قصيدة رائعة تصف حال كثير من المتزوجات

((تدري وش اللي يتعب البنت ياخوي***رجلٍ يخون أشواقها و المودة))((اللي إلا أحتاج الغلا صار نمرود***وليا شبع مما عطاه استرده))((البنت ريحانة غلا ناعمة عود***تبي لها رجلٍ ورث طيب جده))((رجلٍ فعوله كلها جود في جود***ما يلتفت للي كفوفه تمده))((رجلٍ إلا جته الليالي بمنقود***يتكى لها ما بيح الوقت سده))((مهوب خبلٍ ما رعى للهوى عهود***وأدناة ما عارض طريقه يرده))((ولا هوب لا علة ولا هوب ملهود***ولا شكوكٍ و كلٍ طارئٍ يحده))((ما أشين من الرجال لا جاك ببرود***وإن قال لها قدام شي صده)) ((تبي لها براق طيبٍ له رعود***إن أجدبت يمطر على ريف خده))((وإن نادته تكفى لقت عنده الفود***يشيل عزتها على قو زنده))((كفه نفل وأنفاس صدره لها عود***وظلاله الضافي بيدها تمدها))((البنت خد و قد و نواظرٍ سود***و ريحة غلاً يا سعد من شم نده))((البنت إلا ضحكت ثمرها لك ورود***يا خوي من يقطف نواوير ورده))((واللي يهين البنت ناقص ومقرود***فرس غلا ما هي .... مكده))