قهوه فرنسية وانواع قهوه كثيره بس ما اعرف الطريقه مين تعرف

غالية المشاعر

09-12-2022 - 05:28 pm

السلام عليكم فراشات
كيفكم وكيف رمضان معاكم .... هالله هالله بالطباخ ترى ريحته واصله لين عندي
المهم يا بنات ... انا دخلت محل خاص بالشوكليته والمكسرات والقهوه
وحصلت عنده انواع قهوه فرنسية ، قهوه بالبندق، قهوه بالكريم كراميل، قهوه بالشوكولا ، وقهوه عربيه
طبعا القهوه العربيه معروفه طريقتها بس بقية انواع القهوه خاطري اجربها بس ما اعرف طريقة تحضيرها
اللي تعرف تساعدني الله يساعدها ويحقق لها كل أهدافها يارب

التعليقات (6)

ضيء الروح

09-12-2022 - 08:44 pm

حبيت أقولك في المكتبات كتب خاصه بالقهوه

غالية المشاعر

09-12-2022 - 09:45 pm

يسلمو ع الرد يا الغلا
وموفقه يارب

عيون بريده

09-12-2022 - 10:46 pm

السلام عليكم
كيفك ان شاءالله بخير
ادري ردي متاخر بس توي اشوف الموضوع
انا عندي القهوه الفرنسيه رروعه
المقادير
2 ملعقة صغيره قهوه فرنسيه
علبة واحده حليب ريمبو -حليب أبو قوس
ملعقه صغيره كاكاو بودره
نصف ملعقه صغيره نسكافيه
3 ملاعق صغيره سكر
رشة فانيليا
نصف كأس ماء
الطريقه
نغلي الحليب والماء على النار و نضيف عليهم القهوه الفرنسيه والكاكاو
والنسكافيه والسكر ورشة فانيليا ، نخلط المكونات مع بعض وهي على النار لين
نحس انها تمازجت مع بعض
طبعاً بخصوص المقادير ممكن تقللون من بعض الأشياء أو تزيدونها بحسب
الرغبه ، بس المقادير الموجوده بالنسبه لي مناسبه
ان شاءالله تعجبك
إدعوا لي ان الله يحقق منايه ويقرب اللي في بالي
فمآآن الله ..

ددموع الورد

09-12-2022 - 11:47 pm

القهوه الفرنسيه من الرفاعي
او من وين

عيون بريده

10-12-2022 - 12:48 am

احلى شي من الرفاعي بنكهة البندق..

انثى طفوليه

10-12-2022 - 01:49 am

بنات بكم يبيع الرفاعي القهوه الفرنسيه بالبندق نصف كيلو

starbucks←
عصير المانجو بالآيسكريم و الفواكة→