كل ماتتمنيه لزوجك الحبيب شامل ومتجدد

عزيزتي صدى السعوديه أفكارك دائمآ رائعه ومتجددة وبالنسبه لي انا أستفدت كثير من مواضيعك
وهذه الفكرة اليوم رهيبه جدآ وننتظر الجديد فيها
وجزاك الله ألف خير
:salpiglos

لو عندك يوم تبين تعزمين زوجك داخل البيت إليك بعض الأفكار
1/
أنوار
تشترين الأنوار الي تنور وتطفي نفس اللي يحطونها وحده أن كانت طويله أكثر من مترين أو أشتري لك ثنتين منهم
تعلقينهم على الحائط على شكل قلب
وبوسط القلب حطي لوحه حمرا وخلفيتها لونه أبيض أو العكس
وتكتبين على اللوحه القلب بداخلها (( كل عام وأنت الحب ))
2/
بالونات الغاز
تشترين البالونات المعبيه بغاز الهيدروجين حتى تكون طايره ومعلقه وملاصقه للسقف ( والعدد اللي يكفيكِ ويفضل تكثرين منها )
طبعاً قبل ماتتركينها تتطير وتلصق بالسقف تربطينها بخيط طويل بحيث تكون البالونه ملامسه للسقف والخيط نازل عند مستوى نظرك
وبأخر كل خيط للبالونات مربوط كارت على شكل قلب متوسط ومكتوب بكل قلب كلمه رومانسي تهديها لزوجك ويكون بقلم الصمغ اللامع
(( كل سنة تمر علينا يزيد حبك في قلبي ))
(( أحبك يانبض القلب ))
(( أنت شمعة حياتي ))
وهكذا 000
الان نجي لترتيب البالونات
طبعاً تتركين حوالي 5 بالونات بالمكان اللي راح ترتبينه للسهره ملامسين بالسقف نفس ماشرحته لك ويكون حوالين الطاولة اللي راح ترتبين عليها الكاتو والشمع 00 الخ
وكمان تتركي وحده عند البوابة الرئيسيه لانك راح تكتبي فيها كارت الدعوه
وتوزعي كم وحده طول الطريق من الباب الرئيسي الى مكان السهره
وتثبتي مجموعه منهم على الأرض مثلاً 2 أو 3 بمكان السهره
بالونات معبيه بالأوكسجين << يعني أنتِ اللي تمليها بالهواء
تكون مبثوثه بالأرض وتكتبين عليهم كلهم (( أحبك ))
3/
الطاولة
تفرشين الطاولة بمفرش أبيض وترتبين عليها المناديل وتجبين لك قصاصات ورق على شكل قلوب حمرا أو ورق الورده تقطعينها ورقه ورقه
وتوزعينهم على الطاوله بشكل عشوائي بس مو تخلينها مره كثير حتى ماتكون الطاوله شكلها دش
وتحطين شيفون هذا الشيفون عاد لازم يكون بنفس لون اللبس اللي راح تلبسيه وتحطينه بشكل أتيكيت على الطاوله وكأنه بالنص مبروم وفوقه الكيكه مكتوب عليها (( كل عام وأنت الحب )) أو (( أحبك موت )) وتكتبين كمان عدد السنوات لزواجكم
وترتبين كل شئ
4/
تحطين فواحه 00 وتشغلين كاست لشعر بصوتك لو حبيتي أو بصوت شاعر تهدينه له بهذا اليوم
بوابة الدخول
عند البوابه الرئيسيه مثل ما أتفقنا تكون عند البوابه وحده من البالونات الي معبيه بالغاز وبأخر الخيط معلق فيها كارت مكتوب عليها الدعوه بطريقه رومانسية وحلوه
(( كل عام وأنت الحب ))
6/
تبخرين المكان وتعطريه
7/
الهدية
طقم عطور من بودي شوب + أو درع خشب محفور عليه رسالة غراميه + أو كاسيت يكون بصوتك لشعر مع خلفيه لصوت أمواج البحر أو عصافير تغلفينه + أو برواز اللي يكون فيها جهتين جهه تدخلين فيه صورة له والجهه الثانيه كلام رومانسي أو رسالة غراميه أو أبيات شعر تكتبيها بالكمبيوتر وتدخلينها داخل البرواز
مع رسالة غرامية
طبعاً أختاري اللي يعجبك من الهدايا وحطيه داخل بوكس 00 والبوكس حطيها في شنطه السياره (( الدبه )) طبعاً من غير مايدري
وباقة ورد روز قدميها له بهذي الليله
لكن الهديه فاجئيه بيها بعد مايصعد السياره تكوني تاركه كارت على مقعد السياره (( تخبريه أن في هديه له بشنطة السيارة أو المقعد الخلفي ))
أو بدال الكارت تتركيه بعد مايمشي بالسياره ترسلين له مسج على الجوال
8/
ولبسي لبس ستايل حق سهره وميك أب سهره
9/
البانيو
تشعلين شموع عطريه وتنثرين زهور في البانيو بعد ماتعبيه مويه وتجهزين زيت الأفندر أو البابونج أو رغوة الفواكة المنعشه
خلصنا
وأن شاء الله يعجبك
وباقي الأفكار بعد الردود

عزيزتي huda2500 شكرا لك وأذا تحتاجين أي افكار ياليت تكتبينها هنا ليكن مرجع للأسئله والأجوبه لكي نستفيدجميعا
وتابعي معنا باقي الأفكار
تحياتي لك.........

افكار روعه يعطيكي الف عافيه

غاليتي حركات جميله جدا إن شاء الله نجربها

حركاتك جميلة وبسيطة
كل الشكر لك يا صدى الحرمان

تسلمي ويعطيكِ العافيه
نجربها بعد الولاده وش ورانا ههه
.. تحيآتي ..

الماسه
شكرا لمرورك الكريم
ملاك البشر
جربيها وبالتوفيق وشكرا لتنويرك الموضوع
hms
شكرا لمرورك وأنا أسمي صدى السعوديه يا هموسه
موج
تقومي بالسلامه وجربيها بهناء وسعاده وشكرا لمرورك
ولكن ماقلتوا لي نكمل ولا لأ

,واو افكار جداً رائعه
وجهد تشكرين عليه حبيبتي