كل واحدة وطريقتها في تنظيف مطبخها

ايه رايكم يا بنات كل واحدة تقولنا ترتيبها في تنظيف المطبخ وايه المنظفات اللى بتستعمليها بالنسبة لى
في ترتيب يومي وترتيب اسبوعي
الترتيب اليومي بجمع كل الصحون الكوبيات اللى عايزة غسيل واحطها في الحوض وابدأ اغسل المواعين ولما اخلص المع الرخامة او الاسطحوارتب كل حاجة في مكانها زي الاطباق وحلل الطبخ واكنس الارض او امسحها اذا كانت محتاجة
الترتيب الاسبوعي ارتب كل الدواليب واشوف المعلبات وكل الاكل اللى عندي اذا في حاجة بايظة او تاريخها منتهي اشيلها وارتب وانضف بعد كدة
انضف البوتاجاز وافرش عليه قصدير عشان مايتوسخش وباغير القصدير دة كل ما يحتاج يعني ممكن كل اسبوع وممكن اكتر لانى بشتغل ومش باقدر انضفه كل يوم وانضف الفرن كمان من جوه والميكرويف انضفه من جوة كويس ومن برة كمان
وبعد كدة التلاجة المعها من برة وبعدين اشوف الحاجات اللى جواها اشيلها وانضف الثلاجة بالمية والخل وصابون المواعين (فيري) والفريزر كمان وانشفها واسيبها تتهوى شوية وبعدين ارجع ارتب كل حاجة تانى
واخر حاجة بقى الارض لازم اكنسها وبعد كدة مية وديتول او داك وامسحه كويس وانشفه وبس
المنظفات : فيري لغسيل الصحون وتلميع الثلاجة والبوتجاز
ديتول وداك للارض وكلوروكس كمان للحوضعشان يلمع
طولت عليكم حكيت قصة حياتى بس يا ريت تتفاعلوا معايا وكلنا نقول طرقنا عشان نستفيد
memo