كل من ردت على موضوعي الفزعه حفل ترقية زوجي ادخلو لاهنتو

1. الله يعطيكم الف عافيه ...............


2. قال انتي خبله ...يمزح

هلا ومرحبا بااحلى فراشات ......حبيت ابشركم اني سويت حفله لزوجي بمناسبة ترقيته في عمله ...بس اول شي حبيت اشكر كل وحده ردت على موضوعي واضافت لي افكار شكر كبير ويارب انك تسعدهم وتهنيهم وترزقهم الجنه يارب وهم .......
(((mmlo...عرائس الطيف ..دلوعة زوجها .سرو مافي منو ..tootiy..حلاتي بعباتي شكر خاص جدا لك ...لودي..كيكة الجالكسي.. جودان ..soory..فرح والم ماقصرتي يالغاليه ...وش الدنا بليا طاريك)))))

الله يعطيكم الف عافيه ...............

نجي للحفله .المشكله اني مااعرف احمل صور بس بقولكم ..صراحه كانت جدا رائعه وسريعه في نفس الوقت وسويتها بيت اهله رحت لهم المغرب وقبل كذا وصيت محل الورد يعمل لي طوق ورد واخذته وطبعت صوره على ورقه كبيره ومبروزه وفيها فوتو شوب روعه جدا واخذتها معي ورحت لهم وسوينا المعجنات انواع واشكال وبعدكذا جهزنا المكان وعبيينا المكان كله بالونات في الجدار والارض والسقف والممر وماقصرو معي اخوان زوجي جهزو لي شاشة البلازما وتركيب الصوت على المسرح المنزلي تعاونهم وفرحتهم شعور لايوصف ..وام زوجي هي اللي جهزت الاكل وحمواتي هم اللي اشتركو معي في البالونات وتعليقها واخواني بعد هم اللي جابو لي الكيكه ودخلو معي وصورتهم وصورت المكان بكاميرا ديجيتال ...تخيلو كل هذا وزوجي ماجا وكان كل خوفي يجينا فجاه بس هاليوم كأنه حاس كل شوي ويجينا ياناس حاولت اصرفه بس مافيه كل هذا عشان مايحس وتخيلو يجينا مره ثانيه ونقوله لاتدخل ذا المكان هينا صديقات اختك ويجي مره ثانيه خلص الاكل نقوله رح رح ندق عليك ((ورطه))
المهم اخته صورتنا انا معه اول مايدخل تفاجأ حيل مستغرب من المكان ويقول ليه هذا كله ..قلت له كل هذا عشان ترقيتك وحطينا سي دي ورقصنا حواليه ولبست الاطفال طرابيش ...وبعد كذا قص الكيكه وجلسنا نرتاح شوي وناكل ((لانه كان حده جوعان ))وبعد كذا جلسنا نشوف عرض الباور بوينت ...
وفي الاخير اهديته الدرع وهاذي بعد تفاجأمنها حيل وحسيته في هاللحظه وده يلمني بس مستحي ((خساره ...امزح)).....بس انا تحسفت على شي وهو اني تمنيت اهديه في الشقه بس يالله انا حبيت اخلي الحفل مثل اللي يسوون في التلفزيون.. وبعد كذا لبسني الطوق ..
واكثرشي فرح زوجي ان الحفله كانت بيت اهله لانه وقتها حس بفرحة وحب وتعاون اخوانه وقال لي
الفين شكر لانك سويتيها بيت اهلي
قال راح اردها لك ان شاء الله
قال راح اعوضك

قال انتي خبله ...يمزح

هاه حبيباتي هاذي حفلتي الدرع والكيكه وطوق الورد وبراوز لصوره وعرض باور بوينت وورود مجففه وبالونات وحركات في الاكل ...
وفي الاخير اتمنى ماثقلت عليكم والف الف الف شكر .. وحبيت اقولكم الحفلات الرومانسيه لها طعم خاص جدا مع الزوج لحاله بس هذا مايمنع اني اسوي حفله وحده بيت اهله بمناسبه عامه مثل ترقيه يعني اللي بقوله حفله وحده ماتضر مع اهله وحفله مع الزوج لحاله لها طعم خاص وحفله مع اهله لها طعم ثاني ..
واسال الله يقبل منا يارب ويسخر لنا ازواجنا ونعيش في حب للابد باذن اللح في ظل طاعة رب العالمين لكم مني اجمل تحيه....