كلك حركآآآآآآآآآآآآآآآآآآآآآت شي يجنن وخطير

1. اقروا افكارها وسوالفها تهبل ......


2. مقتطفات من حياتي الزوجية


3. طبعا لاتنسي العطر واللبس و و و ........


4. أنا كتبت ......عيونك تبسم لي ....وشفاهك تغريني بشهيات القبل......


5. وصارت هذي الرسالة:

كلك حركآآآآآآآآآآآآآآآآآآآآآت !!

هذي وحده بمنتدى كاتبه افكار عملتها مع زوجها
لا اله الا الله ......
الله لايغير عليمهم ويسخر لها زوجها يارب ...........

اقروا افكارها وسوالفها تهبل ......

مقتطفات من حياتي الزوجية

صباح الورد ع أحلى بنات .....أنا رجعتلكم و حبيت أكتبلكم شي متواضع من أفكاري...ولاأقدر حتى أقول أفكار أوأشياء صعبة...لأنها كلها كانت تجي عفوية بلا تخطيط...ووالله العظيم انها كلها من ابتكاري لا نقلت ولاقريت ولاشي...
1- فطور حب لدفى المشاعر والجسد:بالصباح قدمي لزوجك فطور بطريقة حلوة مرة وهي انك تجيبي قطعتين توست...خذي وحدة منهم واحفري عليها بالسكين كلمة أحبك مثلا وبعدين فرغيها.....وع فكرة ترا سهل الحفر والتفريغ لأن التوست طري مرة...بعدها جيبي القطعة الثانية وادهنيها بالمربى مثلا...بعدها حطي القطعة المنحوتة فوقها...وشوفي كيف راح تطلع جنان...الكلمة مفرغة وملونة كمان...
أنا كتبت أهواك...وحطيتلو مربى ستراوبري....
نجي للشي الثاني...اعمليله أيا مشروب ساخن مثلا حليب....جيبي شوية هيل مطحون أو زنجبيل أو فانيلا....وانثريها ع وجه الحليب ع شكل قلب.....
وقدميله اياه مع التوست ...جاتلي هذي الفكرة فجأة وانا أجهزله الفطور ....وانجن عليها...
2-اعملي هذي الصابونة الخيالية لزوجك...ابشري شوي صابون والأفضل طاووس...وذوبيها واضيفيلها شوي لافندر(خزامى) وشوي بنفسج (طبعا كلهازيوت عطرية)...بعدين صبيها بقوالب...
اما ع شكل قلوب...أو جيبي الأحرف الانجليزية البلاستيك اللي تتباع بالمكتبات وتجي فيها مغناطيس...اختاري أحرف اسم زوجك وصبيها فيها....والفايدة منها....
1- شكلها حلو....2-اللافندر سبب للاسترخاء والروقان....3-البنفسج يلهب المشاعر يخليها نار.
3-سويت هذي الحركة مع زوجي وكانت لحظة حلوة...قبل ماأتزوج أخذت معايا كل ملابسي اللي ليّا ذكريات خاصة فيها مع زوجي ...ومن هذي الملابس الطقم اللي شافني فيه يوم الشوفة قبل أربع سنوات (أطول خطوبة)...المهم...مرة كان جالس بالصالة...قمت أنا دخلت الغرفة ولبست نفس الطقم اللي شافني فيه يوم الشوفة وسويت شعري زي ماكان معمول المهم اني خليت شكلي زي وقت الشوفة بالضبط....وفجأة طلعتله بالصالة...وأمشي بنفس الخوف والخجل...وجلست جنبه بنفس الطريقة والجلسة....
تعرفوا اش صار؟؟؟؟؟؟؟؟........خفت بجد وخجلت وحمر وجهي ...المسكين حتى هوّا يقوللي رجعتيني لأيام زمان...وقلبه شوي ويخرج من صدره حياتي هوا...
4-الحياة الزوجية معناها كبل...تعتمد ع ثنائي بكل شي...هذي القاعدة لو مشيتي عليها والله انكم انتي وزوجك لتصيرو واحد مو اثنين...من تجربتي...أنا وزوجي أوقات كثيرة نلبس نفس اللبس تقريبا...مثلا نلبس جينز مع تيشيرت بنفس اللون...غير اللبس...اشتري كل شي كبل...مثلا فرشة الأسنان اختاري نفس الشكل بس وحدة وردي والثانية أزرق...ونفس الشي بالنسبة للأكواب وصحون الفطور...الديشمبر... شباشب البيت...المناشف...الساعات اشتري الكبل اللي وحدة نسائي والثانية رجالي بنفس الشكل........................ا لخ.
راح تلاقي زوجك مايقدر يشتريله شي الا مايشتريلك انتي معاه وراح يتذكرك بكل لحظة...والأهم انكم تحسوا بمعنى الشراكة والقرب....وانكم فعلا شخص واحد تتقاسمو الحياة...
5-في حركة طلعت معايا صدفة...عندي بنطلون مرة صعب قفل الزر حقه ماأقدر عليه...بالصدفة طلبت منه انه يقففلي هوا...مسكين داخ راح فيها...من بعدها صرت من فترة لفترة اطلب منه يقفلي سحاب الفستان مثلا او يشبكلي السنتيان...طبعا كله بغنج وميوعة....جربوها ترا مافي أحلى من الدلع اذا كان بوقته ومحله .
6-كلام حب باللمسات: احظني زوجك واكتبيله ع ظهره باصبعك..مثلا :أحبك....أعشقك....ومن ذأه الكلام الحلو...وخليه هوّا كمان يرد عليكي بنفس الطريقة...
بالنسبة ليّا: قولت لزوجي حياتي بقولك سر خطير بس أوعدني ماتقول لأحد....قاللي وعد....وطولتها معاه مرة صرت أقوللو أخاف تقول وأحلف وماأدري ايه ....نشفت ريقه...المهم بعدها سويت اني بقوله السر باذنه ولمّا قربت منو كتبتله ع ظهره(......................... ..................)....وهوّا كمان ردلي بنفس الطريقة.
7-اشتري لعبة البازل(الصورة اللي تتركب)....واطبعي رسالة حب ع الكمبيوتر أو اكتبيها بيدك....بعدين لصقيها ع الصورة من ورا وهي مركبة طبعا...جيبي المشرط وقصيها ع نفس القطع وفككيها...بعدين قدميها لزوجك وخليه يركب الصورة علشان يعرف اللي مكتوب وراها.
8-جهزي طاولة صغيرة بغرفة النوم وغطيها بشيفون أحمر طويل يعني خليه نازل ع الأرض وجهة أطول من الثانية...الجهة الطويلة انثري عليها ورد أحمر...ولاتنسي تحطي فوق الطاولة شمعة حلوة مع عشا رايق...وخليها قريبة من جدار......
نجي للمهم....جيبي الورق المقوى والأفضل تختاري لون أسود أكتبي عليها بيت شعر غزل قوي...الخطوة الثانية تجيبي المشرط وتفرغي الكتابة...ذحين جيبي اضاءة قوية أو لمبة لونها أحمر...ثبتيها بجهة مقابلة للجدار اللي جنبه الطاولة...وثبتي قدام الاضاءة الورقة المفرغة اللي كتبتي عليها بيت الشعر....راح يطلعلك البيت بشكل مكبر ع الجدار المقابل اللي جنبو الطاولة ( زي السينما يعني)....وراح تطلعلك الكتابة بلون أحمر بسبب لون اللمبة...

طبعا لاتنسي العطر واللبس و و و ........

أنا كتبت ......عيونك تبسم لي ....وشفاهك تغريني بشهيات القبل......

9-قدميله الفواكة بطريقة حلوة وغريبة:مثلا مرة طبعت ع تفاحة شفايفي (طبعا بالروج)...وروحت قولتلو:حبيبي عمرك ذوقت تفاحة بالعسل...هوّا استغربت...قمت قدمتها له..وقولتله انتبه لايرتفع عندك السكر من كثر حلاها.
ومرة أخذت موزة...وكتبت عليها بطرف السكينة...حبيبي محتاجة لسان طول كذا علشان أقدر أعبرلك عن مشاعري....وخليتها بالتلاجة يوم علشان تسود الكتابة بعدها قدمتها له.
10-مرة خرجنا للشوبينق ولما رجعنا البيت قولتله بعترفلك بشي بس لاتزعل مني....بصراحة ياأنا شوفت واحد يجنن...لو ننخل الدنيا نخل ماراح نلاقي واحد بجماله..صدقني ...قام قاللي متى شوفتيه؟؟؟قولتله قبل شوي بس خفت أقولك...والله لو انتا شفته لكان عذرتني فيه...المهم صرت أمدحله فيه وبشكله وشياكته وأقوله اللي بتاخذه والله أمها داعيتلها....ماحبيت أطولها معاه لأني شفته خلاص وصلت معاه...قمت قلتله هوّا ع العموم رمالي ورقة ....وفتحت شنطتي وطلعت ورقة صغيرة.....مكتوب عليها...أطعم زوج بالكون ...جوال رقم(...........وكتبت رقم زوجي..........)...أبغى أقابلك بمطعم(كتبت اسم مطعم مرة أحبه)......
بهذي اللحظة وجهه انقلب 180درجة ...طبعا طلعنا للمطعم وانبسطنا..........

• للأمانة هذي الحركة بابا سواها لماما بس كتبتها لكم للاستفادة...قبل فترة بابا اشترى لمام عطر مذهلة واشترالها قميص نوم من نعومي ...وغلف العطر بالقميص...يعني حط العطر بوسط القميص ومسكه من فوق وربطه بشريطة حمرا...وخلى الجزء اللي فوق من القميص مبروم ع شكل وردة...وعلق في الشريطة الحمرا كارد مكتوب عليه...الى حبيبتي المذهلة...

12-هذي الخلطة من ابتكاري كل اللي تحتاجيه:
قارورة جليسرين سائل كبيرة-بودرة أطفال-تولة مسك أبيض-مسك أبيض جامد 4 قطع....
اخلطي الجليسرين مع البودرة كويس بعدين ضيفيلهم التولة بالأخير اطحني المسك الجامد وضيفيهم عليهم...واحتفظي فيهم بعلبة بالحمام(أكرمكم الله)...وكل مرة امسحي منها ع المناطق الحساسة...
وخلي جزء من الخلطة بعلبة لوحدها...وحطي منها بعد ماتستحمي خلف اذنك وعند ثنية اليد من الكوع وبالابطين وعند ثنية الركبة وشوفي الريحة الحلوة والنعومة...
فوايدها:الجليسرين:يفتح+ينعم+ير طب+طعمه حلو زي السكر.
البودرة:ريحتها حلوة+تنعم.
المسك السائل:ريحته جنان +معقم+يشد المنطقة الحساسة لأن فيه مادة قابضة.(رسولنا الكريم عليه الصلاة والسلام وصى فيه).
المسك الجامد:ريحته حلوة +يعقم+يشد+يعطي لمعة حلوة زي الكريستال.
13-اذا كان زوجك من اللي يحبو الكتب...اهديله كتاب وارسليله رسالة بوسط الكتاب من نفس مضمون الموضوع اللي يتكلم عنه الكتاب راح أشرحلكم الطريقة من خلال اللي سويته أنا:
زوجي يحب الكتب التاريخية والسياسية...وهو دراسته نفس دراستي(لغات أجنبية) يعني يحب الكتب الأجنبية...
المهم اشتريتله كتاب يتكلم عن تاريخ أوروبا القديم وكان باللغة الانجليزية...وبديت أفتح صفحة صفحة ومعايا قلم أحمر وأحدد ع بعض الكلمات بالقلم مثلا:
أول صفحة حددت ع كلمت منذ والصفحة اللي بعدها عصور قديمة وبعدها بحوالي عشر صفحات حددت ع كلمة اجتاحت جيوش وبعدها بثلاث صفحات حددت كلمة الحب.....................وكذا ألين نهاية الكتاب...

وصارت هذي الرسالة:

منذ عصور قديمة اجتاحت جيوش الحب جسدي واستعمرت قلبي ومن حينها أصحبت متيمة بك...وأصبحت موانئي العذراء الصغيرة لاترسو فيها الا سفنك...لن أسلم الراية لغيري كما سلم العرب أسبانيالغيرهم...ولن أتنازل عن ملكيتك لي كما فعلوا......................... ..........................الخ.
كانت رسالة طويلة حلوة...يعني هو راح يلاقي بعض الكلمات محددة لو قراها مع بعض من أول الكتاب لآخره راح تكون رسالة أو جملة حلوة....وأنا ألفت هذي الرسالة لأنهاتتماشى مع مضمون الكتاب.......
واخترت وحدة من صورنا أنا وهوا مع بعض...وسويتها ع السكانر وخليت ألوانها رمادي وسويتها بالفوتوبروش كأنها قديمة ومقطعة وهريانة ...طبعتها وحطيتها بأول الكتاب....لأن الكتاب تاريخي فلازم تكون الصورة تاريخية.
هذي بعض افكاري المتواضعة أتمنى انها تعجبكم وتستفيدوا منها...أعرف ان ماعليكم زود ماشاء الله عليكم...بس كتبتلكم اللي عندي لأنها أشياء بسيطة وعفوية تقدري تسويها بأيّا وقت بلاجهد ولاتكلفة ...واذا لقيت وقت باذن الله راح أكتبلكم الباقي...
ورجاء اللي بتنقل أي موضوع ليّا تكتب انه منقول من عالم حواء للعضوة رنو....وغير كذا ماراح أسامح...
ابي ارائكم على افكارها .... الصراحه عجبتني مره