الرسم علي الاظافر او وضع الملصقات الخاصة

الجاازي**وبس*

28-04-2022 - 04:43 am

الي اللي عندهم الخبرة في الاظافر انا نفسي في ان اضافري تكون مربعة وقوية واريد الرسومات عليها ولكن كيف؟؟؟؟؟يعني وين الاقي الرسومات تكون جاهزة وشو رايكم فبها لاني قرات ان فية جهاز خاص لذلك فياليت اللي تعرف تقول لنا

التعليقات (9)

اموولي

28-04-2022 - 07:49 am

هلا اختي الجازي .................
روحي الصالون بعد ما تطولين اظافرك وهم يسوونها لج ، اما عن نقوش الاظافر والحركات هذي انه اخذها جاهزة في كل مكان موجوده اعتقد تلاقين رسومات بعضها بالماي تحطينها وبعدين تطلينها بالشفاف .
وانا شفت عندنا بالبحرين بمجمع السيف فلبينيه عندها حركات فظيعه للأظافر عبارة عن قطعه حديد مدورة بها نقوش محفورة يعني تحطين اللون على الحديد وبعدين نفس الختم تختمين على الاظافر وتصير بالظفر نقشات انتي تختارينها وسهل استخدامها وايد . تجي بعلبه معاها كم شغله
وسعرها كان بحدود 90 ريال (( مو غاليه لأنها حديد وتبقى عندج سنين ))
انتمنى اني وضحت لج
مع الف سلا امه

"الصغيرونة"

28-04-2022 - 08:50 am

مرة روعه تسلمين حبيبتي ع موضوعك ولاتحرمنا ابد من جديدكي

الجاازي**وبس*

28-04-2022 - 09:51 am

اخت امولي مشكورة بس وين الاقيها في السيف وشو اسم المحل لو سمحتي والاخت الغالية الصغيرونة مشكورة علي المرور والي الفراشات المتواجدين بالمنطقة الشرقية (الخبر الدمام الاحساء)وين نلاقيها

الناعسه

28-04-2022 - 10:52 am

هلا بالجازي وبس
وينك يالغلا وحشتنا مواضيعج
اتمنى انج تلاقي ما تبحثي عنه وعلى سالفة الاظافر عندنا بقطر صارت هناك صوالين خاصه لليد والارجل وتزيينهم وطلائهم
مثل محل فرنسي بالاند مارك وصالون الانامل الذهبيه بسوق غرناطه
الصراحه وفروا علينا العنوه للبحث كل شئ متوفر
اتمنى الكل يتفاعل مع موضوعج
كوني الاجمل
الناعسة

ديمــــــــــــــــــــا

28-04-2022 - 11:53 am

ولله يالجازي انا معاك انا مرره احب هالاشكال .. وفيه احيانا تجي على شكل خرز بارز ومميزه تصلح للسهرات..
وصعبه صراحه كل طلعه نروح الصالون نسوي اظافرنا بالبيت تكون افضل بكثير ..
وعجبتني سالفه الختم اللي في السيف .. ياليت يااختي تقولين اسم محل هذي الفلبينيه بالضبط

دمعه

28-04-2022 - 12:54 pm

بما انك في الشرقيه حياتي اقدر اساعدك طبعا تعرفين محل اكسترا بالخبر
في عندهم الاله خاصه للرسم على الاظافر و طريقتها نفس الشي حديد و ختم اتمنى اني افدتك حياتي

ريم الفلق

28-04-2022 - 01:55 pm

أختي الجازي ..أنا شفت في مجمع البحرين عندنا ..قريب من جيان في كبينه صغيرة تبيع فيها بنت صغيرة متحجبة ... وايد عجبوني .. وسعرهم زين ووايد سهل استخدام الرسومات ولا تحتاجين لجهاز ولا شي والاشكال كلها كأنه سعر الطباعة والأصباغ بألوان كثيرة ورسومات مختلفة ب 15 دينار بحريني بس ..كأنه اختي اموولي قالت لج عنهم بس في السيف مالها

الحنان3

28-04-2022 - 02:56 pm

حبيباتي اللي تعرف وين ألاقيها بالرياض تقولي الله يجزاها خير
وياليت يكون بأسرع وقت ممكن
تقبلوا تحياتي

الجاازي**وبس*

28-04-2022 - 03:57 pm

بحاول اسال عن محل اكسترا بالخبر واذا اشتريتها بقولكم عن السعر والنتيجة واشكر كل من شاركتنيمن اعماق قلبي

شدو جديد يلمع←
ايش رايكم في ماركة كلارينس→