قلولي كيف اتصرف مع شغالتي

عجبتني قصه قريتها اليوم في المنتدى وهي قصه المدرسه اللي اكتشفت ان زوجها على علاقه جنسيه مع
الشغاله وانتظرته الى ان سافر في في رحله عمل وسفرتها ولما رجع وسئل عنها قالت له انها طاحت
عليهم وودتها المستشفى وكشفوا عليها ولقيوها مصابه بالايدز !!!!
والله طلعت داهيه بس بعد فوات الاوان ........ مشكله تواجد الخدم في بيوتنا صارت مشكله مالها حل
والوحده منا صارت مرتاحه جسديآ بس ماهي مرتاحه نفسيآ.. خايفه على عيالك تسوي لهم شئ
خايفه على نفسك تسويلك عمل .. خايفه على زوجك تغويه.
طبعآ انا بقو لكم اش مناسبه هذا الكلام .... انا قبل كم يوم قالي زوجي اليوم صحيني متاخر شوي
لان دوامي متاخر قلت له طيب وبعد ما صليت الفجر دخلت اطمن على عيالي وقلت يالله بنسدح عندهم
شوي الين الساعه ترن .. الساعه ثمانيه رنت الساعه عند زوجي وكنت انا دايخه نوم قلت اكيد هو بيقوم
من نفسه بس مافيه فايده جلست ترن الساعه يمكن لمده دقيقه وما صحي اخينا في الله قلت يابنت قومي
صحيه عشان ما يتاخر على الدوام يوم طلعت من غرفة عيالي الا الشغاله جالسه في الصاله تنظف السيراميك
و جالسه في الممر اللي يودي دورة المياه وانتم بالكرامه لانها عارفه ان زوجي
يوم يصحى يروح دورة المياه على طول وهي سامعه الساعه ترن عارفه انه بيصحى الحين..تدرون وش مسويه
الحبيبه جالسه مقابله لباب الغرفه ورافعه قميصها الين فوق الركبه وطبعآ ماهي لابسه بنطلون معني مشدده
عليها في لبس البطلون وما تتركه ابد انا مابغى اظلمها احيانآ اقول يمكن ما قصدها.. .. بس ليه ماكانت
لابسته ذاك اليوم!!! وليه كانت مرفعه القميص.؟؟. وليه يوم سمعت الساعه ترن ما سترت نفسها؟؟ وليه كانت
تنظف الممرفي ذاك الوقت بذات وكانت بجلستها مقابله باب الغرفه؟؟
طبعآ بتسئلوني وش كان ردت فعلي .. الله لايوريكم يابنات احس الارض دارت فيه ولولا ستر ربي كان
اعيطيتها كف يخلع لها وجهها هي طبعآ تفاجئت فيني قومتها ووديتها غرفتها واعطيتها درس في الاخلاق
وان هذا بيت محترم وانها اذا تفكر تسوى شي غلط لاتلوم الا نفسها.... بس والله يابنات اني دايم الوم نفسي
وقول يمكن ما قصدها بس صعبه اسكتلها وانا شايفه منظرها بهذا الشكل حتى هيه ممكن تتمادى اذا شافتنى
مررته بسهوله.. بس والله يابنات كل ما اتخيل زوجي طلع وهي بذاك الشكل يجيني حاله الله العالم فيها .
على فكره يابنات ترى زوجي محترم ويخاف الله .. بس احيانآ افكر اذا كانت تسوي حركات من هذا النوع
هل ممكن تضعف نفسه في يوم من الايام وهل فيه رجال ممكن يتحمل اغراء مره موجوده معه في البيت؟؟
كيف ممكن اكرهه فيها او ابعدها عنه .. وللمعلوميه ترى زوجي ما يكشف عليها ولا يحتك فيها وانا منبهه
عليها ماتكلمه ولاتدخل علينا قسمنا اذا هو موجود .. بس اكتشفت انها ممكن تاخذ راحتها اذا انا نايمه او
خارج البيت الله يكفينا شرها هذا اللي اقوله وبس .................وش الحل في نظركم يابنات.
نفسي اكون بدهاء وذكاء تلك المدرسه بس قبل لايفوت الاوان .