كل الغ يمه لا

يمّه ..وإذا قلت... يمّه فزّت أوجاعي.........أحس في نطقها لّذة مع دموعي
يمّه.. ترى مابقى منّي سوى أضلاعي.. لا والله ..إلا أنا الباقي من ضلوعي
تترتب ..ف صفحة الأحزان.. أوضاعي... ويتبعثر إللي قرى آهات موضوعي
يمّه.. ترى أطفال حظي.. ناموا جياعي.. مايشبع الهم.. يمّه ..غير من جوعي
بالأمس كان الزمن لي غصب مطواعي... واليوم حتى أنا...ماني على طوعي !!
لي أصل ثابت ولا قد مال عن قاعي.. بس البلا.. كيف يبْسَتْ ..عالي فروعي
كنت أحسب إنه فخر لاهبّ ..ذعذاعي.. وأثري انخدعت وطفيت بنفسي شموعي!
أرحل من الضيم مالاقيت فّزاعي.. وأرجع.. ويبكي على خذلاني.. رجوعي
كل الغيوم ف حياتي مالها داعي.... لاصار.. لامن حكت.....ماتذكر ربوعي
وحدة...وشعر...وسهر.. هذي هي أنواعي.. غربة وفرقا أهل...هذي هي جموعي
وإللي بسببها لقيت.. القلب ملتاعي... راحت.. وصافي سماها ...يرفض طلوعي
ياذيب الأيام...... جرحي كذبة الراعي ......إنهش.. وناي العمر... ماهو ب مسموعي
من قبل موتي... لفتني ونّة الناعي... ومن قبل لا أحيا ...هلكت.. وجفّ ينبوعي
يمّه ترى رضاك ....أول وآخر ..أطماعي....... لا لا يهمك.. عذابٍ كسّر ضلوعي
لاصار بّرك ..هو أجمل شي ف أطباعي ...لابدّ في يوم ..يثمر. خير ف جذوعي