كيف اخليه يتعلق فيني اكثر

الخجل في الملكه حلو
بس لا افراط ولا تفريط لا تكوني بزياده خجوله عشان ما يمل ولا تكوني جريئه عشان ما تطيحين من عينه
يعني ما بين وبين
لانها ايام حلوه و ما تنعاد
والله يهنيكم يا رب

فراشتي العزيزة الولة أولاً مبروك الملجة وثانياً الله يوفقلج إن شاء الله ويسعدج ويهنيج وثالثاً بالنسبة حق سؤالج إللي طرحتية أوصيج بالصدق والصراحة بينج وبين زوجج خلج على طبيعتج قومي وقعدي وإكلي وشربي على راحتج مثل ماتاكلين وتشربين مع هلج وسوالفج خليها دايماً جادة معاه إلا ماندر عشان إحس إنج بنت جادة ومش من البنات الدلوعات لكن على دلع وخفة دم أكلية بيدج وشربية بعد بيدج وقوليلة شنو تبي على العشى في الزيارة الجاية تعدلي عدل وتعطري وتبخري وخلج رقيقة ولا تبالغين لأن الرجل بطبيعته ما يحب المبالغة وأهم شي خلج على طبيعتج هاذي وصيتي وبجوفين إذا ما مات في دباديبج.

بصراحه وفي نظري انا اقول لكى عيشي حياتك ولا تساليه وين كنت او حتى تضايقه في سؤال عن اهله لانه بيفتكر انك تكرهيهم
بس يعني مش مره ما تسالين اله بس بمعقول
واذا كان زوجك من النوع المزاج حاول انك تعشين على حسب مزاجه وبدون اهتمام زائد واذا شفتيه معصب
اتركيه حتى يهدى ولا تساليه ليش معصب لانه هو من نفسه بيقول ولا تحاولين تحلين المشكله وخاصه اذا كانت من قبل اهله
لانه بطيح على راسك اذا حاولتي المساعده

حبيت أبارك لك وأقولك خلك طبيعيه معاه
والله يوفقكم
ميعاد

غاليتي كوني على طبيعتكي لا تتصنعي
ولا تكوني جريئه عشان الرجال مايحب الي تكون جريئه
والله يتمملك على خير
ولك تحياتي

اقرائى عن المواضيع المتعلقه بالحياة الزوجية

مشكورات يا فراشات يا حلوات