قلبي يحبك ياغالي يشتاق لك كل ليلة فراقك أثر بحالي ياويل قلي ياويله اولى كتاباتي كا

1. فديتك..


2. طلال يضحك:اكيد تبين شي..قولي وش تبين؟؟

قصتي الأولى كاملة من تأليفي
فيها شيء من الواقع
واقع حصل لي انا شخصيا
راح انزل كل اسبوع بارت بعدين راح احدد لكم يوم
(بس قول أبغى وانا اقول حاظر)
نبدأ البارت1
في بيت ابو خالد الساعة11ونص ليلا
في غرفة خلود
خلود وهي تبكي:ماما مابيه..مابيه..ارحموني الله يخليكم
أم خالد:خلود يايمة ياحبيبتي..بسك بكا واللي صار صار ..وراشد ولد عمك رجال والنعم منه..زين وانتي تعرفينه ماهو راعي خرابيط ومغازل مثل الباقي..
خلود:والله ادري ياماما..بس انا استخرت وماارتحت خلاص خلي بابا يكنسل كل شي..ماني قادرة اتحمل..
أم خالد: لا يابنتي مايصير يعني تصيرين مطلقة..اكيد بيقولون انه العيب فيك..وانا وين بروح من حلوج الناس..
خلود في نفسها
:لا ياماما احنا للحين على البر ولا صار شي بس ملكة..
حتى حفلة خطوبة مابعد..يعني ماصار شي..
ام خالد: لا يابنتي لا يالله روحي نامي عشان ترتاحين..
خلود وهي خلاص فقدت الامل ودموعها تنزل من جديد وهي تسند راسها عالسرير:خلاص ياماما انتي روحي نامي وانا بحاول انام
ام خالد:تصبحين على خير يابنتي
خلود ماردت
طلعت امها من الغرفة وراحت لابو خالد تحاول فيه يكنسل كل شي
في نفس الوقت بس في مكان ثاني
في بيت ابو راشد(الاخ الاكبر لأبو خالد)
غرفة راشد
راشد كان مبسوط عالاخر ويحس انه فوق السحاب:خلاص ياخلود الحين صرتي حلالي وبكرة بشوفها وبجلس معها..
دخلت عليه امه ويوم شافته ابتسمت:للحين مانمت ياولدي؟
راشد تعدل في جلسته:لا يالغالية ماهو ايني نوم من الفرحة..
أم راشد وعيونها تدمع من الفرح:الله يتمم عليك فرحتك ياوليدي..
راشد وهو يقرب من امه ويضمها بحنان:يمه الله يسلمك ليه البك يالغلا؟؟هذا بدل لا تغنين وترقصين!تقومين تبكين..افا بس ياام راشد ماهقيتها منك والله..
أم راشد وهي تضحك وتبوس راسه بحنان الامومة:الف مبروك ياولدي بس هذي دموع الفرح والرقص خله لبكرة..
راشد اها اذا كذا عادي..بس خلاص بلاش دموع..انا اكره شي عندي دموعك يالغلا..كل شي ولا دموعك الغالية..
ام راشد وهي تمسح دموعها:خلاص اجل ياولدي هذا دموعي ومسحتها..الحين قم نام وعين من الله خير..
راشد:إن شاء الله يمه..الحين احط راسي واحاول انام..
طلعت امه من الغرفة وهو حط راسه ونام
في بيت ابو خالد وتحديدا غرفة ابو خالد..
ابو خالد واقف وعيونه محمرة من العصبية:نعم؟!وش قلتي ياام خالد..عيدي اللي قلتي..ماسمعت..
امخالد بخوف وهي شوي وتبكي:يابو خالد بنتك رافضة الرجال نهائيا وخلاص انتو اخوان وماراح يصير شي لو فكو الملكة..
ابو خالد بعصبية اكبر:لا والف لاا بنتي وانا حر فيهاوبتاخذ اللي انا ابيها تاخذه واشوفه مناسب لها.. وغيراشد ماهي ماخذة..
ام خالد: بس يا..
قاطعها ابو خالد:بس ولا كلمة خلاص.. حفلة الملكة بكرة والزواج هذا راح يتم غصب او طيب
ام خالد خلاص فقدت الامل:انزين خلاص تصبح على خير..
ابو خالد حط راسه عالمخدة بلا مبالاه: تلقين خير
نرجع لبيت ابو راشد
الساعة 2ونص في غرفة دلال اخت راشد الصغيرة
جالسة عند فساتينها وماهي عارفة ايش تلبس منهم..محتاارة مرة...:انت شارية4 فساتين للحفلة..
دلال تكلم نفسها:دلول بكرة خطوبة اخوك رشود الغالي ولازم تكونين رزة وكشخة..بس ارجع واقول أي واحد بتلبسين..
مالقت الا انها تروح لااختها مها
دخلت عندها شافتها نايمة..عصبت وتنرفزت وطلعت من الغرفة وهي تتحلطم(تكلم نفسها بعصبية):اف ياربي هذي الدجاجة نامت بعد ياربي وش اسوي الحين؟؟
:الحمدلله والشكر استخفت وصارت تكلم نفسها..
دلال وهي متخرعة:يماه من وين طلعت لي انت؟؟!!
:من تحت بعد من وين؟؟
دلال شهقت:طلالوة يالدب توك جاي؟
طلا:ايه توي جاي..وش عندك..؟؟
دلال:والله لو ابوي يدري انك توك جاي بيذبحك..
طلال:اوهوه اخلصي علي تعبان وبرووح انام..
دلال بدت تتمصلح وقربت منه:طلولي ولد خالتي حبيبي

فديتك..

طلال يضحك:اكيد تبين شي..قولي وش تبين؟؟

دلال قربت منه وحطت يدها على كتفه واليد الثانية تلعب بأزرار قميصه: طلول والله انجنيت من الساعة12 وانا جالسة قدم هالفساتين ابي اختار واحد منهم مو قادرة..ارسلت صورهم لصديقاتي بس هم سخيفات قالو عادي كلهم حلوين البسي أي واحد فيهم..ومامي نامت..وقبل شوي دخلت على مهوي ولقيتها نايمة
فأبيك انت تختار لي.. ممكن؟!
طلال وهو متوتر من قربها وش فيها هذي انجنت ماتدري شنو تأثيرها علي بس لازم امسك نفسي لا يصير شيي:أ..أكيد يابنت خالتي العزيزة..بس خليني اشوفه..
ابتعدت دلال عنه وفي خاطره الحمدلله انها وخرت ولا كان رحنا فيها انا وياها ياحليلها طفلة في جسد امرأة
قطعت افكاره دلال وهي تهزه من كتفه بصبر نافذ:طلال
طلال:هاه شفيك؟؟تراي اسمع والله اني اسمع..
دلال تطالعه بنص عين:ايه واضح..المهم شقلت ايهم البس..
وهي تاشر عليهم التفت لوين تاشر وشافهم مفروشين عالارض وطاحت عينه على واحد اسود وتخيله على جسمها وابتسم:شوفي دلول الاسود احلى شي..
ابتسمت دلال ببراءة وهالابتسامة دوخت طلال:تسلم لي يااحلى طلال في الدنيا كلها..وخذ هذي احلى بوسة من احلى دلال لأحلى طلال..
بس دلال ولا درت عنه باسته وضمته بخفة:مشكور طلول اردها لك في الافراح..
اخذت الفساتين وراحت لغرفتها..ونامت..
أما طلال للحين في مكانه متصنم..وحاط يده على خده اللي باسته:آآآآآآآآآخ بوستك مثل النار على خدي يادلول..ماني قادر اصبر اكثر من كذا..بتزوجها يعني بتزوجها..وراح لغرفته ونام..
في اليوم الثاني
يوم الخطوبة..
في غرفة خلود..
سلوى الكوافيرة اللبنانية:يووه خلود حبيبتي..شو فيكي عم تبكي..مكياجك بيخرب هيك..
خلود تبكي:مابي...مابي..
ام خالد:خلود يالله عاد اركدي خلي المرة تضبط مكياجك..
خلود:ماما مابي خلته ثقيل مرةموو حلو انا ابي خفيف..
ام خالد:خلود..شلون يعني انتي عرووس وتبين خفيف..؟؟مايصير..
خلود طنشت امها وتكلم سلوى:سلوى امسحيه وحطي لي مثل مكياجكم لبناني ناعم وخفيف.. واحلى..
سلوى مبسوطة:ولك تؤبري البي مااحلاكي..بخليكي احلى عروس..
خلود بابتسامة الم:أي احلى عرووس الله يخليك؟؟خليه على الله بس هو العالم بحالي..
سلوى:له له له..لشو التشاؤوم هادكلوو ياروح البي الحياة ادامك(ليه التشاؤوم هذا ياروح قلبي الحيا قدامك)
ام خالد:ايووة ياسلوى فهميها..عجزت وانا افهمها..
سلوى:يالله حياتي خليني ابلش فيكي من جديد
عند الرجال
راشد مرتبش حده ولاهو عارف وش يسوي..
جاله خالد ولد عمه ودقه على كتفه بخفة:من قدك رشود..اليوم انت عريس..
راشد بارتباك:أي عريس الله يخليك..تونا مملكين..
شوي الا تركي صديق عمره جاي:هلا بالعريس..
راشد وهو يضمه:هلا بك..
تركي الف مبروك يالصديق
راشد:الله يبارك فيك عقبالك..
تركي:لا تو الناس عالغثاا
راشد: ضحك:ههه لا ان شاء الله تروح تخطب بعد يومين
تركي:ايه هيين..
نرجع عند الحريم
جات دلال والكل عينه عليها وهي مستحية..
راحت عند بنت عمها بو سالم اللي بعمرها اسمها رنا
دلال بحيا بعد ماسلمت على رنا: رنو شوفي الحريم شلون يناظروني..
رنا وهي تضحك:ايه بيخطبونك..
دلال تضرب رنا بخفة على كتفها وتضحك:ههه مالت عليك يالخايسة..إن شاء الله انتي..
شوي الا اقبلو التوأم ريماس وريتاج بنات ابو محمد:هاي دلول هاي رنو
دلال ورنا:هايات..
رنا بشوية عربجة: احلى اكشخ وش هالحركات الصراحة تعجبوني مقدر اتحمل كذا..
ريتاج بثقة:ادري ادري.. مايحتاج تقولين..
رنا:شوي شوي لا تخقين..
ريماس:بليز رنو شوفي شعري اوكيه؟
رنا:يابنت الحلال والله فضيع روعة..
ريماس:الحمدلله طمنتوني..
دلال:وبكذا اكتملت شلة فلها وربك يحلها..بس باقي سحوور
أختكم
سحر جاية من وراهم..: وش فيها سحور..
دلال تشهق:هئ بسم الله من وين طلعتي لنا انتي..
سحر بتمثيل كوميدي كأ،ها مارد:لقد خرجت من تحت الارض..
هاهاهاهاهاهاهاهاه
ريتاج ماتت من الضحك:الله يقطع بليسك يالله بس خل نروح لهنودة تنادينا
البنات:اوك مشينا..
راحو البنات لعند هند وعيون النس كلهم على البنات وخافت عليهموقامت تقرا المعوذات..
توهم بيروحون فوق إلاتناديهم هند:بنات وين رايحين خذو سارة معكم
ريتاج وهي تحوس بفمها:يوه وش تبي ذي جاية..وع
رنا:تحملي ياريتاج هذي بنت خالتك..
ريماس:وع الله يقرفها شوفي وش لابسة..مالت عليها وعلى امها..
دلال:لا عاد تحملو هذي بنت خالتكم وهذي خالتكم عيب يابنات عييب
ريماس بقهر مكتوم:انزين خلاص بروح اناديها...
قامت وراحت
ريماس وهي ميتة من الغيظ بس كاتمته:السلام عليكم
ام ريان وهي تناظر فيها من فوق الى تحت:اهلا وعليك السلام
ريماس من بين اسنانها:شخبارك خالتي..
أم ريان:الحمدلله عايشين..
ريماس التفتت على سارة:اهلين سارة..كيف حالك؟؟
سارة بدلع وغرور وغنج زيادة عاللزوم:بخير انا تمام..
ريماس:دوم يالله تعالي معنا فوق عند خلود..
سارة بدلع:اوكي الحين جاية..
وهم يمشون سارة:رموسة وش اخبار حمودي..
ريماس من بين اسنانها:بخير(وبهمس دامك بعيدة عنه)
سارة بزيادة غنج اول مااركبو على الدرج:اييه والله اشتقت له حيل واحشني من زمان عنه..
ريماس:ايه هو مشغول
سارة:في ايش مشغول..
ريماس:والله مدري كل مانسأله يقول مشغول
سارة:اهاا
فوق عند البنات
يسولفون معها ويتريقون وسارة ساكتة تطالعهم بقهر لأنهم مطنشينها..
دلال تبتسم لخلود بفرح:واي خوخة اخيرا بتصيرين زوجة اخوي..
ابتسمت خلود لها مجاملة
اه وش صابك ياسعود يوم دريت ادري اني المفروض اكوون لك بس هذا القدر..
رنا ابتسمت بحزن لأنها تدري باللي بينها وبين اخوه تذكرت اللي صار اول مادرى عن يوم ملكتها وهي كانت عندهم وشصار (سعود واقف قدام خلود مصدوم:........
خلود تبكي وهي كانت بعبايبتها تبكي:والله غصب عني مو بكيفي..
سعود الدموع متجمعة في عيونه:يعني شلون؟؟والحب اللي بيننا وين؟؟
خلود مقطعة نفسها بكا:مو بيدي مو بيدي
سعود بصرامة قرب منها ومسك ذراعها بقوة:مهما مر الزمن راح تكونين لي..لي انا وبس..
حتى لو تزوجتي راشد انا راح اخذك منه..أنتي لي
خلود تحاول تبعد عنه بس كان موثقها بقوة:سعود بليز رووح لا يجي احد ويشوفنا
سعود بلا مبالاة:خلهم يشووفونا..أنا ابيهم يشوفونا..عشان مايزوجوونك(تهدج صوته)وتروحين وتخليني..
قرب منها بدون سابق إنذاار وباسها بقوة على خدها لا تنسيني احبك
خلوود ماتت بكا:سعود ابعد
ابتعد سعود عنها:في امان الله)
انتبهت من سرحانها على صوت ريمااس:رنو حبيبتي وش فيك مو معنا..
رنا: لا والله وياكم بس سرحت شوي..
:اللي واخذ عقلك يتهنى بو
رنا التفتت عالصوت:حلوي يالدبة متى جيتي..
وتروح لها وتضمها..
حلا:ايه من زود انتباهك ماحسيتي علي يوم دخلنا انا وغلوي
وغلا بنت عمتهم نورة بعمر حلا حلوة بيضا عيونها رمادية لابسة فستان رمادي مشجر بالاسود نفس موديل حلا بس هذي شعرها قصير لحد كتفها ومقصووص القراولة
رنا:ههه مدري والله ماحسيت فيكم يالدببة
دخلو ريما واماني:هاي بنات..
البنات:هايات..
رنا:وينكم مختفيين ماشفناكم الا اول ماجيتو
ريما:تحت مع نوافووه
كل هالوقت تحت
أيه بعد وش نسوي
ماسكنا عنده ويقول مين بخطب فيكم
دخلت هند ومعها ام خالد:يالله يابنات انزلوو تحت شوي ونزف خلوود
خلود مسكت يد هند:هنودة لا تروحين عني..
هند نزلت لمستواها:حياتي خوخة انا معاك مابتركك
خلود ابتسمت باطمئنان
انزلو البنات وظلت هند مع خلوود
بعد خمس دقايق من الصمت
خلوود تناظر نفسها في المراية:المفرووض اللي ينتظرني تحت الحين سعود حبيبي مو راشد
هند عصبت وتكلمت بحزن:خلود حبيبتي وش هالكلام الحين انتي زوجة لراشد وسعود لازم تنسينه لازم..
خلود امتلت عيونها دموع وصرخت:انتي وش تقولين؟كيف انسى حب حياتي؟
كيف انسى سعوود؟اللي من فتحت عيوني على الدنيا وانا اعشقه..احبه ياهند مو بالسهولة انساه..
لو تسوين لي تحليل دم راح تشوفين اسم سعوود في كل نقطة من دمي..
هند نزلت دموعها على صديقتها وبنت عمها واختها وكل شي بالنسبة لها راح يندفن حبها للأبد..
دخلت عليهم ام خالد مررة ثانية:يالله بتبدأ الزفة الحين..
هند: اوكي بس بضبط مكياجي ومكياجها..
دمعت عيوننا..
أم خالد:طيب إذا جيتو عند الدرج عطو رنا رنة لأنها هي اللي بتشرف عالزفة..
هند:اوكي خالتي ثواني بس..
نزلت ام خالد وظلوو البنتين فووق..
بعدين انزلت خلوود وابهرت الكل
كانت لابسة فستان بنفس هذا اللون **
ناعم طويل وفيه من فوق شك خفيف حلو
شعرها الطويل الكستنائي مفتوح بانسياب مع رفعة بف خفيفة حلوة ومثبتة عليها ورود بنفس لون الفستان وغرتها نازلة على وجهها
نزلت على صوت محمد عبده أميرة الورد
حلا طلعت برى صديقتها متصلة عليه بس ماتسمع من الإزعاج..
حلا:الو هلا غدوي..
غادة:هلا بك..أخبارك؟ شو الأوضاع عندكم..
حلا:الحمد لله كل شي اوكي..
:لا لا لا مااقدر اتحمل ايش هالملاك اللي قدامي ارحميني يابنت الناس..
حلا طاح الجوال من يدينها والتفتت بخوف...
أنتهى البارت أقاب