كنب الصالة عندي فوشيمن النوع المدرن

انا من رايي حطي الستاره سكري ساده او الافضل تفاحي ساده والشيفون الي جوا سكري بتطلع كثير حلوه

تسلمي ياقلبي على الرد يعطيك الف عافية

حطي اللون الاساسي ابيض وعليها ديكور فوشي اللي يجي مستطيل مربوط من الوسط والربطه خذي الفيونكات اللي كلها شغل وكرستال طبعا تكزن ممزوجه باللون التفاحي والابيض والفوشي
اتمنى فهمتي وش اقصد بالفكره!!!!

شوفي اهم شي في الستايل المودرن ومن شروطه تكون الستاره ساده مافيها نقوش او موديل اي شي حتى لو ناعم, وفي خيار ثاني, اللي تجي كدا تسحبيها من فوق لتحت على قد الشباك, تحصلي اشكال والوان من عند سيدار في شارع التحليه اذا كنتي في جده,...
وبالنسبه للون, اختاري اي لون تحبيه موجود في الوان المخده, والسجاده نفس الشي ياعسل ممكن مثلا تختاري الستاره او السجاده بني ...
اكتبي في بحث جوجل brown curtains
حتشوفي ستاير بني روعه, عشان تقتنعي باللون اكتر.. يعني الفوشي روعه مع البني, وماحيكتم الجلسه عشان غامق بالعكس اللون الفوشي في الكنب حينور المكان..
واي مساعده ثانيه انا جاهزه

هلا اختى ستائر المودرن لازم تكون ناعمه وبسيطه اماتكون ستاره من قماش خفيف وشيفون او ستاره رومانيه انا كنبى موديرن وفصلت ستائر المرسومه وان شاء الله تضبط

up لعيونك

لو كنبك فوشي خلي الستاره تفاحي تطلع مره حلوه وخلي مخدادتك تفاحي وبرتقالي والوان فرايحيه تطلع مره حلوه
اختي مسويه كنب فوشي والمخدات والظهريه ملونه الوان كتيره طالعه مره حلوه
^
^
زي كدا ممكن 3 ستائر جنب بعض وتحتها شيفون

سؤال لصاحبة الموضوع بليز من فين أخذتي الكنب الفوشي >> لقاآآآافه بس والله محتاجه أحط في غرفتي
وكمان fof_5 من فين أخذته أختك ؟؟؟ والخداديات الملونة من فين ألقاها في جدة ؟
بليز جاوبوني ولو عندكم صور يكون أحلى و أحلى >>>>
تمنيت إني أساعدك بس والله ما عندي فكره

الله يهنيك فبيتك ، ويسعدك ويتمم لك ربي على خير
شوفي حلو لو يكون الستارة الروماني اللي ينسحب على فوق
وتجي سكري من لون الكنب ..
وتحطي فوق ، شيفون من احد الالوان ، يكون قطعه وحده وتمسك على احد الاطراف
اقصد بالقطعه الوحده واللي تمسك على جنب .. هذي الصورة
شوفي هذا الموديل حلو
يعني اللي تحت الروماني يصير باللون السكري
والقطعه اللي فوق تصير من الشيفون مثلا لونها سكري وعلى نقوش صغيره من الوان الكنب
او يصير الشيفون سكري وعليه ورد كبار من الوان الكنب
مو شرط يصير على الجوانب طويل ... حتى لو قصير بس يعطي شكل حلو وغريب
بس اهم شي لا يصير مخطط .. عشان يبرز ويصير افخم ...
اذا اعجبك ردي ، فقولي الله يرزقك بالذرية الصالحه ..
تحياتي ..