كيس على المبيض الفراشات ذوات الخبره ساعدوني

الله خيوو يعطيش درية صالحة ويعطيني ويعطي المؤمنين اجمعين
خيوو تقريبا ان نفس حالتش
اني حملت ولما صار عمرة 3 اشهر اجهضت وبعدين عرفوا عندي اكياس كثيرة على المبيضين وشالوهم وصار عندي كل شي طبيعي طبعا عكس قبل كل شي مو طبيعي يعني لادورتي منتظمة ولا تبويضي زين والحين الحمدلله كل شي طبيعي والى الحين ما صار حمل ونصحوني اعمل عملية تلقيح
الله يوفقش ان شاء الله ..

يسلموو نور الامل الله لايهينك
الله يرزقنا جميعا بالذريه الصالحه ياحي ياقيوم

انا متزوجة من سنة ونص تقريبا .. بس بعد الزواج بشهر جاني الم فضيع في بطني وخاصة في جانبي الأيسر .. بعدين اكتشفت انه تكيس حجمة 10سم يعني كبير وايد ... وطبعا ما سويلي الجراحة على طول عشان يبون ايسوولي فحوصات وبغيت يسوونها منظار احسن من الجراحة .. لكن عشاني اتأخرت اسبوع الكيس التف على المبيض والتفافه على المبيض اكثر من ثلاث ساعات يؤدي الى تلف المبيض مما يؤدي الى استأصاله ... وهذا الي صار لي كان الكيس ملفوف من اسبوع كامل وانا احس بالألم وصار اللي صار واضطرو انهم يشيلونه بشق البطن لان حجم الكيس مع المبيض صار كبير .. والمبيض كان تالف ومحتقن .. الحمدله بس ان لحقوا عليه لان لو طول اكثر كان ممكن ان المبيض التالف والدم الفاسد المتجمع يؤدي الى السرطان .. الله يبعدنا ويبعدكم عنه ان شاء الله ..... لو منك بروح على طول اشيله بمنظار وأسلم .. وأظمن مبايضي ... أحسن من ان تكوني بمبيض واحد مثلي ....
الله يعافينا ويعافيكم جميعا
وأرجوكم لا تنسوني بالدعاء

يسلموو امارتيه ماقصرتي
شكلي بروح اسوي منظار وافتك
الله يرزق الجميع

الله يوفقك حبيبتي .. ويعوضني ويعوضك كل خير ...
وتعرفي اذا حملتي وانت فيك كيس لازم تستني الين ما تولدين عشان يشيلون الكيس
الله يوفقك .. ولا تخافين بالمنظار ما تبقين بالمستشفى الا يوم واحد وبالكثير يومين بس مو أنا اسبوعين
يارب يرزكم ويرزقنا بالذريه الصالحة ان شاء الله

حبيبتي شوو رأي الدكاترةاكتر من دكتور لأن انا كان عندي تكيس على المبيض بس الحمد لله بحبوب منع الحمل راحت بس الى الان ما صار معي حمل الله يرزقني والجميع ان شاء الله بالذرية الصالحة

يسلمو جميعا الله يرزقنا
اختي مياده... انا الدكاتره نصحوني بالمنظار عشان يتأكد من الانابيب والرحم