قلب بالحب وفا في لحظه ما يخون

بخيوط.. الحب.. جمعت.. أحلى .. ذكرى ..
وبإبرة.. الوفا.. نضمت.. وريقات.. من.. ذكراك.. حبيبي ..
عقدة النهاية .. بدميعات الوداع ..

البارت.. الأول 1..
قلب بالحب وفا .. في لحظه ما يخون ..‎
في احدى الدول عائله عاشت من غير اب لمدة عشرين سنه ولكن اباهم على قيد الحياة وانما تركهم ليعود الى زوجته وابنائه هناك في السعوديه وبالتحديد في الشرقيه تركهم بعد ان اصبح لديه ثلاث ابناء تركهم يصارعون الحياة مع والدتهم والدتهم لم ترضى بهذا ولكن ليس بيدها شيء تفعله في ذلك الوقت لصغر ابناءها وعدم وجود الاخ لها والاب عاجز عن مساعدتها لظروفه الصحيه ..........
وفي مكان اخر
جمانه ( بنت نعومه رومانسيه تحب الهدوء هي وحده مسالمه ماتحب المشاكل شعرها طويل يوصل لاخر ظهرها وكثير وناعم قاصته شلال لانه يناسبها كثير جسمها حلو مره وكل البنات ودهم يكونون مثلها )
كانت جالسه لحالها في غرفتها وكان الأسبوع الماضي في يوم الخميس يوم ملكتها بفهد
..تذكرت يوم ملكتها ما كأنه يوم ملكتها رغم الاحتفال اللي كانوا حاطينه وكانت عازمه بعض صديقاتها وكان من الحاضرين خالتها فاطمه
(اخت امها وعندها بنت اسمها جواهر وولد اسمه محمد وهو الكبير وفيصل الصغير وزوجها ابو محمد متقاعد )
وبنتها جواهر وعمتها حصه كانوا من الحاضرين عمتها حصه..
(اخت ابوها وعندها بنات اكبرهم سحر وبعدين سمر وبعدين ساره وعندها ولدين اواحد ماجد والثاني فيصل.. وزوجها اللي يشتغل مع ابو جمانه في نفس الشركه اسمه ابو ماجد )
وبناتها سحر وسمر وساره كانوا من الحاضرين وكان الكل كاشخ وكأنه حاضر عرس مو ملكه
جمانه كانت جالسه مع نوره صديقتها اغلب الوقت طبعا هي اخت العريس
(نوره صديقة جمانه بالجامعه فكل اخبارجمانه عند نوره وكل اخبار نوره عند جمانه نوره تحفظ السر ومستحيل تقوله لاي احد وهي شاطره بدراستها وهي مخطوبه من يوم ما كانت بثالث ثانوي لولد خالة جمانه محمد وعمرها 20سنه في ثاني جامعه )
انضمت لهم جواهر ودخلت معهم في السوالف وبدو يسولفون عن الجامعه بما ان جواهر معهم في نفس الجامعه كانوا يتكلمون عن الدكاتره ويعلمون جواهر كيف التعامل معهم لانها في اولى جامعه(جواهر (بنت خالة جمانه وهي بنت فاطمه وهي اصغر منها بسنه يعني هي باولى جامعه وعمرها 19 هي وحده مرحه وتحب تقرا روايات وتحب الجمعه والفله ومطنشه الدراسه وتموت في شيء اسمه نت وماسن )
جت سحر مع جواهر لهم وكملت معهم سوالف عن الجامعه لانها بعد معهم في الجامعه (سحر بنت عمتهاوهي كبر جمانه وترتيبها بين اخوانها الثالثه ماجد وبعدين فيصل وبعدين هي تحب تهتم بنفسها تحط الخلطات والكريمات ع بشرتها والزيوت ع شعرها وجسمها ودها تصير حلوه مره مثل جمانه لانها مو حلوه مره عاديه ومو مهتمه بالدراسه كثير )
اخوات سحر جلسو مع البنات الحاضرين اللي من اقاربهم من بنات خالات او عمات كانو يسولفون عن المدرسه وعن جمال جمانه وكيف طالعه حلوه مره
وكانوا يحسدون فهد ع جمال جمانه
ساره : بنات شفتوا جمانه كيف طالعه قمره
البنات كلهم :ههه قمره
سمر :وش قمره قمر يابنت
ساره :ههه وش اسوي غلط وانتوا ما قصرتوا
ساره : طيب سؤال وش رايكم بفستانها ؟؟
لولوه مره كيوت
سمر : ليتني أختها وتختار لي ذوقها جنان
ساره: صدقتي..
(ساره اصغر بنات ابو ماجد هي آخر العنقود مثل ما نقول طبعاً هي دلوعة ابوها محد يقدر يقول لها شيء اذا كان ابوها موجود ..عمرها 15 في ثالث متوسط بنت ناعمه وما تحب الرجال تحس انهم بشر بلا قلوب .........الباقي تعرفونه بعدين )
لولوه (بنت جيران جمانه وهي كبر ساره )
لولوه :شفتوا فلم الرعب اللي جا امس الساعه 12:00 في الليل
سمر :ايه روعه بس فاتك امس
ساره :تكفين لا تقولين سمر تكفين
سمر:ههه الا بقول بنات تبون اقول صح
البنات كلهم :ايه
ساره :لا عشاني قولوا لا
سمر :لا خلاص قالوا ايه اسمعوا امس يوم كنا مجتمعين ونتابع الفلم طبعا بما انه رعب طفينا الانوار عشان نعيش الجو
ساره :تكفين لا تكملين
سمر: خلاص وش بقى خلينا نكمل
البنات كلهم :ايه تكفين كملي
سمر تكمل : ايوه بعد ما طفينا الانوار بساعه وحنا مندمجين مع الفلم الا صوت ساره تقول لا وخر عني تكفى
البنت كانت تحلم ههه
البنات كلهم :ههه
ساره :سخيفه انتي وياهم كذا تخلينهم يضحكون علي
لولوه: عادي ما صار شيء لا تزعلين
سمر تبوس خد اختها :خلاص سامحيني بس انا كان ودي نغير جو
ساره ابتسمت ابتسامة رضا :خلاص سامحتك بس لا تعيدينها
سمر :من عيوني
(سمر اخت ساره وسحر وهي اصغر من سحر واكبر من ساره بنت مرحه جدا راعية مقالب وعمرها 18 في ثالث ثانوي اخر سنه لها بالمدرسه بنت شاده حيلها مره تبي تجيب نسبه وترفع راس ابوها )
في الجهه المقابله للبنات الصغار في نفس المجلس كانت جالسه جمانه مع البنات وسوالف
وصديقات جمانه حنين وندى ومها كانوا جالسين مع جمانه ونوره وجواهر وسحروكانت كل الجلسه سوالف وضحك كانت الجلسه ما تنمل بس اللي عكرها يوم ناداها اخوها خالد
خالد( شخص مرح راعي فله يحب الطلعه مع الشباب فقليل وجوده في البيت ما يفكر في العرس رغم انه مخلص الجامعه وهو يشتغل مع ابوه في الشركه )
خالد : ماري( الشغاله )
(الشغاله )ماري : نعم بابا يبغى شيء
خالد : نادي جمانه
(الشغاله )ماري: طيب بابا
راحت تنادي جمانه
جمانه : نعم وش تبين
(الشغاله )ماري: بابا خالد يبغاك
راحت لخوها اللي عطاها مهرها والشبكه وقال ان فهد راح عشان يلحق ع رحلته وقال سلمني عليها
هي طبعاً خنقتها العبره وضاق صدرها في نفسها قالت (هذا وهو اول يوم لنا سوى كذا اجل باقي الايام وش راح يسوي )
لاحظ خالد الضيق عليها فحب يغير الجو
خالد: يا حلوه يا عروسه وين سرحانه عسى مو في الحبيب تراه توه طالع يمديك تلحقيه خ
جمانه ناظرته:ولا شيء والله يحفظه
خالد : دامه ولا شيء اجل روحي وكملي الجلسه معهم لاني بروح للرجال
ابتسمت : اوكي روح وانا بروح
ابتسم وراح
بس هي ما راحت عند الحريم رقت لغرفتها تصيح
نوره استغربت وراها تأخرت وهم الحين بيروحون وهي تبي تودعها
نوره :بنات ما كن جمانه تأخرت
سحر وجواهر :ايه صحيح وينها لها تقريبا ساعه
ندى: معقوله تكون كل هالوقت عند فهد
نوره في نفسها فهد ما راح يشوفها لان وراه رحله بس وش اقول :مدري لا ما ظن
وش راح تكون ردت فعل جمانه ؟؟
ووش يفكر فيه فهد ؟؟

البارت الثان2ي
أحبك ولو كنت بعيد .. أحبك ولو صديت عني ..
نوره استغربت وراها تأخرت وهم الحين بيروحون وهي تبي تودعها
نوره :بنات ما كن جمانه تأخرت
سحر وجواهر :ايه صحيح وينها لها تقريبا ساعه
ندى: معقوله تكون كل هالوقت عند فهد
نوره في نفسها فهد ما راح يشوفها لان وراه رحله بس وش اقول :مدري لا ما ظن
فاتصلت عليها
فوق جمانه سمعت الجوال يرن فردت بعد ما مسحت دموعها وعدلت جلستها
جمانه : الوو
نوره :وينك
جمانه :ليش فيه شيء
نوره : لا بس بروح وودي اودعك فبل اروح
جمانه :خلاص الحين نازله
نوره : نازله ليه وش قاعده تسوين فوق ؟؟
جمانه : خلاص هذا انا نازله بس كنت أعدل بكياجي خرب شوي <<طبعاً تصرف
نوره مو مصدقتها بس ما حبت تضايقها:طيب انتظرك
نزلت بعد ما عدلت مكياجها
شافة نوره لابسه عبايتها
ودعتها والتفتت تدور صديقاتها ندى وحنين ومها
جمانه :نوره وين البنات
نوره :راحو قبل شوي كانوا مستعجلين تعرفين اخو حنين ما يحب ينتظر فقالوا سلمينا عليها
جمانه :الله يسلمهم خساره ما ودعتهم
نوره :الا وش كنتي تسوين قبل شوي
جمانه :ولا شيء
نوره :شلون
جمانه :نوره بعدين يالله امك بتطلع (كانت تصرف ما تبغى تقول لها انها تصيح من تصرف اخوها )
نوره :طيب يالله مع السلامه يا قلبي
جمانه :بايو
جمانه رجعت للواقع فراحت تناظر رسالته لها آخر رسالها ارسلها امس
أنا أبعد ،
و أتأخر ،،
لكني أبد ما أنسى ..
ولا أجفا ،
ظروف أحيان تشغلني.. وتبعدني عن أحباب ي ،
بس
بصادق إحساسي ..
أمد الكف آنا و اسأل
من المولى ..
يزيد أيامهم فرحة ،
يزيد أبدانهم صحه
وقالت ورا ما ارسل له
أرسلت لفهد مسج
. .
على درب " الأمل " أرسم خطاوي ( ضحكتي ) للحين !
وأنا أدري " لا أمل باقي " ..
ولالي
للض ح كه ..!
. .
. .
المهم مابقالي .. من أحاسيس .. وأجي
..!
وحيد .. ولاعلى بالي سوى .. " إنسان " ناسيني !
و أ ط ي ح !
وتنفتح من باب هالظلما / طيوف النور !!
واناديني ( أنا ويني ) ويرجع لي الصدى
!؟
رد عليها فهد بمسج وقال
انتظريني بعد اسبوع
على الهاف مون
ليلة الخميس
وعلى ضوء القمر
ستحلو الجلسه
انتظري عودتي
..............
فهد ( أخو صديقتها نوره في الجامعه شخص يحب نفسه كثير ومغرور بجماله فكل البنات يخقون عليه مو راعي بنات ولا مغازل يحب يسافر سواء له شعل ولا ماله له صديق واحد يثق فيه هو محمد ولد خالة جمانه وخطيب اخته نوره )
ردت عليه بمسج وقالت
يعني ايش انتظاآر .. ؟
كلمة تجمع من خليط المفرداآت البؤس كله ..
كلمة تعني احتضاآر .. !
وانهياآر .. !
وانكساآر .. ؟!
وكل لحظاآته مراآر .. !
...................................
هناك في سوريا الساعه 11:30 قرا رسالتها واستغرب جمانه البنت اللي ما تحب تزعل احد ولا تزعل من احد الا ع شيء كبير ترسل رساله مثل كذا
اكيد فيه شيء كبير مكدرها
فكر يدق عليها ويشوف وش فيها
فهد اتصل :ينتظر رد
جمانه محتاره ترد ولا لا قررت ترد :هلا
فهد:هلا فيك كيفك
جمانه :تمام كيفك انت
فهد:بخير دامك بخير
جمانه:دوم يارب
فهد :وياك <<سكت شوي وبعدين قال
فهد: جمانه فيك شيء
جمانه ساكته ما تدري وش تقول :..................
فهد :انتي زعلانه
جمانه :ليش انت حاس
فهد:جمانه انتي زعلانه يعني
جمانه انفعلت :تبغاني ارضى بملكه كذا ترسل الشبكه مع اخوي وتقول سلمني عليها بس
فهد:بس عشان كذا
جمانه :يعني هذا عندك عادي مافكرت تسلم علي مافكرت بمشاعري كأنثى ما راح اخذ من وقتك الا دقايق
فهد:جمانه انتي عارفه انه عندي رحله
جمانه :كان اجلة الملكه قدمتها سويت اي شيء هذا مو حال
فهد:اوعدك يا الغلا بجلسه وطلعه احلى منها ما تلقين بعوضك عن هذا اليوم بس انتظري رجعتي
جمانه : فهد انا ما ابغى طلعه ما ابغى شيء غير اننا نكون احباب ما ابغى نكون بعيدين عن بعض ابغى تكون ايامنا احلى ايام ما ابغى يوم يكون حلو وعشره لا
فهد حس انها متضايقه حيل :جمانه حبيبتي اوعدك بحياة احلى من حياة العشاق وانتظري اتصال مني في كل يوم مرتين
جمانه حست انه حس فيها:فهد قل وعد
فهد:وعد يا قلبي
جمانه :انتظر اتصالك
فهد:سكري وبتصل عليك
جمانه:ههه
فهد:يا محلاها ليش حارمتني منها
جمانه استحت :...........
فهد:جمانه انتي وش اكثر شيء تحبينه
جمانه :ليش
فهد:بدون ليش جاوبي
جمانه:طيب حدد
فهد:لا جاوبي بسرعه
جمانه: ايسكريم باسكن روبنز
فهد:اها يعني هو اغلى مني
جمانه: ههه بس انت ما حددت
فهد:خلاص لا تكلمين زعلت
جمانه :ههه
فهد:ههه
جمانه :فهد خلاص بسكر
فهد :مليتي مني افا
جمانه :لا والله بس عشانك تعبان والوقت متأخر
فهد: ياقلبي انا ما يهمني الوقت دامك معي لو اجلس للفجر الثاني مو مهم دامك معي
جمانه:........
فهد: جمانه؟!
جمانه:........
فهد: ياعيني على اللي يستحي اموت فيهم انا..
جماانه: فهاد
فهد: عيون فهد قلب فهد روح فهد آمري تدللي
جمانه: باي
فهد:ههه
طوط طوط
جمانه خجلانه من فهد وفرحانه حيل بنفس الوقت حست انه عنده احساس وانه من البشر (ضحكت ع كلمتها من البشر اكيد هو من البشر
بعد خمس دقايق جاها صوت مسج
وكان المرسل فهد
موقف وجا مني على غير مقصود
وجاك العذر واستسمحك عن خطايه
مشكلتي اخطيت وانتي حساسه ٍبزود
تأثرتي بالموقف وهذي الحكاية
ولولا الغلا ماني على العذر محدود
لكن عشانك جبت كل ماورايه
ابتسمت ابتسامت رضا وحست انه يحبها فراحت تدور له رد
مالقت رد قالت بكتب له انا
كتبت
يا روحي كذا كل البنات
حتى الكلمه وهي كلمه تجرحهم
فطول بالك علي كان لي مكانه في قلبك
وارسلت بعده على طول مسج ثاني
كان هالدنيا خذت مني
وجودك
تتعب الدنيا ولاتاخذ
غلاك
بعد ما جاه المسج كان وده يرد بس آذان الفجر اخذه فراح يصلي
~~~~~~~~~~~~~~~~~~~~~~~
في بيت ابو خالد ..
ابو خالد وام خالد جالسين ع الفطور وينتظرون عيالهم ينزلون ..
ابو خالد : وين العيال ما كنهم تأخروا ..
ام خالد : مدري بروح اشوفهم .
دخل عليهم خالد..
خالد: السلام عليكم .
ابو خالد & ام خالد : وعليكم السلام
خالد : صباح الخيرات
ام خالد : صباحك مسرات يا وليدي
ابو خالد: صباح النور
ابو خالد : وين اختك
خالد : ابد اكيد قاعده ع شوشتها ههه
جمانه دخلت عليهم ..
جمانه : مين اللي قاعد ع شوشته
خالد : محد.. من قال
جمانه : متأكد
خالد : ايه تتوهمين
جمانه : اسكت ما صبحت ع مامي وبابي
خالد: صبحي عليهم هو انا رابطك
جمانه : صباح الخير فذر ومذر
ابو خالد & ام خالد : صباح النور
خالد : يالله استعجلي لانه وراي مشوار
ام خالد : ما بعد افطرت وانت بعد وش معجلك
خالد : وراي شغله ودي اخلصها قبل اروح للدوام
ام خالد : الله يحفظك
جمانه : اذا انت مستعجل باخذ الشغاله وبروح مع السواق للجامعه
خالد : اجل بكيفك يالله انا طالع تامروني شيء
ابو خالد& ام خالد : سلامتك
ابو خالد : يالله وانا بعد بطلع .
ام خالد : الله يحفظك
~~~~~~~~~~~~~~~~~~~~~~~~~
في بيت ابو محمد
جواهر نازله وهي تدندن
ابو محمد : يالله صباح خير
جواهر : صباح الخير بابا وش فيك
ابو محمد : من له خلق ع هالصبح يدندن
جواهر : انا يا بابا
ابو محمد : ههه طول عمرك رايقه ودوم يارب
جواهر : بابا فلها وربك يحلها
ابو محمد : ايه يا بنتي توك ع الهموم بعدك صغيره
جواهر : يا بابا انا بالجامعه وصغيره
ابو محمد : ايه صغير ولا تبين اقول عجوز
جواهر : لا صغيره ارحم
ابو محمد : ههه
محمد دخل عليهم : ما شاء الله اليوم مروقين
ابو محمد : اختك تخلي اللي مو مروق يروق
محمد : صدقت الا وين امي
ابو محمد : راحت للمطبخ ولا رجعت
جواهر : بروح اشوفها ..
ابو محمد : بشر كيف الشركه
محمد : ما عليك يا يبه بيد امينه ان شاء الله وامورها ما شيه الحمد لله
ابو محمد : والله يا وليدي خففت علي كثير
محمد : ماسويت شيء
ابو محمد : الله يعينك ويجزاك خير
محمد : يالله يبه انا بروح تامرني بشيء
ابو محمد : سلامتك
محمد : الله يسلمك
ام محمد : وين يا محمد بتروح
محمد : ايه يمه يالله سلام
ام محمد : الله يحفظك
~~~~~~~~~~~~~~~~~~~~~~~
في مكان اخر في الجامعه كانت نوره تنتظر جمانه من بعيد لمحت حنين اللي كان مبين عليها انها معصبه
نوره :صباح الخير
حنين:هلا صباحك فل
نوره :وش فيك معصبه
حنين :ومن غيره ينرفزني
نوره:مين بدر
حنين من غير نفس: ايه
نوره :وش مسوي
حنين :سحبني من غرفتي يقول يالله قبل لا اتأخر
نوره:ههه
حنين :وش وراك اخوك ما سوى فيك كذا
نوره :آسفه يا قلبي
جمانه :صباح الورد بنات
نوره وحنين: هلا وراك تأخرتي
جمانه: لا بس راحت علي نومه
حنين متقصده تحرجها : مع مين سهرانه
جمانه ووجهها احمر : مو مع احد ليش تسألين
حنين :علينا
نوره تقطع الحوار لانها ما تحب صديقتها تكون في مواقف محرجه وتسكت فصرفت الموضوع
نوره :يالله قبل نتأخر ع المحاضره
جمانه وهي تحمد ربها اللي افتكت من هالموقف جمانه مع حنين :يالله
~~~~~~~~~~~~~~~~~~~~~~~
في بيت ابو ماجد (بيت العمه)
ماجد : يالله استعجلوا مو فاضي لكم
ام ماجد : وش فيك يا وليدي ع اخواتك خلهم يفطرون زين
ماجد : يمه انا مو فاضي لهم وانا كل يوم اسجل تأخير بسببهم نمر بعد هالفطور البوفيه
ام ماجد : وشوله البوفيه
ماجد : مدري عن بناتك اسأليهم
ام ماجد : هاه يا بنات وشوله البوفيه وانتم مفطرين بالبيت وماخذين مصروفكم
سمر : يمه البوفيه فطورها احسن
ساره: ايوه يمه هي احسن
ام ماجد : يوم انها احسن اجل وشوله تقعدون ع الفطور
ساره : لازم يمه نذوق فطورك تعرفين من يدينك غير
ام ماجد: اقول لا تقعدين تخربطين علي وروحي لبوفيك
ماجد &فيصل : ههه
سحر : يالله ماجد قبل أتأخر ع الجامعه
فيصل : وانتي همك نفسك ما فكرتي فينا اللي كل يوم نسجل تأخير بسببكم
سحر : وانا وش دخلني
فيصل: وشو اللي وش دخلك مو انتي ساعه عشان تجهزي
سحر : خلاص وبعدين هذا انا جاهزه
ماجد : خلاص بسكم يالله مشينا
فيصل: ماجد قررت قرار خلاص انت خذ سحر دامها ع طريقك وانا بآخذ سمر وساره
ماجد : يكون أفضل
ام ماجد : يالله يا بنات استعجلوا لا تتأخروا ولا تمروا البوفيه
ساره : لا يمه تكفين كل شيء الا البوفيه
سمره : غيبي احسن ههه
ساره : لا اليوم مسوين حفله يعني لازم اروح ولازم امر البوفيه
فصيل : ولا يهمك من عيوني نمر البوفيه
ساره راحت تبوس اخوها : أحبك فصول
~~~~~~~~~~~~~~~~~~~~~~~~~
انتظروا البارت الثالث قريباً

السلام عليكم ،،
تسلم يدينك خيتو
انا قريت وتحمست مره ههه
تكفين نزلي البارت الثالث بأأسرع وقت الله يخليك :(
بإنتظارك يابعدي ~

يسلموا نستني و نشجع

وين البارت الثالث :(
بليز نزليه الله يخليك
مره احتريت تنزلينه ولا نزلتيه
اذا ماعليك امر الله يخليك تنزلينه اليوم قبل بكرا لأني بنهبل

نستناك

وين البارت :(
احترينا واجد وينه تكفين << مافيها صبر ههه
واجد طولتي حرام عليك