كل مغطى مشفوق عليه

السلام عليكم
حبيباتي في قعدة حريم تعرفون الحريم وسوالفهن قامو يسولفون عن الحياة الزوجيه(يعني مؤدبة)
المهم انتو فاهمين قامت كل وحدة تقول طريقتها وسوالفها وحركاتها
(لحد يتفلسف رجاء يسولفون عن طريقتهن في جذب الزوج مو اسرارهن الخاصة)
المهم وعجوز من امهاتنا قاعده
قالت م مالت عليكن ما عرفنا اللي انتو تسونه ولا الي تلبسونه
وماعافونا رجالنا (قلت بقلبي والله لو عالايامك هالسوالف ما تقصرين)
اصلا فيه خير يشوف وجهي..............
قلت لها ليش قالت يابنتي كل مغطى مشفوق عليه
مالومه (عشرت عمر ولاشاف وجهج يبي يستكشف)
بس دارت براسي الفكرة
فعلا كل مغطى مشفوق عليه وانا مجربه بس مو ذكاء خلفا الله علي
سحى (البنت خجولة)
عشان جذي نصيحتي لج عزيزتي الزوجة الثقل مرة جذي ومرة جذي عشان ما يمل منج
يعني حاولي دايما تحسسينه انج عروس وانج خجلانه ترى رجالنا يحبون الحيا
والمره العربيه بطبيعتها خجولة
لامانع انج تفاجئينه مرة بحركة بلبس معين بس مو دايما عشان ما يدخل الملل حياتكم الخاصة
اذا تميتي دايما.. تفتشي... خلاص بيحفظج ويمل
خاص للعرايس والمقبلات على الزواج
وكل مغطى مشفوق عليه
مع حبي