كما وعدتكم زواج اختي جربيرا كامل بالصور

1. ماشاء الله تبارك الله


2. زواج اختي وما ادراك ماحصل بزواج اختي الله يوفقها


3. ذوقها متعب وصعب بس الحمد لله ربك سهلها ولقينا من يبرد قلبها


4. انا تحمست بكمل


5. وفي يوم الزواج

حبيباتي فراشاتي سبق وطرحت تجربتي لاغلا الناس حبيباتي ... وعدتكم بموضوع سابق لزواج اختي جربيرا الله يوفقها انو انزل صور الزواج
وهذا كان نص الموضوع بس الفرق انو هالموضوع فية صور
وهذي الصور اوضح صور للزواج الباقية للأسف فيها الاهل وما اقدر انزلها
لكم مني تقديري واحترامي ....
حبيت المنتدى وتمنيت اشارك فيه والحمد لله جت الفرصة اطرح تجربتي واتمنى التفاعل منكم وان شا الله افيدكم وتتجنبون الاخطاء اللي تعرضت لها
بسم الله نبدا

ماشاء الله تبارك الله

زواج اختي وما ادراك ماحصل بزواج اختي الله يوفقها

اولا : الزواج تحدد في شهر 3وبدينا تجهيزاته ومثل ما انتم عارفين الحين لازم ديكورات القاعه تناسب شكل العروس من مسكة والوان وغيرة وهو يعكس ذوق العروس وشخصيتها قدام اهل زوجها هل العروس ناعمة ,كلاس، ذووق،تحب الصجة و....و.......و.....و
اختي ذوقها مرة صعب وجدا هادي وبالمرة كلاس <<<<<<مدري شلون اجتمعو بس من جد

ذوقها متعب وصعب بس الحمد لله ربك سهلها ولقينا من يبرد قلبها

اول شي بتكلم عن نفسي انا خيطت فستان سكري الصدر دانتيل فرنسي راقي ومن تحت الصدر قصة فيها شك واحجار شغل جونان ومن تحت الصدر طبقات على شكل بف طبقات عشوائيه وكل طبقة مزمومه بشكل البف اللي طايحين فيه الحين الموضة شكلي واو ومميز باين اني اخت العروس الكل سالني عن فستاني
وسويت تسريحة بف رفعت شعري ومن بعد الغرة حطيت جديلة والمكياج كان ذهبي وروجي زهر
الحمد لله راضية عن شكلي
وهذي صورة لتسريحتي بس الفرق بسيط انو من ورى مرفوعة وبعد تطعيجات الغرة جديلة مثل الطوق

انا تحمست بكمل

بدخل الحين في ترتيبات الزواج .......رحنا لمحل صاحبتة سعودية شفنا شغلها كان شغلها جونان ومرتب المهم واخترنا من عندها الكوشة والمسكة والطاولات والممر وطاولة التوقيع والاحلى عطتنا طاولة بعد العشا وتزين الحمامات هدية مررة الزواج كان منظم والاضاءات كانت جدا روعه
وقت الزفة هو المفاجأة للمعازيم لما طفوا الانوار وضحت انوار الكوشة
والممر بعد
اختي الله يسعدها جوها مع الزفة طلع خطير
بسما الله عليها شكلها وزفتها وكوشتها ومسكتها وفستانها طلعت ملكة الحفلة
وممتع والكل كان مبسوط والطقاقه تجنن خرشتنا و المكان يفتح النفس يخليك غصب تدورين وتتفرجين على كل شي بالزواج
يابنات ادعو لاختي بالتوفيق وراح اكمل لكم وش كان شكل الكوشة
صار عندي خبرة أي شي تبونه انا جاهزة بالخدمة

وفي يوم الزواج

جينا العصر للقاعه وانجنينا يوم دخلنا كل وحدة تقول للثانيه وش هذا !!!!!!!!!!!!!!!
لا مو معقول ؟؟؟؟؟؟؟؟؟؟؟؟؟؟؟ وخالاتي يصارخون من وين هذا وش انتم مسوين منتم صاحين كان الموقف مذهل بجد والكل تفاجئ من الترتيبات الحمد لله كانت رائعه بشكل مو معقول ومرتب وريحة الورد تغج بالمكان الورد مرة فرش
معليش حبيباتي ترى قصيت من الصورة لان الاهل فيها وهذي اوضح شي للكوشة بس حبيت تخشون جو معي
هذي الكوشة قبل تطفية الانوار
وبعد ماطفو الانوار كانت اقاعه ظلالالالالالالالالالالالالالالام الا الكوشة
مسكتها مرة رايقة ولاحضو التفاصيل حاطين لولو في الورد حتى الوردة الكبيرة نسيت اسمها حاطين فيها لولو بجد ابداع
وجلست عندنا كم يوم ماذبلت جففناها ذكرى الله يوفقها
هذى الي بعد العشا طبعاً هدية لان الزواج كلة سووة لنا
وامي الله يحفظها جابت العلوك والحلاو واللبان وحطتها فية
كنا حاطينها بغرفة لحد مايدخلون الناس ع العشا
بصراحة الزواج كلة و الورد يفتح النفس اخذنا باقه بعد ماخلص الزواج ذكرى
<<<<لا تضحكون علي
بس والله ثم والله ثم والله ان الباقه ماذبلت الابعد اسبوع يكفي انها من زواج اغلى الحبايب