كعكه شوكلااته جديدة بالصوص صور

السلام عليكم ورحمة الله وبركاته
هذي كيكة جديدة ورائعة وهشة
وهذا شكلها
تجن صح ؟
خذوا الطريقة وخلوني أشوف تطبيقاتكم :
المقادير :
2 بيضة
كاس ونص سكر
ملعقة صغيرة فانيليا
ربع كاس زيت
نصف أصبع زبدة لينة
علبة زبادي
كاس ماء مليان
كاسين دقيق
6 ملاعق طعام شوكولاتة بودرة مرة
2 ملعقة صغيرة بيكنج بودر
الطريقة :
تخلط المقادير حسب الترتيب السابق بالخلاط
البيض ينخفق زين ثم نضيف السكر
الفانيليا ,, الزيت والزبدة ,, الزبادي ,, ثم الماء
وأخيراً الدقيق تكونين خالطة معاه الباكينج بودر ( هذي دايماً طريقتي في عمل الكيك عشان يطلع لك نافش وزين )
طبعاً دخليها الفرن على نار متوسطة لمدة 45 دقيقة أو لحد ما تستوي
وما تفتحين عليها الفرن إلا بعد نص ساعة أو أكثر
لما تستوي وتطلعينها من الفرن
خليها تبرد شوي
بعدين حطي عليها الصوص
وهو عبارة عن :
نص أصبع زبدة تذوبينها على النار
ثم تضيفين 2 ملعقة شوكولاته بودرة
ثم من نص إلى ثلاثة أرباع علبة حليب نستلة المحلى الحجم الكبير
أخلطيها زين
ولما تستوي الكيكة وتطلعينها
خليها تبرد شوي
وصبي عليها من الخلطة
وخرمي الكيكة بالشوكة أو السكينة عشان تدخل جوا الكيكة
أو ممكن تستخدمي
( حليب نستلة الجاهز اللي بالشوكولاته )
( وتزين بالبف باستري المفتت بعد تحميره في الفرن ) "أنا زينتها بفستق"
أتمنى فعلاً تجربونها لأنها مرة مررة لذيذذة
وكل من ذاقها يفكرها جاهزة ^_^
وهذي الصور /
هنا أول ما صبيتها في القالب
وهنا لما جهزت
وهنا لما طلعتها ( شوفوا ما شاء الله كيف نفشت )
وهنا صبيت عليها الصوص وزينتها بالفستق
صورة أكبر
منقوللامانة