كل شئ عن التربيه الخاصة

تسلمين اختي على الموضوع المفيد
انا حبيت استفسر عنه بعني ايش يدرس وش مواضيعه
وهو يدخل في مجال علم النفس

اهلين يا قلبي..
كنت برد عالخاص لكن مشاركاتي قليله>>توها جديده
طبعا قسم التربيه الخاصة قسم مستقل ماله علاقه بعلم النفس الافي بعض
المواد ..
طبعا فيه مسارات كثيرة تقدرين تدخلينها
1- الاعاقة العقليه وتتوظفين بعدين في مراكز الاعاقة العقليه او في مدارس الدمج
20 الاعاقة البصريه راح يكون شغلك مع اطلاب الكفيفي البصر
3- الاعاقة السمعية.. طبعا مع الطلاب الصم في مراكز الصم
4- الاضطرابات السلوكيه (النشاط الزائد , العناد والمشاكل السلوكيه
5- التفوق والموهبه
6- صعوبات التعلم طبعا راح تتوظفين في مدرسه عاديه ويكون شغلك مع اطفال عاديين الا انهم يعانون من صعوبه في تعلم بعض الموااد..
طبعا انا ما اعرف ايش المسارات المفتوحه في الدمام لكن في الرياض المسارات المفتوحه الاعاقة العقلية والاعاقة السمعيه والاضطرابات السلوكية وصعوبات التعلم..
لكن هذا ما يهم لأنك ما راح تخصصين الا بعد نها ية السنه الثانيه تبدين تختارين لك واحد من هالمسارات..يعني اول سنتين تدرسن التربيه الخاصة بشكل عام..
انصحك تدخلينه ااذا كنت تحبين تشتغلين مع الاطفال المعاقين وهو قسم ممتع وسهل.
وحيااك الله واذا عندك اي اسئله اسئلي لا يردك الا كيبوردك..

مساءالخير حبيبتي
حبيت استفسر منك عن قسم التربيه الخاصه
كم يقبلون نسبه واي جامعه او كليه تنصحيني بالرياض ..؟؟
ومشكور مااقصرتي والله ..

اهلين ملاك الرياض..مساء الورد
طبعا في الرياض ما فيه تربيه خاصة الا في جامعة الملك سعود بعليشة
النسب تختلف من ترم لآخر لكن الترم الماضي قفل على 96
لكن بإمكانك تتدخلين كلية التربيه بعدين تحولين على طول اذا جبتي معدل حلو..
او انك تدخلين كلية خدمة المجتمع التابعه لجامعة الملك سعود لكنها برسوم..
اتمنى اني افدتك..

طيب ياقلبي اهم يشترطون مقابله يعني أسئله ولالا الله يوفقك

بجده فيه بالجامعه تربيه خاصه والا لا

اهلين روزاليا السنه الماضيه ما كان فيه مقابله والى الان ماراح يكون فيه مقابله
وحتى لو كان فيه مقابله بتكون للتأكد انك ما عندك ا اعاقه خصوصا في النطق
واساسا القبول فوري فلا تشيلي هم المقابله ابدا..
...............................
اهلين دلوله جامعة الملك عبد العزيز ما فيه لكن موجود هالتخصص في الجامعات الاهليه
في جده..

أهلين أختي المتفائله بغيت اسألك وين ممكن تشتغلين اذا تخرجتي واخر سنه بالجامعه تروحون تدرسون ولا شلون تطبقون

صباح الخير .... فراشات ....
أنا فراشه جديده ...... وأنا تخصص تربيه خاصه
والسنه هدي اللي بتجي عندي مشاهده وخايفه كثير
الله يستر منها .....