كلمه حق اكتيبها لاخوي وزوجته

الله يسخرهم لبعض ويصلح بينهم لا هو ولا هي المفروض ما احد يدخل الاهل بينهم وفي مشاكلهم لا نها بتكبر زياده واكثروا من الاستغفار وقراءه سوره البقره يوميا وابحثوا عن فضلها

المفروض مايدخلون أهلهم بالموضوع ولا يسمحون لهم لانهم راح يتمادون
وبعدين البنت المفروض توقف أهلها عند حدهم ولا تسمع كلامهم حلو أو شين
والمفروض الرجل يثبت شخصيتة ويقول هاذي البيت بيتي بتجلس تجلس الله يحيها وماتبي حطلها يابوه بيت وأجلس معها يابوها
ولا ياخذ زوجتة ويصكر أذنة ويخليها ماتزور أهلها لمدة أسبوعين بس علشان يخافون ومايتدخلون
عصبت صح هههعههه بعذري

مشكورين على ردودكم والله اتنمى لهم
الخير..ياليت توجهو نصايح لهم االاثنين
قبل ماتوصل الموضوع لنهاية مؤسفه..

اول شي ربي يسخرهم لبعض ويبعد عنهم عيون الناس ,,, اللهم آمين آمين
بما انك قلتي ان اثنينهم بيقروا الموضوع
فرسالتي الأولى بتكون للزوجه....
اختي في الله اتمنى ان تكون كلماتي خفيفه عليكي كي تري فيها الحل الأمثل والسعاده الأكبر بإذن الله
اختي اهلك على العين والراس ولازم تسمعي كلامهم ولكن بالأمور اللي تعنيهم واللي تفرض عليكي احترامهم تقديرهم برهم اولا وآخرا ولا تخلطي عليكي الأمور وتجعلي برهم بإنك تخربي بيتك والصورة اللي واضحه امامنا ان زوجك ما شاءالله يحبك ويبيك وهذا اللي تطمع فيه كل امرأة ان تحصل عليه من زوجها ( ربي يتمم عليكم ويبعد عنكم عيون الناس) يا اختي اهلك ما بيدومون لك الله يطول بأعمارهم طبعا بس الوحده فينا لا تزوجت دورت راحتها وراحت زوجها انتي اللي شايفته بعيد عن ضغوطات اهلك اجلسي بينك وبين نفسك جلة شوفي فيها كل محاسن زوجك وايش الأشياء اللي هو حاول انه يسوسها ويقدم لك اياها وشوفي هل يستاهل منك انك تثقلي كاهلو بشروط انتي بغنى عنها يا اختي الرجل سريعا ما يجد البديل خصوصا ان زوجك يمتلك صفات تتمناها كل فتاة ماشاء الله تبارك الله فلا تفرطي بوجك عشان اشياء ماديه ما لها داعي واظن لو نظرتي للولد اللي بينكم بتعرفي انه من الظلم ان تتركي ابوه علشان هالأساب وصدقيني اذا تطلقتي لا قدر الله اخوانك بتثاقلوا منك ومن ولدك حتى ابوك وامك لا تقولي اهلي بيكونوا احن منه لا والله اذا صرتي الهم الموجود ينهم بيصيروا يتثاقلوا منه اذا مرض او اذا ارتفعت حرارته .... الخ فكري كويس واستخيري وربي يهدي النفوس بينكم اللم آمين
رسالتي الثانيه للزوج ... اخي في الله زوجتك تعاني من ضغوط من قبل اهلها لاتستغني عنها وحاول تكلمها بكل الحب ولا تكون طرف ثالث ضاغط عليها استوعبها افهم هم ايش اللي يبوه بالضبط وحاول تحط زوجتك قدام الأمر الواقع انت تحبيني والا لأ ؟؟؟ اذا كانت تحبك من جد صدقني بتكون معك لو بحوش تراب بترضى تعيش معاك وانشالله ربي يألف بين قلوبكم اهم شي لا تحاول تحرمها اهلها بس حاول تتوصل لطريقة تفهمها ان اكثر من جدران الغرفه اللي احنا فيها لا احد يعرف باللي بينها وللأسف اكثر ما يدمر العوائل هو التدخل بالخصوصيات ولو البنت كانت حاطه حد لهالشي الأب والأم ما بيتدخلو ر بي يفرج همكم ويجمع بينكم على خير اللهم آمين

صراحه انها راح هي واهله يتعاملون معه بكذا واكثر لانه عطاهم وجه وتنازل لهم عن كل شي لكن لوهو رجال وشخصيته قويه كان هم اللي يمشون وراه اذا اكرمت الئيم تمردا وتشوفين كلامي وهذا واقع الناس الان الا من رحم ربي

الاخت حوريه كفت ووفت
والله يصلح مابينهم

اشكركم ياافراشات وماقصرتو
ارجو تفاعل الباقي

السلام عليكم
رسالتي للزوجه تري ماينفعك في هالزمن إلا زوجك والرجال بطبيعته بيمل حتى لو كان يموت فيك وصدقيني بكره لاقدر الله وصار شي مابينفعونك خواتك ولا أبوك ومايبنادونك إلا يالمطلقه هذا واقع مجتمعنا وبعدين كويس بيت ملك حتى لو شعبي خليك ذكيه وجمعي فلوس الإجارات للشقق وكلها سنتين ولاثلاث وأنتو شارين لكم فله والسعاده في القلب يالغاليه ......

الله يالف ما بينهما