كنآفه بقوالب السليكون روعه

السلام عليكم ورحمة الله وبركآته
يآصبآح الخير والبركه بالعشر الفظيلة " الله يبلغنا يآرب كل خير به
وش اخبآركم وش مسوين وش استعديتو بها العشر
صيآم " صدقه " ذكر " قرآن " صله <<< بآب الخير واسع يالله من فظلك
انا من يومين قمت الصبح فآضيه ماعندي شئ اسويه قلت انزل احآاول امطرس وابربس بالمطبخ
فتحت الفريزر ابي زبده لقيت تقريبآ ثلاث اربآع الزبده قلت يالله تمشي الحال
اخذت معها شوي كنآفه طبعا بمقدار الزبده اللي معي وبديت اشتغل عليها والحمدلله طلعت النتيجه حلوه
شوفو الصوره معي وبعده نشوف المقآدير والطريقه
طبعا انآ سويت الكنافه بقوالب السليكون القابله للحراره شكل ورد وقلوب
~" المقآدير "~
كنآفه
زبده
كأس كريمة خفق
2 كأس حليب سآئل بآرد
2 ملعقه نشاء
2 ملعقه طحين
3 ملعقه سكر
~" الطر يقه "~
نفرك الكنافه بالزبده ثمآ نوزع جزء منه بقوالب السليكون او اي قآلب عندك بعدين نجهز المقدير البآقيه ونحطهم بالخلاط ثمآ نحطهم بالقدر وعلى نار متوسطه
نبداء نقلب بشكل مستمر لين يثقل قوامه نحط الخلطه ثما نوزع بقيه الكنافه من فوق ونظغط عليهم خفيف
ثمآ على الفرن من تحت وفوق بعدهآ اقلبيهم زينيهم بالمكسرات " أي نوع تحبينه " ثما ياطويلة العمر حليه بالشيره او النستله
~" الشيره "~
كأس سكر + كأس ونصف ماء + عود قرفه + حبة دارسين
تحطينهم ع النار لين يبدء الغليان ثم تخففين النار وتبدين تقلبين لين يكون قوامه مثل الشيره وتوزعين اللي ترغبين فيه فوق الكنافه والباقي تغلفينه وع الثلاجه لأستخدام آخر
هذا وصلى الله وسلم على نبينا محمد
الله أكبر الله أكبر ولله الحمد الله أكبر الله أكبر لآإله إلا الله
الله أكبر كبيرآ والحمدلله كثيرآ ولآإله الا الله بكرة وأصيلآ
اختكم غروده