قطريه عندك ذوق حلو تفضلي

والله أبشرك اني من السعودية وما أعرف في قطر أي مشاغل أو كوافيرات <<<<<<وش حقه داشه الموضوع
>>>>>>لقافه
وشكرا..

شوفي حبيبتي اذا اختج تحب الناعم انصحها بسعاد واذا تحب الدفش والثقيل عندج دينا اما عبير بين الدفش والناعم بس انا من رايي شريفه المهندي وبس روعه واذا تبين رقمها اطرشه لج على الخاص ومبروك عرس اختج مقدما والله يوفقها

حبيبتي تبين رايي
عبير مكياجها وايد حلو
وخاصة في الصور تطلع تجنن
وشريفه شريم ما يعجبني مكياجها
لانها تحط وايد الوان الشدو عالعين
يعني الوحشي او الغجري مادري شيسمونه
اذا تبين عبير احجزيها بسرعه لانج ما راح
تحصلين حجز
والناس اذواق

حبيبتي
خلي اختج تختار بين عبير ودينا لانهم التوب الصراحه..
سعاد البلوشي .. ما اقول لج انه مب حلو .. حلو بس خفيف جدا .. انا يوم حطت لي في عرسي .. قعدت اصيح بعد هي ما طلعت
لانهم من كثر ما امدحوها لي قلت خلاص ما في غيرها .. بس نصيحه لاختج عشان ما يصير لها اللي صار لاختي

انا انصحج بعبير لان صاير مكياجها خيال يجنن صج تطلع جمال العروس تخليها لعبة
لان صديقتي عرست قبل اسبوعين وحطت لها عبير سوتها ملكة جمال
والله يوفقكم

انا صراحة انصحك بسعاد لان كل ما يصير عرس انجيبها وما يتم حد ما يسأل مين اللي حاط لنا ميك اب , ويوم عرست سبحان الله ما لقيت عندها حجز وحطت لي عبير سوت لي غروب الشمس لكن زوجي مسكين تخرع عباله شكلي بشع والصباحية قالي تدرين شكلك واايد حلو من غير ميك اب . والناس اذواق

شوفي الغاليه اشوف الاخوات حيروج واحترتي ومو عارفه تختاري شوفي .. حتى تحكمي من تختاري اولا لازوم تعرفي الاسعار وهي تتراوح بين 1500 و 2000 اوكى وانا اقولج خلي اختيارج بين عبير ودينا لانهم التوب على قولت وحده المهم هذا اذا السعر مو مشكله عندج ..
ثانيا .. عبير ترسم لج العين بالكحله رسم كامل ويكون المكياج زياده شوي بس حلو وبارز هذا اذا انتي تحبين المكياج الاوفر .. اما دينا تطلعج ناعمه رغم المكياج الي تحطه كثير بس في النهايه يبان ناعم وحلو .. انا سويت عند دينا يوم عرسي روعه وناعم .. واختي سوت عند عبير بعد روعه وبارز ..
الحين انتي اختاري شو المكياج الي تبينه ؟؟ ولاتنسين بعد على الممكيجه نفسها تلاقين حجز او لا .
وبالتوفيق .والف مبروك مقدما .

اللي صار لي مش لاختي
سوري خطأ مطبعي

هلا الغاليه نا انصحج بعبير مع اني من الامارات بس شفت مكياجها على بنت اخوي بعرسها كانت ملكه...