قلبي ماطاوعني قلت اخبركم رغم اني حلفت

1. يمكن البعض يعرفني في هاذا القسم واني زبونه مستديمه له


2. قمت ونااحس وكأني بطرش عزكم الله من الشبع

السلام عليكم ورحمة الله وبركاته
يمكن مسغربين من اسم الموضوع
قال الرسول عليه الصلاة والسلام (لا يؤمن احدكم حتى يحب لأخيه مايحب لنفسه )

يمكن البعض يعرفني في هاذا القسم واني زبونه مستديمه له

بصراحه مو عارفه كيف ابتدي في الموضوع احس بلخبطه وموقادره امسك بطرف الخيط لكن انتو واعين ومثقفين واكيد بتفهمون علي ورجئ منكم محد يرد منكم ويضيف معلومه الا وهو متأكد منها يعني ماابغى في الردود احد سمعت يقولون انه خطير انا مااعترف بكلمة يقولون ولااحبها احب اشوف بعيون واسمع بذاني من مصدر ثقه
في الحقيقه عز علي حالكم والكل منكم يتمنى يوم العيد يظهر بأجمل حله ونا بعد ودي ولله يشهد على كلامي مافيني روح الأنانيه واحب لناس الخير حتى لو تقابلة بشر احب احملكم على محمل الخير
بعد مشوار طويل في الرجيمات وانواع الشاي والحبوب والكريمات مايقرب عشر سنوات
اكتشفت وللأسف اني فشلت في هاذا كله ليه ؟؟
لأن هاذي بس حلول مؤقتة
صحيح كنت انحف وبقوه بعد لكن الحل ما يدوم سرعان مايرجع الوضع كماكان
تدرون وش مشكلتي واعتقد مشكلة كثيرات غيري
الشراها في الأكل
لما تتبعين نظام حمية يتحول الأكل الى اقل من القليل من اكل جمل الى اكل عصفور مما نلاحظ الحرمان من الشيء يسبب عواقب وخيمه ممكن الواحد يرجع له وياكل بشراها وطاقة اقوى من السابق
خلوني اعترف لكم
انا مااقدر اقوم من والوجبه ونا ماشبعت اقدر لفتره محدوده وبعدها ارجع مضاعف
كانت لي تجربه حلوه ومميزه الكل اعجب بهاذي النتيجه وهي استخدامي لحبوب الفاتوشيب ولكن مااخفيكم سعره بنسبه لي كان مكلف لذالك ماقدرت استمر عليه على الرغم من نتايجة الحلوه
قررت وبعد تفكير عميق بلجراحه بس ماتسرعت طلبت اقابل اي جراح مو القصد من العمليه على قد ابيه ينصحني بأي طريقه عشان يدلني لطريق الصح
ورحت المستشفى وحددو لي موعد مع الجراح والقدر هنا لعب دور كبير
لما جيت على الموعد طلع الجراح في إجازه ومسافر وموجود فقط الطبيب المناوب وهو اخصائي وليس جراح يمكن لو كان الجراح موجود يمكن تحمسة للعمليه لكن بوجد الأخصائي كانت حكمه من الله
شرحة له كل شي على قولت اخوانا المصريين ( من طق طق الى سلام عليكم ) وحكيته مشواري في الحميه والأدويه اللي استخدمتها
قالي شوفي يأختي انا دكتور لكن اقولك انا مااقدر اصبر على الجوع ولاالأكل القليل بحس بحاجه مش مرضيه لمااقوم من الأكل ونا مشبعت ويمكن الشي هاذا يؤدي الى الجوع بسرعه والأكل بين الوجبات وهاذي عادة سيئه وهي سبب السمنه لكن عندي لك الحل
اشرايك بأكلة تقومي ونتي ماتقدرين تتنفسي من الأكل
تحبي السمك المقلي
نعم
تحبي الدجاج المشوي
نعم
تحبي اللحم مطبوخه بسمنه
ايه
تحبي الجمبري المقلي
اكيد
تحبي الجبن كامل الدسم
طبعاً
تحبي البيض المقلي مع قطع الجبن السايل
مافي كلام اكيد بحبه
طيب شرايك بصحن مولوخيه بلحمه
ياساتر بيغمي علي
صحن سبانخ اكبر حجم
>>>>>حست بلجوع
طيب لحم بلبذجان يعني (مصقعه )
لالا بستخف انا
طيب شرايح لحم همورقر والكيمه اللي تبينها عساك تاكلين حق عشر انفار وبتاكلي ثوم ومايونيز ونصيحه كثيري منهم
قلت هاذا اكيد يمزح
قلت دكتور اناابي انحف ماابي اسمن
قال عارف
دكتور شكلك تمزح
قال ماامزح
قلت كيف ونت وصفت لي وجبات كلها دهون
قال اناابغاك تاكلين دهون
ظليت في لحظة صمت
قلت لدكتور وضحي لي اكثر
قالي هاذا نظام اسمه اكتنز يجبرك على الأكل وبلكميه اللي تبينها من الدهون اللي انتي تحبينها زي السياره ماتمشي الا لما تحطي فيها زيت
قلت له وبعدين .!
قال كلي اللي تبغين من اللي ذكرته لك بلاضافه الخيار والسلطات
بس
قال بس
طيب
طيب ممكن تكتب لي النظام بتفصيل
قال عندك انترنت
قلت له نعم
قال اكتبي في قوقل نظام اكتنز وهو بتشوفي التفاصيل عنه
جيت البيت ونا صعب افسر لكم شعوري حسيت ان الدكتور مهلوس
وفي نفس الوقت فيني حب المغامره
دخلت على النت وقريت الحميه كان عندي إراده بس مشكلتي مو عارفه كيف ابتدي
قريت عن الحميه استفدت كثير واكتشفت عدة منتديات كتبُ عنه
وافكار كثيره طرحوها في تحظير الوجبات
بديت من وجبة العشا واكلت بيض مقلي بلجبن اكلت 5بيضات

قمت ونااحس وكأني بطرش عزكم الله من الشبع

اليوم الثاني عملت لي صحن جبن كامل الدسم مع خيار واكلت لما انسدت نفسي انتفخ بطني من الأكل
الغداء سلقت نص دجاج وقطعتها وقطعت عليها بصل وثوم واضفت لها بهارات وبعدين حطيت عليها مايونيز واكلتها اوف مو قادره اتنفس بعد ثلاثه ايام من الحميه رحت للأهل امي كلعاده دايم ماتخلي الواحد في حاله انوع التحطيم عندها واذا ماعندها تسلفت عشان تشتري تحطيم شلت العباء من راسي قالت هاضاعفه ولله
غريبه اخر وحده افكر تقولي ذا الكلمه امي عمرها ماقالتهالي
يوم ثاني تسأني اختي احين انتي تسوين رجيم ؟؟
قلت لها ايه قالت كم يوم لك قلت لها اربع ايام قالت لااجل انا غلطانه
قلت لها ليش قالت يمكن البنطلون اساس كبير عليك مومعقوله 4ايام يبان عليك بذا السرعه
قلت لها ونااقول كذا بعد
بعد اسبوع من هاذا الوضع قلت خليني اجرب اوزن
اقسم بلله الواحد القهار ناقصة 6كيلو بدون حبوب بدون شاي بدون خلطات بدون وصفات حتى رياضه ماسويت ماصار عندي وقت اطلع امشي على البحر وخصري نقص 2انش يعني 6او7 سم
تخيلو انتو الأن في رمضان وعلى قولت اهل الكويت اصوم واصوم وافطر على بصله
النهار طويل مايجي وقت الفطور والا وعينك بتطلع على صحون الأكل تخيلي تقومين ونفسك تقول اجلسي اكلي
على هلال رمضان يعني اول يوم في الصيام كان يوم خميس صدفه تسحرت وامسكت أذا الفجر فقمت صليت بعدها قلت اشرايك افتح التلفزيون يمكن يستعرضون برامج رمضان جلست اطقطق في المحطات وصلت الى قناة ام بي سي وجايبين سيرة العالم اكتنز ومشواره في مساعدة اكثر من مليون امريكي من التخلص من الوزن الزائد وش ذا الصدفه الغريبه ظليت اتابع البرناج الى النهايه وعلى فكره في احد الأخوات في المنتدى تقول الدكتور اكتنزتوفي بسبب حميته وفي البرنامج قيل انهو توفي بسبب حادث عندذهابه الى عيادتة وقع على رأسه بصخرمه من الجليد واستمر ينزف الدم من رأسه حتى توفي
بصراحه اقتنعت فيه واهم شي مايخليني اقوم من الوجبه ونا جوعانه وهاذا المطلوب
باقي على العيد اسبوعين وكل اسبوع نقص 5او6 كيلو
فكرو زين
طبعاً الحميه تمر على مراحل للي حاب يطلع عليه يكتب في قوقل نظام اكتنز وبيطلع له المطلوب وانصح بقرأة اكثر من رابط يعني اقري من عدة مواقع ولك حرية الأختيار
وفي النهاية تبقى وجهة نظر قابله لرفض او المواقفه
تحياتي ,,,,,,,,,,,,,