل لانها مااستعملت الحرام حتى تصل لقلب خالد
كانت هذي نهايه القصه
الكاتبه:فاتن
ا