قولوا وداعا لرائحة الكشنه عندي ما يفيدكم

السلام عليكم ورحمة الله وبركاته
اليوم قررت اني ما اكتب لكم عن مشاكلي اللي تضيق الصدر
وفتكرت طريقة روعه كنت اسويها لما كنت عند زوجي وكانت جدا
مريحتني في المطبخ وستفدت منها وقلت اقول للبنات عنها
وان شاء الله يستفيدوا زي ماستفدت
اللي تتعب من البصل والكشنه والريحه اللي تمسك في الملابس والبيت
وغير كذا طعمها مره حلو
نبدأ بسم الله
خذي تقريبا عشر بصلات وقشريها وقطعيها واربع كور من الثوم مو فصوص لا
الحبه الكبيره وقشريها وخلطيها كلها مع بعض اوكي
وخذي قدر كبير وحطي زيت كميه شوي تغطي البصل والثوم وشغلي عليها النار
وقطعي تقريبا 15حبة طماطم كبيره او20حبه وقطعيها في الخلاط من غير مويه
واذا حمرالبصل حطي الطماطم عليها وعلبة صلصه كامله وبهارات وكرتونين ماجي
واضبطي الملح خليه مزبوط مو كثير ولا قليل وغطي عليه ورخي النار وخليه
يتسبك مدة ربع ساعه وبعدين شيليها من فوق النار الين ما تبرد ووزعيها في برطمان
وحفظيها في الثلاجه واذا جيتي تسوين شوربه او كبسه او بيتزا او ايدام او اي
شيء يحتاج كشنه خذي منها مقدار ملعقتين اذا ما كانت العائله كبيره
وحطيها في القدر وخليها تغلي شوي وحطي عليها يالحمه او دجاجه وخليها تتسبك
شوي وزيديها بهارات وملح او ماجي وبس وربي راح تاكلين اصابعك وراها
والبيتزا بس تفردينها فوق العجينه وتضيفين الاضافات الثانيه فوقها مثل الفلفل الرومي
وهكذا
وتكون ريحة الكشنه بس في اليوم اللي سويتي فيه الخلطة هذي وبس
وبعدين وداعا لها
وممكن تدبلين الكميه ولا تخرب لان فيها ثوم وهو ماده حافظه
وانا كنت اسويها وتكفيني من اسبوعين الا ثلاث اسابيع
لان زوجي كان يحب البخاري وكل يوم وانا اسويه في السحور
وغير الشوربه والمكرونه والبيتزا في الفطور
وكمان كنت اسويها في الايام العاديه علشان تريحني في الغداء
وبس
ان شاء الله انكم تجربونها وتستفيدون وادعولي ان ربي يفرجها علي قريبا
ويخليلي عيالي وبنتي وما انحرم منهم واهلي كمان
بالله عليكم اللي تجربها وتعجبها انها تقول لي
والله ولي التوفيق
ملاحظه اذا اخذتي منها لازم تكون الملعقه نظيفه يعني ما فيها اثر بهارات
او شيء علشان ما يصير تعفن في الخلطه
ودمتم