قواعد اساسيه قبل الرجيم

1. علشان كذا الصبح لازم غذاء صحي


2. 2- الريوق ( الفطور) مهم جدا جدا جدا جدا..

قواعد اساسيه قبل الرجيم
بعطيكم فكره بسيطه للتخليص من الشحوب الي في الويه..
اهم فترة تعطي تأثير على الوجه هي فترة الصبح
يعني شدو حيلكم واصحو بدري حدكم لساعه 11
(انا مجربتها شخصيا كنت اسهر ما نام الى وجه الفجر
يابنات ما اكذب عليكم اسبوع على ها الحال وصرت مثل حقين المخدرات الي يطلعون في التلفزيون السواد تحت العين والوجه اصفر والمزاج زفت)

علشان كذا الصبح لازم غذاء صحي

• اذا كنت من النوع الي ماله نفس يفطر الصبح عليك باستغلال الموقف واكلي تفاح اخضر على الريق ولاتاكل أي شي معاه لغايه الساعه 12الظهر سواء المويه لان ينظف الجسم والمعدة من السموم في فترة الصبح بس ولو استمريتي عليها لمدة اسبوع راح ينظف الجسم وتحسي براحة
• شرب عصير برتقال طازج الصبح والفطور بعد نص ساعه
• اكل علبه زبادي بعد الغداء بساعتين
• شرب عصير جرز طازج قبل النوم

وعشان الويه والجسم يكون صحي ونشط في نفس الوقت..
1- الصلاه أول شي..
حتى ينور وجهكم ويخلي الي يشوفه تفتح نفسه ويرتاح لكم.. وصدقوني ان الصلاه يريح القلوب وينور الوجوه..

2- الريوق ( الفطور) مهم جدا جدا جدا جدا..

وللاسف 80% منا نحن الخليجيات نهمل وجبة الفطور.. الفطور مهم جدا لجسمنا..
3- الرياضه.. على الاقل مشي 30 ساعه أو تحريك الجسم عن طريق تنظيف الغرفه بنفسك.. او الجري.. أو دخول المطبخ والمطيخ تتحركين.. ويوم تذاكرين تمشين في الصاله أو حديقة المنزل.. أو عن طريق الرقص.. فلجسم محتاج نص ساعه على الاقل رياضه عشان الاوعيه الدمويه تتنشط والدم يجري في الجسم.. واول ما تقومين الصبح غسلي وجهك وثم لعبي الرياضه وبعده ب ثلث ساعه خذي الفطور أو خذي الفطور وبعد نص ساعه الرياضه..
4- المأكولات الصحيه.. يعني كيف نعرف ان هذا الغذاء صحي والا لا؟؟ أوكيه نعرف بانه صحي اذا كان مب متروس دهن ( متوسط الدسومه) يعني نسبة الدهن في الاكل قليل.. ونكثر من أكل الخضروات والفواكه.. وننوع بالاكل.. واكثرو من الخضروات الخضراء (خس+بقدونس +الجرجير..الخ)..
5- شرب السوائل بكثره.. حليب+ عصاير+ الماء+ شوربه..
6- أكل التفاح كل صباح
7- المحافظه على 3 وجبات اليوميه.. وبعد كل وجبه تأكلون المقبلات بنسبه بسيطه وخفيفه..
8- ابتعاد عن الشاي والقهوه (المنبهات) والمشروبات الغازيه.. والكاكاو والشوكولا اذا حبيتو تاكلون طبعا اكلوه بنسبه بسيطه..
9- وابتعدو عن الماكولات الحاره والدقوس و التباسكو وهالسوالف.. وخاصة الي يعانون من ظهور الحبوب في الوجه وثانيا تخرب البشره تخريب البلاء..
10- ابتعدو عن الماكولات السريعه (فاست فوود) ترى ما منها فايده.. وما فيها ولا قيمه غذائيه.. وابتعدو من أكل الكفتريا مرض مرض مرض.. الله يعلم كيف يطبخون وكيف يسوون الاكلات والله يعلم جان يغسلون ايدهم والا لا..
11- اول ما تقومين من النوم الصبح بعد الصلاه.. افتحو شباك الغرفه واستنشقو الهواء الطازج وغيرو الهوى الي في الغرفه كل صباح.. واذا عندكم حديقه بالبيت روحو واقعدو فيه وريحو اعصابكم في الهواء الطازج الطلق..
وصدقوني بتكونون صحيين.. جربو وادعولي بالوظيفه وتسلمون..