كرهت زوجي كره ما بعده كره ما دري فين المشكله

السلام عليكم
بنات انا راح ادخل في الموضوع
انا من جد كرهته وكرهت كل شئ منه وما ابيه
ولا ابغى اعيش معاه
اتغير 180 درجه ولمن اقول له اتغيرت يقول عشان العمل مع انه عمله ما هو متعب وحلو وهو يحبه
بس يكذب عليا وانا ما استحمل الكذب والله قلبي يتقطع في كل شئ يكدب حتى لو يقول احبك ما صرت احس فيها
زي اول كا نه يقول السلام عليكم ما في احساس
واسفه على التعبير كرهت النوم معاه ما ابغى واذا سويت شئ معاه يكون غصب عني
وهو ما يعرفني الا وقت النوم ولا يتكلم معايا زي اول ويشوفني اتعور او انحرق ما يسال رغم انه اول كان يخاف عليا الحين لا
مره اتعورت ولا سال ولا قال ايش فيك وجلس في المي وابكي وهو ما في احساس
وكم مره اتعورت ونفس الحال قولت له ليش صرت انا ما اهمك ما يرد عليا
ويا بنات تعرفوا يعني ايش وحده تكره زوجها يعني ما اقدر اعيش معاه خلاص نفسيتي تعبت وما ابغىى انا قلت له طلقني لاني ما ابيك قال لا ايش تبغين النا س تقول اني فشلت في حياتي الزوجيه قولت انتى خلاص فشلت
حتى عيد زواجي ما ابغى احتفل بيه لانه مافي حب عشان احتفل
غير كده اخواته البنات يتكلموا فيه رغم اني بعيده عنهم وعن اسلوبهم بس هم شافوا اني ما اتكلم ولا ادافع عن نفسي
اقول زوجي يأخذ حقي بس للاسف ما يسوي شئ يقول ايش اسوي
طيب انا مين ياخذ حقي ويبهدلوني قدام الناس وام زوجي تضحك وبس ولمن اقول لها شوفي يا ماما تضحك وتسكت
بنات ساعدوني خلاص ابغى الفكه منه وكفايه تمثيل عليا تعبت منه
ايش الحل في رايكم اطلب الطلاق لا تقولوا ليا اصبري ما عندي صبر صبرت كتير
والله يا بنات اني ما قصرت معاه في شئ وانا ماتغيرت عليه من يوم تزوجته